Roma 10:19 - Dadiya NT

¹⁹ Mǝ bʌ kɛl lɛ tag, “Nǝbɔ Israilaɨ a nyǝm bɔ twamagɔ ka?” A tǝltǝmɔ gǝmɨ Musa gɔ, “Kwaama a sʊwa gɔ, ‘Mǝ dǝg jen dǝg jǝ́ maa nungon jǝbɔ nǝb nɨ mɨ nǝn tuulɔɨ. Mǝ dǝg jen dǝg jǝ́ maa nabwɨl nǝn nǝb nɨ a fʌm fʌmi.’ ”

Roma 10:19 交叉引用

Roma 11:11

Mǝ bʌ kɛl lɛ tag, fǝtǝm naa nɨ a dǝg ji ja yalaɨ, mɨ guntǝm wo ka? Mɨ nyɔ dǝm! Yalatǝm jinɔ a yǝlam bʊʊtǝm Bʌtʌbi, sǝ a dǝg nǝbɔ Israilaɨ a maa nungon nǝn ji.

Roma 11:14

Mǝ maa nyɔ sǝ n dǝg nǝb nɨ n nyiyo mɨ nungon, sǝ n dǝg kaam jinɔ a nya bʊʊtǝm.

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.

1 Bitrus 2:10

Galɨgǝn jǝ́ ke bɔ nǝbɔ wini, kǝngkɔ jǝ́ nǝbam Kwaamaɨ. Galɨgǝn jǝ́ yo bɔ bʊnatǝm gǝnɔ, kǝngkɔ jǝ́ yo bʊnatǝm gǝnɔ.

1 Korinti 1:12

Jʊ mǝ swɨ lɛ n sʊwaɨ, nǝn gɔ, pʌd jenɔ jǝ́ sʊwala katɨgɔ lɛ nǝn dʌmʌn jengɔ, “Mǝ nǝ bwangtǝm Bulusi,” kaa gɔ, “Mǝ nǝ bwangtǝm Afolosi,” kaa gɔ, “Mǝ nǝ bwangtǝm Kefasɨ,” kaa tag gɔ, “Mǝ nǝ bwangtǝm Kiristii.”

1 Korinti 15:50

Mǝ sʊwa jen kɛl nɨ kambɔ, mɨsɔ maa lɛ bʊtɔ jǝbɔ tʊʊm a nya kʊla fɔlɔn lɔ Kwaamaɨ. A na nyɔ tag, bʊtɔ bʊtatǝmɔ mɨsɔ nya kʊla lɛ a daa nɨ mɨ bʊtatǝm woi.

1 Korinti 12:2

Jǝ́ nyǝm kwamagɔ jǝ́ Bʌtʌbi, ja swag jen jǝ́ bwangtǝn shomtɨn, wʊnɨ mɨ nǝn nyiyoi.

1 Korinti 11:22

Mɨ jen nǝn lɔtɨn nɨ jǝ́ ja lɛ, jǝ́ nɔɔ lɛ woi ka? Jǝ́ soga mʊrkalɨ nǝb bwangtǝm Kwaamaɨ, jǝ́ nǝ nǝb nɨ mɨ nǝn kaa jǝlɨ gunidul ka? N wɛ mǝ sʊwa jen nɛɨ? Mǝ wana jen a dul jʊ nɨ jǝ́ maaɨ ka? Mɨ nyɔ! Mɨsɔ mǝ wana jen nɛ.

1 Korinti 10:19

N wɛ mǝ swɨ lɛ n sʊwaɨ? N jǝjalǝnɔ ja tǝlam shomɔ gǝm twamaɨ, nǝn gɔ n kaa jǝlɨ ka? N shomɔ n kaa jǝlɨ ka?

1 Korinti 7:29

Jʊ mǝ kuwo lɛɨ kambɔ, kwama nɨ Tɛlalɔ bɛm lɛɨ ya la lɛ. A kǝga nɨ, nǝb nɔɔtǝmɔ bɛ ja yɨɨ maamɔ mɨ ji nǝn.

Roma 10:18

Mǝ bʌ kɛl lɛ, “Ja nyʊwa bɔ ka?” N bɨlǝngǝn ja nyʊwa. Mʊlalɨgɔ a sʊwa gɔ, “Diil jinɔ a yiim yooligɔ gwam. Katɔ jinɔ a la gol yooligɔ.”

Roma 3:26

Kwaama a maa nyɔ sǝ a nʊng dǝngdǝng gǝnɔ a kwama nɨ, gǝ nǝn dul gǝn n nǝ dǝngdǝng, nʊ nɨ a dǝg ji ja yǝlam dǝngdǝng a nǝtǝm bɨlǝngkɛl a daa Yesu woi.