ŊwɑꞋnɛ-Gɑŋntúu Yɛ́su Kɛlístɔ 18:27 - Kɑɑ Fí

²⁷ Apɔlɔ́s ɡɛ ḿbɔ́ ńtsɑ́ɑ nɛfú Ɛ́fɛ̂zɛ ŋ́ɡʉ nǔu pɑk-ŋɡɔŋ-Akɑ́y, pɔ́ɔpɛ́mɑ́ zúꞋ ńníꞋ mɛtʉʉ mɛ́, ŋ́ŋwɑꞋnɛ ŋwɑꞋnɛ ŋ́ɡɑ́ mbɔ̌ wɛ́, nɛpɔ́ yi ɑ ɡʉ ŋ́kúu zúꞋu, ŋ́ɡɑ́ mbɔ̌ pʉɔ-Kɛlístɔ pi pɔ́p zúꞋu pɔ́p kúkŋɛ wɛ́ sʉ́Ꞌnɛ. A ɡʉ tɛ ŋ́kúu zúꞋu, ńcẅɛ́lɛ́ pʉɔ-Kɛlístɔ pɑ́ꞋtɛꞋ, mbíꞋŋɡɔ Sɛ́ kɑ pɔ́ ńtɔ́ɔtɛ wɛ́,

ŊwɑꞋnɛ-Gɑŋntúu Yɛ́su Kɛlístɔ 18:27 交叉引用

Kɔlɔsíyɛ̂ŋ 4:10

Alistɑk ẅí pɛknɛ tɛmtɛ́nɛ ḿbɔ́ ndɑ́tsɑ́ŋ cɛꞋlɛ wʉ́ʉ. Mɑ́lɛ́kúshi ẅí ɑ mɔ́ɔmɑ́-Pɑnɛpɑ́ɑshi pɛn ḿbúꞋ mbɔ́ mbɔ̌ pʉʉ ɡúu. Ŋ kɑ zɛɛ ŋ́kẅíi wɛ́ mbɔ̌ pʉʉ. A lɑɑ ŋ́kúu zɑ́Ꞌɑ, pʉʉ kúkŋɛ wɛ́ sʉ́Ꞌnɛ.

Kɔlɔsíyɛ̂ŋ 2:12

Ɛ́ kɑ pɔ́ ŋkɑ́ yi pɛ́ kɑ nuꞋnɛ wʉ́ʉ tsɛt ŋki, pɛ́ kɑ pɔ́ pɔ́Ꞌɔ, ńdɔk ńtɛmtɛ wʉ́ʉ pɛ́ Kɛlístɔ ńníꞋ tsɛt nɛshi, pʉʉ pɛ́ pɔ́p pɛn ńtɛmtɛ ńzẅíimɛ nǔu nɛvú, mbíꞋŋɡɔ pʉʉ pɛ́mnɛ ŋɡɔ Sɛ́ ẅí ɑ kɑ zẅíimɛ́nɛ Yɛ́su nǔu nɛvú, ɑ ɡẅɛɛ tʉʉ nɛlɔk ŋ́ɡɛ pʉʉ ńzẅíimɛ yʉ́ʉ ɡúu.

Filipɛ 1:29

A kɑ ɡɑ́ fuꞋ yʉ́ʉ, pʉʉ pɔ́ pʉɔ-Kɛlístɔ, lɑ́ ɛ́ kɛ́ mbɔɔ pɔ́ pɔ ndɑꞋ pɔ́Ꞌɔ pɔ́, ɛ́ pɛn ḿbɔ́ mbɑ nɛjʉ́ɔ ŋɡʉ̈ɔ́Ꞌ ntɛ́ Kɛlístɔ.

Filipɛ 1:25

Mɔ sɛ́ ńniitɛ ńjí pɔ́Ꞌɔ. Ŋ ɡʉ ḿbɛn ńnɑ́ŋ ḿbɔ́ ńcẅɛ́lɛ wʉ́ʉ pɛ́tsʉʉ nɛtsuŋ ḿbɛ́m nu-Yɛ́su, ŋ́ɡẅɛɛ tsɑ́ɑtɛ.

2 Kɔlɛ̂ŋtɛ 1:24

Pɛk sɛ́ ńjí ŋɡɔ wʉʉ nɛzɑ́p tʉ́m nǔu Yɛ́su Kɛlístɔ tɛntɛ, pɛk kɑ́ pɔ́ ńdɔɔ nɛtɔ́ ɛ́fyɛ́t wʉ́ʉ, ńzɑ́p pɑ́Ꞌ pʉʉ ɡʉ ŋ́ɡɛ pɔ́. Pɛk tsɑ́ɑ pɔ nɛtɔ́ ńcẅɛ́lɛ wʉ́ʉ pʉʉ mɛkŋɛ ńzúꞋ sʉ́Ꞌnɛ.

1 Kɔlɛ̂ŋtɛ 16:3

Mɔ ŋ́ɡɛ ńtɔ́, ńtúu pʉɔ pi pʉʉ tsɔ́Ꞌnɛ, ŋ́ɡɑ́ mɛŋwɑꞋnɛ mbɔ̌ pɔ́p, pɔ́p lɔk ŋ́ɡʉ Yɛlúsɑlɛm ŋ́ɡɑ́ ŋkɑ́p yi pʉʉ cúꞋlɛ́nɛ.

1 Kɔlɛ̂ŋtɛ 15:10

Ɛ́ kɑ kɛ́ ńdɛɛ pɔ nǔu pɑ́Ꞌ Sɛ́ ɡɑ́nɛ fuꞋ níinɛ yɑ́ɑ, ńnɑ́ŋ ńcẅɛ́lɛ wɑ́ɑ lɑ́ n tsʉ́Ꞌ yúu mi mɔ yɛ́tɛ́ lɑɑ. Yîyɑ́ ntɛ́ nɛɡɑ́ fuꞋ níinɛ yɑ́ɑ ŋkɑɑ lɛɛ níinɛ pɔ́, ɛ fɑꞋ fɑꞋ ńdɛɛ pɛcɔ́ ɡɑŋntúu, lɑ́ mɔ kɑ́nɛ pɔ́ ńdɔk mɑ́ɑ mɛtʉʉ ɛ́fɑꞋ pɔ́. Sɛ́ cẅɛ́lɛ́nɛ wɑ́ɑ ŋ́ɡɑ́ mɛtʉʉ n dɔk ɛ́fɑꞋ.

Pʉɔ-Lɔ́mɑ 1:5

Sɛ́ kɑ lɛɛ pɔ nǔu jʉ́ Kɛlístɔ ŋ́ɡɑ́ fuꞋ níinɛ yɑ́ɑ, ńdɔk wɑ́ɑ ŋ́ɡɛ ŋɡɑŋntúu-Yɛ́su Kɛlístɔ nɛpɔ́ yi mɔ ŋ́ɡʉ ɛ́sẅíi nu-Sɛ́, tsɛt mɛŋɡɔŋ tsʉʉ. Pʉɔ zɑ́p tʉ́m nǔu wɛ́, ńzúꞋ ntsu wɛ́, ɛ́ lɛɛ pɔ́Ꞌɔ, pɔ́p ɡɑ́ mɛkuꞋ mbɔ̌ Yɛ́su Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 19:1

Apɔlɔ́s ɡɔ́ ḿbɔ́ Kɔlɛ̂ŋntɛ pɑ́Ꞌɑ, Pɔ̂l pɔ́ ńjɛ́Ꞌ tsɛt pɑk-ŋɡɔŋ yi mɛmɑ́ mɛŋkɔ́Ꞌ zúꞋu, ŋ́ɡʉ tɛ ŋ́kúu Ɛ́fɛ̂zɛ, ńjʉ́ɔ pɛcɔ́ ntɑ́Ꞌpʉɔ-Kɛlístɔ pɔ́ zúꞋu,

ŊwɑꞋnɛ-Gɑŋntúu Yɛ́su Kɛlístɔ 18:18

Pɔ̂l nɑ́Ꞌ ḿbɛn ńzɛ ńnɑ́ŋ Kɔlɛ̂ŋntɛ. Lɑ́ ńdɛɛmɛ pɔ́ɔpɛ́mɑ́, ŋ́ɡʉ Sɛnkɛ́lɛ́ pɑ́Ꞌ ɑ ɡʉ ŋ́kúu mɑ́mɑ́ kɑnúꞋ ŋ́ɡʉ nɛ́ Siliyɑ. Pɔ̂l pɔ́p Pɛlɛsîl ŋ́ɡɛ Akilɑs ɡʉnɛ. Pɔ̂l ɡɔ́ ŋ́kúu kɑnúꞋ, ŋ́kɔ́ɔ tú yɛ́ ńdɔk ńcú ŋɡɔ ɑ ɡɛ yúu mi ɑ kɑ kɑꞋnɛ mbɔ̌ Sɛ́ tɛ ńdẅiklɛ.

ŊwɑꞋnɛ-Gɑŋntúu Yɛ́su Kɛlístɔ 9:27

Ɛ́ pɔ́ tɛ Pɑnɛpɑ́ɑshi lɔk wɛ́ ŋ́ɡʉ, ńtɔ́ ńnyɛt wɛ́ mbɔ̌ ɡɑŋntúu-Yɛ́su, ńtɔ́ ńnyɛt wɛ́, ḿbɛ́ɛtɛ ɛ́sẅíi wɔ́p ŋɡɔ Sɔ̂l kɑ jʉ́ɔ Tsɑpʉɔ Yɛ́su sɛ̂ndúŋ-Ndɑ́mɑ́s, tɛ kwɑꞋ Tsɑpʉɔ cú nu mbɔ̌ wɛ́, Pɑnɛ́pɑ́ɑshi pɛn ɛ́sẅíi wɔ́p pɑ́Ꞌ Sɔ̂l kɑ lɔknɛ lík-Yɛ́su ńcẅi Ŋkʉʉ Sʉ́Ꞌnɛ Ndɑmɑs kɛ́ pɔ́k.

1 Kɔlɛ̂ŋtɛ 3:6

Ŋ kɑ pi tʉ́ sɛ́, Apɔlɔ́s tswɛt ŋki nǔu. Lɑ́ Sɛ́ ɡɛ ɛ́ ɡúꞋ.

ŊwɑꞋnɛ-Gɑŋntúu Yɛ́su Kɛlístɔ 18:12

Ɛ́ ɡɔ́ ḿbɔ́ yɛcɔ́ ŋkɑ́, Ŋɡɑlíyɔn tsʉ́Ꞌnɛ ŋɡɔ́mnɑɑ nǔu pɑk-ŋɡɔŋ-Pɑlɔ́mɑ yi pɛ́ fúŋnɛ ŋɡɔ Akɑ̂y. Pɑyúdɑ nɑ́ŋ tɛ ńdɔ sɛ́ nzʉʉ Pɔ̂l, ŋ́ɡẅɛɛ wɛ́ ńdɔk ŋ́ɡʉ zʉꞋ yi pɛ́ ŋɑknɛ ntsɑŋ zúꞋu, ɛ́fɛn wɛ́,

ŊwɑꞋnɛ-Gɑŋntúu Yɛ́su Kɛlístɔ 1:15

Ɛ́ ɡɛ ḿbɔ́ yɛcɔ́ lɛ́Ꞌ, pɔ́ɔpɛ́mɑ́ cúꞋlɛ sɛ́, tɛ ḿbɔ́ yúu pʉɔ ŋkʉ nɛ́ mɛɡɛ́mɛ́mbɑ́ Pyɛ̂ lɔ sɛ́, ńtʉ́ʉ tsɛtsɛt pɔ́p ńcú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 11:26

ŋ́kúu zúꞋu, ńjʉ́ɔ wɛ́, ńdɔk wɛ́ ḿbɛn nɛ́ Antíyɔshɛ. Pɔ́p pɛ́pɑ́ ŋ́ɡɛ pɑpɛ́m Yɛ́su tɛmtɛ ńnɑ́ŋ Antíyɔshɛ nǔu tɑ́Ꞌ ŋɡuꞋlɑ́Ꞌ. Pɔ́p pɔ́ ńzíꞋ pʉɔ tɛ ńzɑ́ɑ nɛ́ yúu. Pɛ́ kɑ zɛ pɔ Antíyɔshɛ ɛ̂wɑ́ nɛfúŋ pɑpɛ́m Yɛ́su ŋɡɔ: «Pʉɔ-Kɛlístɔ.»

ŊwɑꞋnɛ-Gɑŋntúu Yɛ́su Kɛlístɔ 15:34

[Lɑ́ Sílɑs zɑ́p pɔ ŋɡɔ ɑ ɡʉ ŋ́ɡɔ́ŋ Antíyɔshɛ.]