2 Pyɛ̂ 3:16 - Kɑɑ Fí

¹⁶ A cú yîyɑ́ nu tsɛt mɛŋwɑꞋnɛ mi ɑ ŋwɑꞋnɛnɛ tsʉʉ, ŋkɑ́ yi ɑ cúnɛ nu tɛ ŋ́kẅíi yɔ tú-nu. MɛzʉꞋ mi ɛ́ tɛn nɛzúꞋ ɛ́ tsɛt mɛŋwɑꞋnɛ mɛ́. Ɛ́ yúu mi ɛ́ ɡɛnɛ pʉɔ pi pɔ́p mɔɔtɛ mɔɔtɛ́nɛ, ḿbɛ́t kɛ́ tsuŋ ńjí zʉꞋ yi pɔ́p tʉ́ʉnɛ zúꞋu kúpmɛ nu yi ɛ́ lɔknɛ ńcú. Ɛ́ pɛn ḿbɔ́ pɔ pɑ́Ꞌ pɔ́p ɡɛnɛ nǔu mɛcɔ́ mɛzʉꞋ-ŋwɑꞋnɛ-Sɛ́. Pɔ́p kɛ́ ŋ́ɡɛ pɔ́Ꞌɔ, ńdɔk ɛ́fúŋ ndɔɔ ńníꞋ tú pɔ́p.

2 Pyɛ̂ 3:16 交叉引用

Mɑtʉ̈ɔ 15:6

Ŋu piitɛ tɛ ńcú pɔ́Ꞌɔ, mbɔ ɑ kɛ́ pɛn ńdɔk yúu pɛ́ ŋ́ɡúꞋlɛ tɑ́t wɛ pɔ́ ɔɔ? Pɔ́Ꞌɔ, pʉʉ lɔk mɑt-lɑ́Ꞌ wʉʉ ŋ́ɡwɑ́k sẅíŋɛ-Sɛ́.»

Ɛ́bɛlʉʉ 5:11

Ɛ́ ɡʉ nǔu nu-Mɛlkisɛdɛk, mbɔ pɛk ɡẅɛɛ mɛnu mi pɛk ɡʉ ńcú nǔu tɛ ɛ́ zɑ́ɑ zɑ́ɑnɛ, nɛkyɛ́tɛ́ mîmɑ́ mɛnu mbɔ̌ pʉʉ tɛn tɛꞋ, mbíꞋŋɡɔ pɛ́ kɑ́ cú nu pʉʉ fɛ́Ꞌnɛ ńzúꞋ yúu mi pɛ́ lɔknɛ ńcú pɔ́.

2 Pyɛ̂ 2:14

Yɔ́p jínu tʉ́ʉ pɔ nǔu pɑŋɡɛ́. Pɔ́p kɑ́ kɑ́ɑ nɛɡɛ nu kɛpɔŋ pɔ́. Pɔ́p lẅɑklɛ pʉɔ pi pɔ́p pɔ́t pɔ́tnɛ. Tʉ́m yɔ́p ŋkɑ́ tsʉʉ ńtʉ́ʉ pɔ nǔu pii yi mbɔ pɔ́p jʉ́. Ndɔɔ tú pɔ́p.

Jɑ̂k 1:8

mbíꞋŋɡɔ ŋu pɔ́Ꞌɔ, kɑ́ cú yɛcɔ́ nu tɛ ńtík ku nǔu pɔ́. A kwɑŋɛ nɛpʉʉ, ḿbɛn ŋ́kwɑŋɛ nɛcúŋ pɔ ŋkɑ́ ɛ̂yɑ́.

Filipɛ 3:19

Mɔ́p mɛlɛ́Ꞌ ɡʉ ńdɑ́Ꞌ ḿmɛ ndǔmbí, pɔ́p ɡʉ nɛpʉ́-múk, mbíꞋŋɡɔ wɔp sɛ́ pɔ́ pɔ nɛpɛm nɔ́p. Pɔ́p tsɑ́ɑtɛ nǔu yúu mi sʉ́ʉ ɡʉ ŋ́kɔ́ wɔ́p nǔu, yɔ́p kwɑŋɛ pɛn ńtʉ́ʉ pɔ nǔu yúu-ndǔmbí.

1 Pyɛ̂ 2:8

Ḿbɛn ḿbɔ́ ŋɡɔꞋ yi ɛ́ ɡʉ ŋ́ɡɛ pɛ́ vu sɛ́, ɛ́ mɑ́mɑ́ ŋɡɔꞋ yi pɛ́ ɡʉ kɔɔtɛ nǔu.» Pɔ́p ŋ́kɔɔtɛ nǔu, mbíꞋŋɡɔ pɔ́p lʉꞋ nɛzúꞋ sẅiŋɛ-sɛ́. Ɛ́ kɛ́ ḿbɔ́ pɔ pɑ́Ꞌ Sɛ́ kɑ zɑ́pnɛ ŋɡɔ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ nǔu pɔ́p.

Mɑtʉ̈ɔ 22:29

Yɛ́su pʉ̈ɔt mbɔ̌ pɔ́p ŋɡɔ: «Jínu yʉ́ʉ sɛ́ fʉ́klɛ wʉ́ʉ mbíꞌŋɡɔ pʉʉ kɑ́ jí yúu ɛ́ tsɛt ŋwɑꞋnɛ-Sɛ́ pɔ́, ḿbɛn ŋ́kɛ́ mbɔɔ jí pɑ́Ꞌ mɛtʉʉ-Sɛ́ pɔ́Ꞌɔ, pɔ́.»

Jẅidɛ 1:4

N cú mbíꞋŋɡɔ pɛcɔ́ pʉɔ kɛpɔŋ sɔ́ ŋ́kúu tsɛtsɛt pʉʉ. Pɔ́p sɛ́ ɛ́shɔt shʉ́ lɔk ńzúꞋ nu yi pɔŋtʉ́m-Sɛ́ wɛkŋɛ lɔknɛ cú, ɛ́shɔt pɔ́Ꞌɔ, ńnɛn pɑ́Ꞌ pɔ́p kɔŋnɛ. Pɔ́p ɡɛ pɔ́Ꞌɔ ńdɔk ḿmuŋɛ Yɛ́su Kɛlístɔ ẅi ɑ ndɑꞋ Ndɛ wɛkŋɛ, ḿbɔ́ ndɑꞋ Tsɑpʉɔ wɛkŋɛ. Ntí ɡú pɑ́Ꞌ pɛ́ kɑ ŋwɑꞋnɛ́nɛ ntɛ́ ŋɡʉ̈ɔ́Ꞌ yi pɑtʉ́ʉ tú mbɔ̌ Sɛ́ lɔ ńjʉ́ɔ tsɛt ŋwɑꞋnɛ-Sɛ́, pîpɑ́ pʉɔ ńdɑ́Ꞌ ńjʉ́ɔ ɡúu.

2 Pyɛ̂ 2:1

Pɑcẅi Ŋkʉʉ-Sɛ́ pɛ́ cɔtnu kɑ pɔ́ yɛcɔ́ ŋkɑ́ ḿbɔ́ tsɛtsɛt pʉɔ-Íslɑyɛ̂l, ɛ́ ndʉ́ŋndʉŋ pɑ́Ꞌ pɑzíꞋ pʉɔ nɛ́ nu-Sɛ́ pɛ́ cɔtnu ɡʉ ŋ́ɡɛ ńcẅɛt tsɛtsɛt pʉʉ. Pɔ́p ɡʉ ŋ́ɡɛ ńdɔk pɔ ndɑ̌ɑ ndɑɑ ńzíꞋ pʉɔ nɛ́ cɔtnu, ɛ́ pɔ́ yi mbɔ ɛ́ pʉ́ʉpɛ tʉ́m-pʉɔ, ɛ́ pɔ́ pɔ́nɛ tɛ ḿmuŋɛ Ndɛ ẅí ɑ kɑ ɡɛnɛ pɔ́p luk, ŋ́ɡɛ pɔ́Ꞌɔ, ńdɔk ɛ́shuŋ ŋɡʉ̈ɔ́Ꞌ yi ɛ́ ɡʉ ḿbík wɔ́p, ɛ́ kɛ́ ḿbɔɔ líi nɛtɔ́ pɔ́.

Mɑtʉ̈ɔ 15:3

Yɛ́su pʉ̈ɔt mbɔ̌ pɔ́p ŋɡɔ: «Ɛ́ ɡʉ nǔu pʉʉ, pʉʉ lɔk tswɛ́-lɑ́Ꞌ wʉʉ ŋ́ɡwɑ́k nɛpʉ́ʉ-Sɛ́ mɛlɑ́Ꞌ kʉ̈ɔ́?»

1 Pyɛ̂ 1:1

A mɔ Pyɛ̂, ŋɡɑŋntúu-Yɛ́su Kɛlístɔ, ŋ ɡɑ́ yɔ ŋwɑꞋnɛ mbɔ̌ pʉʉ pí Sɛ́ kɑ tsɔ́Ꞌnɛ wʉ́ʉ, pʉʉ kɑ sɑt mɔ́ zʉꞋ, ŋ́ɡʉ ḿbɔ́ tsɛt ŋɡɔŋ Pɔŋnɛ, tsɛt wɛ Ŋɡɑlɑ̂t, tsɛt wɛ Kɑpɑdɔ̂s, tsɛt wɛ Azîi, mbɑ tsɛt wɛ Mbitinî. Pʉʉ tsɛt mɛŋɡɔŋ ɛ̂mɑ́ ḿbɔ́ pɛɡʉʉ.

2 Pyɛ̂ 3:2

Pʉʉ kẅíitɛ sẅiŋɛ yi pɑcẅiŋkʉʉ-Sɛ́ pɛ́ Lɛ́ɛnɛ́nɛ kɑ zɑ́Ꞌnɛ njí ńcú, mbɑ nɛpʉ́ʉ ni ɡɑŋntúu-Yɛ́su kɑ zíꞋnɛ wʉ́ʉ, ɛ́fú mbɔ̌ Tsɑpʉɔ ɑ pɔ́ ŋu ẅí ɑ ɡɛnɛ pɛkŋɛ luk.

2 Pyɛ̂ 3:14

Pɛsúu pɑ́ɑ pɛ́ tʉʉndɛn, ɛ́ yúu mi ɛ́ ɡɛnɛ, pʉʉ pɔ́ ńzẅíꞋlɛ yîyɑ́ lɛ́Ꞌlɑ́Ꞌ, ɛ́sɑ́Ꞌ tʉʉ ńnɑ́ŋ kɛ́ lɔ́Ꞌ. Pʉʉ pɔɔ ɡɛ yɛcɔ́ yúu mi Sɛ́ ɡʉ ŋ́kɑkŋɛ wʉ́ʉ nǔu pɔ́, pʉʉ pɛpɔ́p pɛn ḿbɔ́ kɛ́ cʉ́ɔk.