ŊwɑꞋnɛ-Gɑŋntúu Yɛ́su Kɛlístɔ 28:17 - Kɑɑ Fí

¹⁷ Pɛk kúu Lɔ́mɑ pɔ́Ꞌɔ, ɛ́ lɛɛ lɛ́Ꞌ pɛtɑ́t, Pɔ̂l fúŋ pɛkɛ́m-pɑyúdɑ pi pɔ́p tswɛ́nɛ Lɔ́mɑ ŋɡɔ pɔ́p tɔ́ zʉꞋ yi ɑ nɑ́ŋnɛ zúꞋu. Pɔ́p tɔ́ tɛ ńnɑ́ŋ sɛ́, ɑ cú mbɔ̌ pɔ́p ŋɡɔ: «Pɔ́ɔpɛ́mɑ́ pɑ́ɑ, n tʉ́ʉ pɑ́Ꞌɑ, mbɔ mɔ ŋkɑɑ yɛcɔ́ nu mbɔ̌ pɑlɑ́Ꞌ pɛkŋɛ fɑɑnɛ, ḿbɛn ŋ́kɛ́ mbɔɔ yɛcɔ́ nu nǔu mɑt-pɛmɑɑŋɡɑpnjẅɛt pɛkŋɛ fɑɑnɛ. Lɑ́, ɛ́ pʉ̈ɔ́lɑɑ, mbɔ pɛ́ kɑ ɡẅɛɛ wɑ́ɑ tʉ́sɔŋ-Yɛlúsɑlɛm, ńníꞋ wɑ́ɑ mbɔ̌ Pɑlɔ́mɑ lɑɑ.

ŊwɑꞋnɛ-Gɑŋntúu Yɛ́su Kɛlístɔ 28:17 交叉引用

ŊwɑꞋnɛ-Gɑŋntúu Yɛ́su Kɛlístɔ 25:8

Pɔ̂l pɔ́nɛ ńcú ŋɡɔ: «Mɔ ŋkɑɑ nu kɛpɔŋ ɡɛ. Mɔ ŋkɑɑ nɛpʉ́ʉ-pɑyúdɑ fɑɑnɛ. Mɔ ŋkɑɑ níꞋ lɔ́Ꞌ nǔu ZʉꞋ-nɔŋpɔꞋ pɔ́, ŋ́kɛ́ mbɔɔ sẅiŋɛ kɛpɔŋ nǔu Kɑ́sɑ-Pɑlɔ́mɑ pɔ́.»

ŊwɑꞋnɛ-Gɑŋntúu Yɛ́su Kɛlístɔ 6:14

Pɛk kɑ zɛɛ ńzúꞋ ɑ cú ŋɡɔ Yɛ́su ŋu-Nɑ̌ɑzɑlɛt jʉ́ ɡʉnɛ ŋ́ɡɛ ŋ́kɛm Ndɑ́-nɔŋpɔꞋ yɛkŋɛ, ḿbɛn ŋ́kúp mɑt ẅí Mɔ̌sɛ̂ɛ kɑ ɡɑ́nɛ mbɔ̌ pɛkŋɛ.»

ŊwɑꞋnɛ-Gɑŋntúu Yɛ́su Kɛlístɔ 25:10

Pɔ̂l tsɔ́Ꞌ mbɔ̌ wɛ́ ŋɡɔ: «N tʉ́ʉ pɑ́Ꞌɑ zʉꞋ-ntsɑŋ-Kɑ́sɑ. Pɛ́ ɡʉ ŋ́ŋɑk yɑɑ ntsɑŋ pɔ zɑꞋnɛ. Mɔ ŋkɑɑ yɛcɔ́ nu mbɔ̌ pɑyúdɑ fɑɑnɛ. Ɔ tsuŋ ḿbɔ́ ńjí.

ŊwɑꞋnɛ-Gɑŋntúu Yɛ́su Kɛlístɔ 22:5

Tɑ́tndɑ́-pɑnɔŋpɔꞋ, mbɑ cúꞋlɛ-pɑsɑ́Ꞌ lɑ́Ꞌ yɔ, sɛ́ ńjí ŋɡɔ nu yi n cúnɛ ɛ́ nɛ́nẅín. Pɔ́p kɑ zɛɛnɛ ŋ́ɡɑ́ mɛŋwɑꞋnɛ ńdɔk ńtúu wɑ́ɑ ŋɡɔ ŋ ɡʉ ńnyɛt mbɔ̌ pɔ́ɔpɛ́mɑ́ pɛkŋɛ pɑyúdɑ pi pɔ́p tsɛt tʉ́sɔŋ-Ndɑ́mɑ́s. Ɛ́ pɔ́ ŋɡɔ ŋ ɡẅɛɛ pʉɔ-Kɛlístɔ, ńdɔk wɔ́p ḿbɛn nzʉʉ nɛ́ Yɛlúsɑlɛm, nɛpɔ́ yi pɛ́ ɡʉ ŋ́ɡɛ pɔ́p jʉ́ɔ ŋɡʉ̈ɔ́Ꞌ.»

ŊwɑꞋnɛ-Gɑŋntúu Yɛ́su Kɛlístɔ 25:2

Ŋ́kúu zúꞋu, pɛtɑ́tndɑ́-pɑnɔŋpɔꞋ pɔ́p pɛkɛ́m-pɑyúdɑ tɔ́ ɛ́fɛn Pɔ̂l mbi yɛ́, ḿbuu ńníꞋ mɛtɛn tɛn mɛnu nǔu tɛꞋ. ḾbúꞋ mbɔ́ mbɔ̌ wɛ́ ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 23:33

Pɑkɔ́Ꞌ pɛlʉ́ɔ lɔk wɛ́ ŋ́ɡʉ tɛ ŋ́kúu Sɛ́zɑlɛ̂, ŋ́ɡɑ́ ŋwɑꞋnɛ mbɔ̌ ŋɡɔ́mnɑɑ, ḿbɛn ńnɑ́ Pɔ̂l mbɔ̌ wɛ́.

ŊwɑꞋnɛ-Gɑŋntúu Yɛ́su Kɛlístɔ 13:50

Lɑ́ pɑyúdɑ ɡɔ́ɔ ŋ́kɛ́ ńníꞋ mɛtʉʉ pɛcɔ́ pɑŋɡɛ́ pi pɔ́p tʉ́sɔŋ-Antíyɔshɛ ɛ̂wɑ́ ŋ́ɡẅɛɛ yúu. Mbɔ pɔ́p kɑ pɔ́ ńcɛꞋlɛ Sɛ́ pɑ́Ꞌ pɑyúdɑ, ńníꞋ mɛtʉʉ mbɑ pɛcɔ́ pɛkɛ́m pi pɔ́p tʉ́sɔŋ. Pɔ́p pɛ́ pɔ́p zɑ́ɑ sɔ́ɔ nǔu Pɔ̂l pɔ́p Pɑnɛpɑ́ɑshi, ńzuŋ wɔ́p tɛ pɔ́p fú lɑ́Ꞌ pɔ́p ŋ́kɛ́ ŋ́ɡʉ ɡʉnɛ.