12 Ɛ́ lɛɛ pɔ́Ꞌɔ, pʉɔ pi pɔ́p ŋ́kɑɑ pɛ́m nu yi ɛ́ nɛ́nẅín pɔ́, nu yi ɛ́ kɑ́ pɔ́ nu pɔ́ tsʉ́Ꞌnɛ ḿbɔŋ wɔ́p, pɔ́p ɡɔ́ɔ ŋ́kɛ́ ḿvu ntsɑŋ.
Pɔ́p sɛ́ ńtsuŋ ńjí ŋɡɔ ɛ́ mbɔ̌ Sɛ́, pʉɔ pi pɔ́p ɡẅɛɛnɛ mɔnɛ mɛmɑt, pɔ́p pʉɔ pi pɔ́p tʉ́ʉnɛ pɑ́Ꞌ pɛ́ ɡʉ ńdɑ́Ꞌ ńjẅí wɔ́p jẅínɛ. Lɑ́, pɔ́p kɑ́ fɑɑnɛ mɔnɛ mɛnu fɑɑnɛ́nɛ ndɑꞋ pɔ́, pɔ́p pɛn ńníꞋ mɛtʉʉ-pʉɔ pi pɔ́p sɛ́ ɛ́fɑɑnɛ yɔ́p mîmɑ́ mɛnu ɡúu.
Ŋu ẅí ɑ pɛ́mnɛ, pɛ́ nuꞋ wɛ́ ŋki, Sɛ́ ɡɛ ɑ luk. Ŋu ẅí ɑ lʉꞋnɛ nɛpɛ́m, ɑ ɡʉ ńdɑ́Ꞌ ḿvu ntsɑŋ.
Lɑ́ ŋ́kɛ́ ŋ́ɡʉ nǔu pʉɔ pi pɔ́p tʉʉ tú mbɔ̌ Sɛ́, ńdʉꞋ nu yi ɛ́ nɛ́nẅín, ńnɛn pɔ nǔu sɛ̂ndúŋ ẅi Sɛ́ kɑ́ pɔ́ ŋ́kɔŋ pɔ́, pɔ́p jʉ́ɔ pɑ́Ꞌ Sɛ́ zɑ́ŋnɛ lɔ́ŋ nǔu pɔ́p, mbɑ pɑ́Ꞌ nu yɔ́p pʉ́knɛ Sɛ́.
Sɛ́ ŋkɑɑ zɛɛ ńtsɔ́Ꞌ wɛkŋɛ pɔ nɛzɑ́ŋ lɔ́ŋ nǔu pɛkŋɛ, pɛkŋɛ jʉ́ɔ ŋɡʉ̈ɔ́Ꞌ pɔ́, ɑ kɑ tsɔ́Ꞌ wɛkŋɛ pɔ nɛɡɛ pɛkŋɛ lɛɛ nzʉʉ Tsɑpʉɔ wɛkŋɛ Yɛ́su Kɛlístɔ ŋ́ɡẅɛɛ luk.
Pʉʉ kɔŋ pʉɔmɛsɔŋ pɔ nɛ́ tʉ́m yʉ́ʉ tsʉʉ. Pʉʉ kʉ̈ɔ́ nu kɛpɔŋ tɛ ńtɔ́ŋ mɛkɑ́ɑ, ŋ́kúꞋlɛ pɔ nu sʉ́Ꞌnɛ tɛ ɛ́ tɛn.
Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.
Pɔ́p zúꞋ, ɛ́ pɔŋ wɔ́p, tɛ pɔ́p pʉ́ wɛ́ nɛ́ ŋkɑ́p yi pɔ́p ɡʉ ŋ́ɡɑ́ mbɔ̌ wɛ́. Jẅidɑ ɡɔ́ɔ ŋ́kɛ́ ńzɛ nɛkwɑŋɛ ŋkɑ́ yi ɑ ɡʉ ɛ́fɛn Yɛ́su mbɔ̌ pɔ́p tɛ yɛcɔ́ lɔ́Ꞌ pɔɔ cẅɛt.
Súu wɑɑ wɛ tʉʉndɛn, pɑ́ɑ nɛpɛ́ɛ fʉꞋ-nu kɛpɔŋ, pɛ́ɛ pɔ fʉꞋ-nu sʉ́Ꞌnɛ. Ŋu ẅí ɑ ɡɛnɛ nu sʉ́Ꞌnɛ ɑ mɔ́ɔ-Sɛ́, ŋu ẅí ɑ ɡɛnɛ nu kɛpɔŋ ɑ kɑ́ jí Sɛ́ pɔ́,
Pɑ́Ꞌ pɔ́p kɔŋ ŋkɑ́p tɛꞋ lɑ́, pɔ́p ŋ́ɡɛ ńdɔk sẅiŋɛ yi pɔ́p lʉꞋlɛ lʉꞋlɛ́nɛ, ńdɔk ńdẅɑklɛ wʉ́ʉ, ńcẅɛ́ɛ yúu pʉ́ʉ, ŋ́kɛ́ ŋ́ɡɛ pɔ́Ꞌɔ pɑ́Ꞌɑ, mbɔ Sɛ́ kɑ lɑ́Ꞌ ńzɑ́Ꞌ ntsɑŋ yɔp, tɛ ɛ́ tsʉ́Ꞌ pɔ mɔ́zʉꞋ ŋɡʉ̈ɔ́Ꞌ vu nǔu pɔ́p.
ɑ kɑ́ tsɑ́ɑtɛ nǔu cɔtnu pɔ́, ɑ tsɑ́ɑtɛ yɛ́ pɔ nǔu nu nɛ́nẅín.
A ɡʉ ńdɑ́Ꞌ ńdɔk mɛnu mi ɛ́ kɑ́ pɔ́ nu pɔ́ mɛntɛ́ mɛntɛ́, ɛ́fúklɛ pʉɔ pi pɔ́p ɡʉ ńdɑꞋ pɛ́. Pɔ́p pɛ́ pɔ́Ꞌɔ, mbíꞋŋɡɔ pɔ́p lʉꞋ nɛkɔŋ nu yi ɛ́ nɛ́nẅín yi ɛ́ ḿbɔ́ ŋ́ɡʉ ŋ́ɡɛ pɔ́p luk.
