2 Pyɛ̂ 1:6 - Kɑɑ Fí

⁶ ŋ́ɡʉ nǔu nɛjí yúu mi Sɛ́ sɛ́ ŋ́kɔŋ, ŋ́kẅiꞋ pɑ́Ꞌ pʉʉ ɡʉ ŋ́ɡuutɛ mbʉʉ yʉʉ, ŋ́ɡʉ nǔu nɛɡuutɛ mbʉʉ ŋ́kẅiꞋ ńtɛntɛ tɛntɛnɛ, ŋ́ɡʉ nǔu nɛtɛntɛ tɛntɛnɛ, ŋ́kẅiꞋ nɛjí pɔ ndɑꞋ Sɛ́,

2 Pyɛ̂ 1:6 交叉引用

2 Pyɛ̂ 1:3

Sɛ́ kɑ lɔk mɔ́ mɛtʉʉ mɛ́, ŋ́ɡɑ́ wɛkŋɛ nɛ́ mbɑ kʉ̈ɔ́ lɑ́ yi ɛ́ sɛ́ ḿbíkŋɛ ŋɡɔ pɛkŋɛ ɡẅɛɛ lɑ ńdɔk ńnɑ́ŋ, ḿbɔ́ ńdɑt mbʉʉ yɛkŋɛ pɔ ndɑꞋ nǔu wɛ́. A kɑ zɛɛ ŋ́ɡɛ pɛkŋɛ jí jʉ́ Sɛ́ ẅi ɑ kɑ fúŋnɛ wɛkŋɛ pɑ́Ꞌ pɛkŋɛ pɛpɔ́p ɡʉ ńtɛmtɛ ḿbɔ́ tsɛt nɛɡúꞋ wɛ, ńjʉ́ pii pɔŋtʉ́m yɛ́.

Ɛ́bɛlʉʉ 10:36

Ɛ́ zɛɛ ḿbɔ́ ḿbíkŋɛ ŋɡɔ pʉʉ kɛ́ sɑ́Ꞌ pɔ tʉʉ, ńjí ŋɡɔ pʉʉ ɡʉ ḿbɔ́ ŋ́ɡɛ pɔ yúu mi Sɛ́ sɛ́ ŋ́kɔŋ, ɛ́ fú pɔ́Ꞌɔ, pʉʉ ɡẅɛɛ yúu mi ɑ kɑ kɑꞋnɛ nɛɡɑ́ mbɔ̌ pʉʉ.

Lúkɑ́shi 21:19

Pʉʉ ńdɑ́Ꞌ ńdɔk nɛsʉk wʉ́ʉ ŋ́ɡẅɛɛ luk kɛ́mɛ.

Ɛ́bɛlʉʉ 12:1

Ɛ́ ɡʉ nǔu pɛkŋɛ, pʉɔ ɛ̂pɑ́ pɛtsʉʉ tʉ̈ɔ́Ꞌlɛ wɛkŋɛ ńníꞋ sɔŋ, ḿbɔ́ ńnyɛt wɛkŋɛ nɛ́ sɛ̂ndúŋ. Pɔ́Ꞌɔ lɑ́, pɛkŋɛ ńtsʉ́ʉ mbɑ kʉ̈ɔ́ lɑ́ yi ɛ́ sɛ́ ńtɑɑtɛ wɛkŋɛ ḿmɛꞋ, kɛ́ likŋɛ mɛnu kɛpɔŋ mí ɛ́ ɡẅɛɛnɛ wɛkŋɛ tɛ ńtsɑ ńtsʉ́Ꞌ mɑt. Pɛkŋɛ mɛꞋ, ńtɑ́ɑmɛ yɛkŋɛ ndʉ́ɔlɛ́ yi Sɛ́ cúnɛ ŋɡɔ mbɔ pɛkŋɛ tɑ́ɑmɛ. Pɛkŋɛ pɔ́ tɛ ḿbɔ́ ŋ́kʉɔ kɔɔ pɛkŋɛ kɑ́ɑ.

1 Kɔlɛ̂ŋtɛ 9:25

Pɑɡɛ mɛtɑ́ɑmɛ mi nu mɛtʉʉ nǔu, pɔ́p lʉꞋ mɛyúu tɛꞋ, ńjí pɑ́Ꞌ pɔ́p ɡʉ ŋ́ɡẅɛɛ mbʉʉ yɔp pɔ́Ꞌɔ, ńdɔk ńtsɑ́ɑ pɑ́Ꞌ pɛ́ ɡʉ ńdɑ́Ꞌ ńtɔꞋ ŋɡúꞋ yɔp. Yîyɑ́ ŋɡúꞋ pɔ́ yi ɛ́ ɡʉ ńdɑ́Ꞌ ḿbʉ́ʉpɛ. Lɑ́ ŋ́ɡʉ nǔu pɛkŋɛ, pɛkŋɛ ɡɔ́ ŋ́ɡɛ pɔ́Ꞌɔ, ńtsɑ́ɑ ŋɡúꞋ yi ɛ́ kɛ́ lɑ́Ꞌ pʉ́ʉpɛ pɔ́.

Tîtɛ 2:2

ZíꞋ mbɔ̌ pɛlʉ́m mbɛ́ɛnɛ ŋɡɔ kɔɔ pɔ́p ɡɛ yɛcɔ́ yúu tɛ ɛ́ lɛɛ, ŋɡɔ pɔ́p pɔ́ pʉɔ-mɛkuꞋ, ŋɡɔ pɔ́p pɔ́ pʉɔ pi pɔ́p sɑ́ŋnɛ nu lɑ ŋ́ɡɛ. Pɔ́p pɛn ńzɑ́p tʉ́m nǔu Sɛ́ tɛ ńzɑ́p, ńnɑ́ŋ ŋ́kɔŋ pʉɔ tɛ ŋ́kɔŋ, ɛ́sʉk mɛnu tɛ ɛ́sʉk.

Ŋɡɑlɑ̂t 5:23

ḿbɔ́ nɛpɔ́tnɛ, ḿbɔ́ nɛkúꞋlɛ mbʉʉ. Ɛ́ kwɑꞋ nɛ́nẅín, nɛpʉ́ʉ kɑ́ lʉꞋ mɔnɛ mɛyúu pɔ́.

Mɛnu ɛ́ ńdɑ́Ꞌ ńcẅɛt 14:12

Yɔ nu lɔk ńcú ŋɡɔ pʉɔ-Sɛ́, pʉɔ pí pɔ́p ɡẅɛɛnɛ nɛpʉ́ʉ-Sɛ́, ńzɑ́p tʉ́m nǔu Yɛ́su sʉk.

Mɛnu ɛ́ ńdɑ́Ꞌ ńcẅɛt 2:2

Mɔ sɛ́ ńjí mɛfɑꞋ mʉ́ʉ, ḿbɔ́ ńjí wʉʉ nɛkiɛ ziꞋnɛ, ńjí pɑ́Ꞌ pʉʉ sɑ́Ꞌnɛ tʉʉ pɔ́Ꞌɔ, ńjí pɑ́Ꞌ pʉʉ kɑ́ kɔŋ nɛpɔ́ yi pʉʉ pɛ́ pʉɔ pi pɔ́p ɡẅɛɛnɛ shíshí tʉ́m ńtɛmtɛ ku pɔ́, ḿbɔ́ ńjí pɑ́Ꞌ pʉʉ kɑ kɛ́ ŋ́kwɑꞋlɛ pʉɔ pi pɔ́p cúnɛ ŋɡɔ pɔ́p ɡɑŋntúu-Yɛ́su lɑ́ ḿbɔ́ pɔ pɑɡwɑtŋkúu, tɛ ńjí ŋɡɔ pɔ́p pɔ́ pɔ ɡɑŋcɔtnu.

Tîtɛ 1:8

Lɑ́ ɛ́ píkŋɛ pɔ ŋɡɔ ɑ pɔ́ ŋu ẅí ɑ kúkŋɛ́nɛ pɛɡʉʉ sʉ́Ꞌnɛ, ḿbɔ́ ŋu ẅí ɑ nɑŋnɛ ŋ́kɔŋ yɛ́ pɔ mɛnu mi ɛ́ pɔŋnɛ. Ɛ́ píkŋɛ ŋɡɔ ɑ pɔ́ ŋu ẅí ɑ sɑ́ŋnɛ nu lɑ ŋ́ɡɛ, ɑ pɔ́ ŋu ẅí ɑ ɡɛnɛ mɛnu mi ɛ́ tʉ́ʉnɛ ndʉ́ŋndʉŋ, ḿbɔ́ ŋu ẅi mɑt wɛ pɔŋnɛ Sɛ́, ḿbɔ́ ŋu ẅí ɑ jínɛ nɛɡẅɛɛ mbʉʉ yɛ.

1 Tɛsɑlɔník 1:3

Pɛk sɛ́ ḿbúꞋ mbɔ́ mbɔ̌ Tɑ̌ɑ wɛkŋɛ Sɛ́ ŋkɑ́ kʉ̈ɔ́ lɑ́, ŋ́kẅíitɛ pɑ́Ꞌ pʉʉ lɔknɛ pɑ́Ꞌ pʉʉ zɑ́pnɛ tʉ́m nǔu Yɛ́su ɛ́fɑꞋ mɛfɑꞋ, ŋ́kẅíitɛ ntɛ́ fɑꞋ yi pʉʉ lɔknɛ ŋkɔŋɛ ɛ́fɑꞋ, ḿbɛn ŋ́kẅíitɛ pɑ́Ꞌ pʉʉ sɛ́ ńzẅíꞋlɛ Tsɑpʉɔ Yɛ́su Kɛlístɔ kɛ́ kɑ́ɑ.

Kɔlɔsíyɛ̂ŋ 1:11

Pɛk pɛn ḿbɔ́ ńdɔ́ɔ mbɔ̌ Sɛ́ ŋɡɔ ɑ lɔk pɑ́Ꞌ mɛtʉʉ pɔ́p nɛɡúꞋ pɔ́ pɔ mɛ́ lɑ́, ŋ́ɡɛ pʉʉ tsuŋ ńtɛntɛ lɑ ŋ́kuꞋ nɛsʉk mɛnu tsʉʉ kɛ́ citɛ mbʉʉ.

2 Kɔlɛ̂ŋtɛ 6:4

Tɛ ńtsʉ́Ꞌ pɔ́Ꞌɔ, pɛk tʉ́ʉ nǔu kʉ̈ɔ́ lɑ́, ńnyɛt ŋɡɔ pɛk pɑfɑꞋ fɑꞋ-Sɛ́, ńdɔk pɑ́Ꞌ pɛk sɛ́ ɛ́sʉk tɛꞋ, nǔu ŋkɑ́-ŋɡʉ̈ɔ́Ꞌ, nǔu ŋkɑ́ yi nu lɛɛnɛ wɛ́k, nǔu ŋkɑ́ yi pɛk sɛ́ ńcʉ̈ɔꞋ tɛꞋ,

Pʉɔ-Lɔ́mɑ 8:25

Tɛ pɑ́Ꞌ pɛkŋɛ sɛ́ ńzẅíꞋlɛ yúu mi pɛkŋɛ kɑ pɔ́ ńjʉ́ɔ pɔ́ lɑ́, pɛkŋɛ lɔk sʉk ńniitɛ ńzẅíꞋlɛ.

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

ŊwɑꞋnɛ-Gɑŋntúu Yɛ́su Kɛlístɔ 24:25

Pɔ̂l tɔ́ tɛ ńzɛ nɛkyɛ́Ꞌtɛ ntɛ́ yi ŋu lɑɑ ńdɔk ńnɑ́ŋ, mbɔ ŋɡɑŋ ɡʉ ḿbɔ́ ŋu ẅi ɑ ɡɛnɛ yúu mi ɛ́ ndʉ́ŋndʉŋ mík-Sɛ́, ḿbɔ́ ŋ́kyɛ́Ꞌtɛ mbɑ pɑ́Ꞌ ɛ́ lɑɑ ḿbɔ́ ŋu ɡẅɛɛ mbʉʉ yɛ pɔ́Ꞌɔ, ḿbɔ́ ŋ́kyɛ́Ꞌtɛ ɛ́sẅíi wɛ́ ŋɡɔ Sɛ́ ɡʉ ŋ́ɡɛ ŋ́ŋɑk pʉɔ tsʉʉ. Ŋɡɔ́mnɑɑ Fɛlɛshi zúꞋ pɔ́Ꞌɔ, ńtsʉ́Ꞌ ńcʉ̈ɔꞋ cʉɔꞋnɛ, ńcú mbɔ̌ Pɔ̂l ŋɡɔ: Ɛ́ nǔu ŋkɔ̂ɔnɛ, fú nɛjɔ́ŋ mɔ ŋ́ɡʉ. Ŋkɑ́ ɡʉ ḿbɛn ŋ́kuꞋ, lɑ́ m bɛn ńcú pɛ́ fúŋ wú ḿbɔ́ mɔ.

Lúkɑ́shi 8:15

Mbiyúu mi ɛ́ vunɛ nǔu tsɛ́tsɑ́Ꞌ sʉ́Ꞌnɛ lɔk ḿbɔ́ pʉɔ pinɛ pɔ́p zúꞋ sẅíŋɛ-sɛ́, ḿbɛ́m nɛ́ tʉ́m sʉ́Ꞌnɛ, ŋ́ɡɛ pɑꞋ ɛ́ sɛ́ ḿbíkŋɛ, ḿbɛn ḿbɔ́ ɛ́sɑ́Ꞌ tʉʉ nɛɡẅɛɛ ŋkɑ́ tsʉʉ, ḿbɛn ḿbɔ́ ńzɛ́m ntɑ́ɑ.»

Pʉɔ-Lɔ́mɑ 15:4

Ɛ́ zɛɛ ŋ́ɡɔ ḿbɔ́, mbɔ mbɑ kʉ̈ɔ́ lɑ́ yi pɛ́ kɑ lɑ́Ꞌnɛ ńzɑ́Ꞌ njí ŋ́ŋwɑꞋnɛ tsɛt ŋwɑꞋnɛ-Sɛ́, pɛ́ kɑ pɔ́ ŋ́ŋwɑꞋnɛ pɔ nɛlɔk ńnɑ́ŋ ńzíꞋ wɛkŋɛ nɛ́ yúu, nɛpɔ́ yi ɛ́ ɡʉ ńdɔk pɑ́Ꞌ ɛ́ sɛ́ ńníꞋ mɛtʉʉ mɛkŋɛ, ḿbɛn ḿbɔ́ ŋ́ɡɛ ŋɡɔ kɔɔ pɛkŋɛ kɑ́ɑ, pɛkŋɛ jí ŋɡɔ pɛkŋɛ ɡẅɛɛ yúu mi Sɛ́ kɑ kɑꞋnɛ mbɔ̌ pɛkŋɛ.

Mɛnu ɛ́ ńdɑ́Ꞌ ńcẅɛt 13:10

Ŋu lɑɑ ḿbɔ́ ẅí pɛ́ kɑ zɑ́pnɛ ŋɡɔ ɑ ɡʉ ńdɑ́Ꞌ ḿbɔ́ puꞋ-ntsɔ, mbɔ ɑ ɡʉ ńdɑ́Ꞌ ḿbɔ́ pɔ wɛ́tɛ́. Ŋu ẅí pɛ́ kɑ zɑ́pnɛ ŋɡɔ pɛ́ ɡʉ ńdɑ́Ꞌ ńdɔk níi-ntsɔ ńjẅí wɛ́, mbɔ pɛ́ ɡʉ ńdɑ́Ꞌ ńdɔk pɔ yɛ́tɛ́ ńjẅí wɛ́. Yɔ nu lɔk ńcú ŋɡɔ pʉɔ pi pɔ́p pɛ́ Sɛ́ ɡẅɛɛ sʉk, ŋ́kɛ́ ḿbɔ́ ńzɑ́p pɔ tʉ́m nǔu Sɛ́.

Mɛnu ɛ́ ńdɑ́Ꞌ ńcẅɛt 1:9

A mɔ Jɑ̂ŋ, mɔ́ɔmɑ́ wʉʉ, ńdɛɛ nǔu pɑ́Ꞌ pɛkŋɛ lɑtnɛ mbʉʉ nǔu Yɛ́su, Pɛkŋɛ tɛmtɛ ḿbɔ́ ńjʉ́ɔ ŋɡʉ̈ɔ́Ꞌ, ḿbɔ́ tsɛt nu-nɛfɔɔ-Sɛ́, ḿbɛn ḿbɔ́ ńdɔk kɔkmbʉʉ ńzẅíꞋlɛ Yɛ́su. Pɛ́ kɑ ɡʉ Pɑtmɔs, ɛ́ pɔ́ lɑ́Ꞌ yi ŋki kɑ zɛmɛnɛ ńníꞋ sɔŋ, ńnɑ́ wɑ́ɑ, mbíꞋŋɡɔ ɛ sẅíi nu-Sɛ́ ḿbɛn ŋ́kúꞋlɛ yúu mi Yɛ́su Kɛlístɔ kɑ ɡɛnɛ pɛ́ jí.

2 Pyɛ̂ 3:11

Pɑ́Ꞌ yúu ɛ̂pɑ́ ɡʉ ŋ́ɡɛ ḿmɛ lɑɑ, ɛ́ lɔk ɛ́sẅíi wʉ́ʉ nɛ́ ntɛ́ yi ɛ́ pɔ́ŋnɛ ŋɡɔ pʉʉ nɑ́ŋ pɔ́Ꞌɔ. Ɛ́ sɛ́ ḿbíkŋɛ ŋɡɔ pʉʉ nɑ́ŋ pɔ nǔu ntɛ́ yi Sɛ́ sɛ́ ŋ́kɔŋ, ńjí pɔ ndɑꞋ wɛ́,

Ɛ́bɛlʉʉ 6:15

Ábɛlɛhɑ̂m zúꞋ, ńzẅíꞋlɛ kɛ́ kɑ́ɑ, ɛ́ lɛɛ pɔ́Ꞌɔ, ɑ lɑ́Ꞌ ŋ́ɡẅɛɛ yúu mi Sɛ́ kɑ kɑꞋnɛ mbɔ̌ wɛ́.

Ɛ́bɛlʉʉ 6:12

Kɔɔ pʉʉ tsʉ́Ꞌ pɛlɔ́ŋ. Tɛ ńtsʉ́Ꞌ pɔ́Ꞌɔ, pʉʉ pɛ́ɛ fʉꞋ nǔu pʉɔ pi pɔ́p lɔk nɛzɑ́p tʉ́m nǔu Sɛ́ mbɑ nɛzẅíꞋlɛ kɛ́ kɑ́ɑ, ńcẅɛ́ɛ yúu mi Sɛ́ kɑ kɑꞋnɛ nɛɡɑ́ mbɔ̌ pɔ́p.

Tîtɛ 1:1

Yɔ ŋwɑꞋnɛ fú mbɔ̌ mɔ Pɔ̂l, ɛ fɑꞋ fɑꞋ-Sɛ́, ḿbɛn ḿbɔ́ ŋɡɑŋntúu-Yɛ́su Kɛlístɔ. Sɛ́ kɑ zɑ́p wɑ́ɑ nɛɡɛ ŋɡɔ pʉɔ pi ɑ kɑ tsɔ́Ꞌnɛ zɑ́p tʉ́m nǔu wɛ́. Ḿbɛn ńjí nu nɛ́nẅín yi pɔ́p ńdɛɛtɛ nǔu ńnɑ́ŋ pɑ́Ꞌ ɛ́ pɔŋnɛ Sɛ́.

2 Timɔtɛ́ɛ 3:5

ḿbɔ́ pʉɔ-Sɛ́ pɔ nzɛmpíi, ńdʉꞋ mɛtʉʉ-Sɛ́. Timɔtɛ̂ɛ lʉ́ɔꞋ ntɛ́ pʉɔ ɛ̂pɑ́!

1 Timɔtɛ́ɛ 6:11

Ɛ́ kɛ́ ŋ́ɡʉ nǔu ɡu ẅí ɔ ŋu-Sɛ́, pɔ́ ŋ́kʉɔ mîmɑ́ mɛnu kɛpɔŋ, ḿbɔ́ ɛ́sɑ́Ꞌ tʉʉ ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ḿbɔ́ yúu mi ɛ́ pɔŋnɛ Sɛ́, ḿbɔ́ ńzɑ́p tʉ́m yú pɔ nǔu wɛ́, ḿbɔ́ ŋ́kɔŋ ŋumɛsɔŋ, ḿbɔ́ ńtɛntɛ tɛntɛnɛ nzʉʉ Sɛ́, ńtʉ́ʉ nǔu yɛ́tɛ́ nu ɔɔ, ḿbɔ́tnɛ pɔ́tnɛ́nɛ.

1 Timɔtɛ́ɛ 6:6

Ɛ́ kɛ́ ńzɛɛ ḿbɔ́ nɛ́nẅín ŋɡɔ ŋu lɑɑ ńzɑ́p tʉ́m yɛ́ nǔu Sɛ́, mbɔ ɑ pɔ́ttú pɑ́Ꞌ nu lɑɑ ḿbɔŋ wɛ́ nǔu yúu mi Sɛ́ ɡɑ́nɛ mbɔ̌ wɛ́.

1 Timɔtɛ́ɛ 6:3

Ŋu lɑɑ ńzíꞋ pʉɔ nɛ́ nu ndɛꞋ ńdɔk ḿmɛꞋ sẅiŋɛ nɛ́nẅín yi ɛ́ fúnɛ mbɔ̌ Tsɑpʉɔ wɛkŋɛ Yɛ́su Kɛlístɔ, mbɑ yúu mi pɛkŋɛ zíꞋnɛ pʉɔ pɔ́p fú nǔu ńzɑ́p tʉ́m nǔu wɛ́,

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

1 Timɔtɛ́ɛ 2:10

Ɛ́ píkŋɛ ŋɡɔ pɔ́p lɔk pɔ mɑt wɔp ńnyɛt ŋɡɔ pɔ́p pɑŋɡɛ́ pi pɔ́p síinɛ. Ɛ́ pɑ́Ꞌ pɑŋɡɛ́ pi pɔ́p ɡɛnɛ yúu mi ɛ́ pɔŋnɛ Sɛ́ ɡẅɛɛnɛ nɛɡɛ.

1 Timɔtɛ́ɛ 2:2

Pɛ́ sɛ́ ḿbúꞋ mbɔ́ mbɔ̌ Sɛ́ nǔu tú-pɛfɔɔ, tɛ mbɑ nǔu tú pɛcɔ́ pʉɔ pi pɔ́p sɑ́Ꞌnɛ lɑ́Ꞌ. Nɛpɔ́ yi pɛkŋɛ ɡʉ ńnɑ́ŋ sʉ́Ꞌnɛ, lɑ́Ꞌ yɛkŋɛ pɔ́ lɑ́Ꞌ mbɔ́tnɛ. Pɛkŋɛ pɔ́ pʉɔ pi pɔ́p ɡɛnɛ yúu mi ɛ́ pɔŋnɛ Sɛ́, ŋ́ɡẅɛɛ tsẅɛ́ ẅi ɛ́ ɡẅɛɛnɛ mɛkuꞋ.

2 Tɛsɑlɔník 3:5

Pɛk sɛ́ ńdɔ́ɔ ŋɡɔ Tsɑpʉɔ zíꞋ wʉ́ʉ nɛkẅiꞋ ŋ́kɔŋ Sɛ́, mbɑ nɛsʉk ŋɡʉ̈ɔ́Ꞌ pɑ́Ꞌ jʉ́ Kɛlístɔ.

2 Tɛsɑlɔník 1:4

Ɛ́ lɛɛ pɔ́Ꞌɔ, lɑ pɛk ɡɔ́ ŋ́kẅíi lík yʉ́ʉ tsɛt mɛcɔ́ mɛcúꞋlɛ-pʉɔ-Sɛ́, ŋ́kẅíi pɔ nɛ́ kɑꞋmɛ, mbíꞋŋɡɔ pʉɔ sɛ́ ńnyɛt wʉ́ʉ nɛ́ ŋɡʉ̈ɔ́Ꞌ, ḿbɔ́ ŋ́kʉ́ʉnɛ wʉ́ʉ, pʉʉ kɛ́ mbɔɔ cúꞋlɛ kʉ̈ɔ́, pʉʉ kɛ́ ɛ́sʉk sʉknɛ, ḿbɔ́ ńzɑ́p tʉ́m yʉ́ʉ pɔ nǔu Yɛ́su Kɛlístɔ.