26 Njí ɡɛ ŋ́kiɛ, ɑ pɛn ḿbɛn zúꞋu, ḿbɔ́ ńtɔ́, pʉɔ-Íslɑyɛ̂l pɛ́pɑ́ pɔ́ ńtswɑ́ɑnɛ ŋkɔt. A pɔ́ ɛ́fɑk wɔ́p, ńcú mbɔ̌ pɔ́p ŋɡɔ: «Pɛsúu pɑ́ɑ, pʉʉ pɔ́ɔpɛ́mɑ́, ḿbɛn ɛ́shɔtnɛ ńtswɑ́ɑnɛ ŋkɔt tsɛtsɛt pʉʉ mɛlɑ́Ꞌ kʉ̈ɔ́?»
Kɔɔ pʉʉ ɡɛ yɛcɔ́ yúu mi ɛ́ pɔ́ nɛlɔk ɛ́sɑ́Ꞌ ndʉꞋ, kɛ pɔ́ nɛlɔk ŋ́ɡúꞋ níinɛ ɔɔ. Pʉʉ kɔk pɔ mbʉʉ yʉʉ ŋ́ɡɑ́ sɛ́, ńdíŋɛ pɛcɔ́ pʉɔ pɔ pɑ́Ꞌ ŋkɑ́ yi pɔ́p lɛɛ wʉ́ʉ lɑ́.
Tɛ nɛpɔ́ ẅi pʉʉ pɛ Kɛlístɔ kɑ tɛmtɛ mɔ́ kɑ́ nɛ́ pɔ́ ŋ́ɡɛ pʉʉ kẅiꞋ ɛ́sʉk pɔ́ ɔɔ? Tɛ ntɛ́ yi Kɛlístɔ lɔknɛ ŋ́kɔŋ wʉ́ʉ kɑ́ pɔ́nɛ ńníꞋ mɛtʉʉ mʉ́ʉ pɔ́ ɔɔ? Tɛ pʉʉ pɛ́ Zẅikŋɛ Lɛ́ɛnɛ́nɛ kɑ́ pɔ́nɛ pɔ́ ɔɔ? Tɛ pʉʉ kɑ́ ɡẅɛɛ ŋkɔŋɛ nɛ́ tsɑ́ɑ mɛjʉ́ŋ tsɛtsɛt pʉʉ pɔ́ ɔɔ?
Yɛ́su ɡɔ́ɔ ńcú mbɔ̌ ɡɑŋku pɛ́ ŋɡɔ: Pɔ́p kúu tsɛt kɑnúꞋ ḿbiitɛ ḿbɔ́ mbi, ńtúu nɛ́ yɛcɔ́ njʉ́n, ɑ tsʉ́Ꞌ nzʉʉ ńdɛɛmɛ nɔɔ-lɑ́Ꞌ pɔ́p ɡʉ.
Mbɔ jínu yɛ́ sẅíi wɛ́ ŋɡɔ pɔ́ɔpɛ́mɑ́ pɛ́ ɡʉ ńjʉ́ɔ wɛ́, ńjí ŋɡɔ Sɛ́ túunɛ wɛ́ ŋɡɔ ɑ ɡʉ ńcẅɛɛtɛ wɔ́p tsɛt ŋɡʉ̈ɔ́Ꞌ. Lɑ́ ŋu wɔp pɔɔ jí.
