2 Kɔlɛ̂ŋtɛ 12:14 - Kɑɑ Fí

¹⁴ Ɛ́ pʉ́ɔlɑɑ yi mɔ sɛ́ ŋ́kwɑŋɛ nɛtɔ́ lɑ́Ꞌ pʉʉ nǔu mbɑ́ɑtɛ yɛ́tɑ́t lɑɑ. Lɑ́ mɔ ńtɔ́, pʉʉ kɛ́ ḿbɔɔ wɛcɔ́ pɛ́ tú mɔ tɑ́ŋ, mbíꞋŋɡɔ ŋ kɑ́ pɔ́ ńtɔ́ lɔɔ yúu pʉ́ʉ pɔ́, n tɔ́ pɔ lɔɔ wʉ́ʉ. Ɛ́ zɛɛ ḿbɔ́ pɑꞋnɛ, ɡɛ́ɡɛ́ mbɔ́ŋkʉ̈ɔ́ kɑ́ ɡẅɛɛ nɛlɛp ŋkɑ́p ŋ́ɡɑ́ mbɔ̌ pɛtɑ́t pɔ́p pɔ́, pɛtɑ́t-pɔ́ɔ ɡẅɛɛnɛ nɛlɛp ŋkɑ́p ŋ́ɡɑ́ mbɔ̌ mbɔ́ŋkʉ̈ɔ́ pɔ́p.

2 Kɔlɛ̂ŋtɛ 12:14 交叉引用

1 Kɔlɛ̂ŋtɛ 10:33

Ɛ́ pɑ́Ꞌ mɔ sɛ́ ŋ́ɡɛ yɑ́ɑ. Mɔ sɛ́ ńdɔɔ shʉ́ nɛɡɔ́ ŋ́ɡɛ mbɑ kʉ̈ɔ́ lɑ́, ɛ́ pɔ́ yi ɛ́ ɡʉ ḿbɔŋ pʉɔtsʉʉ. Ŋ kɑ́ pɔ́ ńdɔɔ pɔ yúu mi ɛ́ ɡʉ ńcẅɛ́lɛ́ pɔ wɑ́ɑ pɔ́. N dɔɔ pɔ yúu mi ɛ́ ɡʉ ńcẅɛ́lɛ́ pʉɔ tɛ ńzɑ́ɑ, ńjí ŋɡɔ Sɛ́ ɡʉ ŋ́ɡɛ pɔ́p luk.

1 Kɔlɛ̂ŋtɛ 10:24

Kɔɔ ŋu lɔɔ pɔ yúu mi ɛ́ ɡʉ ńcẅɛ́lɛ́ pɔ túmbʉʉ yɛ́. Ŋu lɔɔ yúu mi ɛ́ ɡʉ ńcẅɛ́lɛ́ mɔ́ɔmɑ́ wɛ.

2 Kɔlɛ̂ŋtɛ 1:15

Ŋ kɑ pɔ́ ńjí ŋɡɔ ɛ́ ɡʉ ḿbɔ́ pɔ pɔ́Ꞌɔ. Ɛ́ yúu mi ɛ́ kɑ ɡɛnɛ lɑ́ n dɔɔ nɛpiitɛ ńdɛɛ njɛ́Ꞌ pʉʉ, lɑ ŋ́ɡɛ ḿbɛn ńdɛɛ, ńjí ŋɡɔ ŋ ɡʉ ŋ́ɡɛ pʉʉ tsɑ́ɑtɛ tsɑ́ɑtɛ́nɛ ŋkɑ́ yɛ́pɑ́.

1 Tɛsɑlɔník 2:11

Pʉʉ pɛn ḿbɔ́ ńjí ŋɡɔ pɛk ḿbɔ́ nɛjɔ́ŋ mbɑ wɔ̌ lɑ́ nǔu pʉʉ, ŋ́ɡɛ pɔ pɑ́Ꞌ tɑ́mɔ́ɔ ɡɛ nɛjɔ́ŋ mbɔ́ŋkʉ̈ɔ́ pɛ́ lɑ́.

ŊwɑꞋnɛ-Gɑŋntúu Yɛ́su Kɛlístɔ 20:33

«Mɔ ŋkɑɑ ŋkɑ́p-ŋu tsɑ́ɑ. Ḿbɔɔ tʉ́n-ŋɡɔ̂l tsɑ́ɑ. Ḿbɔɔ mɛndẅí-ŋu tsɑ́ɑ.

1 Tɛsɑlɔník 2:8

Pɛk kɑ kɔŋ wʉ́ʉ kɔŋnɛ tɛ ńtʉ́ʉ pɑ́Ꞌ ḿbɔ́ pɛk pɔɔ ɡɑ́ pɔ ndɑꞋ Ŋkʉʉ Sʉ́Ꞌnɛ nu-Sɛ́ mbɔ̌ pʉʉ pɔ́, pɑ́Ꞌ mbɔ pɛk pɛn ŋ́ɡɑ́ mbɑ tú yɛ́k, mbíꞋŋɡɔ ɛ́ kɑ ɡɔ́ ḿbɔ́, mbɔ pʉʉ tsʉ́Ꞌ yúu-tʉʉndɛn mbɔ̌ pɛk.

Filipɛ 4:17

N cú pɑ́Ꞌɑ, ɛ́ pɔɔ pɔ́ pɔ ŋɡɔ mɔ sɛ́ ńdɔɔ pɔ yúu mi pɛ́ ɡʉ ńtúu ŋ́ɡɑ́ mbɔ̌ mɔ pɔ́. Mɔ sɛ́ ńtsɑ́ɑ pɔ ŋɡɔ Sɛ́ fú nǔu ńníꞋ mbɔ́tnɛ nǔu pʉʉ.

Filipɛ 4:1

Pɔ́ɔpɛ́mɑ́ pɑ́ɑ pɛtʉʉndɛn, ɛ́ yɛ́tɛ́ lɑ́ n cú mbɔ̌ pʉʉ ŋɡɔ, pʉʉ lɔk wʉʉ nɛnɑ́ŋ ńnyɛt ŋɡɔ pʉʉ kúꞋlɛ nu-Tsɑpʉɔ tɛ ɛ́ tɛn. Mɔ sɛ́ ńtsɑ́ɑ nɛpɛn ńjʉ́ɔ wʉ́ʉ. Pʉʉ pɔ́ɔpɛ́mɑ́ pɑ́ɑ pɛtʉʉndɛn. Pʉʉ pi pʉʉ yɑ́ɑ tsɑ́ɑtɛ, ḿbɔ́ yɑ́ɑ ŋɡúꞋ.

1 Kɔlɛ̂ŋtɛ 16:5

Mɔ ŋ́ɡɛ ŋ́ɡɔ́ ńtɔ́ lɑ́Ꞌ pʉʉ, ńzɛɛ ńdɔk wɛ tsɛt pɑk-ŋɡɔŋ-Mɑsɛndwɑn, mbíꞋŋɡɔ ŋ ɡẅɛɛ nɛɡʉ zúꞋu.

1 Kɔlɛ̂ŋtɛ 11:34

Nji lɑɑ ḿbɔ́ ńzɑ́ŋ ŋu, ɑ ɡɔ́ ɛ́fú njɛ́Ꞌ yɛ́, ḿbiitɛ ńjʉ́ yúu, nɛpɔ́ yi pʉʉ kɛ́ ɡʉ zʉꞋ yi pʉʉ cúꞋlɛ́nɛ zúꞋu, ɛ́fúŋ pɔ ntsɑŋ yi Sɛ́ ɡʉ ŋ́ŋɑk wʉ́ʉ ŋɑknɛ pɔ́. Ɛ́ ɡʉ nǔu mɛcɔ́ mɛnu, mbɔ mɔ ŋ́ɡɛ ńtɔ́ lɑ niitɛ.

1 Kɔlɛ̂ŋtɛ 4:19

Lɑ́ Tsɑpʉɔ lɑɑ ḿbɛ́m, mbɔ mɔ ŋ́ɡɛ fɛ́Ꞌnɛ ńtɔ́ ńjʉ́ɔ wʉ́ʉ. Ńtɔ́ pɔ́Ꞌɔ, mbɔɔ líŋɛ nu pɔ ndɑꞋ nǔu sẅiŋɛ yi pɔ́p niitɛ́nɛ ńcú mbɔ̌ lɑ́Ꞌ pɔ́, m bɛn ńjí yúu mi pîpɑ́ ɡɑŋ-ŋɑ́Ꞌlɛ kuꞋ nɛɡɛ.

1 Kɔlɛ̂ŋtɛ 9:12

Ɛ́ lɑɑ ḿbɔ́ yi pɛcɔ́ pʉɔ sɛ́ ńcẅɛ́ɛ yúu mbɔ̌ pʉʉ, mbɔ pɛk zɛɛnɛ mbɔɔ ɡẅɛɛ nɛpiitɛ ńcẅɛ́ɛ pɔ́ ɔɔ? Tɛ mbɑ pɔ́Ꞌɔ, pɛk ŋkɑɑ kɛ́ ńcẅɛ́ɛ pɔ́. Tɛ ńtsʉ́Ꞌ pɔ́Ꞌɔ, mbɔ pɛk sɛ́ ɛ́sʉk nǔu mbɑ kʉ̈ɔ́ lɑ́ sʉknɛ, ḿbɔ́k nɛɡɛ yúu mi ɛ́ ɡʉ ńtɔꞋ pʉɔ nɛzúꞋ Ŋkʉʉ Sʉ́Ꞌnɛ-Kɛlístɔ.

1 Kɔlɛ̂ŋtɛ 9:18

Yɑ́ɑ tsɔ́ꞋfɑꞋ pɑ́Ꞌɑ ḿbɔ́ kʉ̈ɔ́? Ɛ́ pɔ́ pɔ mɔ nɛcẅi Ŋkʉʉ Sʉ́Ꞌnɛ pɔ́ kɛ́ kɑ́ yúu, pɔ́ kɛ́ píkŋɛ yúu mi ŋ ɡẅɛɛnɛ nɛlɔk pɑ́Ꞌ mɔ ŋu ẅi ɑ cẅinɛ Ŋkʉʉ Sʉ́Ꞌnɛ lɑ́ ɡẅɛɛ nɛpíkŋɛ.

1 Kɔlɛ̂ŋtɛ 9:19

Pɑ́Ꞌ n cúnɛ lɑ́, ŋ ɡẅɛɛ nɛɡɛ kʉ̈ɔ́ lɑ́ nǔu ntɛ́ yi n jínɛ, lɑ́ ŋ kɑ pɛ́m ŋkwɑɑ-pʉɔ tsʉʉ, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pʉɔ tɛ ńzɑ́ɑ tsʉ́Ꞌ pʉɔ-Kɛlístɔ.

2 Kɔlɛ̂ŋtɛ 11:9

Ŋ kɑ pɔ́ lɑ́Ꞌ pʉʉ, ɛ́ pɔ́ ŋkɑ́ n jɑ́knɛ yúu, m bɔɔ cẅɛ́ɛ yúu mbɔ̌ wɛcɔ́ ŋu wʉ́ʉ pɔ́. Pɔ́ɔpɛ́mɑ́ pi pɔ́p kɑ fúnɛ Mɑsɛndwɑn kɑ ɡɑ́ kʉ̈ɔ́ lɑ́ yi ɛ́ kɑ pɔ́ ńjɑ́k mbɔ̌ mɔ. Ɛ́ kɑ ɡʉ nǔu kʉ̈ɔ́ lɑ́, m bɔɔ pɛ́m nɛpɔ́ piꞋ mbɔ̌ wɛcɔ́ ŋu wʉ́ʉ pɔ́, ŋ́kɛ́ mbɔɔ lɑ́Ꞌ yɛcɔ́ lɛ́Ꞌ lɑ ḿbɔ́ piꞋ mbɔ̌ wɛcɔ́ ŋu wʉ́ʉ pɔ́.

2 Kɔlɛ̂ŋtɛ 12:13

Pii yɑ́ɑ yi mɛcɔ́ mɛcúꞋlɛ pʉɔ-Kɛlístɔ kɑ jʉ́nɛ ńdɛɛ wʉ́ʉ ɛ́ kʉ̈ɔ́? Kɛ ɛ́ zɛɛ ḿbɔ́ pɔ pɑ́Ꞌ mɔ ŋkɑɑ ŋkɑ́p yʉ́ʉ cẅɛ́ɛ ɔɔ? Pʉʉ lɑɑ ńjʉ́ɔ ŋɡɔ ẅîwɑ́ nɛpɔ́ kɑ́ pɔ́ ńnɛn pɔ́. Pʉʉ likŋɛ ŋ́ɡɑ́ mbɔ̌ mɔ lɑ́.

Ŋɡɑlɑ̂t 4:19

Mbɔ́ŋkʉ̈ɔ́ pɑ́ɑ, m bɛn ḿbɔ́ ńjʉ́ɔ ŋɡʉ̈ɔ́Ꞌ fí nɛfí nǔu pʉʉ pɔ pɑ́Ꞌ mɑŋɡɛ́ ẅí ɑ sɛ́ ńnɛ́mɛ ḿbɔ́ ŋ́ɡʉ ḿbí lɑ́. Mɔ ŋ́kɛ́ ńjʉ́ɔ ŋɡʉ̈ɔ́Ꞌ pɔ pɔ́Ꞌɔ, tɛ ŋ́kúu ŋkɑ́ yi pʉʉ tsʉ́Ꞌ kwɑꞋ pʉɔ-Kɛlístɔ.