6 Ŋ́ɡʉ nǔu pɛk, pɛk ɡɛ ŋ́ɡɔ ŋ́kúu yɛ́k mɑ́mɑ́ kɑnúꞋ mbʉʉ-ŋki-tʉ́sɔŋ-Filîp, mbɔ lɛ́Ꞌlɑ́Ꞌ yi pɑyúdɑ kwɛ́tnɛ mbɛlɛ̂ɛt kɛ́ fɛntɛ kɑ lɛɛ mɔ, pɛk kúu kɑnúꞋ, ńnɛn lɛ́Ꞌlɑ́Ꞌ pɛtɑ́ɑ lɑ ŋ́kẅɛ́ɛtɛ wɔ́p Tɔ̂lɑ́s, ńnɑ́ŋ zúꞋu tɑ́Ꞌ ŋɡɑp.
A jʉ́ɔ, mbɔ ɑ ɡɛ pɔ́Ꞌɔ, ɛ́ pɔŋ pɑyúdɑ. A pɛn ŋ́ɡɛ pɛ́ ɡẅɛɛ Pyɛ̂ ɡúu, ŋ́ɡɔ ŋ́ɡẅɛɛ wɛ́ pɔ́Ꞌɔ, ɛ́ pɔ́ ŋkɑ́ yi pɛ́ jʉ́nɛ ndínɑ-mbɛlɛ̂ɛt kɛ́ fɛntɛ.
ńtɔ́ zúꞋu ńcẅɛt tsɛt kɑnúꞋ ŋ́ɡʉ nɛ́ tʉ́sɔŋ-Fílîp. Ɛ́ pɔ́ mɑ́mɑ́ tʉ́sɔŋ tsɛt pɑk-ŋɡɔŋ-Mɑsɛ́ndwɑn, mbɔ pɛ́ kɑ lɔk wɛ́ ŋ́ɡɛ yɛcɔ́ tʉ́sɔŋ-Pɑlɔ́mɑ Pɛk nɑ́ŋ zúꞋu mɛcɔ́ ndɛn mɛlɛ́Ꞌ.
Ɔ lɑɑ ḿbɔ́ ńtɔ́, ɔ lɔk ndẅí-fɑ́k yɑɑ yi ŋ kɑ nɑ́nɛ tʉ́sɔŋ-Tɔ̂lɑ́s njɛ́Ꞌ Kɑlpûs ńdɔk ńtɔ́, ḿbɛn ńdɔk mbɑ mɛŋwɑꞋnɛ ńtɔ́, kɔɔ likŋɛ mi ɛ́ pɔ́ pɔ ŋɡup-nɑɑ lɑ́.
Pʉʉ pɛn ḿbɔ́ ńjí ŋɡɔ pɛk kɑ ɡɔ́ ńtɔ́, ɛ́fú nɛ́ Filipɛ, mbɔ pɛ́ nyɛt wɛ́k nɛ́ ŋɡʉ̈ɔ́Ꞌ zúꞋu tɛꞋ, ńzɔɔtɛ wɛ́k. Lɑ́ Sɛ́ ɡɑ́ wɛ́k nɛ́ nɛsʉk nɛcẅi Ŋkʉʉ sʉ́Ꞌnɛ yɛ́ mbɔ̌ pʉʉ tɛ mbɑ pɑ́Ꞌ pɛ́ kɑ pɛn ḿbɔ́ ńnyɛt wɛ́k pɔ nɛ́ ŋɡʉ̈ɔ́Ꞌ lɑ́.
Yɔ ŋwɑꞋnɛ fú mbɔ̌ mɔ Pɔ̂l ŋ́ɡɛ Timɔtɛ̂ɛ. Pɛknɛ tɛmtɛ́nɛ ɛ́fɑꞋ nzʉʉ Yɛ́su Kɛlístɔ. Ɛ́ yʉ́ʉ pʉʉ pʉɔ-Yɛ́su Kɛlístɔ pi pɔ́p tʉ́sɔŋ-Filip. Ɛ́ pɛn ḿbɔ́ yʉ́ʉ, pʉʉ pɑlíŋɛ cúꞋlɛ-pʉɔ-Kɛlístɔ pɔ́p pʉʉ pɑfɑꞋ tsɛt yîyɑ́ cúꞋlɛ.
Ŋ́kúu zúꞋu, ńjʉ́ɔ pɛcɔ́ pɔ́ɔpɛ́mɑ́. Pɔ́p fúŋ wɛ́k ŋɡɔ pɛk pɛpɔ́p nɑ́ŋ njɛ́Ꞌ pɔ́p tɑ́Ꞌ ŋɡɑplɑ́Ꞌ. Yɔ pɑ́Ꞌ pɛk kɑ fúnɛ zúꞋu ńnɛn nɛ mɛku ŋ́kúu tʉ́sɔŋ-Lɔ́mɑ
Njí ɡɛ ŋ́kiɛ, pɛk lɔ sɛ́, ŋ́ɡʉ tɛ ŋ́kúu Sɛ́zɑlɛ̂, ŋ́ɡʉ njɛ́Ꞌ-Fílîp ẅi ɑ Ncẅiŋkʉʉ sʉ́Ꞌnɛ. A pɔ́ wɛcɔ́ tɑ́Ꞌ ŋu nǔu pʉɔ sɑɑmbɑ́ pi pɛ́ kɑ tsɔ́Ꞌnɛ Yɛlúsɑlɛm lɑ́. Pɛk pɛpɔ́p nɑ́ŋ.
Pɛk kúu zúꞋu ḿpfúu, ńjʉ́ɔ pʉɔ-Kɛlístɔ. Pɛk pɛpɔ́p nɑ́ŋ lɛ́Ꞌ sɑɑmbɑ́. Ŋ́kúu zúꞋu, Zẅikŋɛ-Sɛ́ sẅíi wɔ́p nɛ́ nu, pɔ́p cú mbɔ̌ Pɔ̂l ŋɡɔ: «Pɑ́ɑ nɛɡʉ Yɛlúsɑlɛm.»
Pɔ́Ꞌɔ, tɛ pɔ́p tsʉ́Ꞌ ńjɛ́Ꞌ Misii jɛ́Ꞌnɛ, ńcúŋ ŋ́ɡʉ nɛ́ tʉ́sɔŋ-Tɔ̂lɑ́s.
Pɔ̂l jʉ́ɔ pɔ́Ꞌɔ, pɛk ɡɔ́ɔ ńdɔɔ shʉ́ ŋ́ɡʉ Mɑsɛ́ndwɑn, ḿbɔ́ ńtsuŋ ńjí ŋɡɔ Sɛ́ fúŋnɛ wɛ́k zúꞋu ŋɡɔ pɛk cẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ.
Pɔnɛ pʉɔ piitɛ ḿbɔ́ mbi, ḿbyɛ́p wɛ́k Tɔ̂lɑ́s.
Pɛk kɑ ɡɔ́ ńnɛn yɔ ntɛ́, tɛ ńdɛɛ mbʉʉ-tʉ́sɔŋ-Ɛ́fɛ̂zɛ lɛɛnɛ, ɛ́ pɔ́ ŋɡɔ Pɔ̂l kɑ zɑ́p ŋɡɔ ɑ kɛ́ ɡɛ ńjúk ńdɑ́ɑtɛ tsɛt pɑk-ŋɡɔŋ-Azîi pɔ́, ḿbɔ́ ŋ́ɡwɛtnɛ ńtsɑ́ɑ nɛpɔ́ Yɛlúsɑlɛm lɛ́Ꞌ-Pɑŋntɛkɔ̂t pɑ́Ꞌ ɑ lɑɑ ŋ́kuꞋ.
