Matta 26:10 - Dadiya NT

¹⁰ Yesu a kwɛl a nyǝm jʊ ja sʊwaɨ, nǝngɔ a sʊwa ji gɔ, “N wɛ a bwɨ jǝ́ kom nɔɔlɨ nɨ lɛɨ? N jǝ nya a maa mɨɨ.

Matta 26:10 交叉引用

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Titus 3:14

Bɛ nǝbam bǝnɔ a mɛla kwaan maatǝm maajɨ nya a tɨkalɨ komtǝm nǝbɨɨ, kage ja yɨ bwɨlang yɨm nǝn kwan.

Titus 3:1

Bɛ ń bʊʊla nǝbam mʊnɔ gǝm ya ja nǝ nǝb maatǝm borangɔ jǝbɔ nǝb fɔlɔnɔ dʊʊn nɛ. Ya ja bwangtǝn kɛl jinɔ lɛ. Ja yɨ nǝn fɛkalɨ maatǝm maajɨ nyan.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Titus 1:16

Jǝ sʊwa nǝn nyiyo gɔ jǝ nyǝm Kwaama, a gola maajɨ jinɔ gǝm, ja kana nyǝmtǝm gǝnɔ. Ja yǝlam jǝ yǝlatǝm nǝl. Mɨ jǝ bwangtǝn Kwaama lɛ. Mɨ ji nǝn bʊmǝn wo dǝm a gola maajɨ nyan.

2 Timoti 2:21

Nʊ nɨ a saalǝm dul gǝnɔ a kanjǝl nɨ kal gǝn nɛɨ, yǝlam yǝlam nǝ maajɨ nyan, nǝ sagsag, nʊ nɨ Tɛlalɔ maa maajɨ lɛ nǝn gɨɨ, a fɛka sǝ a maa maajɨ nyan gwamɨ.

1 Timoti 5:10

Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

1 Timoti 3:1

Kɛl bɨlǝngkɛlɔ n wɔ, nʊ nɨ a ya nǝl gɔ gǝ dʌng dʌng mʊrkalɨ nǝb bwangtǝm Kwaamaɨ, saa maajɨ nyan nɛ dangǝn.

2 Tasalonikaɨ 2:17

a kʊʊ jem nǝl, a nǝ jen kwaan bʊtɔ tag a gola maajɨ nyan jǝbɔ kiyotǝm kɛl.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Afisa 2:10

Bǝn bǝ kanjǝl maajɨ Kwaamaɨ. A fwal bǝn a mʊgɔ Kiristi Yesui, sǝ bǝ maa maajɨ nyantɨn nɨ Kwaama a fɛka nǝn tɨkǝga gɔ bǝ maaɨ.

Galatiya 6:17

A kǝga nɨ ka kaa nǝl ya yǝla lɛ a kom i tag, jʊ a bwɨɨ a bʊtɔ mɨ kʊlan dɛɛltɨnɔ wo nʊng lɛ gɔ mǝ bwɛ jwaalɛ Yesui.

Galatiya 5:12

Nǝb nɨ yǝla jem dul lɛ a kɛl dul biyotǝm mwɛnɨ, na mǝ swɨ swɨ jǝ yǝlam batǝm nɨ mɨ a lɔɨ!

Galatiya 1:7

Mɨ kaa fulon kɛl lǝmɨ wo. Kaam nǝbɔ swag jen nɛ, jǝ swɨ lɛ ja kal fulon kɛl lǝmɨ Kiristii.

2 Korinti 9:8

Kwaama nǝn kwaan a nǝ jen a laa jʊ jǝ́ saa lɛɨ, dɨsɔ jǝ́ yǝlam nǝb nyatǝm kwangkwang nǝn kanjǝlɔ a golantɨnɔ gǝm gwam, sǝ jǝ́ dem kang a nǝtǝm jenɔ gǝm a maajɨ nya gwam.

Markus 14:6

Nǝngɔ Yesu a sʊwa gɔ, “Jǝ́ bǝla gǝn wo. Wɛ a bwɨ jǝ́ kom gǝn nɛɨ? N dǝngdǝng a maa mɨɨ. A maa mɨ jǝ nyan.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

Matta 26:9

Nwang nɨ na ja miyo gǝnɨ, jǝ nya nya kemʌnɔ a lada ja nɨ nǝb bʊnǝnɔ.”

Matta 26:11

Nǝb bʊnǝnɔ jǝ na jǝbɔ jen kwangkwang. N ke bɔ kwangkwang mǝ dakini nǝbɔ jeni.

Luka 8:49

A dɨ bɔ kɛlɔ a nyiyo gǝnɨ, nǝngɔ kaa bwɛ twama a jel a lɔ Yayirusi, nǝ dʊʊ kan mɛlalɨgɔ, ba sʊwa Yayirus gɔ, “Bwɛnɔɔlɨ mʊnɔ a bʊla. Bɛ ka ń nǝ lɛ feyigɔ gaalan.”