13 Bɨlǝngǝn, bwɨlangkɛlɔ wo a yooli nɨ na lǝga bɔ ja nǝ diilɔ. Daagɔ mɨ diil woi, mɨ jǝ kiyo bwɨlangkɛlɔ lɛ.
Jʊ a bwɨɨ, diilɔ gǝ gʊ gʊ nabwɨl Kwaamaɨ. Daa nɨ mɨ diil woi, mɨ kǝltǝm diil wo.
Bwɨlangkɛlɔ nǝn gɔ n twalǝm bwaagɨɨ. Diilɔ nǝn gɔ n kwaan bwɨlangkɛlɨ.
Gwam nʊ nɨ maa bwɨlangkɛl lɛɨ gǝ kǝl diil. Maatǝm bwɨlangkɛlɔ n kǝltǝm diil.
A bǝnɔ bǝ nyǝm bǝ kwɛl bǝ bʊʊ bwaagɔ gǝm, bǝ nya kʊlɨgɔ, jʊ a bwɨɨ bǝ swɨ kɛtǝlam bǝnɔ lɛ. Nʊ nɨ mɨ maa yɨm swɨkan nɛɨ, n yɨm bwaa yɨmɨ.
Mɨ nʊ nɨ wo yǝlam lɛ dǝngdǝng a kǝga Kwaamaɨ a gola kɨlatǝm diili, n gola diil bǝ kuwo bwɨlangkɛl bǝnɔ lɛɨ.
