Titus 2:12 - Dadiya NT

¹² Wʊnɨ mɛla bǝm lɛ gɔ bǝ bǝla gola nɨ ke bɔ a bwangtǝm Kwaamaɨ, jǝbɔ dǝlatǝm nu a kanjǝl yooli nɨ. A mɛla bǝm tag gɔ bǝ yɨ yɨm bǝnɔ a yooli nɨ bǝ ta dul bǝnɔ, bǝ yǝlam nǝb yɨm dǝngdǝng, bǝ maa bʊʊlalɨ nɨ lɛ na a Kwaamaɨ.

Titus 2:12 交叉引用

Matta 16:24

Nǝngɔ Yesu a sʊwa bɛtɔ mɛlalɨ gǝnɨ gɔ, “Na nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Roma 6:19

Mǝ sʊwa jen kɛl nǝfitʌmi, jʊ a bwɨɨ jǝ́ gɨya a bʊʊlalɨ jenɔ gǝm. Kanga galɨgǝn jǝ́ nǝ jinʌn bʊtɔ jenɔ a maatǝm jwaalɛn a maajɨ bwɨlanɨ, wʊnɨ sʊtǝn shil lɛɨ, kǝngkɔ bɛ jǝ́ nǝ jinʌn bʊtɔ jenɔ a bwangtǝm maajɨ dǝngdǝng, wʊnɨ yɔ lɛ nǝn jen jǝ́ yǝlam sagsagɨ.

2 Bitrus 2:9

Mʊsǝn kɛl nɨ gǝ nʊng bǝn gɔ, Tɛlalɔ a nyǝm kanga gǝ jǝgǝm nǝb nɨ lɛ nyʊwa taal gǝnɔ lɛɨ a tɛltǝmɨ. A nyǝm kanga ta nǝb nɨ lɛ mɨ dǝngdǝngɨ sǝ a mwɛ ji nǝn kwama jǝ yam di mwatɨtǝm borangɔ lɛɨ.

1 Yohana 2:6

Nʊ nɨ gwam sʊwa lɛ gɔ gǝ yǝm a mʊgɔ Yesui, bɛ ga yɨ yɨm nɨ Yesu a yɨɨ.

2 Timoti 3:12

A na nyɔ, gwam nǝb nɨ swɨ lɛ a yɨ nǝn kʊlɨ a mʊgɔ Kiristi Yesui, jǝ nɔɔ nɔɔ gaalan.

Dʊgam Nyangnyang 14:12

Nǝb bwangtǝm Kwaamaɨ bɛ ja yǝlam nǝb bwatǝm nǝl a gaalan, bɛ ja kɨla diiltɨn gǝnɔ jǝbɔ tatǝm swatǝm yaa a daa Yesu woi.

Luka 1:75

a gola yɨm sagsag jǝbɔ bwangtǝm Kwaamaɨ dǝngdǝng a kǝga Kwaamaɨ mɨ dɨtǝm wo.

1 Tasalonikaɨ 4:7

Kwaama a jo bǝn bɔ sǝ bǝ yɨ yɨm nɨ mɨ sagsagɨɨ. A jo bǝn sǝ bǝ yɨ yɨm sagsag.

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.

1 Tasalonikaɨ 4:9

A kɛl dul swɨtǝm kambɨɨ, a yǝlam bɔ nyɔ nǝn mʊla jem mʊlaɨ, jʊ a bwɨɨ, jen nǝn kang jen Kwaama a mɛla jem gɔ bɛ jǝ́ swɨka.

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

Roma 12:2

Ka jǝ́ bwangtǝn nɛ kanjǝl joltɨn nɨ. Bɛ jǝ́ bǝla nǝl jenɔ a fʌto a gola fɨ a bʊʊlalɨ jenɔ gǝm. Sǝ jǝ́ jǝla nǝn jʊ Kwaama swɨ lɛɨ, jʊ a bʊm bʊmɨ, jǝbɔ jʊ nɨ dǝngdǝngɨ, n jʊ fulo gǝm nǝl lɛɨ.

Roma 6:12

Bɛ ka jǝ́ jǝla lɛ bwɨlangkɛlɔ a maa fɔlɔn nǝn bʊtɔ jenɔ nɨ bʊla lɛɨ, kage jǝ́ bwangtǝn kanjǝl bwɨlan nɨ jǝ́ swɨ lɛɨ.

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

1 Yohana 2:27

Kiristi a kwɛl a nǝ jen Yʊwa Kwaamaɨ wʊnɨ yǝm a mʊgɔ jeni. Mɨsɔ jǝ́ saa kaa nǝ mɛlalɨ lɛ, jʊ a bwɨɨ, Yʊwagɔ mɛla jem kanjǝlɔ lɛ gwam. Mɛlalɨ gǝnɔ n bɨlǝngǝn, ke bɔ gabakɛl. Bɛ jǝ́ yɨ a mʊgɔ Kiristii kanga a mɛla jemi.

2 Bitrus 3:11

Kanjǝl nɨ gwam kala kala. A dul kɛl nɨɨ, n yɨm won a bʊm jǝ́ maa lɛ kǝngkɨɨ? Bɛ jǝ́ yɨ yɨm sagsag. Bɛ jǝ́ yɨ yɨm nǝn nǝl Kwaamaɨ.

Ibranii 8:11

Mɨsɔ nǝl mɛla nʊ nɨ gǝm lɛ jǝ yǝm dakinii gǝm jǝl. Mɨsɔ kaa sʊwa kɨla gɔ lɛ gɔ, ‘Nyǝm Tɛlalɔ!’ Jʊ a bwɨɨ nǝbɔ gwam nyǝm ɨ nyǝm ɨ, jʊ a ta a nǝb dwalǝmɔ gǝm a yɔ nǝn a nǝb dʊʊmɨ.

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.

1 Timoti 4:12

Ka ń jǝla lɛ nǝl a soga ń gɔ mɔ bwɛsǝn. Bɛ ń yǝlam jǝ mɛlalɨ a daagɔ nǝb nǝtǝm bɨlǝngkɛlɔ woi a gola sʊwatǝm kɛl, jǝbɔ gola yɨm, jǝbɔ swɨtǝm, jǝbɔ nǝtǝm bɨlǝngkɛl, jǝbɔ nǝl sagsag.

Kolosii 1:22

Kǝngkɔ Kwaama a dɔ kʊm jenɔ a fɛka jen a gola Kiristii a mʊgɔ bʊtɔ nǝfilii a gola bwaa gǝnɔ gǝm. A maa nyɔ sǝ a nʊng jen a kǝga Kwaamaɨ jǝ́ yǝlam nǝb sagsag, mɨ jen nǝn bwɨlangkɛl, mɨ nǝn jǝ tuwol tag a kǝga gǝn.

Galatiya 5:24

Nǝb nɨ na a Kiristi Yesui, ja kwɛl ja kʊʊ kʊʊɨ bʊʊlalɨ bwɨlagɔ jǝbɔ kanjǝl bwɨlantɨn nɨ jǝ swɨ lɛ ja maaɨ.

Galatiya 1:4

Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

2 Korinti 7:1

Jǝ́ nǝbɔ mǝ swɨ lɛɨ, Kwaama a kwɛl a maa bǝm swatǝm yaatɨn. Na gǝ na nyɨɨ, bɛ bǝ saalǝm dul bǝnɔ a kanjǝl nɨ dǝg bʊtɔ bǝnɔ lɛ jǝbɔ nǝl bǝnɔ a dutoi. Bɛ bǝ yɨ yɨm sagsag dangǝn a gola nǝtǝm Kwaamaɨ dʊʊn.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

Roma 8:13

Na jǝ́ yɨ yɨm bwangtǝm bʊtɔɨ, jǝ́ bʊla bʊla. Na jǝ́ yɨ yɨm a kwaan Yʊwa jǝ́ jʌm maajɨ bwangtǝm bʊtɔgɨɨ, jǝ́ yɨ yɨ nǝn kʊlɨ mɨ dɨtǝm wo.

Maajɨ Bɛtɔ Twamagɨɨ 24:25

Nǝngɔ la Bulus a tǝl sʊwa ji kɛlɔ lɛ a dul yɨm dǝngdǝngɨ, jǝbɔ tatǝm dul, jǝbɔ kumɔ borang nɨ bɛm lɛɨ. Nyʊwatǝmɔ nyɨɨ, taalɔ a ta Filikus. Nǝngɔ a sʊwa Bulus gɔ, “Yǝla kǝngkɔ. Na n nya golaɨ, mǝ jo ń jo ń.”

Maajɨ Bɛtɔ Twamagɨɨ 24:16

N jʊ a bwɨ kwangkwang mǝ sʊ kwaan nɛ, mɨ mǝ nǝn kaa komtǝm wo a nǝl mɨ a kǝga Kwaamaɨ jǝbɔ nǝbɔ.

1 Yohana 5:19

Bǝ nyǝm bǝ bɛtɔ lɔ Kwaamaɨ, bǝ nyǝm tag yooligɔ gwam gǝ na a kang nǝ bwɨla nɨɨ.

Afisa 1:4

A kwɛl a jǝg bǝn jǝgɨ a mʊgɔ Kiristii na lǝga bɔ a fwal yooligɔ, sǝ bǝ yǝlam sagsag, mɨ nǝn jǝ tuwol a kǝga gǝn. A kɛl dul swɨtǝm gǝn

Yohana 14:30

Mǝ sʊwa sʊwa kɛl nǝbɔ jen, kumtɨnɔ mɨsɔ lada lɛ, jʊ a bwɨɨ nǝ fɔlɔn yooli nɨɨ bɛ lɛ. Mɨ nǝn kwaan a dul mɨ.

Yohana 6:25

Ja nya gǝn a kʌng wɨmaɨ, nǝngɔ jǝ bʌ gǝn gɔ, “Feyi, fɨyang mʊ bɛ fǝɨ?”

Luka 1:6

Gwam jinɔ nɨ yoi jǝ nǝb dǝngdǝng a kǝga Kwaamaɨ, jǝ kɨla diiltɨn Tɛlalɔɨ lɛ kanga ja mʊla a langǝn bwangǝn Kwaamaɨ. Mɨ ji nǝn jǝ tuwol.

Yahuza 1:18

Ja sʊwa jen gɔ, “A kwama dɨltǝm yooligɔ gǝm kaam nǝbɔ yǝlam nǝb mogtǝm, jǝ bwangtǝn wɛl nǝl jin, mɨ ji nǝn Yʊwa Kwaamaɨ.”

2 Timoti 4:10

jʊ a bwɨ mǝ sʊwa nyɨɨ, Dimas nǝ swɨtǝm yooli nɨ a bǝla ɨ, a shu a Tasalonika. Karaska a shu a tǝm Galatiya. Titus tǝgǝn a shu a tǝm Dalmatiya.

Matta 12:32

Nʊ nɨ a kal dun Bʊla Nǝlɨ, Kwaama kǝlǝm gǝm kǝlǝm. Nʊ nɨ a kal dun Yʊwa Kwaamaɨ, mɨsɔ kǝlǝm gǝm lɛ fɔ a yooli nɨ, a yɔ nǝn a dʌbʌl.

1 Timoti 6:9

Nǝb nɨ swɨ nyatǝm shilo lɛɨ, jǝ yal yal a mʊgɔ tɛltǝm jǝbɔ lan. Jǝ swɨ kanjǝl wɛl lɛ wʊnɨ nǝ ji twɨla lɛɨ, wʊnɨ yǝla dul nǝbɨɨ lɛɨ, bɛ lɛ nǝn kalatǝm jǝbɔ wulon.

Yakubu 1:27

Jǝfʊlǝn nɨ Kwaama Tɛtɛ a jǝla nǝn sagsag n bɨlǝngkɛlɨ nǝn gɔ, bɛ jǝ́ dʌng nɔɔtǝmkʊlabɔ, jǝbɔ bɛtɔ kwɛlǝnɔ a mʊgɔ gaalan jinɔ gǝm. Bɛ jǝ́ ta dul jenɔ ka jǝ́ maa lɛ jǝ bwɨlan a yooli nɨ.