Yohana 21:15 - Dadiya NT

¹⁵ Ja dɨɨ jatǝm jǝjalǝn kumsʌli, nǝngɔ Yesu a bʌ Saminu Bitrus gɔ, “Saminu bʊla Yohanaɨ, mʊ swɨ ɨ lɛ a laa tangǝn kambɔ ka?” Nǝngɔ Bitrus a jǝla gǝn gɔ, “Ɔɔ, Tɛlalɔ, ń nyǝm mǝ swɨ ń nɛ.” Nǝngɔ Yesu a sʊwa gǝn gɔ, “Ja nǝn kwamɨtɨn mǝndɨ.”

Yohana 21:15 交叉引用

Roma 15:1

Bǝn nɨ bǝ kwam a nǝtǝm bɨlǝngkɛlɨ, bɛ bǝ do tuulogɔ, bǝ tɨka nǝb nɨ a kwam bɔ a nǝtǝm bɨlǝngkɛlɨ. Bǝ maa nyɔ sǝ bǝ fulo jim nǝl, ke bɔ dul bǝn.

1 Yohana 4:19

Bǝ nʊng swɨtǝm, jʊ a bwɨɨ nǝn gɔ a tǝl swɨtǝm bǝnɨ.

1 Bitrus 1:8

Jǝ́ kuwo gǝn bɔ wo sul, jǝ́ swɨ gǝn nɛ. Jǝ́ kuwo gǝn bɔ kǝngkɔ sul, jǝ́ nǝ bɨlǝngkɛl a daa gǝ woi, n kɛl dul jʊ nɨ jǝ́ maa fulotǝm nǝl lɛ dangǝnɨ, wʊnɨ a laa laaɨ kwaan sʊwatǝmɨ.

Afisa 6:24

Bɛ lǝmagɔ a ta tʌgo gwanggwang a nǝb nɨ swɨ Tɛlalɔ bǝn Yesu Kiristi lɛɨ nǝn swɨtǝm nɨ mɨ dɨtǝm woi.

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

1 Yohana 5:1

Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.

Yohana 16:27

Tɛtɛ swɨ jen nɛ nǝn dul gǝn, jʊ a bwɨɨ jǝ́ swɨ ɨ lɛ, jǝ́ nǝ bɨlǝngkɛl lɛ jengɔ mǝ jel a daa Kwaama woi.

1 Bitrus 2:25

Galɨgǝn, jǝ́ lɛla lɛlaɨ na kwamɨtɨn. Kǝngkɔ jǝ́ yǝla jǝ́ bɛ a daagɔ Nǝ tɔɔtǝmɔ woi, nʊ nɨ kɨla kʊlɨtɨn jenɔ lɛɨ.

Ibranii 4:13

Mɨ kaa jǝ fwaltǝm nɨ wo wuu Kwaama gǝm lɛɨ. Kanjǝlɔ gwam gǝ na a talɨ. Ja mɨɨl gǝn a nu nʊ nɨ bǝ kiyo jʊ lɛ bǝ maaɨ a kǝga gǝnɨ.

Luka 22:32

N maa mʊn keli Bitrus, kage nǝtǝm bɨlǝngkɛl mʊnɔ yal. Na ń yǝla ń bɛɨ, bɛ ń kʊʊ kɛtǝlam mʊnɔ gǝm nǝl.”

Ibranii 13:20

Bɛ Kwaama nɨ nǝ yɨm kwamɨgǝn nɛɨ, wʊnɨ a gung Tɛlalɔ bǝn Yesu a bwaaɨ, gʌleng nǝ tɔɔtǝm kwamɨ nɨ a gola tʊʊm nɨ nʊng swatǝm yaa nɨ lɛ mɨ dɨtǝm woi,

Roma 14:1

A dul nʊ nɨ nǝtǝm bɨlǝngkɛl gǝnɔ a kwam bɨɨ, bɛ jǝ́ yo gǝn kangɔ yo yo. Ka jǝ́ gʊbka lɛ a dul jʊ nɨ nǝl gǝnɔ swɨ lɛɨ.

Matta 16:17

Nǝngɔ Yesu a sʊwa gǝn gɔ, “Saminu bʊla Yunanaɨ, bɛ Kwaamagɔ a nǝ ń bwili. Ke bɔ nǝfili a nǝ ń kwaan nyǝmtǝm jʊ nɨɨ, Tɛtɛ mɨ nɨ a kwamaɨ nǝn gɔ a nʊng ń nɨ.

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.

1 Bitrus 2:2

Kanga bɛtɔ fetʌnɔ swɨ mwɛ yʊl lɛɨ, jen tʌjen bɛ jǝ́ swɨ kɛl Kwaamaɨ nyangǝn, sǝ jǝ́ dʊʊl nǝn, sǝ a yɔ nǝn jen a nyatǝm bʊʊtǝm.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Yohana 21:12

Nǝngɔ Yesu a sʊwa ji gɔ, “Jǝ́ bɛ ba jǝ́ ja jǝjalǝn kumsʌlɔ.” A mʊgɔ bɛtɔ mɛlalɨ gǝnɔ gǝm, mɨ nʊ nɨ wo a bɨ nǝl a bʌ gǝn gɔ, gǝ nǝn nuwoi, jʊ a bwɨɨ jǝ nyǝm gɔ nǝn Tɛlalɔ.

Yohana 21:7

Nǝngɔ bwɛ mɛlalɨ nɨ Yesu swɨ lɛɨ, a sʊwa Bitrus gɔ, “Nǝn Tɛlalɔ!” Saminu Bitrus a nyʊwa gɔ, “Nǝn Tɛlalɔɨ,” nǝngɔ a do bɛllɛ gǝnɔ a malɨ. A kwama gɔ mɨ nǝn bɛllɛ a bʊtɔ. Nǝngɔ a gun a mɔ a mʊgɔ mwɛɨ.

Matta 18:10

“Bɛ jǝ́ nyǝm, ka jǝ́ soga lɛ kaa win a mʊgɔ bɛtɔ dwalǝn nɨ, jʊ a bwɨ mǝ sʊwa jen jʊ nɨ lɛɨ, bɛtɔ twama jinɔ a dʌbʌl kwamaɨ, kwangkwang jǝ dʌng kǝga Tɛtɛ mɨɨ nɨ lɛ a dʌbʌl kwamaɨ. [

Afisa 4:14

Bɛ ka bǝ yǝlam lɛ na bɛtɔ fetʌn, wʊnɨ jǝ yǝla ji lɛ nǝn kwanɨ, a golantɨn mɛlalɨ jǝbɔ bʌtʌm sowi nǝfitʌmi a gola yʊlan fɛkalɨ jin.

1 Korinti 8:11

A gola nyǝmtǝm mʊnɔ nɨ, mʊ kal kal kɛ nɨ nǝlɔ a bɨ bɨɨ, wʊnɨ Kiristi a bʊla a kɛl dul gǝnɨ!

Yohana 8:42

Yesu a sʊwa ji gɔ, “Na na Kwaama nǝn Tɨya jeni, na jǝ́ swɨ ɨ lɛ, jʊ a bwɨɨ mǝ jel a daa gǝ woi, kǝngkɔ mǝ wɔ. Ke bɔ mǝ mǝ bɛ nǝn kang mɨɨ. Nǝn Kwaama a twam ɨɨ.

Markus 14:29

Nǝngɔ Bitrus a sʊwa gǝn gɔ, “Na pʌd jinɔ jǝ mwala mwala ja bǝla ńɨ, a mǝndɨ mɨsɔ mǝ mwal lɛ.”

Luka 12:32

“Nǝbam mɨ, ka jǝ́ nyʊwa lɛ taal. Tɨya jen nyʊwa lǝma lɛ a nǝ jen fɔlɔn gǝnɔ.

Matta 10:37

“Nʊ nɨ a swɨ nyɨya gɔ jǝbɔ tɨya gɔ a laa ɨ, a la bɔ a yǝlam a mɨ. Nʊ nɨ a swɨ bʊla gɔ jǝbɔ bwɛnɔɔlɨ gǝnɔ a laa ɨ, a la bɔ a yǝlam a mɨ.

Yohana 13:37

Nǝngɔ Bitrus a sʊwa gǝn gɔ, “Tɛlalɔ, n wɛ bwɨ mɨsɔ mǝ dwal lɛ n bwang mʊn kǝngkɨɨ? Mǝ nǝ nǝ kʊlɨ mǝndɨ a kɛl dul mʊ.”

Yohana 1:42

Nǝngɔ a yɔ nǝn Saminu a daagɔ Yesu woi. Yesu a dʌng gǝn, nǝngɔ a sʊwa gǝn gɔ, “Mɔ nǝn Saminu bʊla Yohanaɨ. Ya jǝ jo ń gɔ Kefas.” Dun nɨ win jǝbɔ Bitrus, gǝ nʊng “Tɛl.”

Matta 26:35

Nǝngɔ Bitrus a jǝla gǝn gɔ, “Na jǝ jʌ i jʌ i jǝbɔ mʊɨ, mɨsɔ mǝ kana nyǝmtǝm mʊnɔ lɛ wo.” Nǝngɔ tangǝn bɛtɔ mɛlalɨgɔ a jǝla nyɨɨ.

Matta 26:33

Nǝngɔ Bitrus a jǝla gǝn gɔ, “Na gwam jǝ mwal mwal ja bǝla ńɨ, mɨsɔ mǝ bǝla ń nɛ.”

Maajɨ Bɛtɔ Twamagɨɨ 20:29

“N nyǝm na n shui, kaam bwɨlang bangashɨtɨn dɔ dɔ a kʊm jen. Mɨsɔ jǝ bǝla kʌmɔ lɛ.