ŊwɑꞋnɛ-Gɑŋntúu Yɛ́su Kɛlístɔ 27:3 - Kɑɑ Fí

³ Njí ɡɛ ŋ́ɡɔ ŋ́kiɛ, pɛk kúu tʉ́sɔ-Sidɔŋ. Julíyus ɡẅɛɛ tʉ́m sʉ́Ꞌnɛ nǔu Pɔ̂l tɛ ńnɑ́ wɛ́ ɑ cẅɛt tsɛt kɑnúꞋ ŋ́ɡʉ ŋ́ɡwɑ́ pɛsúu pɛ́ pɔ́p kúu ńcẅɛ́lɛ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 27:3 交叉引用

ŊwɑꞋnɛ-Gɑŋntúu Yɛ́su Kɛlístɔ 24:23

ńcú pɔ́Ꞌɔ, ḿbɛn ńcú mbɔ̌ tɑ́tndɑ́-ntsɔ ŋɡɔ ɑ lɔk Pɔ̂l ŋ́ɡʉ ńdẅɛꞋ ndɑ́tsɑ́ŋ, ḿbɔɔ kɛ́ ŋ́kút wɛ́ pɔ́, ḿbɔɔ kɛ́ ńtɔꞋ pɛsúu pɛ́ nɛtɔ́ ńcẅɛ́lɛ́ wɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 28:16

Pɛk kúu tʉ́sɔŋ-Lɔ́mɑ pɛ́ pɛ́m ŋɡɔ Pɔ̂l pɔ́p tɑ́Ꞌ ndʉ̈ɔ́Ꞌntsɔ ẅi ɑ ɡʉ ḿbɔ́ ḿbyɛ́p wɛ́ ɡʉ ńtswɛ́ zʉꞋ yi Pɔ̂l kɔŋnɛ.

ŊwɑꞋnɛ-Gɑŋntúu Yɛ́su Kɛlístɔ 27:43

Lɑ́, tɑ́tndɑ́-ntsɔ pɛn mbɔɔ ḿbɔ́ ŋ́kɔŋ ŋɡɔ pɛ́ jẅí Pɔ̂l pɔ́, ńtɔꞋ wɔ́p nɛɡɛ yúu mi pɔ́p kwɑŋɛ́nɛ, ńcú mbɔ̌ pʉɔ pi pɔ́p jí nɛpúꞋ ŋki ŋɡɔ pɔ́p piitɛ ŋ́kúu ŋki, ḿbúꞋ ŋki ńcẅɛt ŋɡɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 27:1

Pɛ́ ɡɛ ḿbɔ́ tɛ ńzɑ́p ŋɡɔ pɛk ɡʉ ŋ́kúu mɑ́mɑ́ kɑnúꞋ, ŋ́ɡʉ tsɛt ŋɡɔŋ-Itɑlî, ńníꞋ Pɔ̂l pɔ́p pɛcɔ́ ɡɑŋtsɑ́ŋ mbɔ̌ wɛcɔ́ tɑ́tndɑ́-ntsɔ. Lík yɛ́ pɔ́ ŋɡɔ Julíyus. A pɔ́ wɛcɔ́ tɑ́Ꞌ ŋu nǔu ku-pɑlʉ̈ɔ́Ꞌntsɔ pinɛ pɔ́p ḿbɔ́nɛ pɛ́ Kɑ́sɑ.

ŊwɑꞋnɛ-Gɑŋntúu Yɛ́su Kɛlístɔ 12:20

Ɛ́ ḿbɔ́ ŋkɑ́ ɛ̂yɑ́, Fɔɔ Ɛlɔ̂dɛ pɔ́ ńzɑ́ŋ lɔ́ŋ nǔu pʉɔ-tʉ́sɔŋ Tîi pɔ́p tʉ́sɔŋ Sidɔŋ pɑ́Ꞌɑ tɛꞋ. Pɔ́p kɑ zúꞋ pɔ́Ꞌɔ cúꞋlɛ ḿbɔ́ tɑ́Ꞌ ntsu nɛɡʉ ńjʉ́ɔ wɛ́. Ɛ́ lɛɛ pɔ́Ꞌɔ, pɔ́p kút nɛpúꞋ-Mbɛlɑ́tus, ɑ pɔ́ ŋu ẅí jʉ́ pyɛ́pnɛ ndɑ́-fɔɔ, pɑ́Ꞌ ɑ ɡʉ ńnɛn kɛ́m wɔp ŋ́ɡɑ́, cɔ́k yi ɛ́ tsɛtsɛt pɔ́p pɛ́ fɔɔ mɛ. Ńtsɑ́ɑ pɔ́Ꞌɔ, mbíꞌŋɡɔ yúupɛjʉ́ pi pɛ́ kɑ pɔ́ ńjʉ́ tʉ́sɔŋ-Tîi pɔ́p tʉ́sɔŋ-Sidɔŋ, kɑ pɔ́ ɛ́fú pɔ ŋɡɔŋ-fɔɔ Ɛlɔ̂dɛ.

Mɑtʉ̈ɔ 11:21

A cú mbɔ̌ pɔ́p ŋɡɔ: «Ndɔɔ tú pʉʉ pʉɔ-Kɔlɑzîŋ, mbɑ tú pʉʉ pʉɔ-Mbɛtsɑyídɑ, mɛnu mɔ mí pɛ́ kɑ ɡɛnɛ tsɛtsɛt pʉʉ, ɛ́ m̄bɔ́ pɛ́Ꞌnɛ ḿbɔ́ pɔ tsɛt tʉ́sɔŋ Til pɔ́p Sidɔŋ, mbɔ pɔ́p kɑ lɑ́Ꞌmɔ́ ŋ́kúp mɑt, ḿmʉk, ɛ́sɑ mɛpɑɑ ḿmɑꞋ, ńzɔ́Ꞌ pfú ńdɔk ńdúŋ.