20 Lɛ́Ꞌlɑ́Ꞌ-Tsɑpʉɔ ɡʉ ńdɑ́Ꞌ ŋ́ɡɔ ńtɔ́, lík-mɔ́nɛm zɛɛ ɛ́shɔtnɛ ɛ́sʉ́ʉ, lík-sɑŋ shɔtnɛ ḿbɑŋ pɑ́Ꞌ mɛci lɑ́. Yîyɑ́ lɛ́Ꞌlɑ́Ꞌ ɡʉ ńdɑ́Ꞌ ḿbɔ́ kwɑꞋ lɛ́Ꞌ-nu, ɛ́ pɔ́ lɛ́Ꞌ yi Sɛ́ ńnyɛt yúu mi ɑ yɛ́tɛ́.
Lɛ́Ꞌ lɑ́Ꞌ-Tsɑpʉɔ ɡʉ ńdɑ́Ꞌ ńtɔ́ pɔ pɑ́Ꞌ tsɔ́ŋ tɔ́nɛ lɑ́. Ɛ́ pɔ́ lɛ́Ꞌ ɛ̂yɑ́, nɛfɑŋ ɡɔ́ ḿmɛ, zʉꞋ zɔtnɛ tɛ pɛ́ pɔ́k. Yúu mi ɛ́ nɛfɑŋ puu ɛ́shí, tsɛ́tsɑ́Ꞌ pɔ́p yúu mi ɛ́ ndǔ puu mɛ.
Mîmɑ́ mɛlɛ́Ꞌ ŋɡʉ̈ɔ́Ꞌ ɡʉ ńdɑ́Ꞌ ŋ́ɡɔ́ ńdɛɛ, nɛm shɔtnɛ sʉ́ʉ, sɑŋ pɔɔ pɛn ńtɑ́ pɔ́, pɛcɔ́Ꞌ-sɑŋ fú tʉ́ nɛpú ḿvutɛ sɛ́, mbɑ kʉ̈ɔ́ lɑ́ yi ɛ́ nɛpú puu ɛ́sɑtnɛ.
ɛ́ mbíꞋŋɡɔ pʉʉ sɛ́ ńtsuŋ ńjí yʉ́ʉ ŋɡɔ lɛ́Ꞌlɑ́Ꞌ-Tsɑpʉɔ ɡʉ ńdɑ́Ꞌ ḿvukŋɛ vukŋɛ́nɛ ńtɔ́ pɑ́Ꞌ ntsɔ́ŋ ẅi ɑ tɔ́nɛ nɛtúꞋ lɑ́.
ŋ́ɡʉ nǔu nɛfɑŋ ŋkɔ̂ɔnɛ, mbɑ tsɛ́tsɑ́Ꞌ ŋkɔ̂ɔnɛ, mbɔ yîyɑ́ Sẅiŋɛ lẅɛꞋ wɔ́p lẅɛꞋnɛ ńdɔk ńzẅíꞋlɛ lɛ́Ꞌ yi Sɛ́ ɡʉ ŋ́ɡɛ ŋ́ŋɑk pɛɡɑŋmbuu pɛ́. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́, múk ɡɛ tʉ́nɛ́pú pɔ́p tsɛ́tsɑ́Ꞌ tɛmtɛ ńdɑ́kŋɛ.
Ɛ́ ɡʉ ńdɑ́Ꞌ ḿbɔ́ ŋkɑ́ ɛ̂yɑ́, pɛ́ jʉ́ɔ mɛlii cẅɛt nǔu mɔ́nɛm, ńcẅɛt nǔu sɑŋ mbɑ nǔu pɛcʉ̈ɔ́Ꞌ-sɑŋ. Ŋki kɛ́ ndẅiklɛ pʉʉnɛ, ḿbuu ńtsʉ́Ꞌnɛ tɛ pʉɔ tsʉʉ pinɛ pɔ́p ndǔ tsɛ́tsɑ́Ꞌ vukŋɛ ḿbuu ḿbɔ́k tɛꞋ.
Lɑ́, ɛ́ ɡʉ ńdɑ́Ꞌ ḿbɔ́ nǔu mîmɑ́ mɛlɛ́Ꞌ, tɛ mbɔ yɔ ŋɡʉ̈ɔ́Ꞌ lɛɛ mɔ́, pɛ́ jʉ́ɔ mɔ́nɛm shɔtnɛ sʉ́ʉ, sɑŋ pɔɔ pɛn ńtɑ́ pɔ́.
Mbɑ́ɑtɛ yɛ́nɛ́kwɑ tswɛt yɛ́ ntúꞋ nǔu nɛm, Sɛ́ ɡɛ pɑ́Ꞌ nɛm ɡʉ ńdɔk múk ńtɔɔ pʉɔmɛsɔŋ.
Mɔ́ɔ-Njinjɔ pɔ́ ŋíɛꞋ ŋɛmɛ-ŋwɑ́Ꞌ nǔu zʉꞋ mbɑ́ɑtɛ yɛ́nɛ́ntúkú, m bɔ́ ńdíŋɛ, ńzúꞋ tsɛ́tsɑ́ꞌ pûu ńtsʉꞋnɛ pɑ́ꞋtɛꞋ, nɛm shɔtnɛ ɛ́sʉ́ʉ pɑ́Ꞌ ndẅí yi pɛ́ lɔk ńdúŋ nɛvú lɑ́. Sɑŋ pûu ɛ́shɔtnɛ ḿbɑŋ pɑ́Ꞌ mɛci lɑ́.
ńcɑklɛ ẅîwɑ́ ŋu ŋ́ɡɑ́ mbɔ̌ Sɑ́ttɑ. A sɑt mbɑp-mbʉʉ-ŋɡɑŋ nɛpɔ́ yi ɛ́ ɡʉ ńdɑ́Ꞌ lɛ́Ꞌ yi Tsɑpʉɔ ɡʉ ńdɑ́Ꞌ ńtɔ́, zẅikŋɛ ŋɡɑŋ luk.»
Tẅɛp kɑ pɔ́ tɛ ŋ́kuꞋ, zʉꞋ tsʉʉ ndǔ ŋɡɔŋ puu sʉ́ʉ, tɛ ńdɑ́Ꞌ ŋ́kúu nǔu nɛm yɛ́tɑ́t mbɔ́tnjí.
Mɔ ńdɑ́Ꞌ ŋ́ɡɛ ndɑɑkɑ́jʉ́ɔ nu cẅɛt tʉ́nɛ́pú. Mɛnu mɑ̌ɑmɑɑnɛ cẅɛt ndǔ tsɛ́tsɑ́Ꞌ. Pɛ́ jʉ́ɔ mɛci, ńjʉ́ɔ múk, ńjʉ́ɔ pɑ́Ꞌ ndíndí lɑ́ɑmɛ́nɛ,
Ɛ́ ŋ́kɛ́ ḿbɔ́ pɔ́Ꞌɔ, pʉɔ tsʉʉ pinɛ pɔ́p kíinɛ ɛ́fúŋ Tsɑpʉɔ, pɔ́p luk.
