1 Pyɛ̂ 3:1 - Kɑɑ Fí

¹ Mbɑ pʉʉ yʉ́ʉ pɑŋɡɛ́, pʉʉ kɔk mbʉʉ yʉʉ ŋ́ɡɑ́ sɛ́ mbi pɛlúu pʉ́ʉ, ɛ́ lɛɛ pɔ́Ꞌɔ, ḿbɔ́ yi pɛcɔ́ pʉɔ tsɛtsɛt pɔ́p sɛ́ ńdʉꞋ nɛzɑ́p tʉ́m nǔu sẅiŋɛ-sɛ́, pɔ́p cʉ́ɔ nzʉʉ pʉʉ kɛ́ pɔ́ yi pʉʉ cú nu, ɛ́fú nǔu mɑt wʉʉ.

1 Pyɛ̂ 3:1 交叉引用

Kɔlɔsíyɛ̂ŋ 3:18

Pʉʉ pɑŋɡɛ́ pi pʉʉ zɔ́Ꞌnɛ, mbɑ wɛ́tɛ́ ŋu lɑ́ nǔu pʉʉ, ɡɑ́ mbʉʉ yɛ́ sɛ́ mbi ndúu mɛ. Ɛ́ pɑ́Ꞌ ɛ́ pɔŋnɛ ŋɡɔ mɑŋɡɛ́ ẅi ɑ nzʉʉ Tsɑpʉɔ ɡɛ.

Ɛ́fɛ̂zɛ 5:33

Lɑ́ ŋ kɛ́ ḿbɛn ńcú pɑ́Ꞌɑ mbɑ nǔu pʉʉ yʉ́ʉ. Ɛ́ sɛ́ ḿbíkŋɛ ŋɡɔ mbɑ wɛ́tɛ́ ŋu mbɛ́ɛnɛ pɔ́ ŋ́kɔŋ nzwɛ́ wɛ pɑ́Ꞌ ɑ kɔŋnɛ túmbʉʉ yɛ́, mbɑ wɛ́tɛ́ mɑŋɡɛ́ lɑ́ pɔ́ ŋ́ɡɛ mɛkuꞋ ndúu mɛ.

1 Kɔlɛ̂ŋtɛ 11:3

Ɛ́ pɔŋ lɑ́ yúu kɛ́ ḿbɛ́t ɡú yi mɔ sɛ́ ŋ́kɔŋ ŋɡɔ pʉʉ jí sʉ́Ꞌnɛ. Ŋu ẅí ɑ ɡẅɛɛnɛ ŋu mbɛ́ɛnɛ tsʉʉ ɑ Kɛlístɔ, ŋu ẅí ɑ pɛnnɛ ŋ́ɡẅɛɛ mɑŋɡɛ́ ɑ pɔ́ ŋu mbɛ́ɛnɛ, ŋu ẅí ɑ ɡẅɛɛnɛ Kɛlístɔ ɑ pɔ́ Sɛ́.

1 Kɔlɛ̂ŋtɛ 7:16

Ɛ́ zɛɛ ŋ́ɡɔ ḿbɔ́, ɡu ẅi ɔ mɑŋɡɛ́, ḿbɔ́ ŋu-Kɛlístɔ, mbɔ ɔ ɡɛ pɑ́Ꞌ lɑ́ ńtsuŋ ńjí ŋɡɔ ɔ ɡʉ ńdɑ́Ꞌ ŋ́ɡɛ tɛ ndúu mu luk? Kɛ ɡu ẅi ɔ ŋu mbɛ́ɛnɛ, ḿbɔ́ ŋu-Kɛlístɔ, mbɔ ɔ ɡɛ pɑ́Ꞌ lɑ́ ńjí ŋɡɔ ɔ ɡʉ ńdɑ́Ꞌ ŋ́ɡɛ tɛ nzwɛ́ wu luk?

1 Pyɛ̂ 3:7

Mbɑ pʉʉ yʉ́ʉ mbɛ́ɛnɛ pʉʉ ɡẅɛɛ pɛzwɛ́ pʉ́ʉ sʉ́Ꞌnɛ, ŋ́kẅíitɛ pɑ́Ꞌ pɑŋɡɛ́ pɔ́ pɔ pʉɔ zɔ́plɛ zɔ́plɛ́nɛ. Pʉʉ ɡɑ́ mɛkuꞋ mɔ́p, mbíꞋŋɡɔ Sɛ́ kɑ ɡɑ́ fuꞋ yʉ́ʉ pɛpɔ́p pɛtsʉʉ, ŋ́ɡɛ pɑ́Ꞌ pʉʉ ɡʉ ńdɑ́Ꞌ ŋ́ɡẅɛɛ kwɑꞋ nɛpɔ́. Pʉʉ ɡɛ pɔ́Ꞌɔ, ńcɛꞋlɛ Sɛ́, yɛcɔ́ yúu pɔɔ wʉ́ʉ tɑɑtɛ.

Pʉɔ-Lɔ́mɑ 7:2

Pɛkŋɛ pɛ́ɛ fʉꞋ nǔu mɑŋɡɛ́ zɔ́Ꞌnɛ. Ndúu mɛ pɛ́t pɔ́ sʉ́Ꞌnɛ, ɑ kɑ́ ɡẅɛɛ nɛnɑ́ wɛ́ ŋ́ɡʉ ńtsɛ́t wɛcɔ́ ŋu mbɛ́ɛnɛ pɔ́pmɛ́ zɔ́Ꞌ pɔ́, nɛpʉ́ʉ lʉꞋ pɔ́Ꞌɔ. Lɑ́ ndúu mɛ lɑɑ ḿbɔ́ tɛ ḿpfú, nɛpʉ́ʉ pɛ́m ŋɡɔ ḿbɔ́ ɑ ɡʉ ńtsɛ́t wɛcɔ́ ŋu mbɛ́ɛnɛ pɔ́pmɛ́ zɔ́Ꞌ.

1 Kɔlɛ̂ŋtɛ 14:34

pʉʉ lɑɑ ḿbɔ́ tsɛt cúꞋlɛ pɑŋɡɛ́ nɑꞋ. Pɔ́p kɑ́ ɡẅɛɛ nɛcẅɛ́ɛ sẅiŋɛ ńcú nu pɔ́. Pɔ́p ɡẅɛɛ nɛpɔ́tnɛ ńnɑ́ŋ, ńzẅíꞋlɛ nu yi pɛ́ sɛ́ ńcú, ɛ́ pɔ́ pɑ́Ꞌ nɛpʉ́ʉ-Sɛ́ cúnɛ pɔ́Ꞌɔ.

Mɑtʉ̈ɔ 18:15

Mɔ́ɔmɑ́ wu lɑɑ ŋ́ɡɛ nu kɛpɔŋ nǔu ɡu, ɔ ɡʉ ńjʉ́ɔ wɛ́, pʉʉnɛ tʉ́ʉ pɛ́pɑ́, ɔ sẅíi wɛ́. A zúꞋ, tɛ ḿbɛ́m mɛfɑɑnɛ mɛ́, mbɔ ɔ cẅɛɛtɛ wɛ́ nǔu sɛ̂ndúŋ kɛpɔŋ.

Kɔlɔsíyɛ̂ŋ 4:5

Ɛ́ ɡʉ nǔu pʉɔ pi pɔ́p kɑ́ pɔ́ pʉɔ-Kɛlístɔ pɔ́, pʉʉ jí ntɛ́ yi pʉʉ ɡʉ ńdɔk ńnɑ́ŋ tsɛtsɛt pɔ́p. Sɛ́ ɡɑ́ ndúŋ nɛcẅi Ŋkʉʉ Sʉ́Ꞌnɛ mbɔ̌ pɔ́p, kɔɔ pʉʉ pɛ́m yîyɑ́ ŋkɑ́ lɛɛ.

Ɛ́bɛlʉʉ 11:8

Ɛ́ kɑ fú pɔ nǔu pɑ́Ꞌ Ábɛlɛhɑ̂m kɑ zɑ́pnɛ tʉ́m yɛ́ nǔu Sɛ́, lɑ Sɛ́ fúŋ wɛ́ ɑ zúꞋ ntsu wɛ́, ŋ́ɡʉ nɛ́ tsɛt wɛcɔ́ ŋɡɔŋ ẅí ɛ́ kɑ pɔ́ ŋ́ɡʉ ŋ́ɡɛ tsʉ́Ꞌ ḿbɔ́ pɔ wɛ́, ńdɔ sɛ́ ŋ́ɡʉ kɛ́ jí zʉꞋ yi ɑ ɡʉnɛ tɛ ŋ́kúu zúꞋu.

2 Tɛsɑlɔník 1:8

A ɡʉ ńdɑ́Ꞌ ŋ́ɡɔ ńtɔ́ pɛkŋɛ jʉ́ɔ múk tʉ̈ɔ́Ꞌlɛ wɛ́ ńníꞋ sɔŋ, ɑ ɡɛ pʉɔ pi pɔ́p kɑ jí Sɛ́ pɔ́ ḿbɛn ńdʉꞋ Ŋkʉʉ Sʉ́ꞌnɛ wɛ́ jʉ́ɔ ŋɡʉ̈ɔ́Ꞌ.

Pʉɔ-Lɔ́mɑ 6:17

Pɛkŋɛ kɛ́ ŋ́ɡɑ́ pɑ́Ꞌlɑ́ mbɔ̌ Sɛ́, mbíꞋŋɡɔ pʉʉ kɑ pɔ́ yɛcɔ́ ŋkɑ́ ḿbɔ́ ŋkwɑɑ-nu kɛpɔŋ, pʉʉ ŋkɔ̂ɔnɛ, mbɔ pʉʉ lɔk tʉ́m yʉ́ʉ tsʉʉ, ḿbɛ́m yúu mi pɛ́ kɑ zíꞋnɛ wʉ́ʉ. Ɛ́ pɔ́ yi ɛ́ sɛ́ ḿbíkŋɛ ŋɡɔ pʉʉ piitɛ ńjí,

1 Pyɛ̂ 4:17

Ŋkɑ́ pɑ́Ꞌɑ, mbɔ ɛ́ kuꞋ pɑ́Ꞌ Sɛ́ ɡʉ ńzɑ́Ꞌ ntsɑŋ-pʉɔmɛsɔŋ, ɑ ɡʉ ńzɛ pɔ nǔu pʉɔ pɛ́. A lɑɑ ńzɛ nǔu pɛkŋɛ, mbɔ ɛ́ ɡʉ ńtsʉ́Ꞌ nɛlẅiklɛ ɛ́ pɔ́ ŋɡɔ́ku nǔu pʉɔ pi pɔ́p kɑ́ kɔŋ nɛpɛ́m Ŋkʉʉ Sʉ́Ꞌnɛ-Sɛ́ pɔ́ ɔɔ?

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

Ɛ́bɛlʉʉ 5:9

ḿbɛn ńzúꞋ tɛ ŋ́kuꞋ ŋu ẅí ḿbɔ́ ɑ ɡɛ pʉɔ pi pɔ́p zúꞋnɛ ntsu wɛ́ tɛmtɛ ńduk ndɑꞋ ndɑꞋ.

Pʉɔ-Lɔ́mɑ 10:16

Lɑ́ pʉɔ pɛtsʉʉ ŋkɑɑ zúꞋ Ŋkʉʉ Sʉ́Ꞌnɛ ḿbɛ́m pɔ́. Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ zɛɛ ńcú ŋɡɔ: «Tsɑpʉɔ, pɛk kɑ cú nu yú wɔ̌ kɛ́ ḿbɛ́m»?

1 Pyɛ̂ 3:2

Mbɔ pɔ́p ńjʉ́ɔ ku-nɛnɛn yʉ́ʉ yi lɔ́Ꞌ kɑ́ pɔ́ nǔu pɔ́, ḿbɛn ŋ́ɡẅɛɛ mɛkuꞋ.