ŊwɑꞋnɛ-Gɑŋntúu Yɛ́su Kɛlístɔ 19:16 - Kɑɑ Fí

¹⁶ Ŋu ẅí zẅikŋɛ kɛpɔŋ kɑ pɔ́nɛ nǔu wɛ́ lɑ́, kɛm pɔ́ɔ-Sɛ́vɑ nɛ́ ŋkɔt, ńtɛn ńtsɑ wɔ́p, ńníꞋ mɛfʉ́ŋ nǔu pɔ́p, tɛ pɔ́p fú ndɑ́ ńcẅɛt ŋ́kʉɔ kɛ́ ndẅí nǔu pɔ́p.

ŊwɑꞋnɛ-Gɑŋntúu Yɛ́su Kɛlístɔ 19:16 交叉引用

Lúkɑ́shi 8:29

Ńcú pɔ́Ꞌɔ, mbíꞋŋɡɔ ɛ́ kɑ ɡɔ ḿbɔ́, mbɔ Yɛ́su cɔ́k yîyɑ́ Zẅikŋɛ kɛpɔŋ ŋɡɔ ɛ́ fú nǔu wɛ́ ńcẅɛt. Zẅikŋɛ kɛpɔŋ ɛ̂yɑ́ kɑ pɔ́ pɑꞋɑ, mbɔ ɛ́ zɛɛ ńtɔ́, ḿbʉ́ʉpɛ wɛ́. Ḿbɔ́ ɛ́ lɑɑ ḿbɔ́ tɛ ŋ́ɡẅɛɛ wɛ́, ɑ lɔ sɛ́ ŋ́kʉɔ pɛ́ zuŋ wɛ́ ŋ́ɡẅɛɛ, ńdɔk mɛŋkʉ-tẅín ŋ́kút wɛ́, ńníꞋ kɔꞋ mɛku wɛ́. A zɑ́Ꞌtɛ ŋkʉ-tʉ́n, ḿbʉ̈ɔ́Ꞌ kɔꞋ zẅikŋɛ kɛpɔŋ ɛ̂yɑ́ lɔk wɛ́ ŋ́kʉɔ pɔ nɛ́ kɔ̂ŋtɛt.

Mɑ́lɛ́kúshi 5:15

ŋ́ɡʉ tɛ ŋ́kúu nɛjɔ́ŋ Yɛ́su, ńjʉ́ɔ ŋu ẅí mɛzẅikŋɛ kɛpɔŋ kɑ pɔ́ nǔu wɛ́ tɛ ńzɑ́ɑ zɑ́ɑnɛ lɑ́, ɑ nɑ́ŋ ḿmɑꞋ mɛndẅí, mbɔ jínu yɛ́ pɛn, pɔ́p pɔ́k tɛꞋ.

Lúkɑ́shi 8:35

Lɑ́Ꞌ zúꞋ, ŋ́ɡɔ́ɔ ńcẅɛt, ńtɔ́ nɛjʉ́ɔ nu ɛ̂yɑ́. Ŋ́ɡʉ tɛ ŋ́kúu zʉꞋ yi Yɛ́su kɑ pɔ́nɛ zúꞋu, ńjʉ́ɔ ŋu ẅi mɛzẅikŋɛ kɛpɔŋ lɑ́Ꞌnɛ ńcẅɛt nǔu wɛ́ lɑ́, ɑ nɑ́ŋ nɛjɔ́ŋ Yɛ́su, mbɔ ɑ fíitɛ, jínu yɛ́ pɛn tɛ ɑ mɑꞋ ndẅí. Pɔ́p jʉ́ɔ pɔ́Ꞌɔ, ŋ́ɡɔ́ɔ ńtsʉ́Ꞌ ḿbɔ́k pɔ́knɛ.

ŊwɑꞋnɛ-Gɑŋntúu Yɛ́su Kɛlístɔ 3:8

A lɔ sɛ́ ńtʉʉ, ńzɛ nɛnɛn. Pɔ́p ɡɑŋntúu-Yɛ́su tɛmtɛ ńdɛɛ ŋ́ɡʉ tsɛt ZʉꞋ-nɔŋpɔꞋ. A nɛn ŋ́kítɛ, ḿbɔ́ ŋ́ɡɛ́mtɛ Sɛ́.

ŊwɑꞋnɛ-Gɑŋntúu Yɛ́su Kɛlístɔ 19:15

Lɑ́, zẅikŋɛ kɛpɔŋ tsɔ́Ꞌ mbɔ̌ pɔ́p ŋɡɔ: «Mɔ sɛ́ ńjí Yɛ́su, ḿbɛn ḿbɔ́ ńjí ŋu ẅi Pɔ̂l jʉ́, ŋ́ɡʉ nǔu pʉʉ, pʉʉ zɛɛ ḿbɔ́ pɛ́ wɔ̌?»

ŊwɑꞋnɛ-Gɑŋntúu Yɛ́su Kɛlístɔ 19:17

Pʉɔ pi pɔ́p tʉ́sɔŋ-Ɛ́fɛ̂zɛ, pɑyúdɑ pɔ́p pʉɔ pi pɔ́p kɑ́ pɔ́ pɑyúdɑ pɔ́, zúꞋ yɔ nu, ḿbɔ́k, ńcú ŋɡɔ: «Tsɑpʉɔ Yɛ́su kwɑꞋ ɡú tɛꞋ.»

2 Pyɛ̂ 2:19

ḿbɛn ḿbɔ́ ɛ́sẅíi wɔ́p ŋɡɔ pɔ́p ɡʉ ŋ́ɡɛ pɔ́p pɔɔ pɛn ḿbɔ́ pɛkwɑɑ pɔ́, lɑ́ kwɑꞋ pɔ́p ɡúu pɔ́ pɛkwɑɑ-yúu mi pɔ́p tsɑ́ɑnɛ, ɛ́ pɛn ḿbɔ́ ḿbík wɔ́p. Yúu lɑɑ ńzɛɛ ńjʉ́ tʉ́m-ŋu, ŋɡɑŋ tsʉ́Ꞌ ḿbɔ́ pɔ ŋkwɑɑ mbɔ̌ yîyɑ́ yúu.