ŊwɑꞋnɛ-Gɑŋntúu Yɛ́su Kɛlístɔ 28:20 - Kɑɑ Fí

²⁰ Yɔ yúu mi ɛ́ lɑ́Ꞌnɛ ŋ́ɡɛ lɑ́ n tsɑ́ɑ nɛjʉ́ɔ wʉ́ʉ pɛkŋɛ sẅiŋɛ. Pʉʉ jí yʉ́ʉ yúu mi pɑíslɑyɛ̂l lɔ ńjúk ḿbyɛ́p. Mɛcɛ̂n mɔnɛ pɛn ḿbɔ́ nǔu mbɔ́ mɑ́ɑ pɑ́Ꞌɑ ntɛ́ pɔ yúu mi pɛkŋɛ pyɛ́pnɛ.»

ŊwɑꞋnɛ-Gɑŋntúu Yɛ́su Kɛlístɔ 28:20 交叉引用

2 Timɔtɛ́ɛ 2:9

N jʉ́ɔ ŋɡʉ̈ɔ́Ꞌ tɛ pɛ́ níꞋ wɑ́ɑ ndɑ́tsɑ́ŋ pɑ́Ꞌ ŋkɑ́ yi mɔ ŋu kɛpɔŋ lɑ́ pɑ́Ꞌɑ mbíꞋ pɔ Ŋkʉʉ Sʉ́Ꞌnɛ ɛ̂wɑ́. Lɑ́ pɛ́ kɑ́ níꞋ sẅiŋɛ-sɛ́ ndɑ́tsɑ́ŋ pɔ́.

Ɛ́fɛ̂zɛ 6:20

Mɔ mɑ́ntúu nɛcẅi ẅîwɑ́ Ŋkʉʉ, tɛ mbɑ pɑ́Ꞌ mɔ pɔ ndɑ́tsɑ́ŋ lɑɑ. Pʉʉ cɛꞋlɛ Sɛ́ ŋɡɔ ŋ ɡẅɛɛ sʉk nɛlɔk ńcú pɑ́Ꞌ ɛ́ sɛ́ ḿbíkŋɛ ŋɡɔ n cú.

Filipɛ 1:13

lɑ́ pɑlʉ̈ɔ́Ꞌntsɔ pi pɔ́p pyɛ́pnɛ njɛ́Ꞌ ŋɡɔ́mnɑɑ ŋ́ɡɛ pʉɔ tsʉʉ sɛ́ ńjí ŋɡɔ mɔ ndɑ́tsɑ́ŋ pɑ́Ꞌɑ ntɛ́ pɔ nu-Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 26:29

Pɔ̂l tsɔ́Ꞌ mbɔ̌ wɛ́ ŋɡɔ: «Kɛ pɛ́ ɡʉ ńdɔk pɔ nu yi ɛ́ sɑk sɑknɛ ɔɔ, kɛ pɔ mi ɛ́ túꞌ tuꞋnɛ ɔɔ, mbɔ yɑ́ɑ yúu mi n dɑ́Ꞌ ńdɔ́ɔ mbɔ̌ Sɛ́ pɔ́ pɔ ŋɡɔ: Nɑɑ kɛ́mɑꞋ tɛ mbɑ pʉʉ pɛ́tsʉʉ pi pʉʉ sɛ́ ńzúꞋ nu yí n cúnɛ lɔ́Ꞌnɛ, pʉʉ tsʉ́Ꞌ pɑ́Ꞌ mɔ. Tɛ mɛcɛ̂n mɔnɛ, pɔɔ nǔu pʉʉ pɔ́.»

Ɛ́fɛ̂zɛ 4:1

Mɔ ẅí mɔ ndɑ́tsɑ́ŋ mbíꞋ nu-Tsɑpʉɔ Yɛ́su Kɛlístɔ, ŋ ɡʉ ɛ́fú nǔu mɛnu mi ɛ sẅíinɛ wʉ́ʉ, ḿbíkŋɛ ŋɡɔ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ŋ́kẅíitɛ ŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ pʉɔ pɛ́.

Ɛ́fɛ̂zɛ 3:1

Ɛ́ yúu mi ɛ́ ɡɛnɛ, mɔ Pɔ̂l ẅí mɔ ndɑ́tsɑ́ŋ mbíꞋŋɡɔ ɛ sɑ́Ꞌ nu-Yɛ́su Kɛlístɔ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mɔ sɛ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 24:15

Ɛ́ lɛɛ pɔ́Ꞌɔ, yɛcɔ́ yúu pɔ́ ɡú yi mɔ sɛ́ ńzẅíꞋlɛ. Tɛ mbɑ pʉɔ pi pɔ́p fɛnnɛ wɑ́ɑ lɑ́ pɛn ḿbɔ́ ńzẅíꞋlɛ yɔ́p pɔ yɛ́tɛ́. Ɛ́ pɔ́ ŋɡɔ Sɛ́ ɡʉ ńdɑ́Ꞌ ńzẅíimɛ pʉɔ pi pɔ́p kɑ ɡɛnɛ nu ndʉ́ŋndʉŋ, tɛ mbɑ pʉɔ pi pɔ́p ŋ́kɑɑ ɡɛ pɔ́Ꞌɔ pɔ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 23:6

Pɔ̂l pɔ́ ńjí ŋɡɔ ɛ́ tsɛtsɛt pʉɔ pinɛ pɔ́p sɛ́ ŋ́ŋɑk ntsɑŋ yɛ́, pɛcɔ́ pʉɔ pɔ́ pɑsɑdukɑy, pɛcɔ́ pɔ́ pɑfɑlísɑy, ŋ́ɡɔ́ɔ ŋ́kɛ́ ńtʉ́ʉ mbi pɔ́p ńdɔk ŋɡi tɛnnɛ ńcú ŋɡɔ: «Pɔ́ɔpɛ́mɑ́ pɑ́ɑ, mɔ ŋu-fɑlísɑy. Mbɑ tɑ̌ɑ mɔ kɑ pɔ́ ŋu-fɑlísɑy. Mɔ sɛ́ ḿbyɛ́p lɛ́Ꞌ yi pɛpfú ɡʉ ńdɑ́Ꞌ zẅíimɛ nǔu nɛvú. Pɛ́ zɑꞋnɛ ŋ́ŋɑk wɑ́ɑ pɑ́Ꞌɑ ntɛ́ pɔ yîyɑ́ nu.»

ŊwɑꞋnɛ-Gɑŋntúu Yɛ́su Kɛlístɔ 21:33

A tɔ́ ńcú pɛ́ ɡẅɛɛ Pɔ̂l ńdɔk mɛcɛ̂n mɛmbɑ́ ŋ́kút wɛ́, ḿbɛn ḿbíkŋɛ ŋɡɔ: «Ŋu wɔ wɔ̌? A ɡɛ ŋɡɔ́ku?»

Filɛmɔ̂ŋ 1:10

Mɔ sɛ́ ḿbúꞋ mbɔ́ mbɔ̌ ɡu nǔu tú-Ɔnɛsimɛ, ɑ tsʉ́Ꞌ mɔ́ɔ wɑɑ nǔu nu-Yɛ́su ndɑ́tsɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 10:33

A kɑ cú pɔ́Ꞌɔ, ŋ ɡɔ́ɔ ńtúu pʉɔ nɛlɔɔ wú. Ɔ ɡɛ sʉ́Ꞌnɛ pɑ́Ꞌ ɔ tɔ́nɛ lɑ́. Ɛ́ ŋkɔ̂ɔnɛ pɑ́Ꞌɑ, pɛkŋɛ pɛtsʉʉ tʉ́ʉ mbi Sɛ́. Pɛk tʉ́ʉ pɑ́Ꞌɑ, mbɔ pɛk niitɛ mbʉʉ yɛk nɛzúꞋ nu yí Tsɑpʉɔ Sɛ́ níꞋnɛ mbɔ̌ ɡu ŋɡɔ ɔ sẅíi wɛk.»

Filɛmɔ̂ŋ 1:13

N jʉ́ɔ ŋɡɔ ɛ́ ḿbɔ́ ḿbɔŋ ŋɡɔ ɑ pɔ́ pɔ nɛjɔ́ŋ mɔ, ḿbɔ́ ɛ́fɑꞋ fɑꞋ yi ɔ pɛ́Ꞌnɛ ḿbɔ́ zɑ́Ꞌnɛ, mbɔ ɔ fɑꞋ, nǔu ŋkɔ̂ɔnɛ yi mɔ nǔu mɛŋkʉ ntɛ́ Ŋkʉʉ sʉ́Ꞌnɛ lɑɑ.

2 Timɔtɛ́ɛ 1:10

Ɛ́ ŋkɔ̂ɔnɛ, mbɔ Sɛ́ ɡɛ pɛkŋɛ jʉ́ɔ yîyɑ́ pɔŋtʉ́m mɑ́ntɑ́ɑ, mbíꞋŋɡɔ ŋu ẅí ɑ ɡɛnɛ pɛkŋɛ luk, Yɛ́su Kɛlístɔ tɔ́ mɔ́. Jʉ́ kɑ ɡẅɛɛnɛ nɛvú ńcẅɛ́ɛ mɛtʉʉ mɛ́. Jʉ́ kɑ cẅinɛ Ŋkʉʉ sʉ́Ꞌnɛ mbɔ̌ pɛk, ńnyɛt wɛkŋɛ ŋɡɔ ŋu lɑɑ ńnɛn pɑ́Ꞌ Ŋkʉʉ Sʉ́Ꞌnɛ ɛ̂wɑ́ cúnɛ ɑ ɡẅɛɛ Luk kɛ́mɛ mbɔɔ pɛn ḿpfú pɔ́.

Kɔlɔsíyɛ̂ŋ 4:18

Pʉʉ jʉ́ɔ cɛꞋlɛ yi mɔ Pɔ̂l, n dɔknɛ kwɑꞋ pɔ́ yɑ́ɑ ŋ́ŋwɑꞋnɛ. Kɔɔ pʉʉ likŋɛ ŋɡɔ mɔ ndɑ́tsɑ́ŋ. Mbɔtnɛ-Sɛ́ pɔ́ nɛ́ pʉʉ pɛtsʉʉ!

ŊwɑꞋnɛ-Gɑŋntúu Yɛ́su Kɛlístɔ 28:17

Pɛk kúu Lɔ́mɑ pɔ́Ꞌɔ, ɛ́ lɛɛ lɛ́Ꞌ pɛtɑ́t, Pɔ̂l fúŋ pɛkɛ́m-pɑyúdɑ pi pɔ́p tswɛ́nɛ Lɔ́mɑ ŋɡɔ pɔ́p tɔ́ zʉꞋ yi ɑ nɑ́ŋnɛ zúꞋu. Pɔ́p tɔ́ tɛ ńnɑ́ŋ sɛ́, ɑ cú mbɔ̌ pɔ́p ŋɡɔ: «Pɔ́ɔpɛ́mɑ́ pɑ́ɑ, n tʉ́ʉ pɑ́Ꞌɑ, mbɔ mɔ ŋkɑɑ yɛcɔ́ nu mbɔ̌ pɑlɑ́Ꞌ pɛkŋɛ fɑɑnɛ, ḿbɛn ŋ́kɛ́ mbɔɔ yɛcɔ́ nu nǔu mɑt-pɛmɑɑŋɡɑpnjẅɛt pɛkŋɛ fɑɑnɛ. Lɑ́, ɛ́ pʉ̈ɔ́lɑɑ, mbɔ pɛ́ kɑ ɡẅɛɛ wɑ́ɑ tʉ́sɔŋ-Yɛlúsɑlɛm, ńníꞋ wɑ́ɑ mbɔ̌ Pɑlɔ́mɑ lɑɑ.

ŊwɑꞋnɛ-Gɑŋntúu Yɛ́su Kɛlístɔ 10:29

Ɛ́ yúu mi ɛ́ ɡɛnɛ, ŋ ɡɔ́ɔ ńdɔ sɛ́ kɛ́ zɔŋ, pɑ́Ꞌ pʉʉ túunɛ ɛ́fúŋ wɑ́ɑ. Ŋkɔ̂ɔnɛ lɑ́, pʉʉ ɡɛ n jí yúu mi pʉʉ fúŋnɛ wɑ́ɑ zɑꞋnɛ ntɛ́ yɛ́tɛ́.»