ŊwɑꞋnɛ-Gɑŋntúu Yɛ́su Kɛlístɔ 5:33 - Kɑɑ Fí

³³ Pɛkɛ́m zúꞋ pɑ́Ꞌ pɔ́p cúnɛ pɔ́Ꞌɔ, ńzɑ́ŋ lɔ́ŋ, ńzɛ nɛkwɑŋɛ nɛjẅí ɡɑŋntúu-Yɛ́su.

ŊwɑꞋnɛ-Gɑŋntúu Yɛ́su Kɛlístɔ 5:33 交叉引用

ŊwɑꞋnɛ-Gɑŋntúu Yɛ́su Kɛlístɔ 7:54

Pɑsɑ́Ꞌlɑ́Ꞌ kɑ zúꞋ pɔ́Ꞌɔ, ŋ́kwɛ́t mɛsɔŋ mɔ́p. Pɔ́p lɔ sɛ́ nzʉʉ Ɛtiyɛ̂n.

ŊwɑꞋnɛ-Gɑŋntúu Yɛ́su Kɛlístɔ 2:37

Pʉɔ zúꞋ yɔ sẅiŋɛ, ɛ́ puu ŋ́kʉꞋnɛ wɔ́p tɛꞋ. Pɔ́p píkŋɛ Pyɛ̂ pɔ́p pɛcɔ́ ɡɑŋntúu ŋɡɔ: «Pɔ́ɔpɛ́mɑ́, tɛ pɛk ɡʉ ŋ́ɡɛ ŋɡɔ́ku?»

Jɑ̂ŋ 16:2

Pɛ́ ɡʉ ŋ́ɡɛ ɛ́fú tsɛt mɛndɑ́-cúꞋlɛ-Pɑyúdɑ ńzuŋ wʉ́ʉ. Ɛ́ pɔɔ pɔ́ pɔ ndɑꞋ pɔ́Ꞌɔ pɔ́. Ŋkɑ́ sɛ́ ŋ́kuꞋ pɑ́Ꞌ ŋu ɡʉ ŋ́ɡɛ ḿbɔ́ ńjẅí tɑ́Ꞌ ŋu tsɛtsɛt pʉʉ, ŋ́kwɑŋɛ ŋɡɔ ɑ nɔŋ pɔ pɔꞋ mbi Sɛ́.

Mɑtʉ̈ɔ 24:9

Pɛ́ ɡẅɛɛ wʉ́ʉ ŋ́ɡɑ́ pɛ́ nyɛt wʉ́ʉ nɛ́ ŋɡʉ̈ɔ́Ꞌ, ŋ́ɡɛ pɛ́ jẅí wʉ́ʉ. Mɛlɑ́Ꞌ tsʉʉ ɡʉ ńdɑ́Ꞌ ḿbuu ḿbɑɑ wʉ́ʉ mɛlɑ́Ꞌ wɑ́ɑ.

Mɑtʉ̈ɔ 10:25

Pɑ́Ꞌ pɛ́ piitɛ́nɛ ɛ́fúŋ ŋɡɑŋndɑ́ ŋɡɔ: Bɛlzɛbûl, pɛ́ ɡʉ ŋ́kúu nǔu pʉɔ-ndɑ́ pɛ́, lɑ ńnɑ́ kɛ́ fúŋ wɔ́p pɔ́Ꞌɔ, kɛkʉ̈ɔ́? Yúu mi ɛ́ ɡɛnɛ cícɑ, yîyɑ́ yúu ɡʉ ńdɑ́Ꞌ ŋ́ɡɛ ŋu ẅí ɑ sɛ́ ńzíꞋ nu yɛ́, ḿbɔ́ yi kʉ̈ɔ́ lɑ́ ɡɛ tɑ̌ɑ pɛ́ ŋkwɑɑ lɑ́, mbɔ yîyɑ́ yúu ɡʉ ḿbɛn ńdɑ́Ꞌ ŋ́ɡɛ ŋkwɑɑ ɡúu.

Mɑtʉ̈ɔ 10:21

Ŋu ɡʉ ŋ́ɡẅɛɛ mɔ́ɔmɑ́ wɛ ŋ́ɡɑ́ pɛ́ jẅí, Tɑ́-mɔ́ɔ ɡẅɛɛ mɔ́ɔ nɛ ŋ́ɡɑ́ pɛ́ jẅí, mbɔ́ŋkʉ̈ɔ́ ɡʉ ńdɑ́Ꞌ ńdɔ sɛ́ ńtsʉ́Ꞌ ɡɑŋmbuu pɛtɑ́t pɔ́p, ŋ́ɡɛ pɛ́ jẅí wɔ́p.

ŊwɑꞋnɛ-Gɑŋntúu Yɛ́su Kɛlístɔ 22:22

Pɑyúdɑ pi pɔ́p kɑ zẅíꞋlɛnɛ nu yi Pɔ̂l sɛ́ ńcú, tɛ ńzúꞋ ɑ cú pɑ́Ꞌ ɑ cúnɛ lɑɑ, kɑ ɡɔ́ɔ ŋ́kɑꞋ ŋɡi yɔ́p, ŋ́ɡɑ́ tʉ́ ńcú ŋɡɔ: «Pɛ́ ɡwɛ́tnɛ ŋu wɑ́. A kɑ́ ɡẅɛɛ nɛpɔ́ ɡú pɔ́,

ŊwɑꞋnɛ-Gɑŋntúu Yɛ́su Kɛlístɔ 9:23

Ɛ́ lɛɛ mɛcɔ́ mɛlɛ́Ꞌ lɛ́Ꞌ, pɑyúdɑ ɛ̂pɑ́ zɑ́p nɛɡɛ pɛ́ jẅí Sɔ̂l,

Jɑ̂ŋ 15:20

Pʉʉ kẅíitɛ nu yí ŋ kɑ cúnɛ mbɔ̌ pʉʉ ŋɡɔ: «mɔ́ɔ-fɑꞋ kɑ́ ɡúꞋ ńdɛɛ tɑ́fɑꞋ wɛ pɔ́, ɛ́ lɑɑ ḿbɔ́ yi pɔ́p kɑ pɑɑ wɑ́ɑ, mbɔ pɔ́p ɡʉ ḿbɛn ḿbɑɑ wʉ́ʉ ɡúu pɔ pɔ́Ꞌɔ, ḿbɔ́ yi pɔ́p kɑ ɡẅɛɛ sẅiŋɛ yɑ́ɑ, mbɔ pɔ́p ɡʉ ḿbɛn ŋ́ɡẅɛɛ yʉ́ʉ pɔ pɔ́Ꞌɔ.»

Lúkɑ́shi 20:19

PɑꞋ pɛtɑ́tndɑ́-pɑnɔ́ŋ pɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, kɑ zúꞋnɛ yɔ sɑknɛkɛt, ńdii ŋɡɔ ɑ cú pɔ mbɔ̌ pɔ́p lɑ́, pɔ́p lɔ́ɔ shʉ́ nɛɡẅɛɛ wɛ́ ŋkɑ́ ɛ̂yɑ́, lɑ́ ḿbɔ́k mík-lɑ́Ꞌ.

Lúkɑ́shi 6:11

Pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ jʉ́ɔ, ɛ́ pʉ́k wɔ́p tɛꞋ. Pɔ́p shɔtnɛ ḿbíkŋɛ tsɛtsɛt pɔ́p ŋɡɔ: «Pɛkŋɛ ɡʉ ŋ́ɡɛ ŋɡɔ ku nɛ́ Yɛ́su wɔ?»

Mɑtʉ̈ɔ 1:19

Ndúu mɛ Yɔsɛ̂p pɔ́ ŋu nɛ́nẅín lɑ́, ŋ́kɛ́ ḿbɔɔ ḿbɔ́ ŋ́kɔŋ nɛcẅɛt nǔu wɛ́ tsɛtsɛt lɑ́Ꞌ pɔ́, pɔ́Ꞌɔ ḿbɔ́ ŋ́kwɑŋɛ pɔ pɑ́Ꞌ ɑ ɡʉ ńdʉꞋnɛ wɛ́ pɔ tsɛt ntsɛm tɛ ŋu pɔɔ jí,