Biblia Todo Logo
在线圣经

- 广告 -




1 Pyɛ̂ 1:25 - Kɑɑ Fí

25 Lɑ́, sẅiŋɛ-tsɑpʉɔ ɡʉ ńdɑ́Ꞌ ńtʉ́ʉ pɔ pɔ́Ꞌɔ, nǔu mɛŋɡuꞋ mɛŋɡuꞋ. Yîyɑ́ sẅiŋɛ ɛ́ yi pʉʉ kɑ zúꞋnɛ tsɛt Ŋkʉʉ Sʉ́Ꞌnɛ ẅí pɛ́ kɑ cẅinɛ mbɔ̌ pʉʉ.

参见章节 复制




1 Pyɛ̂ 1:25
23 交叉引用  

Lɑ́ ŋ kɛ́ ɛ́sẅíi wʉ́ʉ, kwɑꞋ nɛ́nẅín, nɛpú pɔ́p tsɛ́tsɑ́Ꞌ lɑɑ ńdɑ́Ꞌ ńnɑ́ŋ pɔ ŋɡɔ́ku lɑ́, mɔ́ɔ mɔ́zʉꞋ-nu ŋɡɔ pítɛ́ kɛ mbɑ mɔ́ɔ mɔ́yúu ŋkɑŋ-ŋwɑꞋnɛ pɔɔ nǔu nɛpʉ́ʉ ɛ̂nɑ́ pɛ́. Ɛ́ kɛ́ ḿbɔ́ pɔ pɔ́Ꞌɔ, tɛ ŋ́kúu ŋkɑ́ yi mbɑ kʉ̈ɔ́lɑ́ yi nɛpʉ́ʉ cúnɛ puutɛnɛ.


Pɛk ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ ńdɔk ɛ́sẅíi wʉ́ʉ nɛ́ nu nǔu sẅiŋɛ yi ɛ́ ɡɛnɛ pɛ́ pɔ́ ɡú, yi ɛ́ pɔ́ pɔ ɡú tɛ ɛ́fúnɛ nzɛnɛ-yúu tsʉʉ, pɛk kɑ lɔk mɛtúutɛ mɛ́k ńzúꞋ, ńdɔk mík mɛ́k ńjʉ́ɔ, ńniitɛ ńdíŋɛ ńdɔk mbɔ́ mɛ́k ŋ́kuu.


Ɛ́ kɑ́ pɔ́ ndɑꞋ pɔ́Ꞌɔ pɔ́ pɛkŋɛ pɛn ŋ́ɡẅɛɛ sẅiŋɛ-pɑcẅiŋkʉʉ-Sɛ́ yi ɛ́ lɑɑ ḿbɔ́ pɛ́ pɔɔ zúꞋ ḿmʉ́Ꞌlɛ pɔ́. Ɛ́ pɔ́ŋ ŋɡɔ pʉʉ tsuŋ ńzúꞋ yîyɑ́ sẅiŋɛ. Ɛ́ pɑ́Ꞌ lɑ̂m ẅí ɛ́ kyɛꞋnɛ zʉꞋ yi ɛ́ sɛ́ sʉ́ʉnɛ lɑ́. Pʉʉ tsuŋ ḿbɔ́ ńzúꞋ ńdɔk ńzẅíꞋlɛ lɛ́Ꞌ yi Yɛ́su ɡʉ ńdɑ́Ꞌ ḿbɛn ńtɔ́. Pɑ́Ꞌ cʉ̈ɔ́Ꞌ-sɑŋ ẅí ɑ kɔ́Ꞌ, njí ɡɔ́ɔ ŋ́kiɛ. A ɡʉ ńtɔ́ ŋ́kyɛꞋ zʉꞋ mbɔ̌ mɛtʉ́m mʉ́ʉ.


Lɑ́ ŋ kɑ́ pɔ́ ńdɔk ńcú ŋɡɔ nɛpʉ́ʉ-Mɔ̌sɛ̂ɛ mɛ pɔ́, nɛpú pɔ́p tsɛ́tsɑ́Ꞌ ɡʉ ńdɑ́Ꞌ mɛ, lɑ́ sɑ̌ɑ yúu lɑ́Ꞌ mbɔɔ pɛ́ nǔu nɛpʉ́ʉ ɛ̂nɑ́ pɔ́.»


Kɛlístɔ kɑ tɔ́ nɛcẅi Ŋkʉʉ Sʉ́Ꞌnɛ ẅí ɛ́ ɡɑ́nɛ mɔ́fíitɛ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mbɔ pʉʉ ŋ́kɑɑ pɔ́ nɛjɔ́ŋ Sɛ́ pɔ́, ḿbɛn ńcẅi mbɑ mbɔ̌ pɑyúdɑ pi pɔ́p kɑ pɔ́nɛ nɛjɔ́ŋ Sɛ́.


Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.


Píimbí kɑ ɡɔ́ ńzɛ, sẅiŋɛ pɔ́ pɔ ɡú, yîyɑ́ sẅiŋɛ pɔ́p Sɛ́ m̄bɔ́nɛ ɡú. Ɛ́ pɛn ḿbɔ́ pɔ Sɛ́.


Yúu mi pɛk kɑ jʉ́ɔnɛ ḿbɛn ńzúꞋ, ɛ́ yîyɑ́ yi pɛk sẅíinɛ wʉ́ʉ ɡúu, ńjí ŋɡɔ pʉʉ ɡʉ tɛmtɛ nǔu pɛk, pɛkŋɛ pɛtsʉʉ tɛmtɛ nǔu Tɑ̌ɑ mbɑ nǔu Mɔ́ɔ nɛ Yɛ́su Kɛlístɔ.


Pʉʉ pɔ́ pɔ pɑ́Ꞌ pɔ́ɔmbɔ́t pi pɔ́p tsɑ́ɑnɛ nɛpʉ́ʉ, sẅiŋɛ-sɛ́ nɛpʉ́ʉ kɛ́ lɔ́Ꞌ, pʉʉ pɔ́ ńnɔ́ŋ, ńjí ŋɡɔ pʉʉ ɡʉ ŋ́ɡúꞋ, Sɛ́ ɡɛ pʉʉ luk.


Pɛ́ kɑ zɛɛ ḿbí wʉ́ʉ nɛpí wɛ fí, tɛ ɛ́ kɑ́ pɔ́ pɔ nɛpí wɛ ŋumɛsɔŋ ẅí ɑ ḿpfú pɔ́. Ɛ́ pɔ́ pɔ ẅi ɛ́ fúnɛ nǔu mbiyúu mi ɛ́ kɛ́ lɑ́Ꞌ ḿpfú pɔ́, yîyɑ́ mbiyúu pɔ́ sẅiŋɛ-sɛ́ yi ɛ́ ɡɑ́nɛ kwɑꞋ luk, ḿbɔ́ yi ɛ́ ɡʉ ńdɑ́Ꞌ ḿbɔ́ pɔ ɡú.


Sɛ́ kɑ ɡɛ pɔ́p jí ŋɡɔ nu yi pɔ́p kɑ pɔ́ ńcú, ŋ́kɑɑ pɔ́ ŋ́ɡʉ ŋ́ɡɛ nǔu yɔ́p ŋkɑ́ pɔ́, ɛ́ kɑ pɔ́ ŋ́ɡʉ ŋ́ɡɛ pɔ nǔu yʉ́ʉ ŋkɑ́. Ɛ́ yîyɑ́ nu yi pʉʉ ŋkɔ̂ɔnɛ ḿbɔ́ ńjí, ɛ́ fú pɔ nǔu nu yi pɛŋɡɛ́mndʉ̈ɔ́Ꞌ-Ŋkʉʉ Sʉ́Ꞌnɛ sɛ́ ńcú, ŋ́ɡɔ́ ńcú, ńdɔk pɔ mɛtʉʉ-Zẅikŋɛ Lɛ́ɛnɛ́nɛ yi Sɛ́ kɑ fúnɛ tʉ́nɛ́pú ńtúu. Pɛcʉ̈ɔ́Ꞌ-Sɛ́ sɛ́ ŋ́kíi ńtsɑ́ɑ nɛjí yîyɑ́ nu.


A kɑ ńnɑ́ŋ tɛ ŋkɑ́ kuꞋ, ɑ ɡɛ pɛ́ jí sẅiŋɛ yɛ́, ńdɛɛ nǔu ŋkʉʉ ɑ kɑ níꞋnɛ mbɔ̌ mɔ. Mɔ sɛ́ ńcẅi ẅîwɑ́ ŋkʉʉ mbɔ̌ lɑ́Ꞌ mbíꞋŋɡɔ Sɛ́ ẅi ɑ ɡɛnɛ pɛkŋɛ luk kɑ cúnɛ ŋɡɔ ɛ sɑ́Ꞌ.


Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.


MbíꞋŋɡɔ ŋ kɑ zɑ́p ŋɡɔ ŋ kɑ́ pɔ́ ŋ́ɡʉ ńjí yɛcɔ́ nu ndɛꞋ tsɛtsɛt pʉʉ tɛ ɛ́ pɔɔ pɔ́ pɔ nu-Yɛ́su Kɛlístɔ pɔ́, Yɛ́su Kɛlístɔ ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ pɔ́.


M bɛn ńjʉ́ɔ wɛcɔ́ tɑ́Ꞌ Cʉ̈ɔꞋ-Sɛ́ pɔ́ tɛ tʉ́nɛfɑŋ ḿbɔ́ ńtɑt, ŋ́ɡẅɛɛ wɛcɔ́ Ŋkʉʉ sʉ́Ꞌnɛ ẅí ɛ́ wɛ kɛ́mɛ, pɑ́Ꞌ ɑ ɡʉ ŋ́ɡʉ ńcẅi mbɔ̌ pʉɔ pí pɔ́p ndǔ tsɛ́tsɑ́Ꞌ, tsɛt mbɑ wɛ́tɛ́ ŋɡɔŋ lɑ́, mbɔ̌ mbɑ yɛ́tɛ́ njẅɛtndɑ́ lɑ́, mbɔ̌ pɑsẅíŋɛ mbɑ yɛ́tɛ́ ntɛ́ sẅiŋɛ lɑ́, mbɔ̌ ntɛ́ nɛ́ ntɛ́ pʉɔmɛsɔŋ.


跟着我们:

广告


广告