1 Pyɛ̂ 4:14 - Kɑɑ Fí

¹⁴ Pɛ́ lɑɑ ńzɔɔtɛ wʉ́ʉ mbíꞋ lík-Kɛlístɔ, mbɔ pʉʉ pɛpɔ́ttú, mbíꞋŋɡɔ Zẅikŋɛ nɛɡúꞋ, Zẅikŋɛ-Sɛ́ nǔu pʉʉ,

1 Pyɛ̂ 4:14 交叉引用

1 Pyɛ̂ 3:14

Pʉʉ kɛ́ ńdɑꞋ lɛ́Ꞌ ŋ́ɡɔ ńjʉ́ɔ ŋɡʉ̈ɔ́Ꞌ, ɛ́ pɔ́ mbíꞋŋɡɔ pʉʉ sɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ pʉʉ pɛpɔ́ttú. Kɔɔ pʉʉ mɑɑ tɛ ḿbɔ́k pʉɔmɛsɔŋ. Kɔɔ tʉ́m-ŋu wʉʉ mɑɑ tɛ ḿvukŋɛ.

Lúkɑ́shi 6:22

Pʉʉ pɛpɔ́ttú, nǔu ŋkɑ́ yi pʉʉ cʉ́ɔ nzʉʉ mɔ́ɔ-ŋu, pɛ́ pɛn ḿbɔ́ ḿbɑɑ wʉʉ, ḿbɔ́ ŋ́kʉ́ʉnɛ wʉ́ʉ, ḿbɔ́ ńzɔɔtɛ wʉ́ʉ, ḿbɔ́ ḿbʉ́ʉpɛ lík yʉ́ʉ.

Jɑ̂k 1:12

Pɔ́ttú, ŋu ẅí ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛ́nɛ, mbíꞋ pɑ́Ꞌ ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛnɛ lɑ́, Sɛ́ ɡʉ ńtɔꞋ ŋɡúꞋ tú yɛ́. Ɛ́ lɔk ḿbɔ́ luk kɛ́ mɛ yí ɑ kɑ kɑꞋnɛ mbɔ̌ mbɑ wɔ̌ lɑ́ ẅi ɑ ŋ́kɔŋnɛ yɛ́ Sɛ́.

Mɑtʉ̈ɔ 5:11

Pʉʉ pɛpɔ́ttú nǔu ŋkɑ́ yi pɛ́ ɡʉ ḿbɔ́ ńzɔɔtɛ wʉ́ʉ, ḿbɔ́ ńzɑ́Ꞌ ku yʉ́ʉ, ńtík sɔ́ɔ ntɛ́ nɛ́ ntɛ́ tú pʉʉ mɛlɑ́Ꞌ wɑ́ɑ.

1 Pyɛ̂ 3:16

Pʉʉ tsʉ́Ꞌ nɛsẅíi wɛ́ ńdɔk pɔ ndɑ̌ɑ ndɑɑ, ńdɔk mɛkuꞋ. Ɛ́ pɔŋ ŋɡɔ kɔɔ ɛ́ ɡɔ́ ḿbɔ́ mbʉʉ yʉʉ pɔ́ ńtswɑ́ɑ wʉ́ʉ nǔu yɛcɔ́ yúu, lɑ ɛ́ lɛɛ pɔ́Ꞌɔ, ḿbɔ́ yi pʉɔ lɑɑ ḿbɔ́ ńtík sɔ́ɔ tú pʉʉ, ɛ́fú nǔu pɑ́Ꞌ pɔ́p sɛ́ ńzɔɔtɛ nɛnɑ́ŋ wʉʉ wɛ pʉɔ-Kɛlístɔ ẅi ɛ́ pɔŋnɛ, sʉ́ʉ kɔ́ wɔ́p.

2 Kɔlɛ̂ŋtɛ 12:10

Ɛ́ yúu mi ɛ́ ɡɛnɛ m bɔ́ tɛ ḿbɔ́ ńjʉ́ɔ ŋɡʉ̈ɔ́Ꞌ, mbíꞋŋɡɔ mɔ ŋu-Kɛlístɔ, nu pɔŋ wɑ́ɑ, ḿbɔ́ tɛ ḿbɔ́ ńjɑ́k yúu, kɛ pɛ́ sɛ́ ŋ́kʉ́ʉnɛ wɑ́ɑ kʉʉnɛ́nɛ ɔɔ, kɛ mɔ sɛ́ sɑ́ŋ pɔ mɛcɔ́ mɛnu kɛ́kɑ́ŋ ɔɔ, nu pɔŋ wɑ́ɑ pɔŋnɛ, mbíꞋŋɡɔ m bɔ́ tɛ ḿbɔ́ ḿbɔ́t pɔ́tnɛ lɑ ńzúꞋ ŋ́ɡẅɛɛ tʉʉ.

Jɑ̂ŋ 15:21

«Pɔ́p ɡʉ ŋ́ɡɛ pɔ́Ꞌɔ nǔu pʉʉ mbíꞋŋɡɔ pʉʉ pʉɔ pɑ́ɑ, pɔ́p pɛn ŋ́kɛ́ ḿbɔɔ ḿbɔ́ ńjí ŋu ẅí ɑ kɑ túunɛ wɑ́ɑ pɔ́.»

Jɑ̂k 5:11

Pʉʉ jʉ́ɔ pɑ́Ꞌ pɛkŋɛ fúŋnɛ pʉɔ pí pɔ́p kɑ sʉknɛ ŋɡɔ pɛpɔ́ttú. Pʉʉ kɑ zúꞋ pɑ́Ꞌ pɛ́ kɑ lɛ́Ꞌlɛ́nɛ ntɛ́ yi Jɔp kɑ lɔknɛ ɛ́sʉk pɔ́Ꞌɔ. Pʉʉ pɛn ńjí yúu mi ɛ́ kɑ tsʉ́Ꞌ nɛmɛkŋɛ Tsɑpʉɔ ɡɛ nǔu wɛ́, mbíꞋŋɡɔ Tsɑpʉɔ ɡẅɛɛ pɔŋtʉ́m tɛꞋ, ńtsɑ́ɑ mɛjʉ́ŋ pɔ pɔ́Ꞌɔ.

ŊwɑꞋnɛ-Gɑŋntúu Yɛ́su Kɛlístɔ 13:45

Pɑyúdɑ jʉ́ɔ ndɛn lɑ́Ꞌ yi ɛ́ kɔ́Ꞌnɛ, ŋ́kɔ́Ꞌ lɔ́ŋ, ńzɛ nɛsɑ shuk-nu yí Pɔ̂l pɔ́p Pɑnɛpɑ́ɑshi cúnɛ, ńzɛ nɛzɔɔtɛ wɔ́p.

1 Pyɛ̂ 2:12

Pʉʉ ɡẅɛɛ tsẅɛ́ sʉ́Ꞌnɛ tsɛtsɛt pɑkɛ́jí nu-Sɛ́, tɛ ḿbɔ́ yi pɔ́p lɑɑ ḿbɔ́ ɛ́sẅíitɛ kɛpɔŋ nǔu lík yʉ́ʉ, pɔ́p jʉ́ɔ mɛnu sʉ́Ꞌnɛ mi pʉʉ sɛ́ ŋ́ɡɛ, ŋ́ɡúꞋlɛ lík-Sɛ́ ŋkɑ́ yi Sɛ́ ɡʉ ŋ́ɡɛ ńtɔ́ ńcú nu mbɔ̌ pɔ́p.

Ɛ́bɛlʉʉ 11:26

A kɑ pɔ́ ńjʉ́ɔ ŋɡɔ pɛ́ lɑɑ ŋ́ɡwɑ́k wɛ́ pɑ́Ꞌ pɛ́ kɑ ɡɛnɛ ŋ́ɡwɑ́k Nzɑ́Ꞌŋkʉ, mbɔ ɛ́ ɡʉ ḿbɔ́ mbɔ̌ wɛ́ ḿbɔŋ ńdɛɛ fuꞋ yi ɛ́ Ɛ́ɡíptɔ, mbíꞋŋɡɔ mík mɛ́ kɑ tʉ́ʉ pɔ nǔu tsɔ́Ꞌ fɑꞋ yi ɑ ɡʉ ńdɑ́Ꞌ ŋ́ɡẅɛɛ.

Ŋɡɑlɑ̂t 1:24

Ɛ́ lɛɛ pɔ́Ꞌɔ, pɔ́p pɔ́ ŋ́ɡúꞋlɛ Sɛ́ ntɛ́ wɑ́ɑ.

Jɑ̂ŋ 9:34

Pɔ́p tsɔ́Ꞌ mbɔ̌ wɛ́ ŋɡɔ: «pɛ́ kɑ pí wú tsɛt nu kɛpɔŋ, ɔ ɡʉ nɛzíꞋ wɛ́k nɛ́ yúu kîi!» Ŋ́ɡɔ́ɔ ɛ́fú ndɑ́-cúꞋlɛ ńzuŋ wɛ́ ŋ́ɡɑ́ píi.

Jɑ̂ŋ 9:28

Pɔ́p ɡɔ́ɔ ńzɛ nɛzɔɔtɛ wɛ́, ḿbɔ́ ńcú ŋɡɔ: «Gu pɔ́nɛ ŋɡɑŋkuwɛ, pɛk pɔ́ pɔ ɡɑŋku-Mɔ̌sɛ̂ɛ.

Jɑ̂ŋ 8:48

Pɑyúdɑ cú mbɔ̌ Yɛ́su ŋɡɔ: «pɛk lɑɑ ɛ́fúŋ wú ŋɡɔ ŋu-Sɑmɑlîi, mbɔ pɛk kɑ́ ɛ́fɑɑnɛ pɔ́. Mbɑ nɛcú ŋɡɔ zẅikŋɛ kɛpɔŋ nǔu wu.»

Mɑtʉ̈ɔ 5:16

Ɛ́ pɔ́Ꞌɔ lɑ ɛ́ píkŋɛ ŋɡɔ pʉʉ pɔ́ kyɛꞌ-pʉɔmɛsɔŋ tɛ pɔ́p jʉ́ɔ nu sʉ́Ꞌnɛ yi pʉʉ sɛ́ ŋ́ɡɛ, ŋ́ɡúꞋlɛ Tɑ̌ɑ wʉʉ ẅí ɑ tʉ́nɛ́pú.

2 Pyɛ̂ 2:2

Pʉɔ tɛ ńzɑ́ɑ cʉ́ɔ nzʉʉ pɔ́p ńtsʉ́Ꞌ ŋ́ɡɛ pɔ mɛnu sʉ́ʉ. Pɛ́ lɛɛ nǔu pɔ́p, ńzɔɔtɛ sɛ̂ndúŋ-nu yi ɛ́ nɛ́nẅín.

ŊwɑꞋnɛ-Gɑŋntúu Yɛ́su Kɛlístɔ 18:6

Lɑ́ pɑyúdɑ tɛn pɔ ndʉꞋ, ńzɔɔtɛ Pɔ̂l. A ɡɔ́ɔ ńtsʉ́Ꞌ ḿbúꞋ pɔ pɛ́pɛ́p nǔu mɛndẅí mɛ́, ńcú mbɔ̌ pɔ́p ŋɡɔ mɛci mɔ́p lɑɑ ńtswɛtnɛ tú pɔ́p, mbɔ yɛ́ nu kɑ́ pɔ́ nǔu pɔ́. Ŋɡɔ ɑ fú ŋkɔ̂ɔnɛ, ńtsʉ́Ꞌ ɛ́sẅíi nu-Sɛ́ pɔ mbɔ̌ pʉɔ pinɛ pɔ́p kɑ́ pɔ́ pɑyúdɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 5:41

Pɔ́p ɡɔ́ ɛ́fú tsɛt cúꞋlɛ-pɑsɑ́Ꞌ lɑ́Ꞌ ńcẅɛt, ńnɛn ńtsɑ́ɑtɛ tsɑ́ɑtɛ́nɛ. MbíꞋŋɡɔ Sɛ́ jʉ́ɔ ŋɡɔ pɔ́p kuꞋ nɛjʉ́ɔ ŋɡʉ̈ɔ́Ꞌ ntɛ́ nu-lík-Yɛ́su.

ŊwɑꞋnɛ-Gɑŋntúu Yɛ́su Kɛlístɔ 28:22

Lɑ́ pɛk sɛ́ ŋ́kɔŋ ŋɡɔ ɔ tsuŋ ŋ́kyɛ́Ꞌtɛ yúu mi ɛ́ lɔ́ŋ wu ɛ́sẅíi wɛ́k. Pɛk cú pɑ́Ꞌɑ lɑ́ ŋ́kɛ́ ńzɛɛ ḿbɔ́ ńjí ŋɡɔ pɛ́ mbɑ ɡɔ́ lɑ́, ɛ́sẅíŋɛ pɔ kɛpɔŋ nǔu pɑfɑk mbʉʉ pi ɔ nǔu lɑ́.

2 Kɔlɛ̂ŋtɛ 4:10

Pɛk pɔ́ ŋkɑ́ tsʉʉ, ḿbɔ́ ḿbɛ́m ŋɡɔ pɛk ɡʉ ḿpfú ntɛ́ nɛvú ni Yɛ́su kɑ pfúnɛ. Pɔ́Ꞌɔ, nɛpɔ́ yi pɛ́ ɡʉ ńjʉ́ɔ ŋɡɔ luk-Yɛ́su ɛ́ yɛ́ sɔŋ mbʉʉ pɛk.

2 Kɔlɛ̂ŋtɛ 4:16

Ɛ́ yúu mi ɛ́ ɡɛnɛ pɛk pɔɔ kɑ́ɑ, mbʉʉ yɛk sɛ́ ńzɛɛ ŋ́kẅiꞋ ŋ́kɑ́ɑ kɑ́ɑnɛ lɑ́, tʉ́m yɛ́k pɔ́ tsɛtú ḿbɔ́ suutɛ suutɛ́nɛ lɛ́Ꞌ tsʉʉ.

1 Pyɛ̂ 4:16

Lɑ́ ḿbɔ́ yi ŋu lɑɑ ŋ́ɡɔ́ ńjʉ́ɔ ŋɡʉ̈ɔ́Ꞌ, ɛ́ pɔ́ ŋɡɔ ɑ ŋu-Kɛlístɔ, kɔɔ ŋɡɑŋ kɔ́ sʉ́ʉ. Tɛ ńtsʉ́Ꞌ pɔ́Ꞌɔ, ɑ ɡúꞋlɛ pɔ Sɛ́ mbíꞋ lík-Kɛlístɔ yi ɑ ɡẅɛɛnɛ.