4 A pʉꞋ tú yɛ́, ńdíŋɛ Cʉ̈ɔꞋ-Sɛ́, ḿbɔ́ ḿbɔ́k, ńcú mbɔ̌ wɛ́ ŋɡɔ: «Ɛ́ kʉ̈ɔ́ Tsɑpʉɔ?» Cʉ̈ɔꞋ-Sɛ́ tsɔ́Ꞌ mbɔ̌ wɛ́ ŋɡɔ: «Sɛ́ zúꞋ pɑ́Ꞌ ɔ júknɛ ńcɛꞋlɛ wɛ́, ḿbɛn ńjʉ́ɔ mbɑ yúu mi ɔ sɛ́ ŋ́ɡɛ nǔu pɛpúŋ ńdɔk ńcẅɛ́lɛ́ wɔ́p. Sɛ́ kɑ́ likŋɛ wú pɔ́.
Kɔɔ pʉʉ púꞋ mbʉʉ yʉʉ nǔu yɛcɔ́ nu. Lɑ́, kʉ̈ɔ́ lɑ́ lɑɑnɛ ńtʉ́ʉ sɛ́ ɔɔ, pʉʉ púꞋ mbɔ́ mbɔ̌ Sɛ́, ɛ́sẅíi wɛ́ nɛ́ yúu mi pʉʉ sɛ́ ńtsɑ́ɑ, ḿbúꞋ mbɔ́ mbɔ̌ wɛ́, ḿbɛn ŋ́ɡɑ́ pɑ́Ꞌlɑ́ mbɔ̌ wɛ́.
Sɛ́ lɔɔ ŋ́ɡɛ nu yi ɛ́ kɑ́ tʉ́ʉ ndʉ́ŋndʉŋ pɔ́ pɔ́. Mbɔ́ ɑ pɔɔ likŋɛ yúu mi pʉʉ kɑ ɡɛnɛ pɔ́, pɑ́Ꞌ pʉʉ kɑ cẅɛ́lɛ́nɛ pɔ́ɔpɛ́mɑ́ pʉʉ pʉɔ-Kɛlístɔ, pʉʉ zɛɛ ḿbɛ́t ńcẅɛ́lɛ wɔ́p cẅɛ́lɛ́nɛ, ɛ́ lɔk ńnyɛt ŋɡɔ pʉʉ kɔŋ Sɛ́.
ńcú mbɔ̌ mɔ ŋɡɔ: Kɔ̂lnɛ́ɛ, Sɛ́ zúꞋ ńcɛꞋlɛ yú. A kɑ́ likŋɛ yúu mi ɔ ɡɑ́nɛ mbɔ̌ pɛpúŋ ńdɔk ńcẅɛ́lɛ́ wɔ́p lɑ́ pɔ́.
Ndíndí-lɑmɛ́ndɑɑ pɔ́p mɛcɛꞋlɛ-pʉɔ-Sɛ́ fú mbɔ̌ Cʉ̈ɔꞋ-Sɛ́ ŋ́kɔ́Ꞌ ŋ́ɡʉ nɛ́ mbi Sɛ́.
Ɛ́ ɡʉ nǔu yúu mi pʉʉ kɑ túunɛ ŋ́ɡɑ́ mbɔ̌ mɔ, mbɔ ŋ kɑ jʉ́ɔ. Ŋ ɡẅɛɛ yúu ŋkɔ̂ɔnɛ tɛ ɛ́ zɑ́ɑ tɛꞋ. N jʉ́ɔ yúu ɛ̂mɑ́ yi Ɛpɑfɔlɔdit lɔknɛ ńtɔ́. Ŋ kɑ́ pɛn ḿbɔ́ ńjɑ́k yɛcɔ́ yúu pɔ́. Yúu ɛ̂mɑ́ pɔŋ wɑ́ɑ tɛꞋ, ḿbɔ́ pɔ pɑ́Ꞌ yúu-pɔꞋ yi pɛ́ lɑɑ ńnɔŋ mbi Sɛ́, ɛ́ pɔŋ wɛ́ tɛꞋ lɑ́.
Kɔɔ pʉʉ likŋɛ nɛɡɛ nu sʉ́Ꞌnɛ mbɑ nɛlɔk yúu mi pʉʉ ɡẅɛɛnɛ ńcẅɛ́lɛ pʉɔ, mbíꞋŋɡɔ nɛɡɛ mîmɑ́ mɛnu ɛ́ lii-pɔꞋ yi ɛ́ pɔŋnɛ Sɛ́.
Mɑlíyɑ zúꞋ, ɛ́ tsɑ wɛ́ tɛꞋ, ɑ kwɑŋɛ ŋɡɔ: «Yɔ ntɛ́ cɛꞋlɛ ɛ́ pɑ́Ꞌɑ ńdɔk ńcú ŋɡɔ kʉ̈ɔ́?»
Ɛ sẅíi wʉ́ʉ, kwɑꞋ nɛ́nẅín, mbɑ ɡɔ́ lɑ́ yi pɛ́ ɡʉ ńdɑ́Ꞌ ńcẅi Ŋkʉʉ sʉ́Ꞌnɛ-Sɛ́ zúꞋu ndǔ mbí ɔɔ, pɛ́ ɡʉ ńdɑ́Ꞌ ḿbɛn ḿbɔ́ ńcú yúu mi mɑŋɡɛ́ wɑ́ ɡɛnɛ, ńdɔk kẅíitɛ wɛ́.»
M bíkŋɛ wɛ́ ŋɡɔ: “Tsɑpʉɔ, ŋ ɡɛ ŋɡɔ́ku?” Tsɑpʉɔ ńtsɔ́Ꞌ mbɔ̌ mɔ ŋɡɔ: “Lɔ sɛ́, ŋ́ɡʉ Ndɑmɑs. Ɔ ɡʉ ŋ́kúu zúꞋu lɑ́ pɛ́ sẅíi wú mbɑ kʉ̈ɔ́ lɑ́ yi ɛ́ sɛ́ ḿbíkŋɛ ŋɡɔ ɔ ɡɛ.”
Pɔ́p pɔ́k tɛ ńtsʉ́Ꞌ ńdíŋɛ pɔ sɛ́, lɑ́ pʉɔ ɛ̂pɑ́ píkŋɛ wɔ́p ŋɡɔ: «Pʉʉ tɔ́ tsɛtsɛt pɛpfú sɛ́, ńdɔ́ɔ ŋu ẅí ɑ ntʉʉ mɛlɑ́Ꞌkʉ̈ɔ́?
Pyɛ̂ pɔ́p Jɑ̂ŋ tík mík nǔu wɛ́. Pyɛ̂ cú mbɔ̌ wɛ́ ŋɡɔ: «Líŋɛ wɛk.»
A pɔ́ yɛcɔ́ lɛ́Ꞌ, ḿbɔ́ ńzẅíꞋlɛ sẅiŋɛ yí Pɔ̂l ḿbɔ́ ńcú. Pɔ̂l tík mík nǔu wɛ́, ńjʉ́ɔ ɑ pɔ́ ńzɑ́p tʉ́m nǔu Sɛ́ tɛ ḿbɔ́ yi ɛ́ lɑɑ ḿbɔ́ Sɛ́ ɡɛ ɑ fíitɛ.
