ŊwɑꞋnɛ-Gɑŋntúu Yɛ́su Kɛlístɔ 10:42 - Kɑɑ Fí

⁴² A kɑ pɛn ńtúu wɛ́k ŋɡɔ pɛk ɡʉ ɛ́sɑ́Ꞌ Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ lɑ́Ꞌ, ŋ́ɡɛ pɔ́p jí ŋɡɔ jʉ́ Yɛ́su kwɑꞋ ŋu ẅí Sɛ́ kɑ tsɔ́Ꞌnɛ ŋɡɔ ɑ zɑ́Ꞌ ntsɑŋ-pʉɔ ntʉʉ pɔ́p pɛpfú sɛ́.

ŊwɑꞋnɛ-Gɑŋntúu Yɛ́su Kɛlístɔ 10:42 交叉引用

2 Kɔlɛ̂ŋtɛ 5:10

mbíꞋŋɡɔ ɛ́ sɛ́ ḿbíkŋɛ ŋɡɔ pɛkŋɛ pɛtsʉʉ lɛɛ mbi Kɛlístɔ ɑ ŋɑk wɛkŋɛ, ɛ́ lɛɛ pɔ́Ꞌɔ, mbɑ wɔ̌ lɑ́ cẅɛ́ɛ yɛ tsɔ́ꞋfɑꞋ nǔu yúu mi ɑ kɑ ɡɛnɛ, ɛ́ pɔ́ yi sʉ́Ꞌnɛ kɛ yi kɛpɔŋ ɔɔ, ŋkɑ́ yi ɑ kɑ pɔ́nɛ tsɛt yîyɑ́ mbʉʉ.

1 Pyɛ̂ 4:5

Lɑ́ pɔ́p ɡʉ ŋ́ɡɛ ńtʉ́ʉ mbi Sɛ́ ẅí ɑ tʉ́ʉnɛ pɑ́Ꞌ ɑ ɡʉ ńzɑ́Ꞌ ntsɑŋ-pʉɔ ntʉʉ pɔ́p pɛpfúsɛ́, ḿbɛ́ɛtɛ ntsu wɔ́p nǔu ŋɡɛnɛ mɛnu mɔ́p.

2 Timɔtɛ́ɛ 4:1

N tʉ́ʉ mbi Sɛ́ mbɑ mbi Yɛ́su Kɛlístɔ wi ɑ tsʉ́Ꞌ ńtɔ́ tɔ́nɛ nɛzɑ́Ꞌ ntsɑŋ yɔ́p pʉɔ ntʉʉ mbɑ yɔ́p pɛpfú, ɛ́fú nǔu pɑ́Ꞌ ɑ ɡʉ ŋ́ɡɛ ńtɔ́ ńnɔŋ nɛfɔɔ nɛ́, n tʉ́ʉ mbi pɔ́p ńcú mbɔ̌ ɡu ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 17:31

Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»

Mɛnu ɛ́ ńdɑ́Ꞌ ńcẅɛt 22:12

Ɛ́ pʉ́ɔ, Yɛ́su kɛ́ ḿbɔ́ ńcú ŋɡɔ: Ŋ ɡʉ fɛ́Ꞌnɛ ńtɔ́, ŋ ɡẅɛɛ yúu mi ŋ ɡʉ ńdɔk ńtsɔ́Ꞌ fɑꞋ-pʉɔ, ɛ́ pɔ́ ŋ́ɡɑ́ yɛ́ mbɑ wɔ̌ lɑ́ pɔ pɑ́Ꞌ mɛfɑꞋ mɛ́ pɔ́nɛ.

ŊwɑꞋnɛ-Gɑŋntúu Yɛ́su Kɛlístɔ 1:2

ŋ́ɡʉ ŋ́kúu nǔu lɛ́Ꞌ yi Sɛ́ ɡɛnɛ ɑ kɔ́Ꞌ nɛ́ tʉ́nɛ́pú. A kɑ ɡɔ́ ŋ́kɔ́Ꞌ, ńdɛɛ nǔu Zẅikŋɛ Lɛ́ɛnɛ́nɛ, ńdɛꞋlɛ yúu mi ɡɑŋntúu pi ɑ kɑ tsɔ́Ꞌnɛ ɡʉ ńtsʉ́Ꞌ ḿbɔ́ ŋ́ɡɛ.

Mɛnu ɛ́ ńdɑ́Ꞌ ńcẅɛt 1:7

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.

2 Timɔtɛ́ɛ 4:8

Ɛ́ nǔu ŋkɔ̂ɔnɛ, mbɔ tsɔ́ꞋfɑꞋ yi pɛ́ ɡɑ́nɛ mbɔ̌ ŋu ẅí ɑ kʉɔnɛ ndʉ́ɔlɛ́ tɛ ńjʉ́ sɛ́ ḿbyɛ́p wɑ́ɑ. Yîyɑ́ tsɔ́ꞋfɑꞋ ɛ́ pɑ́Ꞌ ŋ ɡɛnɛ nu yi ɛ́ ndʉ́ŋndʉŋ. Tsɑpʉɔ ẅi ɑ zɑꞋnɛ ntsɑŋ pɔ ndʉ́ŋndʉŋ, ɑ ŋ́ɡɛ ŋ́ɡɑ́ mbɔ̌ mɔ nǔu lɛ́Ꞌ yi ɑ ɡʉ ńzɑ́Ꞌ mɛtsɑŋ. A kɛ́ lɑ́Ꞌ ŋ́ɡɑ́ pɔ ndɑꞋ mbɔ̌ mɔ pɔ́. A ɡʉ ńdɑ́Ꞌ ḿbɛn ŋ́ɡɑ́ mbɑ mbɔ̌ pʉɔ pi pɔ́p sɛ́ ńtsɑ́ɑ nɛjʉ́ɔ ŋkɑ́ yi ɑ ŋ́ɡɛ ńcẅɛt.

ŊwɑꞋnɛ-Gɑŋntúu Yɛ́su Kɛlístɔ 5:20

«Pʉʉ ɡʉ ńtʉ́ʉ ndǔ zɑ́n yi ɛ́ tsɛt ZʉꞋ-nɔŋpɔꞋ ɛ́sẅíi lɑ́Ꞌ nɛ́ mɛnu mi ɛ́ líŋɛ́nɛ luk fí.»

ŊwɑꞋnɛ-Gɑŋntúu Yɛ́su Kɛlístɔ 1:8

Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»

Lúkɑ́shi 16:28

MbíꞋŋɡɔ pɔ́ɔpɛ́mɑ́ pɑ́ɑ pɛ́ mbɛ́ɛnɛ lɑ́Ꞌ pɛ́tɑɑ. N tsɑ́ɑ ŋɡɔ Lɑzɑ̂ɑ pɛn ŋ́kɑ́k nɛtúutɛ nɔ́p, ŋ́ɡɑ́ wɔ́p nɛ́ ntík ḿbɔ́k pɑꞋ pɔ́p ɡʉ ńdɑ́Ꞌ ḿbɛn ńtɔ́ ŋ́kúu yɔ́p tsɛt yɔ zʉꞋ ŋɡʉ̈ɔ́Ꞌ.»

Lúkɑ́shi 22:22

Ɛ́ nu ŋɡɔ Mɔ́ɔ-Ŋu ɡʉ ḿpfú pɑꞋ Sɛ́ kɑ lɑ́Ꞌnɛ ńzɑ́p, lɑ́ ndɔ́ɔ tú ŋu ẅí ɑ ɡʉ ńcɑklɛ wɛ́ ŋ́ɡɑ́ pɛ́ jẅí wɛ́.

ŊwɑꞋnɛ-Gɑŋntúu Yɛ́su Kɛlístɔ 24:25

Pɔ̂l tɔ́ tɛ ńzɛ nɛkyɛ́Ꞌtɛ ntɛ́ yi ŋu lɑɑ ńdɔk ńnɑ́ŋ, mbɔ ŋɡɑŋ ɡʉ ḿbɔ́ ŋu ẅi ɑ ɡɛnɛ yúu mi ɛ́ ndʉ́ŋndʉŋ mík-Sɛ́, ḿbɔ́ ŋ́kyɛ́Ꞌtɛ mbɑ pɑ́Ꞌ ɛ́ lɑɑ ḿbɔ́ ŋu ɡẅɛɛ mbʉʉ yɛ pɔ́Ꞌɔ, ḿbɔ́ ŋ́kyɛ́Ꞌtɛ ɛ́sẅíi wɛ́ ŋɡɔ Sɛ́ ɡʉ ŋ́ɡɛ ŋ́ŋɑk pʉɔ tsʉʉ. Ŋɡɔ́mnɑɑ Fɛlɛshi zúꞋ pɔ́Ꞌɔ, ńtsʉ́Ꞌ ńcʉ̈ɔꞋ cʉɔꞋnɛ, ńcú mbɔ̌ Pɔ̂l ŋɡɔ: Ɛ́ nǔu ŋkɔ̂ɔnɛ, fú nɛjɔ́ŋ mɔ ŋ́ɡʉ. Ŋkɑ́ ɡʉ ḿbɛn ŋ́kuꞋ, lɑ́ m bɛn ńcú pɛ́ fúŋ wú ḿbɔ́ mɔ.

Pʉɔ-Lɔ́mɑ 2:16

Yɔ pɑ́Ꞌ Ŋkʉʉ Sʉ́Ꞌnɛ-Sɛ́ ẅí mɔ sɛ́ ńdɛꞋlɛ ńcúnɛ pɑ́Ꞌ Sɛ́ ɡʉ ńdɑ́Ꞌ ńzɑ́Ꞌ ntsɑŋ mbɑ wɔ̌ lɑ́. Ɛ́ ɡʉ ńdɑ́Ꞌ ḿbɔ́ yîyɑ́ lɛ́Ꞌ, Sɛ́ cú mbɔ̌ Yɛ́su Kɛlístɔ, ɑ ŋɑk pʉɔ nǔu kʉ̈ɔ́ lɑ́ yi ɛ́ lʉɔmɛ́nɛ tsɛt tʉ́m pɔ́p.