1 Kɔlɛ̂ŋtɛ 11:22 - Kɑɑ Fí

²² Pʉʉ kɑ́ ɡẅɛɛ mɛndɑ́ mʉ́ʉ nɛnɑ́ŋ zúꞋu ŋ́kwɛ́t ḿbɛn ńnɔ́ pɔ́ kii? Kɛ pʉʉ kɔŋ pɔ nɛlɔk sʉ́ʉ ŋ́kɔ́ pʉɔ pi pɔ́p kɑ́ ɡẅɛɛ yúupɛ́jʉ́ pɔ́, ńdɔk pɔ́Ꞌɔ ŋ́ɡwɑ́k cúꞋlɛ-pʉɔ-Kɛlístɔ? Pʉʉ lɔɔ ŋɡɔ n cú mbɔ̌ pʉʉ ŋɡɔ kʉ̈ɔ́? Ŋɡɔ ŋ ɡɑ́ pɑ́Ꞌlɑ́ mbɔ̌ pʉʉ? Ŋɡɑ́ŋ! KwɑꞋ nɛ́nẅín, m bɔ́ mbɔɔ ɡɑ́ pɑ́Ꞌlɑ́ mbɔ̌ pʉʉ pɔ́.

1 Kɔlɛ̂ŋtɛ 11:22 交叉引用

ŊwɑꞋnɛ-Gɑŋntúu Yɛ́su Kɛlístɔ 20:28

Pʉʉ pɑ́ɑ yʉ́ʉ tú kwɑꞋ sʉ́Ꞌnɛ, ḿbɛn ḿbɑ́ɑ yɛ nɔɔ-mɛnjinjɔ mi Zẅikŋɛ-Sɛ́ kɑ níꞋnɛ mbɔ̌ pʉʉ ŋɡɔ pʉʉ pɔ́ ḿbyɛ́p. Pʉʉ líŋɛ cúꞋlɛ-pʉɔ-Sɛ́ sʉ́Ꞌnɛ. Jʉ́ ẅi ɑ lɛɛnɛ nǔu mɛci-Mɔ́ɔ nɛ ŋ́ɡɛ cúꞋlɛ ɛ̂yɑ́ tsʉ́Ꞌ pʉɔ pɛ́.

1 Kɔlɛ̂ŋtɛ 10:32

Kɔɔ pʉʉ ɡɛ yúu mi ŋu-Yúdɑ kɛ ŋu-Ŋɡɛlɛk ɔɔ, kɛ ŋu-cúꞋlɛ-pʉɔ Sɛ́ ɔɔ, ɡʉ kɔɔtɛ nǔu ḿvu sɛ́.

1 Timɔtɛ́ɛ 3:15

nɛpɔ́ yi n dɑɑ mbɔɔ fɛ́Ꞌnɛ ńtɔ́ pɔ́, ɔ fúŋ yɔ ŋwɑꞋnɛ, ńzúꞋ pɑ́Ꞌ pʉɔ-Sɛ́ ɡẅɛɛnɛ nɛnɛn pɔ́Ꞌɔ, tsɛt cúꞋlɛ-pɔ́ɔ-Sɛ́. Yîyɑ́ cúꞋlɛ pɔ́ yi pʉɔ-Sɛ́ ẅi ɑ ntʉʉ. CúꞋlɛ ɛ̂yɑ́ tík ntɔ́ɔ nǔu nu nɛ́nẅín pɑ́Ꞌ ntɔ́ɔ-ndɑ́.

1 Timɔtɛ́ɛ 3:5

Ŋu lɑɑ ńzɛɛ mbɔɔ jí nɛlíŋɛ njɛ́Ꞌ yɛ pɔ́, ɑ líŋɛ cúꞋlɛ-pʉɔ-Sɛ́ ŋɡɔ́ku?

1 Kɔlɛ̂ŋtɛ 11:17

Yɛcɔ́ nu pɛn ḿbɔ́ Sɛ́ yi ŋ ɡʉ ńcú nu nǔu ŋkɔ̂ɔnɛ. Ɛ́ pɔ́ yi pʉʉ sɛ́ ŋ́ɡɛ ɛ́ pɔɔ ḿbɔŋ wɑ́ɑ pɔ́. Pʉʉ sɛ́ ŋ́kúu mɛcúꞋlɛ mʉ́ʉ, ɛ́ tsʉ́Ꞌ yi nu sʉ́Ꞌnɛ lɑ́Ꞌnɛ ḿbɔ́ ŋ́ɡʉ ńcẅɛt zúꞋu lɑ́, yi kɛpɔŋ cẅɛtnɛ.

1 Kɔlɛ̂ŋtɛ 11:2

Ŋ ɡɑ́ mɛtʉʉ mʉ́ʉ pɑ́Ꞌ pʉʉ tʉ́ʉ nǔu mbɑ yɛ́tɛ́ nu ɔɔ, ŋ́kẅíitɛ wɑ́ɑ kẅíitɛ́nɛ lɑ́. Mbɑ pɑ́Ꞌ pʉʉ sɛ́ ńtsuŋ ŋ́kúꞋlɛ mɑt ẅi ŋ kɑ zíꞋnɛ wʉ́ʉ lɑ́.

1 Kɔlɛ̂ŋtɛ 15:9

mbíꞋŋɡɔ mɔ tsɛtsɛt ɡɑŋntúu ḿbɔ́ wɛ nzʉʉ. N zɛɛ ŋ́kɛ́ mbɔɔ kuꞋ nɛpɔ́ yi mbɔ pɛ́ fúŋ wɑ́ɑ nɛ́ ŋɡɑŋntúu pɔ́, mbíꞋŋɡɔ ŋ kɑ nyɛt cúꞋlɛ-pʉɔ Sɛ́ nɛ́ ŋɡʉ̈ɔ́Ꞌ.

1 Kɔlɛ̂ŋtɛ 11:34

Nji lɑɑ ḿbɔ́ ńzɑ́ŋ ŋu, ɑ ɡɔ́ ɛ́fú njɛ́Ꞌ yɛ́, ḿbiitɛ ńjʉ́ yúu, nɛpɔ́ yi pʉʉ kɛ́ ɡʉ zʉꞋ yi pʉʉ cúꞋlɛ́nɛ zúꞋu, ɛ́fúŋ pɔ ntsɑŋ yi Sɛ́ ɡʉ ŋ́ŋɑk wʉ́ʉ ŋɑknɛ pɔ́. Ɛ́ ɡʉ nǔu mɛcɔ́ mɛnu, mbɔ mɔ ŋ́ɡɛ ńtɔ́ lɑ niitɛ.