37 Pʉɔ zúꞋ yɔ sẅiŋɛ, ɛ́ puu ŋ́kʉꞋnɛ wɔ́p tɛꞋ. Pɔ́p píkŋɛ Pyɛ̂ pɔ́p pɛcɔ́ ɡɑŋntúu ŋɡɔ: «Pɔ́ɔpɛ́mɑ́, tɛ pɛk ɡʉ ŋ́ɡɛ ŋɡɔ́ku?»
Lɑ́Ꞌ zúꞋ, ḿbíkŋɛ wɛ́ ŋɡɔ: «Tɛ pɛk ŋ́ɡɛ pɑ́Ꞌɑ?»
M bíkŋɛ wɛ́ ŋɡɔ: “Tsɑpʉɔ, ŋ ɡɛ ŋɡɔ́ku?” Tsɑpʉɔ ńtsɔ́Ꞌ mbɔ̌ mɔ ŋɡɔ: “Lɔ sɛ́, ŋ́ɡʉ Ndɑmɑs. Ɔ ɡʉ ŋ́kúu zúꞋu lɑ́ pɛ́ sẅíi wú mbɑ kʉ̈ɔ́ lɑ́ yi ɛ́ sɛ́ ḿbíkŋɛ ŋɡɔ ɔ ɡɛ.”
Pɑlʉ̈ɔ́Ꞌntsɔ pɛn ḿbíkŋɛ yɔ́p ŋɡɔ: «Ŋ́ɡʉ nǔu pɛk, pɛk ŋ́ɡɛ pɑ́Ꞌɑ?» A pʉ̈ɔt ŋɡɔ: «Kɔɔ pʉʉ lɔk mɛtʉʉ mbɑ cɔtnu ɛ́fyɛ́t ŋu ńcẅɛ́ɛ ŋkɑ́p yɛ. Pʉʉ zẅiꞋlɛ pɔ ndɑꞋ ŋkɑ́p-fɑꞋ yʉʉ.»
Pɑcẅɛ́ɛntsup-Pʉɔlɔ́mɑ kɑ tɔ́ yɔ́p pɑ́Ꞌ pɛ́ ɡɛ ńnuꞋ wɔ́p ŋki, ḿbíkŋɛ ŋɡɔ: «Cícɑ, tɛ pɛk ɡʉ ŋ́ɡɛ yɛk ŋɡɔ ku?»
Pʉɔ zúꞋ yɔ sẅiŋɛ, ńzɛ nɛɡʉtɛ pɔ wɛ́mɔ́Ꞌɔ wɛ́mɔ́Ꞌɔ, ńzɛ nǔu pɛlʉ́m. Tɛ ɑ tsʉꞋ Yɛ́su zɛ́nɛ́jʉ́, mɑŋɡɛ́ ɛ̂wɑ́ kɛ́ ḿbɛ́t ńtʉ́ʉ pɔ zúꞋu.
Ɛ́ kɑ pɔ́ ŋkɑ́ yi ŋ kɑ pɛ́tnɛ kɛ́ jí nɛpʉ́ʉ-Sɛ́, ńzúꞋ ḿbɔ́ pɔ sʉ́Ꞌnɛ, ŋ kɑ pɛn ḿbɔ́ tɛ ńjí, nɛtsɑ́ɑ nɛɡɛ nu kɛpɔŋ kúu nǔu mɔ,
Pɑsɑ́Ꞌlɑ́Ꞌ kɑ zúꞋ pɔ́Ꞌɔ, ŋ́kwɛ́t mɛsɔŋ mɔ́p. Pɔ́p lɔ sɛ́ nzʉʉ Ɛtiyɛ̂n.
Pɛkɛ́m zúꞋ pɑ́Ꞌ pɔ́p cúnɛ pɔ́Ꞌɔ, ńzɑ́ŋ lɔ́ŋ, ńzɛ nɛkwɑŋɛ nɛjẅí ɡɑŋntúu-Yɛ́su.
«Pɔ́ɔpɛ́mɑ́, ɛ́ ḿbɔ́ ḿbíkŋɛ ŋɡɔ yúu minɛ Zẅikŋɛ Lɛ́ɛnɛ́nɛ kɑ lɔknɛ ntsu-fɔɔ Ndɑvît ḿbʉ́, pɛ́ ŋwɑꞋnɛ tsɛt ŋwɑꞋnɛ-Sɛ́ puutɛ. Ɛ́ nu yí ɑ kɑ zɑ́Ꞌnɛ njí ńcú ntɛ́ Jẅidɑ ẅí jʉ́ kɛ́nɛ ńcẅɛt ńnyɛt ndúŋ lɑ pɛ́ ɡẅɛɛ Yɛ́su.»
