1 Pyɛ̂ 4:8 - Kɑɑ Fí

⁸ Nduŋmbi yúu mi pʉʉ ɡʉ ŋ́ɡɛ, ɑ pʉʉ nɛɡẅɛɛ ŋkɔŋɛ tsɛtsɛt pʉʉ, mbíꞋŋɡɔ ŋkɔŋɛ píknɛ nɛlʉ́m mɛnu kɛpɔŋ.

1 Pyɛ̂ 4:8 交叉引用

Kɔlɔsíyɛ̂ŋ 3:14

Nu yi ɛ́ lɛɛnɛ mɔnɛ mɛnu tsʉʉ, ɛ́ pʉʉ nɛɡẅɛɛ ŋkɔŋɛ tsɛtsɛt pʉʉ. Ŋkɔŋɛ ŋkʉ ẅí ɛ́ ɡʉ ŋ́kút wʉ́ʉ ńdɔk ŋ́ɡɛ tɑ́Ꞌ nɛkɑ́Ꞌ pɑ́Ꞌ ɛ́ sɛ́ ḿbíkŋɛ ŋɡɔ pʉʉ tɛmtɛ pɔ́Ꞌɔ lɑ́.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

Jɑ̂k 5:20

jínɛ ŋɡɔ ŋu ẅí ɑ tíknɛ wɛ́ tɛ ɑ fú nǔu sɛ̂ndúŋ kɛpɔŋ cẅɛt, ɡʉ ŋ́ɡɛ ɑ luk. Ɛ́ lɛɛ pɔ́Ꞌɔ, Sɛ́ likŋɛ mɛnu kɛpɔŋ mɛ tɛ ɛ́ zɑ́ɑ zɑ́ɑnɛ.

1 Kɔlɛ̂ŋtɛ 13:1

N dɑɑ ńjí nɛsẅíŋɛ mɛsẅíŋɛ mi pɛ́ sẅíŋɛ́nɛ tsɛt mɛŋɡɔŋ tsʉʉ tɛ mbɑ mi pɛcʉ̈ɔ́Ꞌ-Sɛ́ sẅíŋɛ́nɛ, lɑ́ ḿbɛn mbɔɔ kɔŋ ŋumɛsɔŋ pɔ́, mbɔ m bɑ́klɛ pɔ zʉꞋ pɑ́Ꞌ yúu tʉ́n yi pɛ́ púꞋnɛ, mbɑ pɑ́Ꞌ kẅǐꞌfɔɔ ẅí ɑ zɔtnɛ́nɛ lɑ́.

1 Tɛsɑlɔník 3:12

Pɛk pɛn ḿbɔ́ ńdɔ́ɔ ŋɡɔ Tsɑpʉɔ ɡɛ ŋkɔŋɛ yi pʉʉ ɡẅɛɛnɛ tsɛtsɛt pʉʉ, mbɑ yi pʉʉ ɡẅɛɛnɛ nǔu pɛcɔ́ pʉɔmɛsɔŋ tsʉʉ, ɛ́ kẅiꞋ kẅiꞋnɛ, ŋɡɔ ɑ ɡɛ ɛ́ pɔ́ pɑ́Ꞌ yi pɛk ɡẅɛɛnɛ nǔu pʉʉ,

Ɛ́bɛlʉʉ 13:1

Pʉʉ kẅiꞋ ŋ́ɡẅɛɛ ŋkɔŋɛ tsɛtsɛt pʉʉ, pɑ́Ꞌ ɛ́ sɛ́ ḿbíkŋɛ ŋɡɔ pʉɔ-Kɛlístɔ ɡɛ pɔ́Ꞌɔ, tsɛtsɛt pɔ́p.

1 Timɔtɛ́ɛ 1:5

Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.

2 Tɛsɑlɔník 1:3

Pɔ́ɔpɛ́mɑ́, pɛk ɡẅɛɛ nɛɡɑ́ pɑ́Ꞌlɑ́ mbɔ̌ Sɛ́ nǔu tú yʉ́ʉ ŋɡɔŋ ŋkɑ́ tsʉʉ. Ɛ́ pɔŋ ŋɡɔ pɛ́ ɡɛ pɔ́Ꞌɔ, mbíꞋŋɡɔ pʉʉ kɑ́ pɔ́ ŋ́kɑ́ɑ nɛzɑ́p tʉ́m nǔu wɛ́ pɔ́, ḿbɛn ḿbɔ́ ŋ́ɡẅɛɛ ŋkɔŋɛ tsɛtsɛt pʉʉ ńdɔk ŋ́ɡʉ pɔ nɛ́ mbi.

3 Jɑ̂ŋ 1:2

Súu wɑ́ɑ wɛ tʉʉndɛn, mɔ sɛ́ ńtsɑ́ɑ ŋɡɔ ɔ zúꞋ sʉ́Ꞌnɛ nǔu mbɑ kʉ̈ɔ́ lɑ́, sɔŋ-mbʉʉ wú tɛntɛ pɑ́Ꞌ ɔ sɛ́ ńtɛntɛ nǔu nu-Kɛlístɔ lɑ́.

Jɑ̂k 5:12

Pɔ́ɔpɛ́mɑ́ pɑ́ɑ, ɛ́ lɑɑ ḿbɔ́ pɔ nu kʉ̈ɔ́ ɔɔ, kɔɔ pʉʉ cú nu tɛ ŋ́kɑɑ. Kɔɔ pʉʉ lɔk nɛpú ŋ́kɑɑ nu, kɔɔ pʉʉ lɔk tsɛ́tsɑ́Ꞌ ŋ́kɑɑ. Ɛ́ pɔŋ ŋɡɔ wʉʉ ɔ́ɔŋ pɔ́ pɔ ɔ́ɔŋ, wʉʉ ŋɡɑ́ŋ pɔ́ pɔ ŋɡɑ́ŋ. Ɛ́ lɛɛ pɔ́Ꞌɔ, lɑ Sɛ́ pɔɔ ɡɛ ŋɡɔ pʉʉ vu ntsɑŋ pɔ́.

1 Kɔlɛ̂ŋtɛ 13:4

Ŋu ẅí ɑ kɔŋnɛ ŋumɛsɔŋ, ɑ ɡẅɛɛ kɔk mbʉʉ, ɑ cẅɛ́lɛ́ pʉɔ, ɑ kɑ́ ɡẅɛɛ kɛ́ɡʉ̈ɔꞋ pɔ́, ɑ kɑ́ nyɛt mbʉʉ yɛ pɔ́, ɑ kɑ́ ŋɑ́Ꞌlɛ pɔ́,