17 Nʊ nɨ a nyǝm jʊ nɨ a bʊm gǝ maa lɛɨ, a kɔ maatǝmɨ, a yǝlam gǝm bwɨlangkɛl.
Nǝngɔ Yesu a sʊwa ji gɔ, “Na na jǝ́ jǝla jǝ́ kululʌmi, na mɨ jen nǝn bwɨlangkɛl. A sʊwatǝm jenɔ jengɔ jǝ́ kuwo daagɔ lɛɨ, bwɨlangkɛl jenɔ a dul jen.”
Kǝngkɔ jǝ́ nyǝm kanjǝl nɨɨ, jǝ́ nya nya bwili na jǝ́ maa jii.
Na na mǝ bɛ bɔ ba n sʊwa ji kɛlɨ, na mɨsɔ jǝ nyǝm lɛ gɔ ji nǝn bwɨlangkɛl. Kǝngkɔ mɨ ji nǝn tatǝm fɨɨ a bwɨlangkɛl jinɔ gǝm.
A laa jim jǝl na ja nyǝm bɔ gola dǝngdǝngɔ wo nǝn tɨkǝgaɨ, na nǝn gul ja nyǝmɨ nǝngɔ la ja yǝla ja bǝla diil sagsag wʊnɨ ja nǝ jii.
Nǝb nɨ a kwɛl a nyǝm diil Kwaamaɨ nɨ a sʊwa gɔ, nǝb nɨ maa kanjǝl nɨ lɛɨ, bʊmǝn jinɔ n bwaa. Ke bɔ tɨtǝm nǝn maatǝm kanjǝl nɨ kwaagɔ, jǝ bwa nǝb maatǝmɔ gǝm guu tag.
Jʊ nɨ n jǝ nyaɨ, nǝn gɔ a bɛ mɨ nǝn bwaaɨ ka? Ɔ ɔ, mɨ nyɔ! N bwɨlangkɛl a bɛ mɨ nǝn bwaa a gola diil nyaɨ, sǝ a nʊng dul gǝnɔ gɔ gǝ bwɨlangkɛl. A gola diil nɨ tagɨ, bwɨlangkɛlɔ a nʊng bwɨlatǝm gǝnɔ dangǝn.
