1 Pyɛ̂ 1:17 - Kɑɑ Fí

¹⁷ Pʉʉ ɡʉ ŋkɑ́ tsʉʉ yi pʉʉ cɛꞋlɛ́nɛ Sɛ́, yi pʉʉ fúŋnɛ Sɛ́ ŋɡɔ Tɑ́t wʉ́ʉ, ńdɔk mɛlɛ́Ꞌ lɑ́Ꞌ mi pʉʉ pɛ́tnɛ ŋ́ɡẅɛɛ ndǔ yɔ mbí, ńnyɛt tsɛt wʉʉ nɛnɑ́ŋ ŋɡɔ pʉʉ sɛ́ ŋ́ɡɑ́ mɛkuꞋ mɛ́. A ŋu ẅí ɑ zɑ́Ꞌnɛ ntsɑŋ-pʉɔmɛsɔŋ kɛ́ ɡẅɛɛ tɔŋ, ɛ́fú pɔ nǔu yúu mi ŋu ɡɛnɛ lɑ ńzɑ́Ꞌ ntsɑŋ-ŋɡɑŋ.

1 Pyɛ̂ 1:17 交叉引用

Mɑtʉ̈ɔ 6:9

Pʉʉ lɑɑ ḿbɔ́ ńcɛꞋlɛ Sɛ́ pʉʉ cú ŋɡɔ: «Tɑ́t wɛk, ɡu ẅí ɔ pɔ́nɛ tʉ́nɛ́pú. Gɛ pʉɔmɛsɔŋ jí ŋɡɔ ɑ ndɑꞋ ɡu ḿbɔ́ Sɛ́.

Filipɛ 2:12

Ɛ́ lɛɛ pɔ́Ꞌɔ, mbɑ̌ɑ pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ pʉʉ kɑ kɛ́ ńzɛɛ ńzúꞋ pɔ ntsu-Sɛ́ tɛ fúnɛ pɑ́Ꞌ ŋ kɑ pɔ́nɛ tsɛtsɛt pʉʉ lɑ́, pʉʉ ḿbɛn ḿbɔ́ ńtík ku pɔ nǔu ŋkɔ̂ɔnɛ yi ŋ kɑ́ pɔ́ tsɛtsɛt pʉʉ pɔ́ lɑɑ. Pʉʉ lɔk mɛfɑꞋ mʉ́ʉ ńnyɛt ŋɡɔ Sɛ́ ɡɑ́ luk mbɔ̌ pʉʉ.

2 Kɔlɛ̂ŋtɛ 7:1

Pɔ́ɔpɛ́mɑ́ pɑ́ɑ pɛ́ tʉʉndɛn, pɑ́Ꞌ Sɛ́ kɑ kɑꞋnɛ mɔnɛ mɛnu mbɔ̌ pɛkŋɛ lɑ́, ɛ́ sɛ́ ḿbíkŋɛ ŋɡɔ kwɑꞋ pɛkŋɛ nɛ́ tú yɛkŋɛ kʉ̈ɔ́ mɛnu mi ɛ́ kɑ́ pɔŋ Sɛ́ pɔ́, mi pɛ́ ɡɛ ɡɛnɛ, tɛ mbɑ mi pɛ́ kwɑŋɛ kwɑŋɛ́nɛ, ŋ́kẅiꞋ ńdɔk nɛpɔ́ kɛ́ lɔ́Ꞌ ŋ́ɡʉ nɛ́ mbi tɛ ńdẅiklɛ, ŋ́ɡɔ ŋ́ɡɛ, ḿbɔ́ ḿbɔ́k Sɛ́.

Ɛ́bɛlʉʉ 12:28

Pɑ́Ꞌ pɛkŋɛ ɡʉ ńdɑ́Ꞌ ḿbɔ́ tsɛt nu nɛfɔɔ ni yɛcɔ́ yúu kɛ́ ńnʉꞋnɛ ńzɔŋɛ pɔ́ lɑ, pɛkŋɛ ɡɛ́mtɛ Sɛ́, ɛ́fɑ́Ꞌ mbɔ̌ wɛ́ nǔu ntɛ́ yi ɑ sɛ́ ŋ́kɔŋ, ŋ́ɡɑ́ mbʉʉ sɛ́, ḿbɔ́k wɛ́.

Ɛ́fɛ̂zɛ 1:17

Mɔ sɛ́ ḿbúꞋ mbɔ́ mbɔ̌ Sɛ́ Tsɑpʉɔ wɛkŋɛ Yɛ́su Kɛlístɔ, jʉ́ ẅi ɑ ɡẅɛɛnɛ nɛɡúꞋ, ŋɡɔ ɑ ɡɑ́ wʉ́ʉ nɛ́ jínu, ŋ́ɡɑ́ wʉ́ʉ nɛ́ shʉ́ nɛlɔk ńtsuŋ ńjí wɛ́ tɛ ɛ́sẅíi nu.

Ŋɡɑlɑ̂t 2:6

Ɛ́ ɡʉ nǔu pʉɔ pí pɛ́ kɑ pɔ́ ńdíŋɛ wɔ́p ŋɡɔ pɔ́p pɛlʉ́m, mbɔ pɔ́p ŋ́kɑɑ kɛ́ ńjʉ́ɔ ŋɡɔ pɔ́p ɡʉ ŋ́kẅiꞋ yɛcɔ́ yúu nǔu nu yí n cúnɛ pɔ́. Yúu mi pɔ́p kɑ zɛɛnɛ ḿbɔ́ yɛ́tɛ́ ŋkɑ́mbi pɔɔ líŋɛ wɑ́ɑ nǔu yɛcɔ́ nu pɔ́. MbíꞋŋɡɔ Sɛ́ lɔɔ ŋ́ɡɛ tɔŋ nǔu pʉɔmɛsɔŋ pɔ́.

Pʉɔ-Lɔ́mɑ 11:20

Ɔ́ɔŋ pɛ́ kɑ kɛ́ ŋ́kʉ́ɔꞋ wɔ́p ḿmɛꞋ, ɛ́ pɔ́, mbíꞋŋɡɔ pɔ́p kɑ́ zɑ́p tʉ́m nǔu Kɛlístɔ pɔ́. Ɔ pɛn ḿbɔ́ zúꞋu, mbíꞋŋɡɔ ɔ zɑ́p tʉ́m nǔu Kɛlístɔ, lɑ́ kɔɔ kɛ́ ŋ́ŋɑ́Ꞌtɛ, tɛ ńtsʉ́Ꞌ pɔ́Ꞌɔ, ɔ lɑk pɔ tú yú.

Mɑtʉ̈ɔ 22:16

ńtúu pɛcɔ́ ntɑ́Ꞌ pʉɔ nǔu ɡɑŋku yɔ́p, mbɑ pɛcɔ́ ntɑ́Ꞌ pʉɔ nǔu ku-pʉɔ-fɔɔ Ɛlɔ̂dɛ ŋɡɔ: Pɔ́p ɡʉ ńcú mbɔ̌ Yɛ́su ŋɡɔ: «Cícɑ, pɛk sɛ́ ńjí ŋɡɔ ɔ cú nu, ḿbɛn ńdɛꞋlɛ pɔ nu yí ɛ́ tʉ́ʉnɛ ndʉ́ŋndʉŋ, ńcú kɛ́ pɔ́k ŋu, ḿbɛn ŋ́kɛ́ mbɔɔ líŋɛ ŋumɛsɔŋ pɔ nǔu shʉ́ pɔ́, ńdɛꞋlɛ nu nɛ́nẅín pɔ pɑ́Ꞌ Sɛ́ sɛ́ ḿbíkŋɛ ŋɡɔ pɛ́ ɡɛ pɔ́Ꞌɔ.

1 Pyɛ̂ 2:11

Pɛsúu pɑ́ɑ pɛ́ tʉʉndɛn, pʉʉ ndǔ tsɛ́tsɑ́Ꞌ zɑ́Ꞌnɛ ḿbɔ́ pɔ pɑlɛɛndúŋ, ḿbɛn ḿbɔ́ pɔ pɛɡʉʉ. Yúu mi ɛ́ ɡɛnɛ m bɔ́ ɛ́sẅíi wʉ́ʉ ŋɡɔ kɔɔ pʉʉ nɑ́ tɛ mbʉʉ yʉʉ tsʉ́ʉnɛ wʉ́ʉ nɛɡɛ yúu mi ɛ́ ŋ́kɔŋnɛ, mbíꞋŋɡɔ ɛ́ pɔ́Ꞌɔ, ḿbɔ́ ńdʉ̈ɔꞋ tʉ́m yʉ́ʉ nɛ́ ntsɔ.

Ɛ́bɛlʉʉ 4:1

Lɑ́ nɛpɔ́ ẅi Sɛ́ kɑ kɑꞋnɛ mɔ́fíitɛ ẅi ḿbɔ́ pʉɔ kúu tsɛtú pɛ́t pɔ ɡú. Pɑ́Ꞌ ẅîwɑ́ ŋkʉʉ pɛn ḿbɔ́ wɛkŋɛ lɑ́, pʉʉ pɑ́ɑ pɑ́Ꞌ ḿbɔ́ wɛcɔ́ tɑ́Ꞌ ŋu tsɛtsɛt pʉʉ lɑ́Ꞌ ḿbɔɔ tsɛtú kúu.

Kɔlɔsíyɛ̂ŋ 3:25

Lɑ́ ŋ́kɛ́ ḿbɔ́ yi ŋu lɑɑ ŋ́ɡɛ yúu mi ɛ́ kɑ́ pɔŋ, mbɔ Sɛ́ ɡʉ ńdɑ́Ꞌ ŋ́ɡɑ́ pɔ yúu mi ɛ́ kuꞋnɛ nǔu wɛ́ mbɔ̌ wɛ́, mbíꞋŋɡɔ ɑ lɔɔ ŋ́ɡɛ tɔŋ pɔ́.

Ɛ́fɛ̂zɛ 6:9

Pʉʉ pɛtɑ́t-puꞋ pʉʉ ɡẅɛɛ yʉ́ʉ pɛkwɑɑ pʉʉ nɛ́ tʉ́m sʉ́Ꞌnɛ. Kɔɔ pʉʉ vukŋɛ wɔ́p vukŋɛnɛ. Pʉʉ jí ŋɡɔ pʉʉ pɛ́ pɔ́p tɛmtɛ ŋ́ɡẅɛɛ pɔ tɑ́Ꞌ ŋu ẅí ɑ sɑ́Ꞌnɛ wʉ́ʉ pɛpɔ́p ɑ pɔ́ tʉ́nɛ́pú. A kɛ́ ḿbɔɔ ŋ́ɡẅɛɛ tɔŋ tsɛtsɛt pʉɔmɛsɔŋ pɔ́.

Ɛ́fɛ̂zɛ 3:14

Ɛ́ yúu mi ɛ́ ɡɛnɛ ŋ kẅíꞋlɛ mbi Sɛ́ Tɑ́t

1 Pyɛ̂ 3:15

Tɛ ńtsʉ́Ꞌ pɔ́Ꞌɔ, pʉʉ pɔ́ tsɛt tʉ́m pʉʉ, ḿbɔ́ ŋ́ɡɑ́ pɔ mɛkuꞋ-Kɛlístɔ ŋɡɔ jʉ́ pɔ́nɛ Ndɛ wʉʉ. Pʉʉ pɔ́ ŋkɑ́ tsʉʉ ńtʉ́ʉ pɔ pɑ́Ꞌ ŋu lɑɑ píkŋɛ wʉ́ʉ ŋɡɔ mɛlɑ́Ꞌ kʉ̈ɔ́ pʉʉ tík kwɑŋɛ yʉ́ʉ nǔu Kɛlístɔ ɔɔ, pʉʉ kyɛ́Ꞌtɛ ɛ́sẅíi ŋɡɑŋ.

2 Kɔlɛ̂ŋtɛ 5:6

Pɔ́Ꞌɔ lɑ́, pɛkŋɛ ŋkɑ́ tsʉʉ, ńtsʉ́Ꞌ ńnɑ́ŋ pɔ nɛ́ tsɑ́ɑtɛ pɑ́Ꞌtɛ. Pɛkŋɛ kɑ́ pɔ́ ḿmuŋɛ ŋɡɔ pɛkŋɛ lɑɑ ńdɑ́Ꞌ ḿbɛ́t ḿbɔ́ pɔ tsɛt yɔ mbʉʉ, mbɔ pɛkŋɛ pɛ́t kɛ́ pɔ́ nɛjɔ́ŋ Tsɑpʉɔ, mbɔ pɛkŋɛ pɔ́ pɔ ŋɡɑ sɛsɑ.

2 Kɔlɛ̂ŋtɛ 1:2

Tɑ̌ɑ wɛkŋɛ Sɛ́ mbɑ Tsɑpʉɔ Yɛ́su Kɛlístɔ sɛ́ ḿbɔ́ nɛ́ pʉʉ ḿbɛn ḿbɔ́ ńníꞋ mɔ́fíitɛ tʉ́m pʉʉ.

2 Kɔlɛ̂ŋtɛ 7:11

Pʉʉ líŋɛ pɔ yúu mi yîyɑ́ ntɛ́ nɛmʉk, nǔu ntɛ́ yi Sɛ́ sɛ́ ŋ́kɔŋ, ɛ́ kɑ ɡɛ nǔu pʉʉ lɑ́ ńjʉ́ɔ. Jʉ́ɔ wʉ́ʉ nɛɡwɛtnɛ ŋkɑ́ yi nu sɛ́. Jʉ́ɔ wʉ́ʉ nɛlɔ́ɔ ŋɡɔ pɛ́ likŋɛ mɛfɑɑnɛ mʉ́ʉ ŋ́ɡɑ́ mbɔ̌ pʉʉ. Jʉ́ɔ wʉ́ʉ nɛmʉk nu yɑ́ɑ. Jʉ́ɔ wʉ́ʉ nɛpɔ́k nu. Jʉ́ɔ wʉ́ʉ nɛtsɑ́ɑ nɛjʉ́ɔ wɑ́ɑ. Jʉ́ɔ wʉ́ʉ nɛzɑŋɛ mbʉʉ. Jʉ́ɔ wʉ́ʉ nɛzɑ́p ŋɡʉ̈ɔ́Ꞌ tú-ŋu ẅí ɑ fɑɑnɛ nu. Pʉʉ kɑ lɔk mɛshʉ́ tsʉʉ ńdɛꞋlɛ ŋɡɔ pʉʉ ŋkɑɑ pɛn ḿbɔ́ ńjí yɛcɔ́ nu nǔu yɔ nu pɔ́.

Mɑtʉ̈ɔ 16:27

Pʉʉ jí ŋɡɔ: «Mɔ́ɔ-Ŋu ɡʉ ŋ́ɡɛ ńtɔ́ pɔ́p pɛcʉ̈ɔ́Ꞌ pɛ́, ńtɔ́ pɔ́Ꞌɔ, tsɛt nɛɡúꞋ-Tɑ́t wɛ, ɑ tsɔ́Ꞌ fɑꞋ mbɑ wɔ̌ lɑ́, pɔ nǔu ŋɡɛnɛ mɛnu mɛ́.