1 Pyɛ̂ 3:7 - Kɑɑ Fí

⁷ Mbɑ pʉʉ yʉ́ʉ mbɛ́ɛnɛ pʉʉ ɡẅɛɛ pɛzwɛ́ pʉ́ʉ sʉ́Ꞌnɛ, ŋ́kẅíitɛ pɑ́Ꞌ pɑŋɡɛ́ pɔ́ pɔ pʉɔ zɔ́plɛ zɔ́plɛ́nɛ. Pʉʉ ɡɑ́ mɛkuꞋ mɔ́p, mbíꞋŋɡɔ Sɛ́ kɑ ɡɑ́ fuꞋ yʉ́ʉ pɛpɔ́p pɛtsʉʉ, ŋ́ɡɛ pɑ́Ꞌ pʉʉ ɡʉ ńdɑ́Ꞌ ŋ́ɡẅɛɛ kwɑꞋ nɛpɔ́. Pʉʉ ɡɛ pɔ́Ꞌɔ, ńcɛꞋlɛ Sɛ́, yɛcɔ́ yúu pɔɔ wʉ́ʉ tɑɑtɛ.

1 Pyɛ̂ 3:7 交叉引用

Kɔlɔsíyɛ̂ŋ 3:19

Pʉʉ mbɛ́ɛnɛ pi pʉʉ zɔ́Ꞌnɛ, mbɑ wɛ́tɛ́ ŋu lɑ́ nǔu pʉʉ kɔŋ nzwɛ́ wɛ, kɔɔ ɑ ɡẅɛɛ mɑt tɛnnɛ nǔu wɛ́.

Ɛ́fɛ̂zɛ 5:33

Lɑ́ ŋ kɛ́ ḿbɛn ńcú pɑ́Ꞌɑ mbɑ nǔu pʉʉ yʉ́ʉ. Ɛ́ sɛ́ ḿbíkŋɛ ŋɡɔ mbɑ wɛ́tɛ́ ŋu mbɛ́ɛnɛ pɔ́ ŋ́kɔŋ nzwɛ́ wɛ pɑ́Ꞌ ɑ kɔŋnɛ túmbʉʉ yɛ́, mbɑ wɛ́tɛ́ mɑŋɡɛ́ lɑ́ pɔ́ ŋ́ɡɛ mɛkuꞋ ndúu mɛ.

1 Kɔlɛ̂ŋtɛ 7:3

Ɛ́ sɛ́ ḿbíkŋɛ ŋɡɔ ŋu mbɛ́ɛnɛ ɡɛ nu-ŋu mbɛ́ɛnɛ nǔu nzwɛ́ wɛ, mɑŋɡɛ́ ɡɛ nu-mɑŋɡɛ́ nǔu ndúu mɛ.

Mɑtʉ̈ɔ 18:19

KwɑꞋ nɛ́nẅín, m bɛn ɛ́sẅíi wʉ́ʉ ŋɡɔ: «Pʉɔ pɛ́pɑ́ tsɛtsɛt pʉʉ lɑɑ ḿbɔ́ tɑ́Ꞌ ntsu ndǔ tsɛ́tsɑ́Ꞌ zɑꞋnɛ, ńdɔ́ɔ pɔ kʉ̈ɔ́ lɑ́ mbɔ̌ Tɑ̌ɑ mɔ ẅí ɑ tʉ́nɛ́pú, mbɔ ɑ ɡʉ ŋ́ɡɑ́ mbɔ̌ pɔ́p.

1 Tɛsɑlɔník 4:4

ŋɡɔ mbɑ wɔ̌ lɑ́ tsɛtsɛt pʉʉ ɡuutɛ mbʉʉ yɛ nǔu ntɛ́ yi Sɛ́ sɛ́ ŋ́kɔŋ, nǔu ntɛ́ yi ɛ́ ɡẅɛɛnɛ mɛkuꞋ.

Ɛ́fɛ̂zɛ 6:18

Pʉʉ pɔ́ ŋkɑ́ tsʉʉ ḿbɔ́ ḿbúꞋ mbɔ́ mbɔ̌ Sɛ́, ḿbɔ́ ḿbúꞋ pɔ́Ꞌɔ nǔu mɛntɛ́ tsʉʉ, pɑ́Ꞌ Zẅikŋɛ ɡʉ ḿbɔ́ ńnyɛt wʉ́ʉ ŋɡɔ pʉʉ ɡɛ pɔ́Ꞌɔ. Kɔɔ pʉʉ ḿmɛꞋ jínu, pʉʉ púꞋ mbɔ́ mbɔ̌ Sɛ́ nǔu tú-pʉɔ-Sɛ́ pɛ́tsʉʉ.

Ɛ́fɛ̂zɛ 3:6

Ntsɛm ɛ̂yɑ́ pʉ́ɔlɑɑ, ɛ́ fú nǔu Ŋkʉʉ Sʉ́Ꞌnɛ, pʉɔ pi pɔ́p kɑ́ pɔ́ pɑyúdɑ pɔ́, ɡẅɛɛ yɔ́p yúu nǔu yúu mi Sɛ́ kɑ kɑꞋnɛ mbɔ̌ pʉɔ pɛ́ pɑyúdɑ. Ḿbɔ́ mɛkɛm tɑ́Ꞌ mbɑp-mbʉʉ, ḿbɛn ŋ́ɡẅɛɛ yɔ́p nu nǔu yúu mi Sɛ́ kɑ fúnɛ nǔu Yɛ́su Kɛlístɔ ŋ́kɑꞋ mbɔ̌ pʉɔmɛsɔŋ.

Tîtɛ 3:7

A kɑ níꞋ pɑ́Ꞌɑ nɛpɔ́ yi pɛkŋɛ ɡʉ ńdɛɛ nǔu pɔŋ tʉ́m yɛ́, ńtsʉ́Ꞌ pʉɔ ndʉ́ŋndʉŋ ŋ́ɡẅɛɛ luk kɛ́mɛ pɑ́Ꞌ pɛkŋɛ nɑŋ ḿbɔ́ ńzẅíꞋlɛ lɑ́.

Ɛ́fɛ̂zɛ 4:30

Kɔɔ pʉʉ ɡɛ Zẅikŋɛ Lɛ́ɛnɛ́nɛ yi Sɛ́ kɑ lɔknɛ ńcʉ̈ɔꞋ lii nǔu pʉʉ jʉ́ɔ ŋɡʉ̈ɔ́Ꞌ. A kɑ pɔ́ ńdɔk ńnyɛt ŋɡɔ pʉʉ pʉɔ pɛ́, ḿbɛn ńdɔk ńnyɛt ŋɡɔ lɛ́Ꞌ ɡʉ ńdɑ́Ꞌ ḿbɔ́, ɑ tɛmtɛ ńtsúꞋ wɛkŋɛ, pɛkŋɛ tɛmtɛ ńduk.

Ɛ́bɛlʉʉ 1:14

Nu-pɛcʉ̈ɔ́Ꞌ-Sɛ́ zɛɛ pɑ́Ꞌɑ ḿbɔ́ kʉ̈ɔ́? Pɔ́p pɔ́ pɔ mɛzẅikŋɛ mi ɛ́ fɑꞋnɛ mbɔ̌ Sɛ́, ɑ sɛ́ ńtúu wɔ́p ŋɡɔ pɔ́p ɡʉ ɛ́fɑꞋ fɑꞋ yi ɛ́ ɡʉ cẅɛ́lɛ́ pʉɔ pi jʉ́ Sɛ́ ɡʉ ńtɑ́ɑ ŋ́ɡɛ pɔ́p luk.

1 Pyɛ̂ 3:1

Mbɑ pʉʉ yʉ́ʉ pɑŋɡɛ́, pʉʉ kɔk mbʉʉ yʉʉ ŋ́ɡɑ́ sɛ́ mbi pɛlúu pʉ́ʉ, ɛ́ lɛɛ pɔ́Ꞌɔ, ḿbɔ́ yi pɛcɔ́ pʉɔ tsɛtsɛt pɔ́p sɛ́ ńdʉꞋ nɛzɑ́p tʉ́m nǔu sẅiŋɛ-sɛ́, pɔ́p cʉ́ɔ nzʉʉ pʉʉ kɛ́ pɔ́ yi pʉʉ cú nu, ɛ́fú nǔu mɑt wʉʉ.