Matta 9:35 - Dadiya NT

³⁵ Nǝngɔ Yesu a kɛla tuulɔngɔ jǝbɔ bɛlɨ tuulɔngɔ gwam mɛla jim lɛ a kantɨn mɛlalɨɨ, kiyo jim fulon kɛl lǝmɨgɔ lɛ a dul fɔlɔn lɔ Kwaamaɨ, gung nǝb twɨlamɔ lɛ jǝbɔ nǝb nɨ mɨ kwamɨgǝnɨ.

Matta 9:35 交叉引用

Maajɨ Bɛtɔ Twamagɨɨ 10:38

Jǝ́ nyǝm fulon kɛl Yesu Bwɛ Nazaratɨ, kanga Kwaama a gul gǝm bwiyel Yʊwa gǝnɨ jǝbɔ kwaanɨ. Jǝ́ nyǝm kanga kɛla lɛ maa maajɨ lǝma lɛɨ, gung nǝb nɨ lɛ Mammɔ nǝ ji gaalan nɛɨ, jʊ a bwɨɨ Kwaama gǝ na dakini jǝbɔ gɔ.

Markus 6:56

Daa nɨ a dɔ wo gwamɨ, bɛlɨ tuulɔngɔ jǝbɔ daltɔ tuulɔngɔ, jǝbɔ bǝlǝntǝmɔ, ja bɛ nǝn nǝb bɔɔlamɔ a daa gǝ woi. Ja kela gǝn gɔ na ga jǝlaɨ, ga bǝla nǝb nɨ a ke nyiyo dwang malǝng gǝnɔ. Nǝb nɨ a maa nyɨɨ, ja nya gungtǝm a twɨla jinɔ gǝm.

Matta 11:5

Kululʌmɔ kuwo daagɔ lɛ, nǝbɔ bʊtɔgɔ a swam swamɨ, yɔ yɔm lɛ, nǝbɔ a mwata mwataɨ a nya lǝma, nǝb nɨ mɨ jǝ nyʊwa lɔl lɛɨ, jǝ nyʊwa kɛlɔ lɛ, nǝbɔ a bʊlaɨ, ja gun, ja kiyo nǝb bʊnǝnɔ gǝm fulon kɛl lǝmɨgɔ.

Luka 13:22

A ta yɔm gǝnɔ bwangtǝn tuulɔtɨnɔ lɛ jǝbɔ bɛlɨ tuulɔtɨnɔ. Nǝngɔ maa jim mɛlalɨgɔ lɛ a gola Urushalimaɨ.

Maajɨ Bɛtɔ Twamagɨɨ 2:22

“Jǝ́ kɛtǝlam mɨ nǝbɔ Israilaɨ, jǝ́ nyʊwa kɛl nɨ. Yesu Bwɛ Nazarat nǝn gɔ nʊ nɨ Kwaama a nʊng gɔ nǝn gɔ gǝ jǝla nǝn gɨɨ. Kwaama a nʊng jʊ nɨ a kanjǝl laatǝm kang, jǝbɔ kanjǝl tatǝm kang a nyiyo, jǝbɔ kanjǝl nʊngtǝm wʊnɨ ga maa a gola Yesui a kʊm jeni, kanga jen tʌjen jǝ́ nyǝmɨ.

Markus 6:6

A ta kang a nyiyo a kɔtǝm nǝtǝm bɨlǝngkɛl jinɔ gǝm. Nǝngɔ kɛla bɛl tuulɔtɨnɔ lɛ kiyo jim kɛl Kwaamaɨ lɛɨ.

Matta 11:1

Yesu a dɨ mɛlatǝm bɛtɔ mɛlalɨ gǝnɔ kʊb jeli yoi gǝm kɛl nɨɨ, nǝngɔ a gun a daa gɔ a shu ya mɛla nǝbɔ gǝm lɛɨ, kiyo jim kɛl Kwaamaɨ lɛ a tuulɔtɨn jini.

Matta 10:1

Nǝngɔ Yesu a jo bɛtɔ mɛlalɨ gǝnɔ kʊb jeli yoi, a nǝ ji fɔlɔn jǝgtǝm nǝblaam fitʌni, gɔ ya ja gung nǝb twɨlamɔ lɛ jǝbɔ nǝb nɨ mɨ kwamɨgǝnɨ.

Markus 1:14

Nǝn kwama ja kubʌl Yohana a lɔsomii, Yesu a dɔ mʊgɔ Galili kiyo nǝbɔ gǝm fulon kɛl lǝmɨ Kwaamaɨ lɛ.