2 Pyɛ̂ 1:16 - Kɑɑ Fí

¹⁶ Pɛk ŋ́kɑɑ kɛ́ ŋ́ɡɔ́ ɛ́sẅíi wʉ́ʉ pɑ́Ꞌ Yɛ́su Kɛlístɔ, Ndɛ wɛkŋɛ ɡʉ ŋ́ɡɛ ńtɔ́, nɛ́ nɛŋwɑ́ŋɛ wɛ, ɛ́fú pɔ nǔu mɛnu mɑ́pítsɔꞋ mi pɛk nɑ́ŋnɛ sɛ́ ńdɔk jínu ńdʉꞋlɛ pɔ́. Pɛk kɑ fú nǔu pɑ́Ꞌ pɛk lɔknɛ mík mɛ́k ńjʉ́ɔ nɛɡúꞋ wɛ.

2 Pyɛ̂ 1:16 交叉引用

1 Jɑ̂ŋ 4:14

Pɛk kɑ lɔk mík mɛ́k ńjʉ́ɔ tɛ ḿbɔ́ ńcú pɑ́Ꞌɑ, ḿbɔ́ pɑjʉ́njʉ́ɔ nǔu pɑ́Ꞌ ɑ kɑ túunɛ Mɔ́ɔ nɛ, pɑ́Ꞌ ɑ ḿbɔ́ ŋu ẅí ɑ ŋ́ɡɛ pʉɔ-ndǔmbí luk.

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

1 Timɔtɛ́ɛ 1:4

Cú mbɔ̌ pɔ́p ŋɡɔ pɔ́p nɑ́ mɛnu-mɑ́pitsɔꞋ, pɔ́p mɛlík pɛmɑ̂ɑŋɡɑpnjẅɛt pɔ́p pi pɔ́p sɑ́ŋnɛ ɛ́ pɔɔ ḿmɛ. Yîyɑ́ ntɛ́ mɛnu ɡɛ pɛ́ zɔŋ nu pɔ níinɛ, ɛ́ pɔɔ cẅɛ́lɛ́ nɛjí yúu mi Sɛ́ kɑ kwɑŋɛ́nɛ nɛɡɛ ŋumɛsɔŋ luk pɔ́. Pɛ́ lɔk pɔ nɛzɑ́p tʉ́m nǔu Sɛ́ lɑ ńjí yîyɑ́ yúu.

1 Timɔtɛ́ɛ 4:7

Kɛ́ ḿbɑ́ɑ mɛnu mɑ́pítsɔꞋ mi ɛ́ kɛ́ cẅɛ́lɛ́ pɔ́, tɛ ńtsʉ́Ꞌ pɔ́Ꞌɔ, ɛ́ tɔꞋ pɔ pʉɔ nɛzɑ́p tʉ́m nǔu Yɛ́su. Kɛ́ ḿbɔ́ ńzíꞋ pɔ nɛɡɛ yúu mi ɛ́ ḿbɔŋ Sɛ́.

1 Kɔlɛ̂ŋtɛ 2:4

Sẅiŋɛ yi ɛ́ kɑ pɔ́ ńcẅɛt ntsu mɔ, mbɑ nu-Kɛlístɔ yi ŋ kɑ pɔ́ ɛ́sɑ́Ꞌ mbɔ̌ pʉʉ, kɑ́ pɔ́ ńnyɛt jínu-ŋumɛsɔŋ yi pɛ́ lɔknɛ ŋ́ɡɛ ŋu pɛ́m nu pɔ́. Mɛtʉʉ-Zẅikŋɛ-Sɛ́ kɑ pɔ́ ŋ́ɡɛ pʉɔ jʉ́ɔ ŋɡɔ ɛ́ nu nɛ́nẅín.

Ɛ́fɛ̂zɛ 4:14

Ɛ́ lɛɛ pɔ́Ꞌɔ, pɛkŋɛ pɔɔ pɛn ḿbɔ́ pɛcʉcʉŋ mbɔ́ŋkʉ̈ɔ́ pi ɛ́ pɑ́Ꞌ kɑnúꞋ yi ŋki shuŋnɛ ńdɔk ŋ́ɡʉ zɑꞋnɛ, ŋ́ɡʉ zíꞋnɛ pɔ́. Pɛ́ pɔɔ pɛn ɛ́sẅíi wɛkŋɛ ŋɡɔ pɛkŋɛ pʉʉ pʉʉnɛ kɛ ŋɡɔ pɛkŋɛ cúŋ cúŋnɛ pɔ́, kɔɔ pɛkŋɛ zúꞋ mîmɑ́ mɛnu mi pɛ́ zíꞋnɛ pʉɔ ḿbɛ́m pɔ́. Ɛ́ fú pɔ́Ꞌɔ, pɛkŋɛ pɔɔ pɛn ḿbɔ́ pɑ́Ꞌ pɛcʉcʉŋ pi pɔ́p pɛ́mnɛ, pʉɔ kwɑŋɛ mɛnu ńdɔk ɛ́fúklɛ wɔ́p pɔ́p pɛ́m cɔtnu nu pɔ́.

1 Kɔlɛ̂ŋtɛ 1:17

Kɛlístɔ ŋkɑɑ zɛɛ ńtúu wɑ́ɑ ŋɡɔ ŋ ɡʉ ŋ́ɡɛ pʉɔ cẅɛ́ɛ ŋki mbɔ̌ mɔ pɔ́. A kɑ túu wɑ́ɑ pɔ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ. Lɑ́ ŋ́kɛ́ mbɔɔ lɔk pɔ́ jínu-ŋumɛsɔŋ ńcẅi pɔ́, ḿbɔ́k nɛɡɛ mɛtʉʉ mi ɛ́ fúnɛ nǔu pɑ́Ꞌ Kɛlístɔ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ ḿmɛ.»

Mɛnu ɛ́ ńdɑ́Ꞌ ńcẅɛt 1:7

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.

Tîtɛ 1:14

pɔ́p pɔɔ pɛn ńzúꞋ mɛnu-mɑ́pitsɔꞋ-pɑyúdɑ, ńcʉŋɛ nǔu pɔ́, tɛ mbɑ nɛpʉ́ʉ ni pʉɔ pi pɔ́p tɛ́mnɛ ŋkwɛn nǔu nu yi ɛ́ nɛ́nẅín zɑ́pnɛ.

Jẅidɛ 1:14

Ɛnɔ̂k ẅí ɑ nǔu mɛzuŋ sɑɑmbɑ́ nɛfú nǔu Ádɑm, ɑ kɑ zɑ́Ꞌ njí ńcẅi Ŋkʉʉ-Sɛ́ ẅí ɛ́ líŋɛ́nɛ wɔ́p ńcú ŋɡɔ: «Pʉʉ zúꞋ Tsɑpʉɔ ɡʉ ńdɔk pɛcʉ̈ɔ́Ꞌ pɛ́ pɛ Lɛ́ɛnɛ́nɛ, ńtɔ́ tɛ pɔ́p zɑ́ɑ zɑ́ɑnɛ tɛ ḿbɔ́ pɛ́ pɔɔ sɑ́ŋ ńjí ndɛn pɔ́.»

2 Tɛsɑlɔník 2:9

Fɔɔ-mɛnu kɛpɔŋ ɡʉ ńdɑ́Ꞌ ŋ́ɡɔ ńtɔ́, Sɑ́ttɑ níꞋ mɛtʉʉ mɛ́ nǔu wɛ́, ɑ lɔk ŋ́ɡɛ mɛnu mɑ̌ɑmɑɑnɛ pɔ́p ndɑɑkɑ́jʉ́ɔ mɛnu mɛntɛ́ mɛntɛ́, ńdɔk ɛ́fúklɛ pʉɔ.

2 Kɔlɛ̂ŋtɛ 4:2

Pɛk pɔɔ nǔu mɛntɛ́ lɔk ɛ́fɑꞋ mɛfɑꞋ mi ɛ́ mɛ́ ntsɛm, ḿbɛn ḿbɔ́ mɛ́ sʉ́ʉ pɔ́, wɛcɔ́ ŋkʉŋkʉ pɔɔ nǔu ku-nɛnɛn yɛ́k pɔ́, pɛk pɛn ŋ́kɛ́ ḿbɔɔ ḿbɔ́ ńdɔk mɛcɔ́ mɛnu ɛ́fɛntɛ sẅiŋɛ-Sɛ́ pɔ́, tɛ ńtsʉ́Ꞌ pɔ́Ꞌɔ, pɛk lɔk pɑ́Ꞌ pɛk mbi Sɛ́ ńdɛꞋlɛ pɔ́ nu nɛ́nẅín mbɔ̌ pʉɔmɛsɔŋ, tɛ ḿbɔ́ yi ɛ́ lɑɑ ḿbɔ́ ŋu pɔɔ lɑ́Ꞌ wɛ́k nǔu yɛcɔ́ nu pɔ́.

2 Kɔlɛ̂ŋtɛ 2:17

Lɑ́Ꞌ pɛk kɑ pɔ́ pɑ́Ꞌ pɛcɔ́ pʉɔ tɛ ńzɑ́ɑ pi pɔ́p lɔknɛ sẅiŋɛ-sɛ́ ŋ́ɡɛ yɔ́p yúu mɛntɑ́ɑ pɔ́, pɛk ɛ́sẅíi yɛ́k pɔ nɛ́ tʉ́m Lɛ́ɛnɛ́nɛ, ḿbɔ́ pɔ pʉɔ pi Sɛ́ kɑ túunɛ. Pɛk pɔ́ ɛ́sẅíi, Sɛ́ pɔ́ ńjʉ́ɔ wɛ́k pɛk pɛn ńdɑt mbʉʉ nǔu Kɛlístɔ.

Mɑtʉ̈ɔ 28:18

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

1 Tɛsɑlɔník 2:19

Pʉʉ zɛɛnɛ ḿbɔ́ pʉɔ pi pɔ́p ɡɛnɛ pɛk pɔ́ ńzẅíꞋlɛ lɛ́Ꞌlɑ́Ꞌ-Tsɑpʉɔ Yɛ́su tɛꞋ. Pʉʉ pɔ́nɛ yɛ́k tsɑ́ɑtɛ, ḿbɔ́ yɛ́k ŋɡúꞋ yi pɛk ɡʉ ńdɑ́Ꞌ ńdɔk ńtʉ́ʉ mbi Tsɑpʉɔ wɛkŋɛ, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

Filipɛ 3:21

A ɡʉ ŋ́ɡɛ ńtɔ́ ɛ́shɔt yɔ mbɑp-mbʉʉ yi ɛ́ pɔ́t pɔ́tnɛ lɑɑ, ɛ́ tsʉ́Ꞌ pɑ́Ꞌ yɛ́ yi ɛ́ ɡẅɛɛnɛ nɛŋwɑ́ŋɛ. Ɛ́ pɔ́ pɔ́Ꞌɔ, ńdɔk mɛtʉʉ mi ɑ ɡẅɛɛnɛ nɛlɔk ŋ́ɡɛ mbɑ kʉ̈ɔ́ lɑ́ tsʉ́Ꞌ ńzúꞋ pɔ ntsu wɛ́.

1 Kɔlɛ̂ŋtɛ 5:4

«Pʉʉ lɑɑ ńcúꞋlɛ nǔu lík-Tsɑpʉɔ Yɛ́su. Mbɔ ɛ́ ńdɛɛ nǔu tɑ́ ntsu wɛkŋɛ m bɔ́ yɑ́ɑ pɔ sɛ́. Pʉʉ lɔk mɛtʉʉ-Tsɑpʉɔ Yɛ́su,

1 Kɔlɛ̂ŋtɛ 2:1

Pɔ́ɔpɛ́mɑ́ pɑ́ɑ, ɛ́ kɑ pɔ́ ŋkɑ́ yi ŋ kɑ tɔ́nɛ lɑ́Ꞌ pʉʉ nɛcú nu-Sɛ́, ɛ́ pɔ́ nu yi ɛ́ kɑ zɛɛnɛ ḿbɔ́ yi lʉɔmɛ́nɛ, ŋ ɡɔ́ ńcú mbɔ̌ pʉʉ, ŋ́kɛ́ ḿbɔɔ lɔk yɛcɔ́ sẅiŋɛ yi ɛ́ tɛn tɛnnɛ ńcú pɔ́, ŋ́kɛ́ mbɔɔ lɔk pɔ nɛnyɛt wʉ́ʉ nɛ́ yɛcɔ́ yúu mi n jínɛ tɛꞋ ńdɔk ńcú pɔ́.

1 Kɔlɛ̂ŋtɛ 1:23

Lɑ́ ɛ́ kɛ́ ŋ́ɡʉ nǔu pɛk, pɛk sɛ́ ɛ́sɑ́Ꞌ pɔ nu-Kɛlístɔ ẅi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. Yîyɑ́ nu pɔ́ mbɔ̌ pɑyúdɑ ḿbɔ́ nu yi ḿbɔ́ pɛ́ zɛɛ mbɔɔ kẅíi tɛ ɛ́sẅíi ŋu pɔ́, ḿbɔ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́ ḿbɔ́ pɔ mɛnu-pɛpɑ́lɛ.

1 Kɔlɛ̂ŋtɛ 1:7

tɛ ɛ́ ŋkɔ̂ɔnɛ ḿbɔ́ mbɔ̌ pʉʉ pi pʉʉ sɛ́ ńzẅíꞋlɛ ŋkɑ́ yi Tsɑpʉɔ wɛkŋɛ Yɛ́su Kɛlístɔ ŋ́ɡɛ ŋ́ŋwɑk, yɛcɔ́ fuꞋ yi ɛ́ fúnɛ mbɔ̌ Sɛ́, tɛ pʉʉ pɛ́t ḿbɔ́ ḿmuŋɛ muŋɛ́nɛ kɑ́ pɔ́ ɡú pɔ́.

Pʉɔ-Lɔ́mɑ 1:4

Sɛ́ pɛn ńdɔk Zẅikŋɛ Lɛ́ɛnɛ́nɛ ŋ́ɡɛ ɑ pɔ́ Mɔ́ɔ nɛ́, ŋ́ɡẅɛɛ mɛtʉʉ. A lɔk pɑ́Ꞌ ɑ kɑ ɡɛnɛ ɑ zẅíimɛ tsɛtsɛt pɛpfú, mbɑ pɑ́Ꞌ ɑ kɑ níꞋnɛ Zẅikŋɛ Lɛ́ɛnɛ́nɛ nǔu wɛ́.

Jɑ̂ŋ 17:2

Ɔ kɑ ɡɑ́ mɛtʉʉ mbɔ̌ wɛ́ nɛlɔk ńdíŋɛ pʉɔmɛsɔŋ, ńjí ŋɡɔ ɑ ɡʉ ŋ́ɡɑ́ luk kɛ́ mɛ, mbɔ̌ pʉɔ tsʉʉ pí ɔ kɑ ɡɑ́nɛ mbɔ̌ wɛ́.»

Mɑtʉ̈ɔ 24:27

Jínɛ ŋɡɔ mɛnɛ́ɛ-mbʉŋ ɡɛ ŋɡɔ ŋwɑŋ, ɛ́fú nɛsɑ́Ꞌ-nɛm, ŋ́ɡʉ ŋ́kúu mbɛ́nɛm, ɛ́ ndʉ́ŋndʉŋ pɑ́Ꞌ pɛ́ ńdɑ́Ꞌ ńjʉ́ɔ Mɔ́ɔ-Ŋu pɑ́Ꞌ ɑ tɔ́nɛ.

Mɑtʉ̈ɔ 24:3

Yɛ́su ɡʉ tɛ ńnɑ́ŋ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ, ɡɑŋku pɛ́ fɑk mbʉʉ yɔp ńtɔ́ ḿbíkŋɛ wɛ́ ŋɡɔ: «Sẅíi wɛ́k nɛ́ ŋkɑ́ yi yɔ nu ɡʉ ńdɑ́Ꞌ ŋ́ɡɛ. Sẅíi wɛ́k nɛ́ lii yi pɛ́ ɡʉ ńdɑ́Ꞌ ńdɔk ńjí ŋɡɔ ɔ sɛ́ ńtɔ́, mbɑ yi ɛ́ ɡʉ ŋ́ɡɛ pɛ́ jí ŋɡɔ lɛ́Ꞌ yi píi mbí ɡʉ ḿmɛ kuꞋ.»

Mɑtʉ̈ɔ 16:28

Ɛ sẅíi wʉ́ʉ, kwɑꞋ nɛ́nẅín, pɛcɔ́ mbɔ ntɑ́Ꞌ nǔu pʉɔ pínɛ pɔ́p zɑꞋnɛ ŋkɔ̂ɔnɛ kɛ́ ɡɛ mpfú, kɛ́ pɔ́ yi pɔ́p jʉ́ɔ pɑ́Ꞌ Mɔ́ɔ-Ŋu tɔ́nɛ pɑ́Ꞌ fɔɔ pɔ́.»

Mɑtʉ̈ɔ 16:27

Pʉʉ jí ŋɡɔ: «Mɔ́ɔ-Ŋu ɡʉ ŋ́ɡɛ ńtɔ́ pɔ́p pɛcʉ̈ɔ́Ꞌ pɛ́, ńtɔ́ pɔ́Ꞌɔ, tsɛt nɛɡúꞋ-Tɑ́t wɛ, ɑ tsɔ́Ꞌ fɑꞋ mbɑ wɔ̌ lɑ́, pɔ nǔu ŋɡɛnɛ mɛnu mɛ́.

Mɑtʉ̈ɔ 17:1

Ɛ́ lɛɛ lɛ́Ꞌ pɛ́nɛ́ntúkú, Yɛ́su fɑk Pyɛ̂, ŋ́ɡɛ Jɑ̂k, nɛ́ Jɑ̂ŋ ɑ pɔ́ mɔ́ɔmɑ́ pɛ́ Jɑ̂k, ńdɔk wɔ́p ŋ́ɡʉ ŋ́kɔ́Ꞌ ndǔ nɛcɔ́ mɑ́mɑ́ nɛŋkɔ́Ꞌ. Pɔ́p pɛ́pɔ́p pɔ́ zúꞋu zɛnɛ pɔ́p.

Mɑ́lɛ́kúshi 13:26

Pɛ́ ɡɔ́ɔ ŋ́kɛ́ ńjʉ́ɔ Mɔ́ɔ-Ŋu pɔ́ tsɛt lɑ́ɑ, ḿbɔ́ ńtɔ́, ŋ́ɡẅɛɛ nɛŋwɑ́ŋɛ mbɑ mɑ́mɑ́ mɛtʉʉ.

Mɑ́lɛ́kúshi 14:62

Yɛ́su tsɔ́Ꞌ ŋɡɔ: «Mɔ jʉ́. Pʉʉ ɡʉ ŋ́ɡɛ ńjʉ́ɔ Mɔ́ɔ-Ŋu nɑ́ŋ nǔu ɡúŋ-pɔ́ tʉʉ-Sɛ́ ẅi yɛcɔ́ nu wɛ́ kɑ́ tsɑ. Ḿbɛn ńjʉ́ɔ ɑ fú tsɛt lɑ́ɑ tʉ́nɛ́pú ńtɔ́.»

Lúkɑ́shi 1:2

ŋ́ŋwɑꞋnɛ kwɑꞋ pɑ́Ꞌ pʉɔ pi pɔ́p kɑ jʉ́ɔnɛ pɑ́Ꞌ nu yɔ kɑ zɛnɛ, ḿbɛn ńjʉ́ɔ pɑ́Ꞌ ɛ́ kɑ nɛnnɛ pɔ́Ꞌɔ.

Lúkɑ́shi 9:43

Lɑ́Ꞌ yi ɛ́ ḿbɔ́nɛ zúꞋu, jʉ́ɔ yɔ nu, mɑɑ pɑꞋ mɛtʉʉ Sɛ́ lɔknɛ ŋ́ɡúꞋ pɔ́Ꞌɔ. Lɑ́Ꞌ pɔ́ ŋ́ɡʉ̈ɔꞋtɛ mɛnu mi Yɛ́su ɡɛnɛ tsʉʉ. A ɡɛ ńcú mbɔ̌ ɡɑŋku pɛ́ ŋɡɔ:

2 Pyɛ̂ 2:3

Pɑ́Ꞌ pɔ́p kɔŋ ŋkɑ́p tɛꞋ lɑ́, pɔ́p ŋ́ɡɛ ńdɔk sẅiŋɛ yi pɔ́p lʉꞋlɛ lʉꞋlɛ́nɛ, ńdɔk ńdẅɑklɛ wʉ́ʉ, ńcẅɛ́ɛ yúu pʉ́ʉ, ŋ́kɛ́ ŋ́ɡɛ pɔ́Ꞌɔ pɑ́Ꞌɑ, mbɔ Sɛ́ kɑ lɑ́Ꞌ ńzɑ́Ꞌ ntsɑŋ yɔp, tɛ ɛ́ tsʉ́Ꞌ pɔ mɔ́zʉꞋ ŋɡʉ̈ɔ́Ꞌ vu nǔu pɔ́p.