Roma 1:20 - Dadiya NT

²⁰ A fwaltǝm yooligɔ gǝm a bɛ nǝn a kǝngkɨɨ, kanjǝl bʊmɨ Kwaamaɨ nɨ mɨ jǝ kuwo lɛɨ, kwaan gǝnɔ nɨ mɨ dɨtǝm woi, jǝbɔ yɨm gǝnɔ, ja kuwo nyangnyang ja nyǝm a gola kanjǝl nɨ ga fwalɨ. A dul kɛl nɨ nǝb nɨ mɨ ji nǝn tabatǝm fɨɨ.

Roma 1:20 交叉引用

Roma 1:19

Jʊ jǝ nyǝm lɛ a dul Kwaamaɨ gǝ na a talɨ, jʊ a bwɨɨ Kwaama a nʊng ji nʊngɨ.

Roma 2:15

Makajǝng jinɔ nʊng ji lɛ gɔ, jʊ nɨ diilɔ a sʊwa ji gɔ ja maaɨ, a mʊla mʊlaɨ a nǝl ji, nǝl jinɔ jǝbɔ bʊʊlalɨ jinɔ tuwo ji lɛ a kaa gola, kʌshi ji lɛ a kaa gola.

Yohana 1:18

Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.

Yohana 15:22

Na na mǝ bɛ bɔ ba n sʊwa ji kɛlɨ, na mɨsɔ jǝ nyǝm lɛ gɔ ji nǝn bwɨlangkɛl. Kǝngkɔ mɨ ji nǝn tatǝm fɨɨ a bwɨlangkɛl jinɔ gǝm.

1 Timoti 1:17

Dʊʊnɔ jǝbɔ dʊʊlǝnɔ bɛ a yɨ a daagɔ Kwaama woi wʊnɨ mɨ dɨtǝm woi. Nǝn gɔ Fɔlɔ joltɨnɨ, nʊ nɨ mɨsɔ bʊla lɛ woi, mɨ jǝ kuwo lɛɨ, Kwaama nɨ wini. A daa nyɔ.

Kolosii 2:9

A yɨm Kiristii na nǝfilii, dʊʊlǝn Kwaamaɨ gwam gǝ na a daa gǝ woi.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

Roma 2:1

A dul kɛl nɨɨ, mɨ mʊ nǝn tabatǝm fɨɨ mʊ nǝfili, mʊ nɨ mʊ maa nǝl gǝm borang lɛɨ. Kwama mʊ maa nǝl gǝm borang lɛɨ, mʊ tǝmʊn ń mwatɨ dul mʊnɔ gǝm borang, jʊ a bwɨɨ mʊ nɨ mʊ maa borang lɛɨ mʊ maa nyɔ tǝmʊn.

Kolosii 1:15

Nǝn gɔ n jelkalǝng Kwaama wʊnɨ mɨ bǝ kuwo lɛɨ. Nǝn gɔ a laa kanjǝlɔ gwam Kwaama a fwalɨ, dʊʊnɨ.

1 Timoti 6:16

Nǝn gɔ kwaagɔ mɨsɔ bʊla lɛ woi. Yǝm a nyalǝm nɨ mɨ jǝ yɔ lɛ wo nǝn dɔɔmɨ. Gɔ mɨ nǝn nʊ nɨ a kuwo gǝn woi, dwal kuwo gǝn nɛɨ. Dʊʊnɔ jǝbɔ fɔlɔn nɨ mɨ dɨtǝm woi bɛ a yɨ a daa gǝ woi. A daa nyɔ.

Roma 16:26

Jǝ yʊtǝm nɨ ja sʊwa Bʌtʌbɔ gwamɨ. Kwaama nɨ mɨ dɨtǝm woi, a nǝ nǝbkuwotǝmkǝgagɔ diil gɔ ja mʊla a dul fulon kɛl lǝmɨ nɨ, sǝ yooligɔ gwam a jǝla a bwangtǝn Kwaama sǝ ja nǝ bɨlǝngkɛl.

Maajɨ Bɛtɔ Twamagɨɨ 17:29

“Bǝ dʊʊm Kwaamaɨ. A kɛl dul jʊ nɨ ka bǝ bʊʊla lɛ bǝngɔ Kwaama a jelka kaa bawilom, wʊnɨ ja fɛ nǝn kemʌn mʊn, jǝbɔ maalʊ, jǝbɔ tɛl, wʊnɨ nǝfili a fɛ nǝn yʊlan gǝnɨ.

Ibranii 11:27

N gola nǝtǝm bɨlǝngkɛl a bǝla Masarɨ, a nyʊwa bɔ taal nabwɨl fɔlɔgɨɨ. A bwa nǝl maamɔ a kuwo nʊ nɨ mɨ jǝ kuwo lɛɨ.

Matta 5:45

Jǝ́ maa nyɔ sǝ jǝ́ yǝlam bɛtɔ lɔ Tɨya jen nɨ a dʌbʌli, jʊ a bwɨɨ gǝ dǝg dǝg nu kwamagɔ a gwi a dul nǝb bwɨlamɔ gǝm jǝbɔ nǝb nyanɔ, gǝ swiyo swiyo nǝb dǝngdǝngɔ jǝbɔ nǝbɔ mɨ dǝngdǝngɨ gǝm mwɛ.

Maajɨ Bɛtɔ Twamagɨɨ 22:1

“Jǝ́ kɛtǝlamɔ jǝbɔ dʊʊmɔ, jǝ́ kaa lɔl sǝ n sʊwa jen jʊ a bwɨɨ, sǝ n nʊng jen mɨ mǝ nǝn bwɨlangkɛl.”

Markus 10:6

Nǝn tɨkǝga Kwaama a fwal yooligɨɨ, a ‘fɛ balɨ jǝbɔ nɔɔlɨ.’

1 Korinti 1:20

Nǝb yʊlanɔ jǝ na a fee? Nǝb nyǝmtǝmɔ n fee? Nǝb gʊbkatǝm kɛlɔ a dul yooli nɨ n fee? Kwaama a dǝg nyǝmtǝm nǝbɔ yooli nɨɨ a yǝlam jǝ fʌmʌn, mɨ nyɔ ka?