Matta 5:19 - Dadiya NT

¹⁹ Nʊ nɨ a mǝla bɛ diilɔ win a mʊgɔ diiltɨnɔ gǝmɨ, a mɛla nǝbɔ gǝm nyɨɨ, jǝ sʊwa gǝn gɔ nǝn gɔ ga maa dǝm a mʊgɔ fɔlɔn lɔ Kwaamaɨ. A nʊ nɨ a bwangtǝn a mɛla jimi, jǝ sʊwa gǝn gɔ nǝn gɔ gǝ nǝ dʊʊɨ a fɔlɔn lɔ Kwaamaɨ.

Matta 5:19 交叉引用

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

Matta 11:11

N bɨlǝngǝn mǝ sʊwa jen nɛɨ, ja lǝga bɔ ja bʌ kaa nǝl a yooli nɨ, wʊnɨ a laa Yohana nǝ Yʊtǝm mwɛ Sagsagɨɨ. N sʊwa jen, nʊ nɨ a dwal a fɔlɔn lɔ Kwaamaɨ, a laa gǝn.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Dʊgam Nyangnyang 2:20

“Jʊ mʊ maa bɔ dǝngdǝngɨ n wɔ. Ń kʊ nǝl nǝn Yezebel, nɔɔlɨ nɨ do dul gǝnɔ lɛ gɔ gǝ nǝkuwotǝmkǝgaɨ. Mɛla jwaalɛb mǝndɨ gǝm lɛ, swag ji lɛ gɔ ja maa bulon. Swag ji lɛ tag gɔ ja ja jǝjalǝn nɨ ja tǝlam shomtɨnɔ gǝm twamaɨ.

Roma 6:15

Bǝ maa nyǝn? Bɛ bǝ maa bwɨlangkɛlɔ jʊ a bwɨɨ diilɔ mɨ nǝn kwaan a dul bǝn, n lǝma Kwaamaɨ nǝn kwaan a dul bǝnɨ ka? Ɔ ɔ, mɨ wo dǝm!

1 Timoti 6:11

Mɔ bwɛ jwaalɛ Kwaamaɨ, bɛ ń mwal bwɨlang kanjǝl nɨ. Bɛ ń dǝg dul mʊnɔ a maajɨ nɨ dǝngdǝngɨ, jǝbɔ bwangtǝm Kwaamaɨ, jǝbɔ nǝtǝm bɨlǝngkɛl, jǝbɔ swɨkan, jǝbɔ kʊtǝm nǝl, jǝbɔ yʌbtǝm dul.

Roma 6:1

N wɛ bǝ sʊwa lɛɨ? Bǝ ja kǝga nǝn maatǝm bwɨlangkɛlɔ, sǝ lǝma Kwaamaɨ a sʊtǝn ka?

1 Bitrus 5:4

Na Fɔlɔ Nǝ Tɔɔtǝm kwamɨ nɨ a bɛɨ, jǝ́ nya nya dwang dul dʊʊn nɨ mɨsɔ dumo lɛ woi.

Luka 11:42

“N mwɛ jen, jǝ́ nǝbɔ Farisaɨ! Jǝ́ nǝ Kwaama win a mʊgɔ kʊb a mʊgɔ kanjǝl geggeg jenɔ jǝbɔ tangǝn yamtɨnɔ a yaa jenɔ gǝm. Jǝ́ kɔ maatǝm borang dǝngdǝngɔ jǝbɔ swɨtǝm Kwaamaɨ. N kanjǝlɔ a bʊm na jǝ́ maa lɛɨ, ka jǝ́ bǝla lɛ maatǝm kǝtǝn kanjǝlɔ tag.

Matta 19:28

Yesu a sʊwa ji gɔ, “N bɨlǝngǝn mǝ sʊwa jen nɛɨ, yooligɔ bɛ lɛ wo, n kwama Bʊla Nǝlɨ yɨm lɛ a kotere fɔlɔn dʊʊn gǝn a maa fɔlɔnɨ, jen nɨ jǝ́ bwang mɨɨ, nǝjen jǝ́ yɨ lɛ a kotere fɔlɔn nǝbɔ Israilaɨ nɨ kʊb jeli yoi. Jǝ́ maa maa fɔlɔn nǝbɔ Israilaɨ nɨ kʊb jeli yoi.

Roma 3:8

Na gǝ na nyɨɨ, bɛ ya bǝ maa jǝ bwɨla lɛ, sǝ a yǝlam bǝm gola nyatǝm jǝ nya, kanga kaamɨ gǝ kǝl nǝm lɛ gɔ nǝ sʊwa nyɨɨ ka? Biyotǝm borang nɨ jǝ maa nǝb nɨ gǝm lɛɨ n dǝngdǝng.

Maajɨ Bɛtɔ Twamagɨɨ 1:1

Tiyofalas, a langǝn bwangǝn tɨkǝgagɔ, mǝ mʊla mʊn a kanjǝl nɨ Yesu a tǝl maatǝmɨ, jǝbɔ kanjǝl nɨ a tǝl mɛlatǝmɨ,

Luka 9:48

Nǝngɔ a sʊwa ji gɔ, “Nʊ nɨ a yo bwɛ dwalɨ na wʊnɨ nǝn dun mɨɨ, nǝmǝ ga yo ii. Nʊ nɨ a yo ii, a yo nʊ nɨ a twam ɨɨ. Nʊ nɨ a dwal a kʊm jeni, nǝn gɔ n dʊʊɨ.”

Luka 1:15

Yǝlam nǝ dʊʊ a kǝga Kwaamaɨ. Mɨsɔ nɔɔ bʊgɛ lɛ jǝbɔ jʊ nɨ maa gǝn nɛɨ. Jʊ a ta nǝn kwama nɨ a fʌl nɛnɛ gɨɨ, Yʊwa Kwaamaɨ gǝ na jǝbɔ gɔ.

Matta 20:26

Ka yǝlam lɛ nyɔ a kʊm jen. Na nʊ nɨ swɨ lɛ a yǝlam dʊʊ a kʊm jeni, bɛ ga yǝlam bwɛ jwaalɛ a kʊm jen.

1 Yohana 3:4

Gwam nʊ nɨ maa bwɨlangkɛl lɛɨ gǝ kǝl diil. Maatǝm bwɨlangkɛlɔ n kǝltǝm diil.