ŊwɑꞋnɛ-Gɑŋntúu Yɛ́su Kɛlístɔ 18:24 - Kɑɑ Fí

²⁴ Wɛcɔ́ ŋu-Yúdɑ ẅí pɛ́ kɑ pínɛ wɛ́ Alɛkzɑŋndɛlîi, pɛ́ fúŋ wɛ́ ŋɡɔ Apɔlɔ́s tɔ́ Ɛ́fɛ̂zɛ, ḿbɔ́ ŋu ńcú nu ɛ́ ńcẅɛt, ḿbɛn ńjí ŋwɑꞋnɛ-Sɛ́ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 18:24 交叉引用

Tîtɛ 3:13

Zɛnɑ́s ẅi ɑ ḿbɛꞋ mɛlɑ́Ꞌ-pʉɔ zʉꞋ-ntsɑŋ, tɛ mbɑ Apɔlɔ́s lɑɑ ŋ́ɡɔ ńcʉ́ɔ sɛ̂ndúŋ nɛnɛn, ɔ lɔɔ shʉ́ ŋ́ɡɑ́ kʉ̈ɔ́ lɑ́ yi ɛ́ sɛ́ ḿbíkŋɛ ŋɡɔ pɔ́p ɡẅɛɛ.

1 Kɔlɛ̂ŋtɛ 4:6

Pɔ́ɔpɛ́mɑ́ pɑ́ɑ, mɔ sɛ́ ńcú nu ḿbɛn ńdɛꞋlɛ pɑ́Ꞌ nu yi n cúnɛ nǔu mɔ ḿbɔ́, mbɑ pɑ́Ꞌ ɛ́ nǔu Apɔlɔ́s ḿbɔ́ pɔ́Ꞌɔ. N dɛꞋlɛ pɔ́Ꞌɔ, pɔ nɛlɔk ńzíꞋ wʉ́ʉ nɛ́ yúu. Ŋ kɔŋ ŋɡɔ pʉʉ fú nǔu pɛk ńzíꞋ yúu mi sɑknɛkɛt yi ɛ́ cúnɛ ŋɡɔ: «Ḿbɑ́ɑ ŋu nɛɡɛ yúu tɛ ńdɛɛ yi pɛ́ kɑ ŋwɑꞋnɛ́nɛ, ńdɔk ɛ́sẅíi wʉ́ʉ ŋɡɔ ŋu wʉʉ kɑ́ ɡẅɛɛ nɛlɔk pɑ́Ꞌ ɑ nzʉʉ wɛcɔ́ ŋu ŋ́ŋɑ́Ꞌtɛ mbi wɛcɔ́ pɔ́.»

1 Kɔlɛ̂ŋtɛ 16:12

Ɛ́ ɡʉ nǔu mɔ́ɔmɑ́ wɛkŋɛ Apɔlɔ́s, mbɔ n zɛ mɔ́ ńníꞋ mɛtʉʉ mɛ́ pɑ́Ꞌ pɔ́p pɛcɔ́ pɔ́ɔpɛ́mɑ́ ɡʉ ŋ́ɡʉ lɑ́Ꞌ pʉʉ. Lɑ́ ɑ kɑ́ pɔ́ ŋ́kɔŋ nɛɡʉ ŋkɔ̂ɔnɛ pɔ́, ɑ ɡʉ ŋ́ɡɛ ŋ́ɡẅɛɛ ŋkɑ́ lɑ ŋ́ɡʉ.

1 Kɔlɛ̂ŋtɛ 1:12

Ŋ kɑ fú nǔu ńzúꞋ ŋɡɔ mbɑ wɔ̌ lɑ́ tsɛtsɛt pʉʉ tsʉ́Ꞌ ɛ́sẅíŋɛ pɔ nǔu yɛ́ ntɛ́. Wɛcɔ́ ŋu ɡɔ́ mɔ ŋu-Pɔ̂l, wɛcɔ́ ɡɔ ɑ ŋu wɛ Apɔlɔ́s. Wɛcɔ́ ɡɔ ɑ ŋu-Kɛfɑs, wɛcɔ́ cú ŋ́ɡɔ ɑ ŋu wɛ Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 6:9

Pɛcɔ́ ntɑ́Ꞌ pʉɔ ɡɛ ńzɛ nɛzɔŋ nu yí Ɛtiyɛ̂n cúnɛ. Yɛcɔ́ ɡúŋ pɔ́ pɑyúdɑ pi pɔ́p fúnɛ Silɛ̂nɛ mbɑ Alɛkzɑŋndɛlîi, ḿbɔ́ pʉɔ pi pɔ́p tsɛtsɛt ndɑ́-cúꞋlɛ yi pɛ́ kɑ pɔ́ ɛ́fúŋ ŋɡɔ: «Ndɑ́-cúꞋlɛ-Pɑcẅɛtndɑ́-kwɑɑ.» Yɛcɔ́ ɡúŋ pɔ́ pɑyúdɑ pi pɔ́p fúnɛ tsɛt ŋɡɔŋ-Silisî mbɑ nǔu pɑk-ŋɡɔŋ Azîi.

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

2 Kɔlɛ̂ŋtɛ 10:10

Mɔ sɛ́ ńjí ŋɡɔ pɛcɔ́ pʉɔ sɛ́ ńcú ŋɡɔ pɔ̂l túu ŋwɑꞋnɛ ńcʉ̈ɔ́k tsɛtú tɛꞋ, ńcú nu ɛ́ tɛn, ḿbɛn ńtɔ́ tɛ ńtʉ́ʉ sɛ́ ḿbɔ́t, nu yí ɑ cúnɛ pɔɔ pɛn ńcʉ́ʉnɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 27:6

Ŋ́kúu zúꞋu pɔ́Ꞌɔ, tɑ́tndɑ́-ntsɔ ẅí pɛk pɛpɔ́p nɛnnɛ lɑ́, jʉ́ɔ wɛcɔ́ mɑ́mɑ́ kɑnúꞋ tʉ́sɔŋ-Alɛkzɑŋndɛlii, ńdɔk shʉ́-ŋɡɔŋ-Itɑ́líyɑ ŋ́ɡʉ. A ɡɛ pɛk kúu tsɛt ẅîwɑ́ kɑnúꞋ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 7:22

Mɔ̌sɛ̂ɛ tswɛ́ zúꞋu, pɛ́ zíꞋ wɛ́ nɛ́ jínu-pʉɔ-Ɛɡíptɔ, ŋ́ɡúꞋ tɛ ḿbɔ́ ŋu, ńtsʉ́Ꞌ nɛcú nu kɛ nɛɡɛ ɔɔ, ŋ́ɡɛ pɑ́Ꞌ ŋu ẅí ɑ jínɛ yúu mi ɑ ɡɛnɛ.

Lúkɑ́shi 24:19

A píkŋɛ wɔ́p ŋɡɔ: «Kʉ̈ɔ́ ŋ́ɡɛnɛ?» Pɔ́p cú ŋɡɔ, pɛk lɑ́Ꞌ ḿbɔ́ ḿmɑɑ pɔ mɛnu mi ɛ́ kɑ ɡɛnɛ Yɛ́su ŋu-Nɑ̌ɑzɑlɛt. A ḿbɔ́ kwɑꞋ ŋɡɛ́mndʉ̈ɔ́Ꞌ-Sɛ́ wɛ ɡwɛ́, nǔu mɛfɑꞋ-mɛ́, mbɑ nǔu sẅiŋɛ yɛ́ mbi Sɛ́ mbɑ mbi pʉɔmɛsɔŋ.

Mɑtʉ̈ɔ 13:52

A cú ŋɡɔ: «Pʉʉ kɛ́ ńjí ŋɡɔ ŋkyɛ́Ꞌtɛ nɛpʉ́ʉ-Mɔ̌sɛ̂ɛ ẅí ɑ pɛ́mnɛ nu-nɛfɔɔ-Sɛ́ ɑ pɔ́ pɔ pɑꞋ wɛcɔ́ ndʉ́m ẅi yúu ŋɡuꞋ pɔ́p yɛ́ ŋɡuꞋ yɔ tsɛt ntɑŋ yɛ́. A nɑ́ŋ tɛ mbʉʉ yɛ pɔŋ, ɑ ɡʉ nǔu ńcẅɛɛtɛ ntɛ́ yi ɑ kɔŋnɛ.»

ŊwɑꞋnɛ-Gɑŋntúu Yɛ́su Kɛlístɔ 18:28

pɔ́p pɛ́ pɑyúdɑ zɛɛ ńtʉ́ʉ mbi lɑ́Ꞌ, ńzɔŋ nu ŋ́ɡɑ́ nǔu Yɛ́su. A pɔ́ ńdɔk nu yi ɛ́ fúnɛ tsɛt ŋwɑꞋnɛ-Sɛ́ ńniitɛ nnyɛt ŋɡɔ Yɛ́su pɔ́nɛ Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ ńdɔk yɛ sẅiŋɛ ńjɔ́Ꞌ ntsu-pɑyúdɑ.

ŊwɑꞋnɛ-Gɑŋntúu Yɛ́su Kɛlístɔ 18:19

Pɔ́p ɡʉ tɛ ŋ́kúu Ɛ́fɛ̂zɛ ńcẅɛt tsɛt kɑnúꞋ, Pɔ̂l nɑ́ Pɛlɛsɛkɑ pɔ́p Akilɑs, ŋ́ɡʉ ŋ́kúu ndɑ́-cúꞋlɛ-pɑyúdɑ, nɛsẅíi pɑyúdɑ nɛ́ nu-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 18:21

Lɑ́ ŋ́ɡɔ ńdɛɛmɛ wɔ́p ńcú mbɔ̌ pɔ́p ŋɡɔ: «Sɛ́ lɑɑ ḿbɛ́m, mbɔ mɔ ńtɑ́ɑ lɑ́ ḿbɛn ńtɔ́ njɛ́Ꞌ pʉʉ.» A cú pɑ́Ꞌɑ, ŋ́ɡɔ́ɔ ŋ́kɛ́ ŋ́ɡʉ ŋ́kúu kɑnúꞋ, ɛ́fú Ɛ́fɛ̂zɛ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 19:1

Apɔlɔ́s ɡɔ́ ḿbɔ́ Kɔlɛ̂ŋntɛ pɑ́Ꞌɑ, Pɔ̂l pɔ́ ńjɛ́Ꞌ tsɛt pɑk-ŋɡɔŋ yi mɛmɑ́ mɛŋkɔ́Ꞌ zúꞋu, ŋ́ɡʉ tɛ ŋ́kúu Ɛ́fɛ̂zɛ, ńjʉ́ɔ pɛcɔ́ ntɑ́Ꞌpʉɔ-Kɛlístɔ pɔ́ zúꞋu,