28 Pɔ́p kɑ tɑ́ŋ wɛ́ pɔ́Ꞌɔ, ŋ́ɡɛ kʉ̈ɔ́ lɑ́ yi ɡu Sɛ́, kɑ lɑ́Ꞌnɛ ńzɑ́Ꞌ njí ŋ́kwɑŋɛ ńzɑ́p ŋɡɔ ɛ́ ɡʉ ńdɑ́Ꞌ ḿbɔ́ pɔ́Ꞌɔ.
Yɔ ŋu ẅí pɛ́ kɑ níꞋnɛ mbɔ̌ pʉʉ, ɛ́ pɔ́ pɔ pɑ́Ꞌ Sɛ́ kɑ lɑ́Ꞌnɛ ŋ́kwɑŋɛ ńzɑ́p. Pʉʉ kɑ kɛ́ ŋ́ɡɛ pɑkɛ́ji Sɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ńjẅí wɛ́.
Mɔ́ɔ-Ŋu ɡʉ ḿpfú, ɛ́ pɔ́ pɑ́Ꞌ pɛ́ kɑ cúnɛ tsɛt ŋwɑꞋnɛ-Sɛ́, lɑ́, pʉ́ktú ŋu ẅí ɑ ɛ́fɛn wɛ́. Mbi pɑ́Ꞌ pɛ́ ŋ́kɑɑ ŋ́ɡʉ ḿbí wɛ́ pɔ́.
Lɑ Sɛ́ fú nǔu ŋ́ɡɛ nu yi ɑ kɑ zɑ́Ꞌnɛ njí ńdɔk ntsu-pɑcẅiŋkʉʉ pɛ́ pɛ́tsʉʉ ńcú ɛ́ puutɛ. Yîyɑ́ nu pɔ́ ŋɡɔ Nzɑ́Ꞌŋkʉ ẅí Sɛ́ kɑ kɑꞋnɛ kɑ pɔ́ ŋ́ɡʉ ńdɑ́Ꞌ ńjʉ́ɔ ŋɡʉ̈ɔ́Ꞌ.
Ɛ́ yúu mi Sɛ́ kɑ ɡɛnɛ. A kɑ cú nu tɛ ŋ́kɑɑ, mbíꞋŋɡɔ ɑ kɑ pɔ́ ńdɔɔ nɛ́ tsuŋ ńnyɛt mbɔ̌ pʉɔ pi ɑ kɑ kɑꞋnɛ yúu mbɔ̌ pɔ́p ŋɡɔ, yúu mi ɑ kɑ zɑ́pnɛ yi ɑ kɛ́ lɑ́Ꞌ ŋ́kúpmɛ pɔ́.
Pɛk kɑ lúꞋnɛ pɔ pɑ́Ꞌ pɛk kɑ lɑtnɛ mbʉʉ nǔu Kɛlístɔ, lɑ ŋ́ɡẅɛɛ yɛ́k zʉꞋ tsɛtsɛt pʉɔ pi ɑ ɡɛnɛ pɔ́p luk, ɛ́ mbíꞋŋɡɔ Sɛ́ kɑ zɑ́Ꞌnɛ njí ńtsɔ́Ꞌ wɛ́k. Ɛ́ pɔ́ pɑ́Ꞌ ɑ kɑ zɑ́pnɛ. Sɛ́ pɛn ŋ́ɡɛ kʉ̈ɔ́ lɑ́ pɔ pɑ́Ꞌ ɑ kɑ zɑ́pnɛ ŋɡɔ ɑ ɡʉ ŋ́ɡɛ pɔ́Ꞌɔ.
Ɛ́ nu ŋɡɔ Mɔ́ɔ-Ŋu ɡʉ ḿpfú pɑꞋ Sɛ́ kɑ lɑ́Ꞌnɛ ńzɑ́p, lɑ́ ndɔ́ɔ tú ŋu ẅí ɑ ɡʉ ńcɑklɛ wɛ́ ŋ́ɡɑ́ pɛ́ jẅí wɛ́.
N dɑɑ ŋ́kɛ́ ŋ́ɡɛ pɔ́Ꞌɔ, yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ɡɛ pɑ́Ꞌɑ lɑ ḿbuutɛ? Pɛ́ kɑ ŋwɑꞋnɛ tsɛtú ŋɡɔ: Mɛnu ɡʉ ńdɑ́Ꞌ ńdɛɛtɛ pɔ pɑ́Ꞌ ɛ́ lɛɛtɛ́nɛ ŋkɔ̂ɔnɛ lɑɑ.
