1 Pyɛ̂ 1:12 - Kɑɑ Fí

¹² Sɛ́ kɑ ɡɛ pɔ́p jí ŋɡɔ nu yi pɔ́p kɑ pɔ́ ńcú, ŋ́kɑɑ pɔ́ ŋ́ɡʉ ŋ́ɡɛ nǔu yɔ́p ŋkɑ́ pɔ́, ɛ́ kɑ pɔ́ ŋ́ɡʉ ŋ́ɡɛ pɔ nǔu yʉ́ʉ ŋkɑ́. Ɛ́ yîyɑ́ nu yi pʉʉ ŋkɔ̂ɔnɛ ḿbɔ́ ńjí, ɛ́ fú pɔ nǔu nu yi pɛŋɡɛ́mndʉ̈ɔ́Ꞌ-Ŋkʉʉ Sʉ́Ꞌnɛ sɛ́ ńcú, ŋ́ɡɔ́ ńcú, ńdɔk pɔ mɛtʉʉ-Zẅikŋɛ Lɛ́ɛnɛ́nɛ yi Sɛ́ kɑ fúnɛ tʉ́nɛ́pú ńtúu. Pɛcʉ̈ɔ́Ꞌ-Sɛ́ sɛ́ ŋ́kíi ńtsɑ́ɑ nɛjí yîyɑ́ nu.

1 Pyɛ̂ 1:12 交叉引用

Jɑ̂ŋ 15:26

«Ncẅɛ́ɛntɑ́ŋ ẅi ŋ ɡʉ ŋ́ɡɛ ɛ́fú nɛjɔ́ŋ Tɑ̌ɑ mɔ túu mbɔ̌ pʉʉ, ɛ́ zẅikŋɛ yí ɛ́ fúnɛ mbɔ̌ Tɑ̌ɑ mɔ, ɛ́ lɛꞋlɛ nu nɛ́nẅín nǔu Sɛ́. Jʉ́ ɡʉnɛ ŋ́ɡɛ ɛ́sẅíi nu yí ɑ jínɛ nǔu mɔ.»

Ɛ́fɛ̂zɛ 3:10

ńnyɛt pɔ́Ꞌɔ, ńjí ŋɡɔ pɛtɑ́tndɑ́-yúu mi ɛ́ tɛ tʉ́ ɡẅɛɛ tʉʉ, mbɑ mɛtʉʉ tsʉʉ mi ɛ́ tɛ tʉ́ ɡʉ ńdúꞋnɛ cúꞋlɛ-pʉɔ-Kɛlístɔ, ńjí nu nǔu jínu-Sɛ́ tɛ cɔ́kŋɛ.

1 Kɔlɛ̂ŋtɛ 2:10

Sɛ́ kɑ pɛn ŋ́ɡɛ Zẅikŋɛ Lɛ́ɛnɛ́nɛ ɡɛ pɛkŋɛ jínɛ yîyɑ́ nu yi ɛ́ kɑ pɔ́ yɛ lʉɔmɛ́nɛ. Zẅikŋɛ Lɛ́ɛnɛ́nɛ zɛɛ ńtuŋtɛ́ nu tsʉʉ, tɛ mbɑ mɛnu mi Sɛ́ pɛ́tnɛ ŋ́ɡẅɛɛ pɔ tsɛt mvuꞋ-tʉ́m yɛ́.

Ɛ́bɛlʉʉ 4:2

Pɛkŋɛ kɑ zɛɛ ḿbɛn ńzúꞋ yɛkŋɛ Ŋkʉʉ Sʉ́Ꞌnɛ ɛ̂wɑ́ pɔ pɑ́Ꞌ pʉɔ pi pɔ́p kɑ pɔ́ kɔ̂ŋtɛt kɑ zúꞋnɛ yɔ́p. Lɑ́ pɔ́p kɑ kɛ́ ńzúꞋ yɔ́p ɛ́ pɔɔ wɔ́p cẅɛ́lɛ́, mbíꞋŋɡɔ pɔ́p ŋ́kɑɑ zɑ́p tʉ́m yɔ́p nǔu pɔ́.

Mɑ́lɛ́kúshi 16:15

Ŋ́ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pʉʉ ɡʉ zʉꞋ tsʉʉ ndǔ mbí, ńcẅi Ŋkʉʉ Sʉ́Ꞌnɛ mbɔ̌ mbɑ wɛ́t ŋumɛsɔŋ lɑ́ kɛ́ vuꞋ wɛcɔ́.

1 Pyɛ̂ 1:25

Lɑ́, sẅiŋɛ-tsɑpʉɔ ɡʉ ńdɑ́Ꞌ ńtʉ́ʉ pɔ pɔ́Ꞌɔ, nǔu mɛŋɡuꞋ mɛŋɡuꞋ. Yîyɑ́ sẅiŋɛ ɛ́ yi pʉʉ kɑ zúꞋnɛ tsɛt Ŋkʉʉ Sʉ́Ꞌnɛ ẅí pɛ́ kɑ cẅinɛ mbɔ̌ pʉʉ.

Mɛnu ɛ́ ńdɑ́Ꞌ ńcẅɛt 5:11

M bɛ́t ńdíŋɛ líŋɛ́nɛ, ńzúꞋ ŋɡi pɛcʉ̈ɔ́Ꞌ-Sɛ́, pɔ́p pɔ́ ntsɑ́Ꞌ tɛ mbɔ pɛ́ pɔɔ sɑ́ŋ ńjí ndɛn pɔ́, mbɔ pɔ́p tʉ̈ɔ́Ꞌlɛ kɔꞋ-nɛfɔɔ, mbɑ mɛyúumɛku mɑ́ pɔ́p pɛlʉ́m pɑ́, ńníꞋ sɔŋ,

2 Kɔlɛ̂ŋtɛ 6:6

Pɛk sɛ́ ńdɔk wɛk mɑt ńnyɛt ŋɡɔ pɛk pɑfɑꞋ fɑꞋ-Sɛ́. Pɛk ɡẅɛɛ tʉ́m Lɛ́ɛnɛ́nɛ, mbɑ jínu yi ɛ́ fúnɛ mbɔ̌ Sɛ́, ŋ́ɡɛ kɔkmbʉʉ. Pɛk ɡẅɛɛ pɔ pɔŋtʉ́m nzʉʉ pʉɔmɛsɔŋ, ńzẅíꞋlɛ yɛ́k kʉ̈ɔ́ lɑ́ pɔ mbɔ̌ Zẅikŋɛ Lɛ́ɛnɛ́nɛ, ŋ́ɡẅɛɛ ŋkɔŋɛ yi ɛ́ kɑ́ pɔ́ ŋkɔŋ-mík pɔ́,

2 Kɔlɛ̂ŋtɛ 1:22

ńcʉ̈ɔꞋ lii yɛ́ nǔu pɛkŋɛ, ńníꞋ Zẅikŋɛ Lɛ́ɛnɛ́nɛ tʉ́m pɛkŋɛ. Ɛ́ lɔk ḿbɔ́ nduŋmbi yúu nǔu yúu mi ɑ ɡʉ ŋ́ɡɑ́ mbɔ̌ pɛkŋɛ.

Pʉɔ-Lɔ́mɑ 15:19

ńdɛɛ nǔu mɛlii-mɛnu pɔ́p mɛnu mɑ̌ɑmɑɑnɛ, ḿbɛn ńdɛɛ nǔu mɛtʉʉ-Zẅikŋɛ-Sɛ́. Yɔ ntɛ́ yi ŋ kɑ lɔknɛ ńniitɛ ńcẅi Ŋkʉʉ Sʉ́Ꞌnɛ-Kɛlístɔ zʉꞋ tsʉʉ, nɛfú Yɛlúsɑlɛm ŋ́ɡʉ ŋ́kúu Ilylî.

ŊwɑꞋnɛ-Gɑŋntúu Yɛ́su Kɛlístɔ 2:33

Sɛ́ kɑ ɡɛ, ɑ kɔ́Ꞌ tɛ ńnɑ́ŋ nǔu ɡúŋ pɔ́ yɛ́ yi tʉʉ. Ɛ́ ŋkɔ̂ɔnɛ pɑ́Ꞌɑ, mbɔ Tɑ́t wɛ́ Sɛ́ cɔ́kŋɛ Zẅikŋɛ Lɛ́ɛnɛ́nɛ mbɔ̌ wɛ́, ɛ́ pɔ́ pɑ́Ꞌ jʉ́ Sɛ́ kɑ kɑꞋnɛ. Yúu mi pʉʉ zúꞋnɛ ḿbɛn ńjʉ́ɔ lɑ́ɑ, ɛ́ Zẅikŋɛ Lɛ́ɛnɛ́nɛ ɛ̂yɑ́ yi Yɛ́su tswɛtnɛ nǔu pʉɔ pɛ́.

Ɛ́bɛlʉʉ 2:4

Sɛ́ pɛn ńtɔ́ɔtɛ wɔ́p nǔu nu yi pɔ́p sɛ́ ńcú, ńdɛɛ nǔu mɛlii, pɔ́p mɛnu mɑ̌ɑmɑɑnɛ, pɔ́p mɛndɑɑkɑ́jʉɔ́ mɛntɛ́ mɛntɛ́, ḿbɛn ńdɛɛ nǔu mɛfɑꞋ mi ɑ zɑ́pnɛ nǔu wɛ́ nɛkɔŋtɛ ŋɡɔ Zẅikŋɛ Lɛ́ɛnɛ́nɛ ɡʉ ŋ́ɡɑ́ fuꞋ níinɛ-pʉɔ pɔ́p kuꞋ nɛfɑꞋ.

Ŋɡɑlɑ̂t 1:16

A kɑ pɛn ńnɑ́ŋ tɛ ńjʉ́ɔ ŋɡɔ ɑ ɡʉ ŋ́ɡɛ n jí Mɔ́ɔ nɛ, nɛpɔ́ yi mɔ ŋ́ɡʉ ńcẅi Ŋkʉʉ ẅí ɛ́ líŋɛ́nɛ Mɔ́ɔ nɛ ɛ̂wɑ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́. N jʉ́ɔ Mɔ́ɔ nɛ ɛ̂wɑ́, mbɔɔ pɛn ḿbíkŋɛ ŋu nɛ́ yɛcɔ́ nu pɔ́.

Ŋɡɑlɑ̂t 1:12

Ŋumɛsɔŋ ŋkɑɑnɛ zɛɛ ɛ́fɛ́ɛ ẅîwɑ́ Ŋkʉʉ mbɔ̌ mɔ pɔ́. Ŋumɛsɔŋ kɛ́nɛ ḿbɔɔ wɑ́ɑ zíꞋ, Yɛ́su Kɛlístɔ kɑ ɡɛnɛ n jí.

Pʉɔ-Lɔ́mɑ 10:15

Mbɔ pɛ́ pɛn ɛ́sẅíi nu-Tsɑpʉɔ ŋɡɔ́ku kɛ́ pɔ́ yi pɛ́ túu pʉɔ pi pɔ́p ɡʉ ɛ́sẅíi? Ɛ́ fí nu yi ɛ́ tsɛt ŋwɑꞋnɛ-Sɛ́, ḿbɔ́ ŋɡɔ: «Mɑ́ntúu pɔ́ tɛ ńtɔ́, ɛ́sẅíi pʉɔ nɛ́ nu sʉ́Ꞌnɛ, tsɑ́ɑtɛ pɔ́ sɛ́ ŋkɑ́ ɛ̂yɑ́.»

Pʉɔ-Lɔ́mɑ 1:17

Ɛ́ zɛɛ ŋ́ɡɔ ḿbɔ́, Ŋkʉʉ Sʉ́Ꞌnɛ pɔ́ ŋ́ɡɛ pɛ́ jí pɑ́Ꞌ ɛ́ lɛɛnɛ pɔ́Ꞌɔ, lɑ Sɛ́ lɔk pʉɔmɛsɔŋ ɛ́fúŋ pʉɔ pi pɔ́p ndʉ́ŋndʉŋ mbi yɛ́. Ɛ́ lɛɛ pɔ ndɑꞋ nǔu pɑ́Ꞌ pɔ́p zɑ́pnɛ tʉ́m nǔu wɛ́. Wɛcɔ́ ndúŋ ndɛꞋ kɑ pɔ́ ɡú pɔ́. Ɛ́ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Ŋu ẅí ɑ mbi Sɛ́ ḿbɔ́ ndʉ́ŋndʉŋ mbíꞋŋɡɔ ɑ zɑ́p tʉ́m nǔu wɛ́ ɡʉ ndɑ́Ꞌ ḿbɔ́ ɡú.»

Lúkɑ́shi 15:10

Tsʉ́Ꞌnɛ, ɛ sẅíi wʉʉ: Ɛ́ pɛn ḿbɔ́ pɔ pɔ́Ꞌɔ, pɛcʉ̈ɔ́Ꞌ-Sɛ́ tsɑ́ɑtɛ ntɛ́ tɑ́Ꞌ ŋu kɛpɔŋ wɛmɔ́Ꞌ ẅi ɑ kúpnɛ mɑt wɛ.»

Mɑtʉ̈ɔ 11:25

Yɛ́su ɡɛ ńcú ŋɡɔ: «Tɑ̌ɑ mɔ, Tsɑpʉɔ, ɡu ẅí ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ, ŋ ɡɑ́ pɑ́Ꞌlɑ́ mbɔ̌ ɡu pɑ́Ꞌ ɔ kɑ nyɛtnɛ mɔnɛ mɛnu mbɔ̌ pɛɡɛɡʉʉ, ńdʉɔ mbɔ̌ pɑjínu pɔ́p pʉɔ pínɛ pɔ́p kɑ zíꞋnɛ.

1 Tɛsɑlɔník 2:9

Pʉʉ kẅíitɛ pɑ́Ꞌ ɛ́ kɑ pɔ́nɛ ŋkɑ́ yi pɛk kɑ pɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ lɑ́, pɛk pɛn ɛ́fɑꞋ tɛ ŋ́kɑ́ɑ, lɑ ŋ́ɡẅɛɛ yúu kwɛ́tnɛ. Pɛk kɑ pɔ́ ɛ́fɑꞋ nɛnɛm ɛ́fɑ́Ꞌ nɛtúꞋ. Pɛk ŋkɑɑ kɔŋ nɛtsʉ́Ꞌ piꞋ mbɔ̌ wɛcɔ́ ŋu wʉʉ pɔ́.

Lúkɑ́shi 9:6

Yɛ́su cú pɔ́Ꞌɔ pɔ́p ɡɔ́ɔ ŋ́kɛ́ ŋ́ɡʉ, ŋ́kɑ́t mɛlɑ́Ꞌ mɛlɑ́Ꞌ, ńnɛn ɛ́sɑ́Ꞌ Ŋkʉʉ sʉ́Ꞌnɛ ẅi ɛ́ fúnɛ mbɔ̌ Sɛ́, ḿbɛn ḿbɔ́ ŋ́ɡɛ ɡɑŋɡɔɔ fíitɛ.

Lúkɑ́shi 2:26

Mbɔ ɑ kɑ lɑ́Ꞌ ńzɑ́Ꞌ njí ɛ́sẅíi wɛ́ ŋɡɔ ɑ kɛ́ lɑ́Ꞌ ḿpfú kɛ́ pɔ yi ɑ ńzɑ́p lík nǔu Nzɑ́Ꞌŋkʉ ẅi ɑ túunɛ pɔ́.

Mɑtʉ̈ɔ 16:17

Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Símɔ mɔ́ɔ-Jɑ̂ŋ, ɔ pɔ́ttú, mbíꞌŋɡɔ ŋumɛsɔŋ kɑ́ nɛ ɡɛ, lɑ́ ɔ jí yɔ nu nɛ́nẅín pɔ́. Tɑ̌ɑ mɔ ẅí ɑ tʉ́nɛ́pú nyɛtnɛ wú.»

Mɑtʉ̈ɔ 11:27

Yɛ́su pɛn ńcú ŋɡɔ: «Tɑ̌ɑ mɔ kɑ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ, mbɔ sɑ̌ɑ ŋu pɔɔ jí mɔ́ɔ pɔ́, ndɑꞋ Tɑ̌ɑ jínɛ wɛ́. Ŋu kɛ́ mbɔɔ jí Tɑ̌ɑ pɔ́, ndɑꞋ mɔ́ɔ nɛ jínɛ wɛ́, ḿbɛn ŋ́ɡɛ ŋu ẅí mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.

Ɛ́bɛlʉʉ 11:13

Pɔ́p pɛtsʉʉ kɑ ɡɔ́ ḿpfútɛ ḿbɔ́ ńzɑ́p tʉ́m yɔ́p pɔ nǔu Sɛ́, ŋ́kɛ́ ḿbɛ́t pɔ kɛ́ ɡẅɛɛ yúu mi Sɛ́ kɑ kɑꞋnɛ mbɔ̌ pɔ́p. Lɑ́ pɔ́p kɑ kɛ́ ńtʉ́ʉ ńjʉ́ɔ ɛ́ pɛ́t ŋɡɑ sɛsɑ, nu pɔŋ wɔ́p tɛꞋ, pɔ́p sɑ́ɑnɛ sɑ́ɑnɛ́nɛ ńcú ŋɡɔ pɔ́p ndǔ tsɛ́tsɑ́Ꞌ ḿbɔ́ pɔ pɛɡʉʉ, ḿbɛn ḿbɔ́ pɔ nɛɡwɑ́.

Pʉɔ-Lɔ́mɑ 1:15

Ɛ́ yúu mi ɛ́ ɡɛnɛ lɑ n tsɑ́ɑ nɛtɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ ɡúu, pi pʉʉ tʉ́sɔŋ-Lɔ́mɑ.

ŊwɑꞋnɛ-Gɑŋntúu Yɛ́su Kɛlístɔ 16:10

Pɔ̂l jʉ́ɔ pɔ́Ꞌɔ, pɛk ɡɔ́ɔ ńdɔɔ shʉ́ ŋ́ɡʉ Mɑsɛ́ndwɑn, ḿbɔ́ ńtsuŋ ńjí ŋɡɔ Sɛ́ fúŋnɛ wɛ́k zúꞋu ŋɡɔ pɛk cẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 10:44

Pyɛ̂ pɛ́t ńcú nu cúnɛ, Zẅikŋɛ Lɛ́ɛnɛ́nɛ ńcúŋ, ŋ́kúu nǔu ŋɡɔŋ pʉɔ pɛtsʉʉ pi pɔ́p sɛ́ ńzẅíꞋlɛ nu yí ɑ sɛ́ ńcú.

ŊwɑꞋnɛ-Gɑŋntúu Yɛ́su Kɛlístɔ 8:25

Gɑŋntúu-Yɛ́su ɛ̂pɑ́ pɛ́pɑ́ lɔk nɛsɑ́Ꞌ sẅiŋɛ-Tsɑpʉɔ Sɑmɑlîi ɛ̂wɑ́ ŋ́ɡɛ pɛ́ jí ŋu ẅí Yɛ́su jʉ́, ḿbɛn nzʉʉ nɛ́ Yɛlúsɑlɛm, ńnɛn sɛ̂ndúŋ ńcẅi Ŋkʉʉ Sʉ́Ꞌnɛ tsɛt mɛcɔ́ mɛlɑ́Ꞌ-pɑsɑmɑlîi.

ŊwɑꞋnɛ-Gɑŋntúu Yɛ́su Kɛlístɔ 4:31

Pɔ́p kɑ cɛꞋlɛ Sɛ́ tɛ ḿbɔ́tnɛ ńnɑ́ŋ, zʉꞋ yí pɔ́p kɑ cúꞋlɛ́nɛ zúꞋu tsʉ́Ꞌnɛ. Zẅikŋɛ Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíi nu-Sɛ́ kɛ́ pɔ́k.

ŊwɑꞋnɛ-Gɑŋntúu Yɛ́su Kɛlístɔ 4:8

Zẅikŋɛ Lɛ́ɛnɛ́nɛ jʉ́ Pyɛ̂. A ɡɔ́ɔ ŋ́kɛ́ ńcú ŋɡɔ: «Pɛfɔɔ-lɑ́Ꞌ pɔ́p pɛkɛ́m,

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

1 Pyɛ̂ 4:6

Ɛ́ yúu mi ɛ́ kɑ ɡɛnɛ lɑ pɛ́ cẅi Ŋkʉʉ Sʉ́Ꞌnɛ mbɑ mbɔ̌ pɛpfú. Pɛ́ kɑ cẅi tɛ mbɑ pɑ́Ꞌ Sɛ́ kɑ ŋɑknɛ mbʉʉ yɔp, pɑ́Ꞌ ɑ ŋɑknɛ pʉɔ tsʉʉ, pɔ́p ɡẅɛɛ nɛpfú. Pɔ́p ŋkɔ̂ɔnɛ ŋ́kuꞋ pɑ́Ꞌ ḿbɔ́ pɔ́p pɔ́ nǔu zẅikŋɛ yɔ́p pɔ́p pɛ́ Sɛ́ nɑ́ŋ.