4 Ɛlɔ̂dɛ cú pɛ́ ɡẅɛɛ Pyɛ̂ pɔ́Ꞌɔ, ńdɔk wɛ́ ŋ́ɡʉ ńjɔ́Ꞌ ndɑ́tsɑ́ŋ. A niitɛ pɑlʉ̈ɔ́Ꞌntsɔ pɛ́nɛ́kwɑ ŋkɑ́ yɛ́nɛ́kwɑ ńtíktɛ ŋɡɔ pɔ́p pɔ́ ḿbyɛ́p wɛ́, ḿbɔ́ ńzẅíꞋlɛ pɑ́Ꞌ ndínɑ-Pɑ́skɑ ɡʉ ńdɛɛ, ɑ tík wɛ́ mbi lɑ́Ꞌ, pɛ́ ŋɑk wɛ́.
Pyɛ̂ cú ŋɡɔ: «Tsɑpʉɔ, ɛ́ lɑɑ ḿbɔ́ pɔ nɛkúu tsɑ́ŋ, mbɔ ɑ pûu, ńtɔ́ ŋ́kɛ́ ḿbɔ́ pɔ nɛvú, mbɔ ɑ pûu.»
Mɔnɛ mɛnu ɡʉ ńzɛɛ ńdɑ́Ꞌ ŋ́ɡɔ ńtɔ́, pʉʉ piitɛ ńjʉ́ɔ pɛ́ ɡẅɛɛ wʉ́ʉ, ńnyɛt wʉ́ʉ nɛ ŋɡʉ̈ɔ́Ꞌ, ɛ́fɛn wʉ́ʉ, pɛ́ ŋɑk wʉ́ʉ mɛndɑ́-cúꞋlɛ-Pɑyúdɑ, ńníꞋ wʉ́ʉ tsɑ́ŋ. Pɛ́ ɡʉ ńdɑ́Ꞌ ŋ́ŋɑk wʉ́ʉ mbi pɛfɔɔ pɔ́p pɛŋɡɔ́mnɑɑ, mbíꞋŋɡɔ pʉʉ zúꞋ ntsu wɑ́ɑ.
Pɔ́p kɑ tɑ́ŋ wɛ́ pɔ́Ꞌɔ, ŋ́ɡɛ kʉ̈ɔ́ lɑ́ yi ɡu Sɛ́, kɑ lɑ́Ꞌnɛ ńzɑ́Ꞌ njí ŋ́kwɑŋɛ ńzɑ́p ŋɡɔ ɛ́ ɡʉ ńdɑ́Ꞌ ḿbɔ́ pɔ́Ꞌɔ.
Pɔ́p ɡẅɛɛ wɔ́p. Ɛ́ ɡɔ́ ḿbɔ́ ńtsʉ́Ꞌ ḿbɔ́ pɔ ntsuŋkẅɛ́Ꞌ. Pɔ́p níꞋ wɔ́p ndɑ́tsɑ́ŋ nɛpɔ́ yi pɔ́p ɡʉ ńdɛ́ zúꞋu tɛ njí kiɛ.
Lɑ́ ŋ kɛ́ ɛ́sẅíi wú, kwɑꞋ nɛ́nẅín, ɔ kɑ pɛ́t mɔ́ɔsuu, ɡu pɔ́nɛ ŋ́kút tɑp yú, ḿbɛn ḿbɔ́ ŋ́ɡʉ zʉꞋ yí ɔ kɔŋnɛ, ɔ ɡʉ ŋ́kɛ́ ḿbɔ́ tɛ ńdɛn, ńtsʉ́Ꞌ ŋ́kɑꞋ pɔ mbɔ́ mú, ŋ́ɡɑ́ tʉ́ lɑ ŋu ndɛꞋ kút tɑp yú, ńdɔk wú ŋ́ɡʉ zʉꞋ yi ɔ kɑ́ pɔ́ ŋ́kɔŋ pɔ́.
Lɑ́ pɔ́p pɔ́ ńcú ŋɡɔ kɔɔ pɛ́ kɛ́ ŋ́ɡẅɛɛ wɛ́ lɛ́Ꞌ-ndínɑ, ḿbɔ́k lɑ́Ꞌ nɛtɑ́k zʉꞋ.
Pɛ́ ɡẅɛɛ wʉ́ʉ ŋ́ɡɑ́ pɛ́ nyɛt wʉ́ʉ nɛ́ ŋɡʉ̈ɔ́Ꞌ, ŋ́ɡɛ pɛ́ jẅí wʉ́ʉ. Mɛlɑ́Ꞌ tsʉʉ ɡʉ ńdɑ́Ꞌ ḿbuu ḿbɑɑ wʉ́ʉ mɛlɑ́Ꞌ wɑ́ɑ.
Sɔ̂l pɔ́ ɛ́sɑ́Ꞌ yɛ́ tʉʉ pɔ nɛpík cúꞋlɛ-pɑpɛ́m Yɛ́su, ḿbɔ́ ŋ́kúu mɛndɑ́ mɛndɑ́ ńdɔɔ pɑpɛ́m Yɛ́su, ŋ́ɡẅɛɛ mbɛ́ɛnɛ pɔ́p pɑŋɡɛ́, ɛ́shuŋ wɔ́p ŋ́ɡɑ́ pɛ́ mɑꞋ wɔ́p ndɑ́tsɑ́ŋ.
Pɔ́p pɛpɔ́p túu pʉɔ, pɔ́p ɡẅɛɛ ɡɑŋntúu ńníꞋ wɔ́p ndɑ́tsɑ́ŋ yi pɛ́ kɑ pɔ́ ńníꞋ ɡɑŋtsɑ́ŋ tsʉʉ zúꞋu.
Pɑlʉ̈ɔ́Ꞌntsɔ kɑ kẅii Yɛ́su nǔu tʉ́ mbɑ́ŋtɛ pɑ́ŋtɛ́nɛ tɛ ḿbɔ́tnɛ ńnɑ́ŋ, ḿbɛ́ɛ mɛndẅí mɛ́, ŋ́ɡɑptɛ nji yɛ́nɛ́kwɑ. Mbɑ wɔ̌ lɑ́ pɛ́ɛ yɛ nji, tɛ ɛ́ tsʉꞋ ndẅí yɛ́ yi ɡwɛ́, yi pɛ́ ŋkɑɑ tɛ́m tɛ́mnɛ pɔ́. Pɛ́ kɑ pɑ́Ꞌ pɑ́Ꞌnɛ, ɛ́fú tʉ́ ŋ́kúu sɛ́.
Ɛ́ ɡɛ ḿbɔ́ ńtsʉ́Ꞌ ńjɑ́k lɛ́Ꞌ pɛ́pɑ́ pɛ́ jʉ́ ndínɑ ẅí pɛ́ kɑ pɔ́ ɛ́fúŋ nɛ́ Pɑ́skɑ, ḿbɔ́ mɛlɛ́Ꞌ mi pɛ́ kɑ pɔ́ ŋ́kwɛ́t mbɛlɛ̂ɛt kɛ́ fɛntɛ. Pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́ ńdɔɔ shʉ́ pɑꞋ pɔ́p ɡʉ ɛ́sɔ́ ŋ́ɡẅɛɛ Yɛ́su, ńjẅí wɛ́,
A jʉ́ɔ, mbɔ ɑ ɡɛ pɔ́Ꞌɔ, ɛ́ pɔŋ pɑyúdɑ. A pɛn ŋ́ɡɛ pɛ́ ɡẅɛɛ Pyɛ̂ ɡúu, ŋ́ɡɔ ŋ́ɡẅɛɛ wɛ́ pɔ́Ꞌɔ, ɛ́ pɔ́ ŋkɑ́ yi pɛ́ jʉ́nɛ ndínɑ-mbɛlɛ̂ɛt kɛ́ fɛntɛ.
Pɛ́ jʉ́ɔꞋ Pyɛ̂ ndɑ́tsɑ́ŋ pɔ́Ꞌɔ, cúlɛ-pʉɔ-Kɛlístɔ pɔ́ ńcɛꞋlɛ Sɛ́ nǔu tú yɛ́ kɛ́ kɑ́ɑ.
