31 A tsɔ́Ꞌ ŋɡɔ: «Ɛ́ lɑɑ ḿbɔ́ ŋ ɡɛ ŋɡɔ́ku lɑ ńzúꞋ kɛ́ pɔ́ yi ŋu kyɛ́Ꞌtɛ ɛ́sẅíi wɑ́ɑ?» Ŋ́ɡɔ́ɔ ŋ́kɛ́ ɛ́fúŋ Filîp ŋɡɔ ɑ kɔ́Ꞌ ńtɔ́ ńnɑ́ŋ nɛjɔ́ŋ yɛ́ tsɛt kɑ́lɛ́k.
Lɑ́ mbɔ pʉɔ pɔɔ zɑ́p tʉ́m nǔu Tsɑpʉɔ pɔ́, ŋ́ɡɛ ŋɡɔ́ku lɑ ńdɑɑ ɛ́fúŋ wɛ́? Mbɔ pʉɔ pɛn ŋ́ɡɛ ŋɡɔ́ku ńzɑ́p tʉ́m nǔu Tsɑpʉɔ kɛ́ pɔ́ yi pɔ́p zúꞋ pɑ́Ꞌ ŋu sẅíinɛ nu-Tsɑpʉɔ mbɔ̌ pʉɔ? Mbɔ pʉɔ pɛn ńzúꞋ pɑ́Ꞌ pɛ́ sẅíinɛ nu-Tsɑpʉɔ ŋɡɔ́ku, kɛ́ pɔ́ yi ŋu ẅí ɑ ɡʉ ɛ́sẅíi nu-Tsɑpʉɔ ɡú?
Ŋu lɑɑ ḿbɔ́ ŋ́kwɑŋɛ ŋɡɔ ɑ sɛ́ ńjí yɛcɔ́ yúu, mbɔ ɑ pɛ́t kɛ́ jí pɑ́Ꞌ ɛ́ lɑ́Ꞌ ḿbɔ́ ḿbíkŋɛ ŋɡɔ ɑ jí.
Pɔ́Ꞌɔ lɑ́, pʉʉ mɛꞋ mɛnu-ndǔmbí tsʉʉ, ḿmɛꞋ mɑt ẅí ɛ́ fúnɛ nǔu shíshí tʉ́m. Pʉʉ nɔɔ sɛ́ mbi Sɛ́, ḿbɛ́m sẅiŋɛ yi ɑ kɑ pinɛ tsɛt tʉ́m pʉʉ. Ɛ́ mbíꞋŋɡɔ ɛ́ kuꞋ nɛɡɛ pʉʉ luk.
Ẅi ɑ ŋɡɑŋyúu tsɑ́ɑtɛ yɛ́ mbíꞋŋɡɔ Sɛ́ kɑ kɔk ndɛn wɛ́, lɑ ɑ jí ŋɡɔ ɑ ɡʉ ńdɑ́Ꞌ ḿmɛ yɛ́ pɔ pɑ́Ꞌ tɔ̌ɔtɔ̌ɔ mɛ nǔu nɛɡíi lɑ́.
Ḿbɑ́ɑ ŋu nɛfʉ́klɛ túmbʉʉ yɛ́. Ŋu lɑɑ ḿbɔ́ tsɛtsɛt pʉʉ ḿbɔ́ ŋ́kwɑŋɛ ŋɡɔ pʉɔ-ndǔmbí sɛ́ ńjʉ́ɔ ŋɡɔ ɑ jínu, ɑ zɛɛ ḿbiitɛ ɛ́shɔtnɛ ńtsʉ́Ꞌ ŋu lɑ ḿbɔ́ kwɑꞋ njínu.
Ɛ sẅíi wʉ́ʉ, kwɑꞋ nɛ́nẅín, ŋu lɑɑ mbɔɔ tsʉꞋ pɑꞋ mɔ́yúu mɔ́ɔ, ḿbɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́ pɔ́, mbɔ ɑ ńdɑ́Ꞌ ŋ́kúu tsɛt ŋɡɔŋ-nɛfɔɔ-Sɛ́ pɔ́.»
Filîp nɑ́ɑnɛ kɑ́lɛ́k tɛ ŋ́kẅɛ́ɛtɛ, ńzúꞋ ŋu-Ɛ́tíyɔ́pîi ɛ̂wɑ́ pɔ́ ɛ́fúŋ ŋwɑꞋnɛ-Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ. Filîp píkŋɛ wɛ́ ŋɡɔ: «Tɛ ɔ fúŋ pɑ́Ꞌɑ tɛ ḿbɔ́ ńzúꞋ yúu mi pɛ́ lɔknɛ ńcú?»
Ɛ́ ɡɔ́ ḿbɔ́, mbɔ zʉꞋ-ŋwɑꞋnɛ yí ɑ ḿbɔ́ ɛ́fúŋ ɛ́ yi ɛ́ cúnɛ ŋɡɔ: «Pɛ́ kɑ pɔ́ ńdɔk wɛ́ ŋ́ɡʉ, ɑ pɔɔ kẅɑ́k, ńnɛn yɛ́ pɔ pɑ́Ꞌ njinjɔ ẅi pɛ́ lɔknɛ wɛ́ ŋ́ɡʉ nɛɡwɑt, ńnɑꞋ pɔ pɑ́Ꞌ mɔ́ɔ-njinjɔ ẅi pɛ́ sɛ́ ŋ́kɔ́ɔ mɛnuk mɛ́.
