Roma 6:13 - Dadiya NT

¹³ Bɛ ka jǝ́ nǝ lɛ jinʌn bʊtɔ jenɔ a maatǝm bwɨlangkɛl, ja yǝlam na kanjǝl maatǝm shil. Bɛ jǝ́ nǝ dul jenɔ a daagɔ Kwaama woi, na nǝb nɨ ja bʊʊ nǝn ji a bwaa a yɔ nǝn a nyatǝm kʊlɨɨ. Bɛ jǝ́ nǝ jinʌn bʊtɔ jenɔ a daagɔ Kwaama woi, ja yǝlam na kanjǝl maatǝm jǝ dǝngdǝng.

Roma 6:13 交叉引用

Roma 12:1

A dul kɛl nɨ kambɔ, mǝ kela jen nɛ a dul bʊnatǝm Kwaamaɨ, jǝ́ nǝ bʊtɔ jenɔ jǝ twɨtǝm yulʌn wʊnɨ nǝn kʊlɨɨ, wʊnɨ sagsagɨ, wʊnɨ fulo Kwaama gǝm nǝl lɛɨ. Wʊnɨ nǝn gɔ bǝlátǝmɔ nyangǝnɨ.

Roma 6:16

Jǝ́ nyǝm bɔ nʊ nɨ jǝ́ jǝg jǝ́ bwang gǝm lɛ na jwaalɛbɨɨ, jǝ́ yǝlam jwaalɛb gǝnɨ ka? Na jǝ́ jǝgǝm jǝ́ maa bwɨlangkɛlɨ, jǝ́ jwaalɛb gǝn wʊnɨ yɔ lɛ nǝn jen a bwaaɨ. Na jǝ́ jǝgǝm jǝ́ bwangtǝn Kwaamaɨ, jǝ́ yǝlam dǝngdǝng.

1 Bitrus 2:24

Gǝ nǝn dul gǝn a dem bwɨlangkɛltɨn bǝnɔ a bʊtɔ gǝn a dʌbʌl tɨya kʊʊtǝm, sǝ bǝ yɨ yɨm bǝnɔ bʌlʌn a bwɨlangkɛl, nyatǝm kʊlɨ tag a dǝngdǝng. N kɛl dul dɛɛbǝl gǝnɔ ja gung jeni.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

Roma 7:5

Nǝn galɨgǝn bǝ bwangtǝn bʊtɔ lɛɨ, wɛl bwɨlanɔ a gun a gola diil, n jʊ maa maajɨ lɛ a bʊtɔ bǝnɨ, n jʊ gʊ bǝm bwaa lɛɨ.

1 Bitrus 4:2

A kǝga nɨ, gǝ tagǝm tagǝm yɨm gǝnɔ na bʊtɔ, mɨsɔ gǝ bwangtǝn wɛl nǝl gǝnɔ lɛ, ga bwangtǝn jʊ nɨ Kwaama swɨ lɛɨ.

Kolosii 2:13

Jǝ́ bʌlʌn, jʊ a bwɨɨ jǝ́ nǝb bwɨlangkɛl. Jǝ́ bʌlʌn, jʊ a bwɨɨ ja dem jem bɔ bʊtɔ bwɨlangkɛl jenɔ. Kwaama a fɛ jen nǝn kʊlɨ jǝbɔ Kiristi. A kǝlǝm bǝm bwɨlangkɛl bǝnɔ gwam.

1 Korinti 6:20

Kwaama a ten jen teni, a ywa jǝ tentǝm jenɔ a lada. A dul kɛl nɨɨ, bɛ jǝ́ dʊʊl Kwaama nǝn bʊtɔ jenɔ.

1 Yohana 1:9

Na bǝ sʊwa bwɨlangkɛl bǝnɨ, gɔ, n nǝ yiitǝm swatǝm yaa, n nǝ dǝngdǝng, kǝlǝm bǝm kǝlǝm bwɨlangkɛl bǝnɔ, sǝ a saalǝm bǝn a jʊ nɨ bǝ maa lɛ gwam n ke bɔ dǝngdǝngɨ.

1 Korinti 6:15

Jǝ́ nyǝm bɔ bʊtɔ jenɔ n jinʌn Kiristii ka? Mǝ do do jinʌn Kiristii n dǝg a yǝlam jinʌn nɔɔlɨ kalalɨ ka? Mɨ nyɔ!

Afisa 2:5

A kwama nɨ bǝ bʌlʌntɨn a mʊgɔ bwɨlangkɛl bǝnɔ gǝmɨ, nǝn gɔ a nǝ bǝn kʊlɨ jǝbɔ Kiristii. (N gola lǝma Kwaamaɨ a bʊʊ nǝn bǝnɨ!)

Filibii 1:20

N ya nǝl dangǝn, mɨsɔ mǝ nyʊwa gunidul lɛ, mǝ bɨ bɨ nǝl dangǝn a kǝngkɔ jǝbɔ tangǝn kumtɨnɔ sǝ Kiristi a nya gungtǝm a daa mɨ woi, na mǝ yǝm nǝn kʊlɨɨ, na n bʊla bʊlaɨ.

1 Korinti 6:9

Jǝ́ nyǝm bɔ, nǝb nɨ mɨ sagsagɨɨ mɨsɔ jǝ nya kʊla fɔlɔn lɔ Kwaamaɨ lɛɨ ka? Ka ja swag jen nɛ! Nǝb bulonɔ, jǝbɔ nǝb bwangtǝm shomɔ, jǝbɔ batǝm kalalɨgɔ, jǝbɔ balɨ nɨ daa lɛ nǝn kǝga balɨɨ,

Roma 6:19

Mǝ sʊwa jen kɛl nǝfitʌmi, jʊ a bwɨɨ jǝ́ gɨya a bʊʊlalɨ jenɔ gǝm. Kanga galɨgǝn jǝ́ nǝ jinʌn bʊtɔ jenɔ a maatǝm jwaalɛn a maajɨ bwɨlanɨ, wʊnɨ sʊtǝn shil lɛɨ, kǝngkɔ bɛ jǝ́ nǝ jinʌn bʊtɔ jenɔ a bwangtǝm maajɨ dǝngdǝng, wʊnɨ yɔ lɛ nǝn jen jǝ́ yǝlam sagsagɨ.

2 Korinti 10:4

Kanjǝl tatǝm kun nǝnɔ n ke bɔ a yooli. N kwaan Kwaamaɨ, wʊnɨ gǝ kʌb kanjǝl kwaan Mammɨ lɛɨ.

Roma 6:11

Jen tʌjen bɛ jǝ́ kiyo dul jenɔ maamɔ jǝ́ bʊla bʊlaɨ a bwɨlangkɛl. Kiristi Yesu a nǝ jen kʊlɨ, jǝ́ yɨ yɨm Kwaamaɨ.

Afisa 5:14

N jʊ a bwɨ ja sʊwa gɔ, “Kǝla, mʊ nʊ nɨ mʊ daa dum lɛɨ. Gun a bwaa. Kiristi nʊng nʊng nyalǝm a dul mʊn.”

2 Korinti 8:5

Nǝtǝm jinɔ a laa kanga nǝn bʊʊla lɛɨ. Ja nǝ dul jinɔ a daagɔ Tɛlalɔ woi dɨn, nǝngɔ la ja nǝ dul jinɔ a daa nǝn woi kanga Kwaama swɨ lɛ ja maaɨ.

2 Korinti 5:15

A bʊla a kɛl dul nǝbɨɨ pʌd, sǝ nǝb nɨ a nya kʊlɨ fɨɨ kage ja yɨ yɨm dul jin a kǝga nɨ, bɛ ja yɨ yɨm nʊ nɨ a bʊla a gun a kɛl dul jini.

Roma 7:23

N kuwo kaa diil maa maajɨ lɛ a jinʌn bʊtɔ mɨ, wʊnɨ ta kun nɛ jǝbɔ diil nɨ a bʊʊlalɨ mɨɨ, a dǝg ɨ a lɔsomii, diil bwɨlangkɛlɔ, wʊnɨ yǝm a jinʌn mɨɨ.

Luka 15:32

A la nyɔ bǝ maa bǝlátǝm jǝbɔ fulotǝm nǝl, jʊ a bwɨɨ kɨla mɔ nɨ a bʊlaɨ, a yǝla a fulo tag. A lɛla, ja nya gǝn.’ ”

Yakubu 4:1

N wɛ bɛ lɛ nǝn kɨlan jǝbɔ gʊbkatǝm a kʊm jeni? Mɨ nyǝmatǝm wo, jʊ bɛ lɛ nǝn kanjǝl nɨɨ n wɛltɨn nɨ ta kun nɛ a kʊm jeni.

Roma 1:29

Nǝl jinɔ a yii nǝn kanjǝl shil gwam, jǝbɔ maajɨ bwɨlan, jǝbɔ wɛl, jǝbɔ katǝm naa. Nǝl jinɔ a yii nǝn nungon, jǝbɔ jʌtǝm dul, jǝbɔ gʊbkatǝm, jǝbɔ swagkatǝm, jǝbɔ maatǝm kii. Kaamɨ n nǝb yʊʊlakatǝm,

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Luka 15:24

Bʊla mɨ nɨ a bʊla, a yǝla a fulo. A lɛla, ja nya gǝn.’ Nǝngɔ ja tǝl gaanɨ.

2 Tasalonikaɨ 2:12

sǝ a mwɛ nǝb nɨ gwam a kɔ nǝtǝm bɨlǝngkɛlɨ, jǝ nyʊwa lǝma maatǝm shil lɛɨ.

2 Korinti 5:14

Swɨtǝm Kiristii a daa nǝn woi, nǝn gɔ a dǝg nǝn nǝn maa jʊ nɨ lɛ nǝ maa lɛɨ. Jʊ a bwɨɨ nǝn nǝ bɨlǝngkɛl gɔ, kaa nǝl wo a bʊla a kɛl dul nǝbɨɨ gwam, a na nyɔ, gwam jinɔ jǝ bʊla jǝbɔ gɔ.

2 Timoti 2:15

Bɛ ń sʊtǝn kwaan maajɨ, sǝ ń yǝlam nǝ jǝlatǝm a daagɔ Kwaama woi, nǝ maajɨ nɨ mɨ gola nɨ wo nyʊwa gunidul lɛɨ, wʊnɨ mɛla bɨlǝngkɛlɔ lɛ dǝngdǝngɨ.