1 Kɔlɛ̂ŋtɛ 15:47 - Kɑɑ Fí

⁴⁷ Sɛ́ kɑ tsʉ́Ꞌ nɛpɔ́ɔ nduŋmbi ŋumɛsɔŋ, ńdɔk tsɛ́tsɑ́Ꞌ ḿbɔ́ɔ wɛ́. Ẅîwɑ́ ŋu lɔk pɔ́Ꞌɔ, ɛ́fú ndǔ tsɛ́tsɑ́Ꞌ, lɑ́ ŋu mbɑ́ɑtɛ yɛ́pɑ́ fú pɔ tʉ́nɛ́pú.

1 Kɔlɛ̂ŋtɛ 15:47 交叉引用

Jɑ̂ŋ 3:31

Ŋu ẅí ɑ fúnɛ tʉ́nɛ́pú, ɑ lɛɛ pʉɔ pɛtsʉʉ. Ŋu ẅí ɑ ndǔ tsɛ́tsɑ́Ꞌ ɑ ŋu-tsɛ́tsɑ́Ꞌ, ḿbɛn ńcú nu pɔ nǔu mɛnu mí ɛ́ ndǔ tsɛ́tsɑ́Ꞌ. Lɑ́, ŋu ẅí ɑ fúnɛ tʉ́nɛ́pú ɑ lɛɛ pʉɔ tsʉʉ.

2 Kɔlɛ̂ŋtɛ 5:1

Pɛk zɛɛ ḿbɔ́ ńjí ŋɡɔ ntɑp wɔ ẅi pɛkŋɛ tsɛtú, ɛ́ pɔ́ mbʉʉ yɛkŋɛ lɑɑnɛ, ɛ́ lɑɑ ńzɛɛ ḿbɔ́ yɛcɔ́ lɛ́Ꞌ ŋ́kɛmɛ kɛmɛ́nɛ, mbɔ pɛkŋɛ ɡẅɛɛ ndɑ́ tʉ́nɛ́pú, ɛ́ pɔ́ yi ɛ́ ɡʉ ńdɑ́Ꞌ ḿbɔ́ pɔ ɡú. Pʉɔmɛ́sɔŋ ŋkɑɑnɛ pɔ́ɔ, Sɛ́ kɑ pɔ́ɔnɛ.

1 Kɔlɛ̂ŋtɛ 15:45

Ɛ́ yúu mi ɛ́ kɑ ɡɛnɛ pɛ́ ŋwɑꞋnɛ ŋɡɔ Ádɑm ẅí ɑ kɑ pɔ́nɛ nduŋmbi ŋumɛsɔŋ, Sɛ́ kɑ ɡɛ lɑ ɑ pɔ́ ɡú, lɑ́ ndẅiknzʉʉ Ádɑm tɔ́ ḿbɔ́ pɔ Zẅikŋɛ yi ɛ́ ŋ́ɡɛ pɛ́ pɔ́ ɡú.

Lúkɑ́shi 2:11

Pɛ́ lɛ́ tʉ́sɔŋ-fɔɔ Ndɑvît lɔ́Ꞌnɛ, ḿbí ŋu ẅi ɑ ɡɛ ŋ́ɡɛ pʉʉ luk. A Kɛlístɔ, ḿbɔ́ Tsɑpʉɔ ẅi Sɛ́ kɑ kɑꞋnɛ.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

ŊwɑꞋnɛ-Gɑŋntúu Yɛ́su Kɛlístɔ 10:36

Sɛ́ kɑ túu sẅiŋɛ yɛ́ mbɔ̌ pɔ́ɔ-Íslɑyɛ̂l. Ɛ́ pɔ́ Ŋkʉʉ Sʉ́Ꞌnɛ, ńcú nu nǔu mbɔ́tnɛ yí pɛ́ lɛɛnɛ nǔu Yɛ́su Kɛlístɔ ẅí ɑ Tsɑpʉɔ-pʉɔ tsʉʉ ŋ́ɡẅɛɛ.

Jɑ̂ŋ 6:33

«MbíꞋŋɡɔ yúujʉ́ pi ɛ́ fúnɛ mbɔ̌ Sɛ́, ɑ ŋu ẅí ɑ fúnɛ tʉ́nɛ́pú ńcúŋ, ŋ́ɡɛ pʉɔmɛsɔŋ ndǔmbí ɡẅɛɛ kwɑꞋ luk.»

Mɑtʉ̈ɔ 1:23

«Pɛ́ ɡʉ ńdɑ́Ꞌ ŋ́ɡɔ́ ńjʉ́ɔ, mɔ́ɔŋɡɔɔ pɛ́t kɛ́ jí ŋu mbɛ́ɛnɛ ḿbɔ́ shǔutɛ, ḿbí mɔ́ɔ mbɛ́ɛnɛ, pɛ́ cẅi lík yɛ́ ŋɡɔ Ɛmɑ́nwɛ̂l, ɛ́ lɔk ńcú ŋɡɔ Sɛ́ tsɛtsɛt pɛkŋɛ.»

1 Kɔlɛ̂ŋtɛ 15:46

Pɛ́ kɑ́ pɔ́ ḿbiitɛ ńjʉ́ɔ pɔ mbɑp-mbʉʉ yi ɛ́ fúnɛ mbɔ̌ Zẅikŋɛ yi ɛ́ ɡɛnɛ pɛ́ pɔ́ ɡú pɔ́, pɛ́ piitɛ ńjʉ́ɔ pɔ mbɑp-mbʉʉ-ŋumɛsɔŋ. Mbɑp-mbʉʉ yi ɛ́ fúnɛ mbɔ̌ Zẅikŋɛ ɡɛ ḿbɑ́ɑtɛ tɛ ḿbɔ́ ɡú.