Yahuza 1:25 - Dadiya NT

²⁵ Dʊʊlǝnɔ, jǝbɔ bʊmǝnɔ, jǝbɔ kwaanɔ, jǝbɔ fɔlɔnɔ na a Kwaama Nǝbʊʊlɨ bǝnɨ kwaagɔ, a gola Yesu Kiristii, Tɛlalɔ bǝn, a kǝngkɔ, jǝbɔ joltɨn nɨ a shui, a yɔ nǝn a joltɨn nɨ bɛ lɛɨ, mɨ dɨtǝm wo! A daa nyɔ.

Yahuza 1:25 交叉引用

1 Timoti 1:17

Dʊʊnɔ jǝbɔ dʊʊlǝnɔ bɛ a yɨ a daagɔ Kwaama woi wʊnɨ mɨ dɨtǝm woi. Nǝn gɔ Fɔlɔ joltɨnɨ, nʊ nɨ mɨsɔ bʊla lɛ woi, mɨ jǝ kuwo lɛɨ, Kwaama nɨ wini. A daa nyɔ.

Yohana 5:44

La jǝ́ nǝ bɨlǝngkɛlɔ nyǝn, na jǝ́ swɨ saatǝm bǝlátǝm a kʊm jen, mɨ jǝ́ saa bǝlátǝm nɨ lɛ jel lɛ a daagɔ Kwaama woi kwaagɔ wini?

Roma 11:36

Kanjǝlɔ gwam a bɛ a daa gǝ woi, n gola gǝn ja fɛ kanjǝlɔ gwamɨ, n daa gǝ woi jǝ yǝla lɛɨ. Bɛ nǝtǝm dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Ibranii 13:8

Yesu Kiristi mɨ gǝ fʌto lɛ wo. Nǝn gɔ dʊgalǝnɨ, nǝn gɔ dwiyeni, mɨ dɨtǝm wo.

Dʊgam Nyangnyang 1:6

A dǝg bǝn bǝ yǝlam nǝb fɔlɔn jǝbɔ nǝbkǝlam sǝ bǝ maa Kwaama Tɛtɛ gɔ gǝm maajɨ. Bɛ dʊʊnɔ jǝbɔ kwaanɔ a ta tʌgo gwanggwang mɨ dɨltǝm wo. A daa nyɔ.

Titus 2:13

Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.

Roma 16:27

Bɛ dʊʊlǝn nɨ mɨ dɨtǝm woi, a ta tʌgo gwanggwang a gola Yesu Kiristii a daa Kwaama woi, wʊnɨ n nǝ yʊlan kwaagɨɨ! A daa nyɔ.

Matta 6:13

Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’

Afisa 3:21

Bɛ dʊʊlǝnɔ a ta tʌgo gwanggwang a daa gǝ woi a mʊgɔ mʊrkalɨ nǝb bwangtǝm Kwaamaɨ, a mʊgɔ Kiristi Yesui, a yɔ nǝn a joltɨnɔ gǝm pʌd mɨ dɨtǝm wo. A daa nyɔ.

Yohana 4:22

Jǝ́ nǝbɔ Samariyaɨ, jǝ́ nyǝm bɔ jʊ jǝ́ dʊʊl gǝm lɛɨ. Nǝn Yahudawagɔ nǝn nyǝm jʊ nǝn dʊʊl gǝn nɛɨ, jʊ a bwɨɨ bʊʊtǝmɔ a jel a daagɔ Yahudawagɔ woi.

2 Bitrus 3:18

Bɛ ya jǝ́ dʊʊl lɛ a mʊgɔ lǝma Tɛlalɔ bǝn Yesu Kiristi Nǝbʊʊlɨɨ, sǝ jǝ́ sʊtǝn nyǝmtǝm gǝnɔ kwangkwang. Bɛ dʊʊlǝnɔ a ta tʌgo a daa gɔ woi kǝngkɔ, mɨ dɨltǝm wo! A daa nyɔ.

2 Bitrus 1:1

Nǝmǝ mǝ Saminu Bitrus, bwɛ jwaalɛ Yesu Kiristii jǝbɔ bwɛ twama gǝn tag. Mǝ mʊla langǝn bwangǝn nɨ mǝ tʊng a yɔ a daagɔ nǝb nɨ a nya nǝtǝm bɨlǝngkɛlɨɨ, wʊnɨ win jǝbɔ a nǝnɔ nǝn nya a gola dǝngdǝng Yesu Kiristii, wʊnɨ n Kwaama bǝn jǝbɔ Nǝbʊʊlɨ bǝnɨ.

1 Bitrus 4:11

Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

Titus 3:4

Kwama nɨ Kwaama Nǝbʊʊlɨ bǝnɔ a nʊng lǝma gǝnɔ jǝbɔ swɨtǝm gǝnɔ a daa nǝfili woi,

Titus 2:10

ka ja kuu lɛ kuul. Bɛ ja nʊng tɛlalɔ jinɔ jǝla jǝla nǝn ji, sǝ ja dǝg nǝbɔ a nǝ dʊʊn a mɛlalɨ Kwaama Nǝbʊʊlɨ bǝnɨ a golantɨnɔ gǝm gwam.

1 Timoti 2:3

Wʊnɨ n jǝ nya, n jǝ yotǝm a kǝga Kwaamaɨ, Nǝbʊʊlɨ bǝnɔ,

Afisa 3:10

Kwaama a maa jʊ nɨ kǝngkɔ sǝ a nʊng yʊlan gǝnɔ nǝn dʌmʌn a daagɔ nʊ nɨ maa fɔlɔn nɛɨ, jǝbɔ nǝblaamɔ a dʌbʌli, a gola mʊrkalɨ nǝb bwangtǝm Kwaamaɨ.

Afisa 1:8

wʊnɨ a tal bǝm a lada jǝbɔ yʊlan jǝbɔ nyǝmtǝmɨ.

Roma 11:33

Dʊʊlǝn Kwaamaɨ, jǝbɔ yʊlan gǝnɔ, jǝbɔ nyǝmtǝm gǝnɔ, a laa kwaan! Biyotǝm borang gǝnɔ a laa kwaan dʌngtǝm, golantɨn gǝnɔ a laa kwaan fɨɨtǝm!

Luka 1:47

Dʊʊmɨ mǝndɨ gǝ na a bǝlátǝm Kwaamaɨ, Nǝbʊʊlɨ mɨɨ,