Matta 5:37 - Dadiya NT

³⁷ Jʊtǝb nɨ jǝ́ sʊwa lɛɨ, bɛ a yǝlam ‘Ɔɔ’ jǝbɔ ‘Ɔ ɔ.’ Na a shu nyɨɨ, a jel a daagɔ Mammɔ woi.

Matta 5:37 交叉引用

Yakubu 5:12

Kɛtǝlam mɨ, jʊ a laa jǝlɨ, ka jǝ́ wɛɛl lɛ wɛɛlɨ nǝn dʌbʌl jǝbɔ tǝm, jǝbɔ kaa jǝl nyɔ. Bɛ jǝ́ sʊwa jengɔ, “Ɔɔ” na dǝngdǝngɨ. Jǝ́ sʊwa jengɔ, “Ɔ ɔ” na mɨ nyɨɨ, kage Kwaama a maa jem mwɛl.

Kolosii 4:6

Kwangkwang, bɛ kɛl jenɔ a yǝlam kɛl lǝmɨ jǝbɔ gʊtǝm nǝl nǝbɨɨ, sǝ jǝ́ nyǝm kɛl nɨ a bʊm jǝ́ gar nǝbɔ gǝm lɛɨ.

Kolosii 3:9

Bɛ ka jǝ́ maaka lɛ gabakɛl, jʊ a bwɨɨ jǝ́ kwɛl jǝ́ bǝla yɨm galɨgɔ jǝbɔ maajɨtɨn gǝnɔ.

Yohana 8:44

Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.

Afisa 4:25

A dul kɛl nɨ, bɛ jǝ́ bǝla gabakɛlɔ wo. Bɛ ya jǝ́ sʊwa fatǝm yɨm jenɔ bɨlǝngkɛl lɛ, jʊ a bwɨɨ bǝ jinʌn bʊtɔgɔ win.

2 Tasalonikaɨ 3:3

Tɛlalɔ n nǝ tatǝm swatǝm yaa. Sʊ jem sʊ kwaan. Kɨla jen kɨla a daagɔ nǝ bwɨla nɨ woi.

Matta 13:19

Na nǝl a nyʊwa kɛl a dul fɔlɔn lɔ Kwaamaɨ, nǝngɔ a nyǝm bɨɨ, Mammɔ ba jǝgǝm jǝgǝm jʊ ja kwal a mʊgɔ nǝl nʊ gɨɨ. Wʊnɨ nǝn gɔ dʊʊmɔ a yal a golaɨ.

Matta 13:38

Tɔtwamɔ nǝn gɔ n yooligɨɨ, dʊʊm nyanɔ, nǝn gɔ bɛtɔ lɔ fɔlɔnɨ, yǝlagɔ n bɛtɔ Mammɨ.

1 Yohana 5:18

Bǝ nyǝm nʊ nɨ n bʌtʌm Kwaamaɨ, mɨsɔ ja kǝga lɛ nǝn maatǝm bwɨlangkɛl. Bʊla Kwaamaɨ nǝn gɔ kɨla gǝn nɛɨ. Nǝ bwɨla nɨ mɨsɔ ke gǝn nɛ.

Matta 6:13

Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’

1 Yohana 2:13

Mǝ mʊla jem lɛ jǝ́ tɛbɔ, jʊ a bwɨɨ jǝ́ nyǝm gǝn wo nǝn tɨkǝga a fwaltǝm yooligɔ gǝm. Mǝ mʊla jem lɛ jǝ́ bayǝlǝmɔ, jʊ a bwɨɨ jǝ́ ku jelʌn a dul nǝ bwɨla nɨ. Mǝ mʊla jem lɛ jǝ́ bɛtɔ dwalǝnɔ, jʊ a bwɨɨ jǝ́ nyǝm Tɛtɛ.

1 Yohana 3:12

Ka bǝ yǝlam lɛ na Kayinu, nʊ nɨ a yǝlam a mammɨ, a jʌ kɨla gɨɨ. N wɛ a bwɨ a jʌ gǝnɨ? N kɛl dul maajɨ gǝnɔ wʊnɨ na a bwɨlaɨ, a kɨla gɨɨ n maajɨ dǝngdǝngɨ.

Yohana 17:15

Mǝ maa bɔ keli mǝʊ ń dem ji a yooli nɨ. Mǝ kela ń mǝʊ ń kɨla ji a daagɔ Nǝ bwɨla nɨ woi.

Matta 15:19

Bʊʊlalɨ bwɨlagɔ gǝ jel a mʊgɔ nǝl, jǝbɔ jʌtǝm dul, jǝbɔ bulon, jǝbɔ bwɨlan, jǝbɔ kuul, jǝbɔ nǝtǝm nyiyo gabakɛl jǝbɔ kaltǝm dun nǝbɨɨ.

Matta 5:36

Ka ń wɛɛl lɛ wɛɛlɨ nǝn dul mʊnɔ, jʊ a bwɨɨ mɨ mʊ nǝn kwaan ń dǝg yitʌn dul mʊnɔ win a yǝlam a fulo jǝbɔ a filii.

Afisa 6:16

A sʊtǝnɨ, bɛ nǝtǝm bɨlǝngkɛlɔ a yǝlam kʊsa jen, wʊnɨ jǝ́ dwal lɛ jǝ́ dum ben kǝla bʊgɔ nǝ bwɨla nɨ nǝnɨ.