5 Sɔ̂l píkŋɛ ŋɡɔ: «A ɡu wɔ̌ Ndɛ?» Ŋɡɑŋ pʉ̈ɔt ŋɡɔ: «Mɔ Yɛ́su. Ɔ tsɔ́Ꞌ pɑꞋnɛ pɔ ku yɑ́ɑ kɛpɔŋ.
Tɛ mbɑ pɑ́Ꞌ ɛ́ kɑ pɔ́ yɛcɔ́ ŋkɑ́, ɛ sẅiŋɛ nǔu wɛ́ kɛpɔŋ, ńtsɔ́Ꞌ ku-pʉɔ pɛ́ kɛpɔŋ, ńzɔɔtɛ Sɛ́. A kɑ tsɑ́ɑ mɛjʉ́ŋ mɑ́ɑ, mbíꞋŋɡɔ ŋ kɑ pɔ́ ŋ́ɡɛ kɛ́ jí yúu mi ŋ ɡɛnɛ, mbɔ mɔ ŋ́kɑɑ zɑ́p tʉ́m nǔu wɛ́ pɔ́.
Mbɑ mɔ yɑ́ɑ, ŋ kɑ pɔ́ ŋ́kwɑŋɛ ŋɡɔ, ŋ ɡʉ ńdɔk ntsɔ ńdʉ̈ɔ́Ꞌ Yɛ́su mɔ́ɔ-tʉ́sɔŋ-Nɑ̌zɑlɛt, nǔu mɛshʉ́ tsʉʉ.
Pɛkŋɛ lɑɑ ŋ́ɡɛ pɔ́Ꞌɔ, mbɔ pɛkŋɛ kɑ́ pɔ́ ńdɔk ńdɔɔ ŋɡɔ lɔ́ŋ-Tsɑpʉɔ zɑ́ŋ mbíꞋ wɛkŋɛ pɔ́ ɔɔ? Pɛkŋɛ tɛn ńdɛɛ wɛ́?
Ŋ́kɛ́ ɛ́fú mbɔ̌ Sɛ́, mbɔ ɛ́ lɑɑ ḿbɔ́ pʉʉ pɔɔ kuꞋ nɛtɑ́k pɔ́. Pʉʉ pɑ́ɑ pɑ́Ꞌ ɛ́ lɑɑ ḿbɔ́ pʉʉ lʉ́ɔꞋ Sɛ́ nɛ́ ntsɔ.» Pɔ́p pɛ́m nu yi Ŋɡɑmɑlíyɛ̂l cúnɛ,
A tsɔ́Ꞌnɛ ḿvu sɛ́, ńzúꞋ ŋɡi-ŋu cú mbɔ̌ wɛ́ ŋɡɔ: «Sɔ̂l, Sɔ̂l, ɔ tsɔ́Ꞌ ku yɑ́ɑ kɛpɔŋ mɛlɑ́Ꞌ kʉ̈ɔ́?»
Lɑ́, kɛ ńdɔ sɛ́ ŋ́ɡʉ nɛ́ tʉ́sɔŋ. Ɔ ɡʉ ŋ́kúu zúꞋu, pɛ́ sẅíi wú nɛ́ yúu mi ɛ́ sɛ́ ḿbíkŋɛ ŋɡɔ ɔ ɡɛ.»
Pyɛ̂ pʉ̈ɔt ŋɡɔ: «Ŋɡɑŋ mbɑ̌ɑ Tsɑpʉɔ. Mɔ ŋkɑɑ mɔ́ zɛɛ ńjʉ́ yúu pʉ́ʉnɛ pɔ́, ḿbɛn ŋ́kɛ́ ḿbɔɔ kwɛ́t yúu-lɔ́Ꞌ pɔ́.»
Pɛk tsɔ́Ꞌnɛ ḿvutɛ sɛ́ tsʉʉ. N zúꞋ ŋɡi-ŋu lɔk sẅiŋɛ pʉɔ-Hɛbɛlʉ́ ńcú mbɔ̌ mɔ ŋɡɔ: “Sɔ̂l, Sɔ̂l, ɔ tsɔ́Ꞌ ku yɑ́ɑ kɛpɔŋ mɛlɑ́Ꞌ kʉ̈ɔ́? Ɔ pɑ́Ꞌɑ ḿbɔ́ ŋ́ɡɛ fʉ́ŋ yu kẅiꞋ pɑ́Ꞌ nɑɑ ẅi pɛ́ sɛ́ ńdɔk ntsɑ́-nɛkɔŋ ńtsʉ́ʉnɛ wɛ́, ɑ nɛn ḿmɑꞋ ku yɛ́ nzʉʉ lɑ́.”
Ḿbɔ́ m bɔɔ cú ŋɡɔ ŋ ɡʉ mɔ́ tɛ ŋ́kúu pɔ́. Ḿbɔ́ m bɔɔ cú ŋɡɔ mɔ ndʉ́ŋndʉŋ pɔ́. M bɛ́t sɛ̂ndúŋ, ŋ́kʉɔ ndʉ́ɔlɛ́, ńtsɑ́ɑ nɛjʉ́ ndʉ́ɔlɛ́ ɛ̂yɑ́, mbíꞋŋɡɔ Yɛ́su Kɛlístɔ kɑ kɛ́mɔ́ ńtík pɔ́ nǔu mɔ.
