1 Tɛsɑlɔník 3:6 - Kɑɑ Fí

⁶ Lɑ́ ɛ́ nǔu ŋkɔ̂ɔnɛ, mbɔ ɑ fú lɑ́Ꞌ pʉʉ ḿbɛn tɛ ŋ́kúu zɑꞋnɛ. A sẅíi wɛ́k nɛ́ nu nǔu wʉʉ nɛzɑ́p tʉ́m nǔu Sɛ́, nǔu ŋkɔŋɛ yi pʉʉ ɡẅɛɛnɛ, tɛ nu pɔŋ wɛ́k. A sẅíi wɛ́k pɑ́Ꞌ pʉʉ nɑŋnɛ ŋ́kẅíi wɛ́k pɔ sʉ́Ꞌnɛ, mbɑ pɑ́Ꞌ pʉʉ sɛ́ ńtsɑ́ɑ nɛpɛn ńjʉ́ɔ wɛ́k pɑ́Ꞌ pɛk ɡúu sɛ́ ńtsɑ́ɑ nɛpɛn ńjʉ́ɔ wʉ́ʉ.

1 Tɛsɑlɔník 3:6 交叉引用

1 Kɔlɛ̂ŋtɛ 11:2

Ŋ ɡɑ́ mɛtʉʉ mʉ́ʉ pɑ́Ꞌ pʉʉ tʉ́ʉ nǔu mbɑ yɛ́tɛ́ nu ɔɔ, ŋ́kẅíitɛ wɑ́ɑ kẅíitɛ́nɛ lɑ́. Mbɑ pɑ́Ꞌ pʉʉ sɛ́ ńtsuŋ ŋ́kúꞋlɛ mɑt ẅi ŋ kɑ zíꞋnɛ wʉ́ʉ lɑ́.

1 Tɛsɑlɔník 1:3

Pɛk sɛ́ ḿbúꞋ mbɔ́ mbɔ̌ Tɑ̌ɑ wɛkŋɛ Sɛ́ ŋkɑ́ kʉ̈ɔ́ lɑ́, ŋ́kẅíitɛ pɑ́Ꞌ pʉʉ lɔknɛ pɑ́Ꞌ pʉʉ zɑ́pnɛ tʉ́m nǔu Yɛ́su ɛ́fɑꞋ mɛfɑꞋ, ŋ́kẅíitɛ ntɛ́ fɑꞋ yi pʉʉ lɔknɛ ŋkɔŋɛ ɛ́fɑꞋ, ḿbɛn ŋ́kẅíitɛ pɑ́Ꞌ pʉʉ sɛ́ ńzẅíꞋlɛ Tsɑpʉɔ Yɛ́su Kɛlístɔ kɛ́ kɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 18:5

Sílɑs pɔ́p Timɔtɛ̂ɛ ɡɛ ḿbɔ́ tɛ ɛ́fú pɑk-ŋɡɔŋ-Mɑsɛ́ndwɑn ńtɔ́, Pɔ̂l tsʉ́Ꞌ ńníꞋ tú yɛ́ pɔ ndɑꞋ nɛsẅíi nu-Sɛ́, ḿbɔ́ ńniitɛ ŋ́kyɛ́Ꞌtɛ, ɛ́sẅíi pɑyúdɑ ŋɡɔ Yɛ́su pɔ́nɛ Nzɑ́Ꞌŋkʉ ẅi pɔ́p tswɛ́nɛ ḿbyɛ́p.

Filipɛ 1:8

Sɛ́ jí ŋɡɔ ŋ kɔŋ wʉ́ʉ nɛ́ tʉ́m yɑ́ɑ tsʉʉ, ndʉ́ŋndʉŋ pɑ́Ꞌ Yɛ́su Kɛlístɔ.

1 Jɑ̂ŋ 3:23

Nɛpʉ́ʉ nɛ́ ɛ̂nɑ́, ɛ́ pɔ ŋɡɔ: Pɛkŋɛ zɑ́p tʉ́m nǔu Mɔ́ɔ nɛ Kɛlístɔ, ḿbɛn ŋ́ɡẅɛɛ ŋkɔŋɛ tsɛtsɛt pɛkŋɛ, ɛ́ nɛpʉ́ʉ ni Yɛ́su kɑ zɑ́pnɛ ŋɡɔ pɛkŋɛ nɛn nǔu.

Ɛ́bɛlʉʉ 13:7

Pʉʉ kẅíitɛ pʉɔ pi pɔ́p kɑ piitɛ ńtsɑ wʉ́ʉ nǔu sɛ̂ndúŋ-Sɛ́, pʉɔ pi pɔ́p kɑ sẅíinɛ wʉ́ʉ nɛ́ nu-Sɛ́, ŋ́kẅíitɛ ntɛ́ yi pɔ́p kɑ lɔknɛ ńnɑ́ŋ tɛ ńdɑ́Ꞌ ḿpfú, pʉʉ pɛ́ɛ fʉꞋ nǔu yɔp ntɛ́ nɛzɑ́p tʉ́m nǔu Sɛ́.

Ɛ́bɛlʉʉ 13:3

Pʉʉ kẅíitɛ pʉɔ pi pɔ́p ndɑ́tsɑ́ŋ tɛ ɛ́ pɔ́ pɔ pɑ́Ꞌ ŋkɑ́ yi pʉʉ pɛ́pɔ́p tɛmtɛnɛ ḿbɔ́ ndɑ́tsɑ́ŋ lɑ́, ŋ́kẅíitɛ mbɑ pʉɔ pi pɛ́ sɛ́ ńnyɛt wɔ́p nɛ́ ŋɡʉ̈ɔ́Ꞌ pɑ́Ꞌ yi pɛ́ ńnyɛt pɔ wʉ́ʉ nɛ́ ŋɡʉ̈ɔ́Ꞌ lɑ́.

Filɛmɔ̂ŋ 1:5

Ŋ ɡɑ́ pɑ́Ꞌlɑ́ mbɔ̌ wɛ́ mbíꞋŋɡɔ mɔ sɛ́ ńzúꞋ pɛ́ lɛꞋlɛ ntɛ́ ŋkɔŋɛ yí ɔ ɡẅɛɛnɛ nzʉʉ pʉɔ-Sɛ́ mbɑ ntɛ́ yi ɔ lɔknɛ ńzɑ́p tʉ́m yú nǔu Tsɑpʉɔ Yɛ́su Kɛlístɔ.

2 Timɔtɛ́ɛ 1:3

Mɔ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ nǔu tú yú, Sɛ́ ẅi mɔ sɛ́ ŋ́ɡúꞋlɛ nɛ́ tɑ́Ꞌ tʉ́m pɑ́Ꞌ pɛmɑ̂ɑŋɡɑpnjẅɛt pɛk kɑ ɡúꞋlɛ́nɛ yɔ́p lɑ́. Nɛnɛm kɛ nɛtúꞋ ɔɔ, m bɔ́ ḿbúꞋ mbɔ́ mbɔ̌ Sɛ́, mbɔɔ nɑ́ kɛ́ kẅíi lík yú pɔ́.

1 Timɔtɛ́ɛ 1:5

Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.

2 Tɛsɑlɔník 1:3

Pɔ́ɔpɛ́mɑ́, pɛk ɡẅɛɛ nɛɡɑ́ pɑ́Ꞌlɑ́ mbɔ̌ Sɛ́ nǔu tú yʉ́ʉ ŋɡɔŋ ŋkɑ́ tsʉʉ. Ɛ́ pɔŋ ŋɡɔ pɛ́ ɡɛ pɔ́Ꞌɔ, mbíꞋŋɡɔ pʉʉ kɑ́ pɔ́ ŋ́kɑ́ɑ nɛzɑ́p tʉ́m nǔu wɛ́ pɔ́, ḿbɛn ḿbɔ́ ŋ́ɡẅɛɛ ŋkɔŋɛ tsɛtsɛt pʉʉ ńdɔk ŋ́ɡʉ pɔ nɛ́ mbi.

1 Tɛsɑlɔník 2:17

Ɛ́ ɡʉ nǔu pɛk, mbɑ pɔ́ɔpɛ́mɑ́, tɛ fúnɛ pɑ́Ꞌ pɛkŋɛ kɑ fyɑkŋɛ́nɛ, tɛ pɛkŋɛ pɔɔ ḿbɛ́t ńjʉ́ɔnɛ nǔu mɛshʉ́ pɔ́, lɑ́ ŋ́kɛ́ ŋ́ɡẅɛɛ pɔ tɑ́Ꞌ kwɑŋɛ lɑ́, pɛk lɔɔ shʉ́ tɛꞋ nɛpɛn ńtɔ́ pɛkŋɛ jʉ́ɔnɛ nǔu mɛshʉ́, mbíꞋŋɡɔ nji yʉʉ sɛ́ ńzɑ́ŋ wɛ́k tɛꞋ.

1 Tɛsɑlɔník 2:9

Pʉʉ kẅíitɛ pɑ́Ꞌ ɛ́ kɑ pɔ́nɛ ŋkɑ́ yi pɛk kɑ pɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ lɑ́, pɛk pɛn ɛ́fɑꞋ tɛ ŋ́kɑ́ɑ, lɑ ŋ́ɡẅɛɛ yúu kwɛ́tnɛ. Pɛk kɑ pɔ́ ɛ́fɑꞋ nɛnɛm ɛ́fɑ́Ꞌ nɛtúꞋ. Pɛk ŋkɑɑ kɔŋ nɛtsʉ́Ꞌ piꞋ mbɔ̌ wɛcɔ́ ŋu wʉʉ pɔ́.

Kɔlɔsíyɛ̂ŋ 4:18

Pʉʉ jʉ́ɔ cɛꞋlɛ yi mɔ Pɔ̂l, n dɔknɛ kwɑꞋ pɔ́ yɑ́ɑ ŋ́ŋwɑꞋnɛ. Kɔɔ pʉʉ likŋɛ ŋɡɔ mɔ ndɑ́tsɑ́ŋ. Mbɔtnɛ-Sɛ́ pɔ́ nɛ́ pʉʉ pɛtsʉʉ!

Kɔlɔsíyɛ̂ŋ 1:4

mbíꞋŋɡɔ pɛ́ kɑ sẅíi wɛ́k nɛ́ ntɛ́ yi pʉʉ sɛ́ ńdɔk ńzɑ́p tʉ́m nǔu Yɛ́su Kɛlístɔ mbɑ ntɛ́ yi pʉʉ sɛ́ ńdɔk ŋ́kɔŋ pʉɔ-Sɛ́ pɛtsʉʉ.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

1 Kɔlɛ̂ŋtɛ 13:13

Pɛkŋɛ lɔk pɑ́Ꞌɑ ńjʉ́ɔ ŋɡɔ yúu mi ɛ́ ɡʉ ńdɑ́Ꞌ ḿbɔ́ pɔ ɡú ɛ́ yɛ́tɑ́t: «Yɔ nɛzɑ́p tʉ́m nǔu Sɛ́, yɔ pɔ́ nɛnɑ́ŋ ḿbɔ́ ńzẅíꞋlɛ yúu mbɔ̌ Sɛ́, ŋ́ɡɛ nɛkɔŋ ŋumɛsɔŋ.» Lɑ́, tú yi ɡwɛ́ nǔu mɛyúu mɔnɛ mɛ́ntɑ́t ɛ́ pɔ́ pɔ nɛkɔŋ ŋumɛsɔŋ.

ŊwɑꞋnɛ-Gɑŋntúu Yɛ́su Kɛlístɔ 18:1

Yɔ nu lɛɛ, Pɔ̂l fú tʉ́sɔŋ-Atɛ̂n ŋ́ɡʉ nɛ́ tʉ́sɔŋ-Kɔlɛŋntɛ,

ŊwɑꞋnɛ-Gɑŋntúu Yɛ́su Kɛlístɔ 16:1

Pɔ̂l ɡʉ tɛ ŋ́kúu tʉ́sɔŋ-Ndɛlbɛ, ŋ́ɡɛ ɛ́fú zúꞋu ńdɔk wɛ Listɛlɛ. Wɛcɔ́ ŋu-Kɛlístɔ pɔ́ zúꞋu, pɛ́ fúŋ wɛ́ ŋɡɔ Timɔtɛ̂ɛ. Mɑ́ wɛ pɔ́ mɔ́ɔ-Yúdɑ, mbɔ ɑ kɑ pɛ́m mɔ nu-Yɛ́su. Mbɔ tɑ́t wɛ ḿbɔ́ ŋu-Ŋɡɛlɛk.

1 Tɛsɑlɔník 3:7

Pɔ́ɔpɛ́mɑ́, pɛk zúꞋ pɔ́Ꞌɔ, mɛnu zɛɛ ḿbɔ́ ɛ́fyɛ́t wɛ́k fyɛ́tnɛ, pɛk zɛɛ ḿbɔ́ ńjʉ́ɔ pɔ ŋɡʉ̈ɔ́Ꞌ lɑ́, nu yʉ́ʉ mbɑ wʉʉ nɛzɑ́p tʉ́m nǔu Sɛ́ níꞋ mɛtʉʉ mɛ́k níꞋnɛ.