1 Kɔlɛ̂ŋtɛ 14:15 - Kɑɑ Fí

¹⁵ Tɛ ɛ́ pɔ́Ꞌɔ, pɑ́Ꞌɑ ḿbɔ́ ŋ ɡɛ ŋɡɔ́ku? N jʉ́ɔ ŋɡɔ ŋ ɡʉ ńcɛꞋlɛ Sɛ́ nǔu ntɛ́ yi Zẅikŋɛ-Sɛ́ ńtsʉ́ʉnɛ́nɛ wɑ́ɑ ŋɡɔ n cɛꞋlɛ pɔ́Ꞌɔ, lɑ́ ḿbɛn ńcɛꞋlɛ nǔu ntɛ́ yi ḿbɔ́ ŋu zúꞋ nu yi n cúnɛ. Ŋ ɡʉ ńzɔp ŋki nǔu ntɛ́ yi Zẅikŋɛ Sɛ́ ńtsʉ́ʉnɛnɛ wɑ́ɑ ŋɡɔ n zɔp pɔ́Ꞌɔ, lɑ́ ḿbɛn ńzɔp nǔu ntɛ́ yi mbɔ ŋu zúꞋ yúu mi zɔp cúnɛ,

1 Kɔlɛ̂ŋtɛ 14:15 交叉引用

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

Ɛ́fɛ̂zɛ 6:18

Pʉʉ pɔ́ ŋkɑ́ tsʉʉ ḿbɔ́ ḿbúꞋ mbɔ́ mbɔ̌ Sɛ́, ḿbɔ́ ḿbúꞋ pɔ́Ꞌɔ nǔu mɛntɛ́ tsʉʉ, pɑ́Ꞌ Zẅikŋɛ ɡʉ ḿbɔ́ ńnyɛt wʉ́ʉ ŋɡɔ pʉʉ ɡɛ pɔ́Ꞌɔ. Kɔɔ pʉʉ ḿmɛꞋ jínu, pʉʉ púꞋ mbɔ́ mbɔ̌ Sɛ́ nǔu tú-pʉɔ-Sɛ́ pɛ́tsʉʉ.

Jẅidɛ 1:20

Lɑ́ ŋ́ɡʉ nǔu pʉʉ mbɑ̌ɑ pɛsúu pɑ́ɑ pɛ́ tʉʉndɛn, pʉʉ kẅiꞋ ńnɛn pɔ nǔu sẅiŋɛ yi pɛ́ kɑ zíꞋnɛ wʉ́ʉ ɛ́ fú mbɔ̌ Sɛ́ pʉʉ pɛ́m lɑ́. Pʉʉ lɔk mɛtʉʉ-Zẅikŋɛ Lɛ́ɛnɛ́nɛ ńcɛꞋlɛ Sɛ́.

1 Kɔlɛ̂ŋtɛ 14:19

Lɑ́ ɛ́ ɡʉ ŋkɑ́ yi mɔ tsɛt cúꞋlɛ-pʉɔ-Kɛlístɔ, ŋ kɔŋ nɛcú nu mɛtú mɛ́ntɑɑ ɛ́ pɔ́ yi pɛ́ ɡʉ ńzúꞋ, ńjí ŋɡɔ n dɔk pɔ́Ꞌɔ ńzíꞋ pʉɔ nɛ́ yúu, ńdɛɛ nɛcú nu mɛtú ntsɑ́Ꞌ nɛɡɛ́m ɛ́ pɔ́ yi pɛ́ kɑ́ pɔ́ zúꞋ pɔ́.

1 Kɔlɛ̂ŋtɛ 10:19

N dɔk pɑ́Ꞌɑ ńcú ŋɡɔ kʉ̈ɔ́ nǔu mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́? Mbɑp ɛ̂yɑ́ zɛɛ ɛ́fɑꞋ yɛcɔ́ fɑꞋ? Mɛsɛ́ ɛ̂mɑ́ zɛɛ ḿbɔ́ ɡú?

Pʉɔ-Lɔ́mɑ 3:5

Ḿbɔ́ pɛcɔ́ pʉɔ cú ŋɡɔ: «Mɛnu kɛpɔŋ mi pɛkŋɛ fʉꞋnɛ nɛɡɛ pʉɔ jí ŋɡɔ Sɛ́ ndʉ́ŋndʉŋ, mbɔ pɛkŋɛ ɡʉ ńtsɔ́Ꞌ mbɔ̌ pɔ́p ŋɡɔ kʉ̈ɔ́? Pɛkŋɛ ɡʉ ńcú ŋɡɔ Sɛ́ pɔ́ tɛ ḿbɔ́ ńníꞋ ŋɡʉ̈ɔ́Ꞌ tú pɛkŋɛ ntɛ́ mɛfʉꞋnɛ mɛnu mɛkŋɛ, kɑ́ lɔknɛ ḿbɔ́ ndʉ́ŋndʉŋ pɔ́ kɛkʉ̈ɔ́?» N cú pɑ́Ꞌɑ pɔ́ nu yi pʉɔmɛsɔŋ sɛ́ ńcú.

Pʉɔ-Lɔ́mɑ 1:9

Mbɑ ŋkɑ́ kʉ̈ɔ́ lɑ́ yi mɔ sɛ́ ḿbúꞋ mbɔ́ mbɔ̌ Sɛ́, m bɔɔ nɑ́ kɛ́ kɛ́ ŋ́kẅíitɛ wʉ́ʉ pɔ́. Sɛ́ sɛ́ ńjí pɔ́Ꞌɔ. N cú pɑ́Ꞌɑ ḿbɔ́ ŋu ẅí ɑ sɛ́ fɑꞋ fɑꞋ yɛ́ nɛ́ ŋɡɔŋ tʉ́m yɛ́ tsʉʉ, ḿbɔ́ ńcẅi Ŋkʉʉ Sʉ́Ꞌnɛ ẅí ɛ́ líŋɛ́nɛ Mɔ́ɔ nɛ.

Filipɛ 1:18

Nu ɡʉ ńzɑ́ŋ wɑ́ɑ mɛlɑ́Ꞌ kʉ̈ɔ́? Ŋu lɑɑ ḿbɔ́ ɛ́sẅíi nu-Kɛlístɔ, ńdɔk kwɑŋɛ sʉ́Ꞌnɛ kɛ kwɑŋɛ kɛpɔŋ ɔɔ, mbɔ ɛ́ kɑ́ pɔ́ lɔ́Ꞌ pɔ́, nu pɔ́ pɔ ŋɡɔ ɑ sẅíi nu-Kɛlístɔ. Tʉ́m yɑ́ɑ ɡʉ ńtsɑ́ɑtɛ tsɑ́ɑtɛ́nɛ, ŋ́kɛ́ ńdɑ́Ꞌ ńjúk ńtsɑ́ɑtɛ tsɑ́ɑtɛ́nɛ nǔu.

Pʉɔ-Lɔ́mɑ 8:31

Mbɔ pɛkŋɛ pɛn ŋ́kẅiꞋ kʉ̈ɔ́ nǔu nu yi pɛkŋɛ cúnɛ lɑɑ? Pɑ́Ꞌ Sɛ́ lɑɑ ḿbɔ́ nǔu yɛkŋɛ ɡúŋ, mbɔ wɔ̌ pɛn ŋ́kuꞋ nǔu pɛkŋɛ?

ŊwɑꞋnɛ-Gɑŋntúu Yɛ́su Kɛlístɔ 21:22

Ɔ pɑ́Ꞌɑ ŋ́ɡɛ ŋɡɔ́ku? Pɔ́p kɛ́ jí ŋɡɔ ɔ tɔ́ tɛ ḿbɔ́ zɑꞋnɛ pɔ́ ɔɔ?

1 Kɔlɛ̂ŋtɛ 14:14

mbíꞋŋɡɔ n dɑɑ ńtsʉ́Ꞌ nɛcɛꞋlɛ Sɛ́, ńdɔk sẅiŋɛ yi pɛ́ kɑ́ pɔ́ ńjí pɔ́, mbɔ mɔ sɛ́ ńdɔk zẅikŋɛ yɑ́ɑ ńcɛꞋlɛ Sɛ́ lɑ́ ŋ́kɛ́ ḿbɔɔ ḿbɔ́ ńzúꞋ nu yi mɔ sɛ́ ńcú pɔ́.

1 Kɔlɛ̂ŋtɛ 14:26

Pɔ́ɔpɛ́mɑ́ pɑ́ɑ pɑ́Ꞌ ɛ́ pɑ́Ꞌɑ lɑɑ pɛkŋɛ ɡɛ ŋɡɔ́ku? Pʉʉ lɑɑ ḿbɔ́ tɛ ńcúꞋlɛ, ŋu wʉʉ ɡẅɛɛ zɔp ŋki ɑ zɔp, ŋu ɡẅɛɛ yúu mi ɑ ɡʉ ńzíꞋ pɛcɔ́ pʉɔ, ɑ zíꞋ, ŋu ɡẅɛɛ yúu mi Sɛ́ sɛ́ ńnyɛt wɛ́, ɑ cú, ŋu ɡẅɛɛ nu yí ɑ ɡʉ ńcú nɛ́ sẅiŋɛ yi pɛ́ kɑ́ pɔ́ ńjí pɔ́ ɑ cú, ŋu ɡẅɛɛ nɛkyɛ́Ꞌtɛ ɑ kyɛ́Ꞌtɛ. Lɑ́ ɛ́ sɛ́ ḿbíkŋɛ ŋɡɔ mîmɑ́ mɛyúu tsʉʉ cẅɛ́lɛ́ nɛlɔk ŋ́ɡɛ cúꞋlɛ-pʉɔ-Kɛlístɔ tsʉʉ kẅiꞋ ńzɑ́p tʉ́m nǔu Sɛ́.

Jɑ̂k 5:13

Ŋu wʉʉ lɑɑ ḿbɔ́ ńjʉ́ɔ ŋɡʉ̈ɔ́Ꞌ, ɑ púꞋ mbɔ́ mbɔ̌ Sɛ́. Ŋu lɑɑ ḿbɔ́ ńtsɑ́ɑtɛ ɑ zɔp mɛzɔpŋki ńdɔk ŋ́ɡúꞋlɛ Sɛ́.