Yahuza 1:4 - Dadiya NT

⁴ Kaam nǝb a sʊlam a dɔ kʊm jen, nǝbɔ ja maa mʊlalɨ galɨgǝn a dul jii, ja kwɛl ja mwatɨ jim borangɨ. Nǝb nɨ a bwang bɔ Kwaama gǝmɨ, nǝbɔ a yǝla nǝn lǝma Kwaamaɨ a gola maatǝm bwɨlangkɛlɨ. Ja kɔ Tɛlalɔ bǝn Yesu Kiristi, nǝ dʊʊ bǝnɔ wʊnɨ nǝn gɔ kwaagɔ wini.

Yahuza 1:4 交叉引用

Galatiya 2:4

Kɛl nɨ a gun a dul kaam nǝb bwangtǝm gabakɛl nɨ ja dɔ daddad a kʊm nǝnɨ, sǝ jǝ sǝbǝl nyatǝm jǝgtǝm nɨ nǝ nǝn a mʊgɔ Kiristi Yesui, sǝ ja dǝg nǝn nǝ yǝlam jwaalɛb a bwangtǝm diil.

2 Bitrus 2:10

A ga keli a nǝb nɨ a dǝg dul a mʊgɔ wɛl bwɨlaɨ, wʊnɨ kal ji lɛɨ, jǝbɔ nǝb nɨ soga fɔlɔlɔm lɛɨ. N nǝb nɨ mɨ nǝn guniduli, nǝb kwamǝn dul, mɨ jǝ nyʊwa taal tuwol yʊwatɨn nɨ lɛ nǝn kwaan dʊʊnɨ.

1 Yohana 2:22

Nuwo n nǝ gabakɛlɨ, na ke bɔ nʊ nɨ a kana gɔ Yesu nǝn Kiristii? Nʊ gɔ nǝn gɔ nǝ kii Kiristii, nʊ nɨ kana Tɛ bwɛ lɛ jǝbɔ Bwɛɨ.

1 Bitrus 2:16

Bɛ jǝ́ maa yɨm nyatǝm dul. Ka jǝ́ do lɛ nyatǝm dulɔ a yǝlam jem jǝ maatǝm shil. Bɛ jǝ́ yɨ yɨm jwaalɛb Kwaamaɨ.

1 Bitrus 2:8

nǝngɔ tag, “N tɛl nɨ dǝg nǝbɔ fǝtǝm naa lɛɨ, nǝn gɔ dǝg yalatǝm lɛɨ.” Ja maa fǝtǝm naa a kɛlɔ gǝm, jʊ a bwɨɨ ja kɔ bwangtǝm kɛl gǝnɔ. N jʊ a yǝlam jim nyɨɨ.

2 Timoti 3:6

A kʊm jin kaamɨ wo gǝ waam waam ja dɔ lɔtɨn nǝbɨɨ, sǝ ja swag nɔɔtǝm nɨ mɨ nǝn yʊlanɨ, wʊnɨ bwɨlangkɛlɔ a nɔɔ dul jini, jǝbɔ nǝb dǝlatǝm nu a kanjǝl yoolii.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

2 Bitrus 3:7

N gola sʊwatǝm kɛl Kwaama a ya dʌbʌlɔ jǝbɔ tǝmɔ kǝngkǝnɨ sǝ kǝlagɔ ba twɨ jii. Kwaama a ya ji, sǝ a la nǝn a di kɔkɔ nɨ gǝ maa nǝb nɨ gǝm mɨ nyʊwa taal gǝnɔ lɛɨ gǝm biyotǝm borangɨ, sǝ gǝ kal ji.

Yahuza 1:15

sǝ a biyo borang a dul nǝbɨɨ gwam. Mwɛ mwɛ nǝb nɨ mɨ bwangtǝn Kwaama lɛɨ a dul bwɨlang kanjǝlɔ ja maaɨ. Mwɛ mwɛ nǝb nɨ mɨ bwangtǝn Kwaama lɛɨ a dul bwɨlang katɨ nɨ ja sʊwa a dul gǝnɨ.”

1 Bitrus 4:18

Kanga a mʊla mʊlaɨ gɔ, “Na bwa bwa nʊ nɨ dǝngdǝngɨɨ a nya bʊʊtǝmɨ, n wɛ bwɨ lɛ nǝn nǝbɔ mɨ sagsagɨɨ jǝbɔ nǝb bwɨlangkɛlɨ?”

Afisa 4:14

Bɛ ka bǝ yǝlam lɛ na bɛtɔ fetʌn, wʊnɨ jǝ yǝla ji lɛ nǝn kwanɨ, a golantɨn mɛlalɨ jǝbɔ bʌtʌm sowi nǝfitʌmi a gola yʊlan fɛkalɨ jin.

Maajɨ Bɛtɔ Twamagɨɨ 15:24

Nǝn nya fulon kɛl gɔ kaamɨ a kʊm nǝn a gung jem nǝl nǝn katɨ jinɔ, jǝ yǝla jem dul lɛ, wʊnɨ nǝn nǝ ji bɔ gola jʊ ja maa nyɨɨ.

Maajɨ Bɛtɔ Twamagɨɨ 11:23

Bɛtǝm gǝnɔ, nǝngɔ a kuwo lǝma Kwaamaɨ a maa jimi, a maa fulotǝm nǝl. Nǝngɔ a kʊʊ jim nǝl gɔ ja tɨ nǝn bɨlǝngkɛl a bwangtǝm Tɛlalɔɨ nǝn nǝl jinɔ gwam.

Yohana 17:3

Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.

Matta 13:25

Kwama nɨ nǝbɔ gwam daa dum lɛɨ, nǝ kii gǝnɔ a yɔ ya wa kaa dʊʊm yǝla a mʊgɔ twam jaam, nǝngɔ a shui.

Dʊgam Nyangnyang 15:4

Nuwo mɨsɔ nyʊwa taal mʊnɔ lɛɨ, Tɛlalɔ? Nuwo mɨsɔ dʊʊl dun mʊnɔ lɛɨ? Jʊ a bwɨɨ nǝmɔ win swar mʊ sagsagɨ. Bǝlǝntǝmɔ pʌd ba jǝ jʊng jʊng ja maa mʊn bǝlátǝm, jʊ a bwɨɨ maajɨ nyan mʊnɔ a nʊng.”

1 Timoti 5:8

Na nʊ nɨ mɨ dʌng nanǝgam gǝnɔ lɛɨ, a ga keli a nǝbɔ lɔ gɨɨ gǝm, a kana nǝtǝm bɨlǝngkɛlɨ, a bwɨla a laa nʊ nɨ ke bɔ nǝ bwangtǝmɨ.

2 Timoti 2:12

Na bǝ kʊ nǝlɨ, bǝ maa maa fɔlɔn bǝnɔ gɔ tag. Na bǝ kana nyǝmtǝm gǝnɨ, gǝ tǝgǝn kana kana nyǝmtǝm bǝnɔ.

2 Bitrus 2:7

A jǝg Lutu, nʊ nɨ n nǝ dǝngdǝngɨ, wʊnɨ a nya fitǝm nǝl dangǝn a dul yɨm nǝb kalalɨ nɨ mɨ sa taal Kwaamaɨ lɛɨ.

Yahuza 1:18

Ja sʊwa jen gɔ, “A kwama dɨltǝm yooligɔ gǝm kaam nǝbɔ yǝlam nǝb mogtǝm, jǝ bwangtǝn wɛl nǝl jin, mɨ ji nǝn Yʊwa Kwaamaɨ.”