ŊwɑꞋnɛ-Gɑŋntúu Yɛ́su Kɛlístɔ 16:31 - Kɑɑ Fí

³¹ Pɔ́p tsɔ́Ꞌ mbɔ̌ wɛ́ ŋɡɔ: «Zɑ́p tʉ́m yú nǔu Tsɑpʉɔ Yɛ́su. A ɡɛ pʉʉ njẅɛtndɑ́ yu luk.»

ŊwɑꞋnɛ-Gɑŋntúu Yɛ́su Kɛlístɔ 16:31 交叉引用

Jɑ̂ŋ 1:12

Lɑ́, pʉɔ tsʉʉ pí pɔ́p ńzɑ́pnɛ tʉ́m nǔu wɛ́, ɑ lɔk wɔ́p ŋ́ɡɛ pʉɔ-Sɛ́.

Jɑ̂ŋ 3:36

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.

Mɑ́lɛ́kúshi 16:16

Ŋu ẅí ɑ pɛ́mnɛ, pɛ́ nuꞋ wɛ́ ŋki, Sɛ́ ɡɛ ɑ luk. Ŋu ẅí ɑ lʉꞋnɛ nɛpɛ́m, ɑ ɡʉ ńdɑ́Ꞌ ḿvu ntsɑŋ.

Ŋɡɑlɑ̂t 3:26

Pʉʉ pɛtsʉʉ zɛɛ ńdɔk pɑ́Ꞌ pʉʉ zɑ́pnɛ tʉ́m nǔu Yɛ́su Kɛlístɔ ḿbɔ́ pʉɔ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 18:8

Kɛlíspus ẅi ɑ ndʉ́m tsɛt ndɑ́-cúꞋlɛ-pɑyúdɑ pɔ́p njẅɛtndɑ́ yɛ tsʉʉ ɡɛ ńzɑ́p tʉ́m yɔ́p nǔu Tsɑpʉɔ. Pɛ́ nuꞋ wɔ́p ŋki. Pʉɔ-Kɔlɛŋntɛ tɛ ńzɑ́ɑ zúꞋ sẅíŋɛ-Pɔ̂l ḿbɛ́m yɔ́p nɛpɔ́ pʉɔ-Kɛlístɔ. Pɛ́ nuꞋ wɔ́p ɡúu ŋki.

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

ŊwɑꞋnɛ-Gɑŋntúu Yɛ́su Kɛlístɔ 15:11

Yúu mi pɛkŋɛ pɛ tsʉʉ sɛ́ ńniitɛ ńjí, ɛ́ pɔ́ pɔ ŋɡɔ pɛkŋɛ kɑ ɡɔ́ ńduk, ńtẅɛꞋ pɔ pɑ́Ꞌ Tsɑpʉɔ Yɛ́su ɡɑ́nɛ fuꞋ níinɛ yɛkŋɛ. Ɛ́ pɔ́ pɔ ndʉ́ŋndʉŋ pɑ́Ꞌ ɛ́ lɛɛnɛ pɔ́Ꞌɔ, lɑ pɔ́p luk yɔ́p.»

ŊwɑꞋnɛ-Gɑŋntúu Yɛ́su Kɛlístɔ 4:12

«Pʉɔ kɛ́ ŋ́ɡẅɛɛ nɛlɛɛ pɔ nǔu Yɛ́su lɑ́ ńduk, mbíꞌŋɡɔ wɛcɔ́ ŋu ndɛꞋ kɑ́ pɔ́ ndǔ yɔ mbí ḿbɔ́ ẅi Sɛ́ kɑ ńzɑ́pnɛ wɛ́ nɛpɔ́ yi pɛkŋɛ ɡʉ ńdɛɛ nǔu wɛ́ ńduk pɔ́.»

ŊwɑꞋnɛ-Gɑŋntúu Yɛ́su Kɛlístɔ 16:32

Pɔ̂l pɔ́p Sílɑs sẅíi nu-Tsɑpʉɔ mbɔ̌ pɔ́p pɛ́ njẅɛtndɑ́ yɛ́.

Jɑ̂ŋ 6:47

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzɑ́p tʉ́m nǔu mɔ, mbɔ ŋɡɑŋ ɡʉ ŋ́ɡẅɛɛ luk kɛ́mɛ.

Jɑ̂ŋ 6:40

Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»

Ŋɡɑlɑ̂t 3:14

Yɔ nu pɔ́ pɑ́Ꞌɑ nɛpɔ́ wi Sɛ́ ɡʉ ɛ́fú nǔu yúu mi Yɛ́su Kɛlístɔ, ẅí ɑ nǔu njẅɛt-Ábɛlɛhɑ̂m ɡɛnɛ, ńníꞋ mbɔ́tnɛ nǔu pʉɔ pi pɔ́p kɑ́ pɔ́ pɑyúdɑ pɔ́, ɛ́ lɛɛ nǔu Ábɛlɛhɑ̂m, mbɑ nɛpɔ́ yi pɛkŋɛ ɡʉ ńdɔk pɑ́Ꞌ pɛkŋɛ zɑ́pnɛ tʉ́m nǔu Kɛlístɔ ŋ́ɡẅɛɛ Zẅikŋɛ yi Sɛ́ kɑ kɑꞋnɛ mbɔ̌ pɛkŋɛ.

ŊwɑꞋnɛ-Gɑŋntúu Yɛ́su Kɛlístɔ 16:15

Pɛ́ pɑ́ɑtɛ ńtɛmtɛ ńnuꞋ wɔ́p njẅɛtndɑ́ yɛ́ ŋki. A pɑ́ɑtɛ ŋ́ɡɔ ɛ́fúŋ wɛ́k njɛ́Ꞌ yɛ́ ńcú ŋɡɔ: «Pɛk lɑɑ ńjʉ́ɔ yɛ́k ŋɡɔ ɑ pɛ́m nu-Tsɑpʉɔ tɛ ɛ́sẅíi nu, pɛk tɔ́ ńtswɛ́ njɛ́Ꞌ yɛ́.» Ńcú pɔ́Ꞌɔ, ńtsʉ́ʉnɛ wɛ́k tsʉ́ʉnɛ́nɛ nɛpɛ́m.

Jɑ̂ŋ 20:31

Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.

Pʉɔ-Lɔ́mɑ 11:16

Ŋu lɑɑ ńzɛɛ ḿbiitɛ ŋ́ɡɑ́ nduŋmbi kɛm-mbɛlɛ̂t mbɔ̌ Sɛ́, mbɔ mbɛlɛ̂ɛt tsʉʉ tsʉʉ pɔ́ pɔ yɛ́ Sɛ́. Mɛŋɑŋ-tɑ́Ꞌ tʉ́ lɑɑ ḿbɔ́ mbɔ̌ Sɛ́, ḿbɔ́ mbɔ tʉ́ pɛn ḿbɔ́ pɔ mbɔ̌ wɛ́.

ŊwɑꞋnɛ-Gɑŋntúu Yɛ́su Kɛlístɔ 8:36

Pɔ́pmɛ́ kɑ pɛ́t ńnɛn nɛnnɛ, ńcẅɛt nǔu yɛcɔ́ zʉꞋ, ŋki pɔ́ zúꞋu. Ŋu-Ɛ́tíyɔ́pîi ɛ̂wɑ́ cú mbɔ̌ Filîp ŋɡɔ: «Ŋki pʉ́ɔlɑ́, ɛ́ lɑɑ ḿbɔ́ kʉ̈ɔ́ kíꞋ tɛ pɛ́ pɔɔ wɑ́ɑ ŋki nuꞋ?»