1 Pyɛ̂ 4:2 - Kɑɑ Fí

² Pɔ́Ꞌɔ lɑ́, pʉʉ ɡʉ nǔu mɛlɛ́Ꞌlɑ́Ꞌ mi pʉʉ pɛ́tnɛ ŋ́ɡẅɛɛ ndǔ tsɛ́tsɑ́Ꞌ, ŋ́ɡɛ pɔ yúu mi Sɛ́ sɛ́ ŋ́kɔŋ, kɔɔ pʉʉ ɡɛ yúu mi mbʉʉ-ŋu tsʉ́ʉnɛ́nɛ wɛ́ ɑ ɡɛ.

1 Pyɛ̂ 4:2 交叉引用

1 Pyɛ̂ 1:14

Pʉʉ zúꞋ ntsu-Sɛ́, pɑ́Ꞌ mbɔ́ŋkʉ̈ɔ́ pi pɔ́p zúꞋnɛ́nɛ, kɔɔ pʉʉ pɛn ḿbɛ́m mɛkwɑŋɛ kɛpɔŋ mi ɛ́ kɑ pɔ́ ɛ́sɑ́Ꞌ wʉ́ʉ ŋkɑ́ yi pʉʉ kɑ pɛ́tnɛ kɛ́ jí Kɛlístɔ pɛn ɛ́sɑ́Ꞌ wʉ́ʉ.

Ɛ́fɛ̂zɛ 6:6

Pʉʉ pɑ́ɑ nɛɡɛ pɔ́Ꞌɔ, pɔ ndɑꞋ ŋkɑ́ yi pɔ́p tʉ́ʉnɛ nzʉʉ pʉʉ. Pɑ́Ꞌ ŋkɑ́ yi pʉʉ ɡɛ pɔ yúu mi ɛ́ ɡʉ ḿbɔŋ pʉɔmɛsɔŋ lɑ́. Pʉʉ fɑꞋ pɔ pɑ́Ꞌ pɛkwɑɑ-Kɛlístɔ pi pɔ́p sɛ́ ŋ́ɡɛ yúu mi Sɛ́ sɛ́ ŋ́kɔŋ nɛ́ ŋɡɔŋ tʉ́m yɔ́p tsʉʉ.

Pʉɔ-Lɔ́mɑ 6:11

Mbɑ pʉʉ yʉ́ʉ, pʉʉ líŋɛ túmbʉʉ yʉ́ʉ pɑ́Ꞌ pʉɔ pi pɔ́p nǔu nu kɛpɔŋ, ńtsʉ́Ꞌ pɔ pɛpfú. Pʉʉ tsʉ́Ꞌ ḿbɔ́ pɔ pʉɔ pi pɔ́p lɔk pɑ́Ꞌ pɔ́p lɑtnɛ mbʉʉ nǔu Kɛlístɔ, ńtsʉ́Ꞌ ŋ́ɡẅɛɛ pɔ ntɛ́ yɛ́ fí pɑ́Ꞌ pɔ́p ɡʉ ɛ́fɑꞋ fɑꞋ-Sɛ́.

2 Kɔlɛ̂ŋtɛ 5:15

A kɑ pfú nǔu tú-pʉɔ tsʉʉ, nɛpɔ́ yi pʉɔ pi pɔ́p ntʉʉ kɛ́ pɛn ḿbɔ́ ɡú pɔ́ pɑ́Ꞌ pɔ́p ɡʉ ŋ́ɡɛ yúu mi ɛ́ pɔŋnɛ wɔ́p pɔ́. Pɔ́p ɡʉ ńtsʉ́Ꞌ ḿbɔ́ ɡú, pɔ pɑ́Ꞌ pɔ́p ɡʉ ŋ́ɡɛ yúu mi ɛ́ pɔŋnɛ wɛ́, jʉ́ ẅi ɑ kɑ pfúnɛ nǔu tú yɔ́p lɑ Sɛ́ zẅíimɛ wɛ́ nǔu nɛvú.

Ɛ́fɛ̂zɛ 2:3

Pɛkŋɛ pɛtsʉʉ kɑ zɛɛ ḿbɔ́ pɔ pɑ́Ꞌ pɔ́p, ḿbɔ́ ŋ́ɡɛ pɔ yúu mi tʉ́m-ŋumɛsɔŋ sɛ́ ńtsɑ́ɑ, mɛyúu mi tʉ́m-ŋumɛsɔŋ pɔ́p kwɑŋɛ yɛ́ tʉ́ʉnɛ nǔu, mbɔ pɛ́ kɑ pí wɛkŋɛ pɛkŋɛ pɔ́ pɔ pʉɔ pi Sɛ́ sɛ́ ńzɑ́ŋ lɔ́ŋ nǔu pɔ́p pɑ́Ꞌ ɑ sɛ́ ńzɑ́ŋ lɔ́ŋ nǔu pɛcɔ́ pʉɔ.

Pʉɔ-Lɔ́mɑ 6:2

Ŋɡɑ́ŋ! Mbɔ pɛkŋɛ pɔɔ pɔ́Ꞌɔ ɡɛ. Pɑ́Ꞌ ɛ́ zɛɛ ḿbɔ́ nǔu nɛɡɛ nu kɛpɔŋ, mbɔ pɛkŋɛ kɑ pfú mɔ́ lɑ́, mbɔ pɛkŋɛ ŋ́ɡɛ pɑ́Ꞌɑ lɑ ḿbɛn ḿbɔ́ ŋ́ɡɛ pɔ nu kɛpɔŋ?

Ɛ́fɛ̂zɛ 4:17

Ɛ́ yúu mi ɛ́ ɡɛnɛ, m bɔ́ ńcú yɔ nu tɛ tsuŋ ńcú mbɔ̌ pʉʉ nǔu lík-Tsɑpʉɔ ŋɡɔ: Kɔɔ pʉʉ pɛn ŋ́ɡɛ yʉ́ʉ pɔ pɑ́Ꞌ pʉɔ pi pɔ́p kɑ́ jí Sɛ́ pɔ́ lɑ́. Pɔ́p ɡɛ pɔ yúu mi kwɑŋɛ yɔ́p yi ɛ́ kɑ́ cẅɛ́lɛ́ sẅiŋɛ wɔ́p ŋɡɔ pɔ́p ɡɛ.

Pʉɔ-Lɔ́mɑ 14:7

Ɛ́ zɛɛ ŋ́ɡɔ́ ḿbɔ́, wɛcɔ́ ŋu wɛkŋɛ kɑ́ ɡɔ́ ḿbɔ́ ɡú ɛ́ pɔ́ nɛɡɛ yúu mi ɛ́ pɔŋnɛ wɛ́ pɔ́, wɛcɔ́ ŋu pɛn ŋ́kɛ́ ḿbɔɔ ɡɔ́ ḿpfú ɛ́ pɔ́ nɛɡɛ yúu mi ɛ́ pɔŋnɛ wɛ́ pɔ́.

1 Pyɛ̂ 2:1

Pɔ́Ꞌɔ lɑ́, pʉʉ mɛꞋ mɛnu kɛpɔŋ tsʉʉ, kɔɔ pʉʉ pɛn ɛ́fúklɛ pʉɔ, kɔɔ pʉʉ pɛn ḿbɔ́ pɛŋkɔŋmík, kɔɔ pʉʉ pɛn ŋ́ɡẅɛɛ kɛ́ɡʉ̈ɔꞋ nǔu yúu-pʉɔ, kɔɔ pʉʉ pɛn sẅíitɛ nǔu pʉɔ.

Jɑ̂ŋ 7:17

Ŋu lɑɑ ḿbɔ́ ŋ́kɔŋ nɛɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ ɡʉ ńjí, kɛ yúu mi n zíꞋnɛ pʉɔ fú pɔ mbɔ̌ Sɛ́ ɔɔ, kɛ ɛ́ pɔ́ pɔ yɑ́ɑ sẅiŋɛ ɔɔ.

Mɑ́lɛ́kúshi 7:21

Mɛkwɑŋɛ kɛpɔŋ fú pɔ tsɛt tʉ́m ŋumɛsɔŋ, lɑ́ ńtsʉ́ʉnɛ mbɛ́ɛnɛ pɔ́p lɔɔ pɑŋɡɛ́, pɑŋɡɛ́ lɔɔ mbɛ́ɛnɛ, ńtsʉ́ʉnɛ ŋu ɑ pɔ́ ńjɔ, ńtsʉ́ʉnɛ ŋu ɑ jẅí wɛcɔ́,

Mɑ́lɛ́kúshi 3:35

Jínɛ ŋɡɔ ŋu lɑɑ ŋ́ɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ mɑ́mɑ́ wɑɑ, mbɔ mɔ́ɔmɑ́ mɔ, wɛ ŋu mbɛ́ɛnɛ mbɑ wɛ mɑŋɡɛ́.

1 Jɑ̂ŋ 2:17

Ndǔmbí zɛɛ ḿbɔ́ ńdɛɛ lɛɛnɛ, tɛ mbɑ yúu mi pʉɔmɛsɔŋ sɛ́ ńjʉ́ɔ ndǔmbí ńtsɑ́ɑ nɛɡẅɛɛ. Lɑ́ ŋu ẅí ɑ ɡɛnɛ yúu mi Sɛ́ sɛ́ ŋ́kɔŋ, ɑ ɡʉ ḿbɔ́ pɔ ɡú ŋkɑ́ tsʉʉ.

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.

Ɛ́bɛlʉʉ 13:21

Ɛ́ pɔŋ ŋɡɔ Sɛ́ mbɔ́tnɛ ɛ̂wɑ́, ɡɛ pʉʉ kuꞋ nɛɡɛ nu sʉ́Ꞌnɛ nɛpɔ́ yi pʉʉ ɡʉ ŋ́ɡɛ pɔ yúu mi ɑ sɛ́ ŋ́kɔŋ. Ɛ́ pɔŋ ŋɡɔ jʉ́ Sɛ́ fú nǔu Yɛ́su Kɛlístɔ, ŋ́ɡɛ yúu mi ɛ́ pɔŋnɛ wɛ́ pɔ́ nǔu pɛkŋɛ. NɛɡúꞋ pɔ́ mbɔ̌ Yɛ́su Kɛlístɔ nǔu mɛŋɡuꞋ mɛŋɡuꞋ! Ɛ́ pɔ́Ꞌɔ.

1 Tɛsɑlɔník 5:18

ḿbɔ́ ŋ́ɡɑ́ pɑ́Ꞌlɑ́ mbɔ̌ wɛ́ nǔu kʉ̈ɔ́ lɑ́. Ɛ́ yúu mi Sɛ́ kɔŋnɛ ŋɡɔ pʉʉ pi pʉʉ pɛ́ Yɛ́su Kɛlístɔ kɑ tsʉ́Ꞌ mɔ́ tɑ́Ꞌ ŋu lɑ́, pɔ́ ŋ́ɡɛ.

Kɔlɔsíyɛ̂ŋ 1:9

Mɔnɛ mɛnu mi ɛ́ ɡɛnɛ lɑ pɛk ŋ́kɑɑ mɔ́ lɑ́Ꞌ ńcɛꞋlɛ Sɛ́ nǔu tú yʉ́ʉ tɛ ɛ́fú lɛ́Ꞌ yi pɛ́ kɑ sẅíinɛ wɛ́k nɛ́ ntɛ́ yi pʉʉ lɔknɛ ŋ́kúꞋlɛ nu-Sɛ́ pɔ́Ꞌɔ pɔ́. Pɛk sɛ́ ńdɔ́ɔ mbɔ̌ Sɛ́ ŋɡɔ ɑ ɡɛ pʉʉ tsuŋ ńjí yúu mi ɑ kɔŋnɛ, ńdɛɛ nǔu jínu mbɑ nɛsɑ́ŋ nu yi Zẅikŋɛ Lɛ́ɛnɛ́nɛ ɡɑ́nɛ mbɔ̌ pʉʉ.

Ɛ́fɛ̂zɛ 5:17

Pɔ́Ꞌɔ, kɔɔ pʉʉ pɔ́ pɛɡʉɡʉʉ. Pʉʉ tɑ́Ꞌ mɛnu nɛjí mi ɛ́ pɔŋnɛ mbi Tsɑpʉɔ.

Pʉɔ-Lɔ́mɑ 12:2

Kɔɔ pʉʉ ɡɛ mʉ́ʉ mɛnu pɑ́Ꞌ pʉɔ pi pɔ́p ndǔmbí ŋkɔ̂ɔnɛ. Pʉʉ pɛ́m Sɛ́ pɔ́ ŋ́ɡɑ́ jínu yɛ fí mbɔ̌ pʉʉ ńdɔk ŋ́kúpmɛ yʉʉ ntɛ́ nɛkwɑŋɛ nu pɔ tsʉʉ, ɛ́ lɛɛ pɔ́Ꞌɔ, pʉʉ kuꞋ nɛjí yúu mi jʉ́ Sɛ́ sɛ́ ŋ́kɔŋ ŋɡɔ pʉʉ ɡɛ. Pʉʉ jí yúu mi ɛ́ pɔŋnɛ, ńjí yi ɛ́ pɔŋnɛ wɛ́, ńjí yi yɛcɔ́ lɔ́Ꞌ kɑ́ pɔ́ nǔu pɔ́.

Pʉɔ-Lɔ́mɑ 7:4

Ɛ́ pɛn ḿbɔ́ pɔ ndʉ́ŋndʉŋ pɔ́Ꞌɔ nǔu pʉʉ mbɑ̌ɑ pɔ́ɔpɛ́mɑ́ pɑ́ɑ. Pʉʉ ŋkɔ̂ɔnɛ ḿbɔ́ nǔu nu-nɛpʉ́ʉ ḿbɔ́ pɔ pɛpfú lɑ ńdɔk ŋ́kuꞋ pʉɔ-Sɛ́, mbíꞋŋɡɔ pʉʉ pɛ́ Kɛlístɔ kɑ tɛmtɛ ḿpfú ŋkɑ́ yi ɑ kɑ pfúnɛ, pʉʉ pɛ́ nɛpʉ́ʉ lɔk pɔ́Ꞌɔ, fɑkŋɛ pɑ́Ꞌ pʉʉ ɡʉ ńtsʉ́Ꞌ ḿbɔ́ pɔ pʉɔ wɛcɔ́ ŋu ndɛꞋ, pʉɔ-Yɛ́su Kɛlístɔ ẅí Sɛ́ kɑ ɡɛnɛ ɑ zẅíimɛ nǔu nɛvú. Nɛpɔ́ yi pɛkŋɛ ɡʉ ɛ́fɑꞋ mɛfɑꞋ mi ɛ́ mɛ sʉ́Ꞌnɛ mbɔ̌ Sɛ́.

Jɑ̂ŋ 1:13

Nɛpɔ́ pʉɔ-Sɛ́, pɔɔ pɔ́ nǔu nɛkɔŋ wɛ ŋumɛsɔŋ pɔ́. Nɛpɔ́ pʉɔ-Sɛ́, Sɛ́ kɔŋnɛ yîyɑ́ ntɛ́ nɛpí.

Mɑtʉ̈ɔ 21:31

Pɔ́Ꞌ lɑ́, wɔ̌ nǔu mbɔ́ŋkʉ̈ɔ́ pɔnɛ pɛ́pɑ́ kɑ ɡɛnɛ yúu mi tɑ̌ɑ wɔp sɛ́ ŋ́kɔŋ? Pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ pʉ̈ɔt ŋɡɔ: Ɛ́ nduŋmbi. Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, pɑcẅɛ́ɛ ntsup-Lɔ́mɑ pɔ́p ɡɑŋɡɑ́ɑ pɑŋɡɛ́ sɛ́ ńjʉ́ pii nɛkúu nǔu nu-nɛfɔɔ-Sɛ́ ńtsɑ wʉ́ʉ,»

Mɑtʉ̈ɔ 12:50

Ŋu ɡɛ yúu mi Tɑ̌ɑ mɔ ẅí ɑ tʉ́nɛ́pú sɛ́ ŋ́kɔŋ, mbɔ ẅîwɑ́ ŋu mɔ́ɔmɑ́ wɑɑ wɛ mbɛ́ɛnɛ, ḿbɔ́ wɛ mɑŋɡɛ́, ḿbɔ́ mɑmɑ́ wɑɑ.

Mɑtʉ̈ɔ 7:21

Ɛ́ ɡʉ nǔu pʉɔ pínɛ pɔ́p fúŋnɛ wɑ́ɑ ŋɡɔ: «Tsɑpʉɔ, Tsɑpʉɔ pɔ́p pɛtsʉʉ kɛ́ lɑ́Ꞌ ńjʉ́ pii-nɛfɔɔ-Sɛ́ pɔ́. NdɑꞋ pʉɔ pínɛ pɔ́p ɡɛnɛ yúu mi Tɑ̌ɑ mɔ ẅí ɑ tʉ́nɛ́pú sɛ́ ŋ́kɔŋ ŋɡɔ pɛ́ ɡɛ.»

Kɔlɔsíyɛ̂ŋ 4:12

Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.

Kɔlɔsíyɛ̂ŋ 3:3

Pʉʉ jí ŋɡɔ ɛ́ nǔu mɛnu ndǔmbí, mbɔ pʉʉ kɑ pfú mɔ́. Wʉʉ nɛpɔ́, mbɔ̌ Kɛlístɔ nɛjɔ́ŋ Sɛ́, pɛ́ kɑ́ pɔ́ ńjʉ́ɔ pɑ́Ꞌ ɛ́ pɔ́nɛ pɔ́.

Mɑtʉ̈ɔ 20:4

A cú mbɔ̌ pɔ́p ŋɡɔ: «Pʉʉ ɡʉ yʉ́ʉ ŋkɑ́Ꞌ mɔ ɛ́fɑꞋ fɑꞋ. Ŋ ɡʉ ŋ́ɡɛ ńdʉŋtɛ yʉ́ʉ tsɔ́ꞋfɑꞋ nǔu fɑꞋ yʉ́ʉ.»