Yahuza 1:24 - Dadiya NT

²⁴ Jǝ́ maa Kwaama Nǝbʊʊlɨ bǝnɔ gǝm bǝlátǝm, nʊ nɨ dwal lɛ a kɨla jen a fǝtǝm naa, a yɔ nǝn jen a kǝga dʊʊlǝn gǝnɔ gǝm mɨ nǝn kʊlanɨ, a yɔ nǝn jen nǝn gʌleng fulotǝm nǝl.

Yahuza 1:24 交叉引用

2 Timoti 4:18

Tɛlalɔ bʊʊ bʊʊ nǝn mǝ a bwɨlang kanjǝlɔ gǝm gwam, sǝ a kɨla ɨ, a yɔ nǝn mǝ a fɔlɔn gǝnɔ gǝm a dʌbʌli. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

Afisa 3:20

Bɛ bǝlátǝmɔ a ta tʌgo gwanggwang a nʊ nɨ dwal maa jʊ nɨ lɛ a shu shui kwaan jʊ nɨ bǝ kel lɛɨ, jǝbɔ jʊ nɨ bǝ bʊʊla lɛɨ, a mʊgɔ kwaan gǝnɔ gǝm, wʊnɨ maa maajɨ lɛ a mʊgɔ nǝl bǝnɨ.

Kolosii 1:22

Kǝngkɔ Kwaama a dɔ kʊm jenɔ a fɛka jen a gola Kiristii a mʊgɔ bʊtɔ nǝfilii a gola bwaa gǝnɔ gǝm. A maa nyɔ sǝ a nʊng jen a kǝga Kwaamaɨ jǝ́ yǝlam nǝb sagsag, mɨ jen nǝn bwɨlangkɛl, mɨ nǝn jǝ tuwol tag a kǝga gǝn.

Afisa 5:27

sǝ a do dul gǝnɔ gǝm mʊrkalɨ nǝb bwangtǝm Kwaamaɨ nɨ a bʊm bʊmɨ, mɨ nǝn kʊlan jǝbɔ wʊrmatǝm tɛ bʊtɔ jǝbɔ jǝ bwɨla, a yǝlam sagsag mɨ nǝn jǝ tuwol.

2 Korinti 4:14

Nǝ nyǝm nyɔ Kwaama nɨ a gung Tɛlalɔ Yesu a bwaaɨ, gǝ tǝgǝn gung nǝn gung a gola Yesui. Bɛ bɛ nǝn nǝn jǝbɔ jen a kǝga gǝn.

Dʊgam Nyangnyang 14:5

Ja nya bɔ gabakɛl wo a nyiyo jin, jʊ a bwɨɨ jǝ nǝb nɨ mɨ nǝn bwɨlangkɛlɨ.

Roma 8:31

N wɛ bǝ sʊwa lɛ a dul jʊ nɨɨ? Na Kwaama dakini jǝbɔ bǝnɨ, nuwo dwal lɛ a maa kii jǝbɔ bǝnɨ?

Matta 16:27

Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

1 Bitrus 4:13

Na jǝ́ nɔɔ gaalan na Kiristii, bɛ jǝ́ maa fulotǝm nǝl, sǝ na nǝn kwama a yǝla a bɛ a mʊgɔ dʊʊlǝn gǝnɨ, jǝ́ maa maa fulotǝm nǝl tag.

2 Korinti 11:2

Mǝ maa nungon nɛ a dul jen kanga Kwaama maa lɛɨ. N fɛka jen na bwɛnɔɔlɨ nɨ naa Kiristi lɛɨ. Mǝ swɨ lɛ n nǝ jen na nɔɔgwaalɨ nɨ sagsag a daa bwɨla gǝ woi kwaagɔ.

2 Korinti 4:17

Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

Matta 5:12

Jǝ́ maa bǝlátǝm jǝbɔ fulotǝm nǝl dangǝn, jʊ a bwɨɨ jǝ́ yo yo lǝma gɔ a lada a kwama, nǝn gɔ gaalanɔ nǝbkuwotǝmkǝga nɨ a laa jen bɛtǝmɨ, a nɔɔɨ.

Roma 14:4

Nǝmɔ mʊ wo mʊ ya bwɨlan nɛ a dul kaa bwɛ jwaalɛ nǝlɨ? Na tɨ tɨɨ, na yal yalɨ, n mwɛ tɛlalɔ gǝnɨ. Jǝ tɨ tɨ nǝn gɔ, jʊ a bwɨɨ Tɛlalɔ nǝn kwaan nɨ tɨ lɛ nǝn gɨɨ.

Yahuza 1:21

Jǝ́ tɨ tʌgo a swɨtǝm nɨ Kwaama maa bǝm lɛɨ, kanga jǝ́ yam bʊnatǝm Tɛlalɔ bǝn Yesu Kiristii lɛɨ, wʊnɨ yɔ lɛ nǝn jen a yɨm kʊlɨ nɨ mɨ dɨtǝm woi.

Kolosii 3:4

Na Kiristi wʊnɨ nǝn gɔ n kʊlɨ jeni, na a bɛɨ, jǝ́ bɛ bɛ dakini jǝbɔ gɔ a mʊgɔ dʊʊlǝn gǝn.

Kolosii 1:28

N kɛl dul gǝn nǝn sʊwa nǝbɔ kɛlɔ lɛɨ, nǝn gʊ jim lɔl lɛ, nǝn mɛla jim lɛ a nyǝmtǝm nɨ Kwaama a nǝ nǝnɨ, dɨsɔ nǝn nʊng ji a kǝga Kwaamaɨ jǝ dǝngdǝng a mʊgɔ Kiristii.

Luka 9:26

Na nʊ nɨ a nyʊwa gunidul mɨɨ jǝbɔ kɛl mǝndɨ, Bʊla Nǝlɨ nyʊwa nyʊwa gunidul gǝnɔ tǝgǝn nǝn kwama nɨ yǝla bɛm lɛ nǝn dʊʊlǝn gǝnɨ, jǝbɔ dʊʊlǝn Tɛtɛ gɨɨ, jǝbɔ a bɛtɔ twama Kwaamaɨ sagsagɨ.

Matta 25:31

“Nǝn kwama Bʊla Nǝlɨ bɛm lɛ a mʊgɔ dʊʊn gǝnɔ gǝm jǝbɔ bɛtɔ twama Kwaamaɨ gwamɨ, yɨ yɨ a kotere dʊʊlǝn fɔlɔn gǝnɔ gǝm.

Matta 19:28

Yesu a sʊwa ji gɔ, “N bɨlǝngǝn mǝ sʊwa jen nɛɨ, yooligɔ bɛ lɛ wo, n kwama Bʊla Nǝlɨ yɨm lɛ a kotere fɔlɔn dʊʊn gǝn a maa fɔlɔnɨ, jen nɨ jǝ́ bwang mɨɨ, nǝjen jǝ́ yɨ lɛ a kotere fɔlɔn nǝbɔ Israilaɨ nɨ kʊb jeli yoi. Jǝ́ maa maa fɔlɔn nǝbɔ Israilaɨ nɨ kʊb jeli yoi.

Yakubu 2:10

Nʊ nɨ a kɨla diiltɨnɔ gwam, a kǝl wini, a kǝl pʌd.

2 Bitrus 1:10

A dul kɛl nɨɨ kambɔ, jǝ́ fɛ jǝ́ sʊtǝn kwaan jǝ́ nʊng gɔ nǝn Kwaama a jo jeni, a jǝgam jeni. Na jǝ́ maa nyɨɨ, mɨsɔ jǝ́ yala lɛ wo.