Matta 24:31 - Dadiya NT

³¹ Twam twam bɛtɔ twama gǝnɔ sǝ ja guu jum nɨ nǝn diil dʊʊn, sǝ ja mʊr nǝb nɨ ja jǝgamɨ, jʊ a tǝl a twal a bɛ nǝn a diyengi, jǝbɔ gǝlalǝng a bɛ nǝn a gwilʌngi, jʊ a tǝl a dʌbʌl kwama a yɔ nǝn a kaa gwanga a dʌbʌl kwamaɨ.

Matta 24:31 交叉引用

1 Tasalonikaɨ 4:16

Jʊ a bwɨɨ Tɛlalɔ nǝn dul gǝn gǝla gǝla a dʌbʌl kwama nǝn jotǝm jangajǝng nǝn kwaan, jǝbɔ diil dalɨ bwɛ twama Kwaamaɨ jǝbɔ guutǝm jum Kwaamaɨ. Nǝb nɨ a bʊla a mʊgɔ Kiristii, nǝji jǝ tǝl guntǝmɔ lɛɨ.

Markus 13:27

Twam twam bɛtɔ twama Kwaamaɨ sǝ a mʊr nǝb nɨ ga jǝgam ji a twalɨ, jǝbɔ a diyengɔ, jǝbɔ a gǝlalangɔ, jǝbɔ a gwilʌngɔ. Jʊ a ta a daa tǝmɔ a dɨlǝmɨ a yɔ nǝn a daa dʌbʌl kwamagɔ ya dɨlǝmɨ.

1 Korinti 15:52

Bwɨ bwɨ nyɔ tʌgo a kang, na kʊmtǝm nu, a nyʊwatǝm guutǝm jum na gulɔ. Jǝ guu guu jumɔ, Kwaama gung gung nǝbɔ a bʊlalaɨ nǝn bʊtɔ nɨ mɨsɔ bʊta lɛ woi. Kwaama fʌto fʌto bʊtɔ bǝnɔ.

Matta 13:41

Bʊla Nǝlɨ twam twam bɛtɔ twama Kwaamaɨ ja mʊr nǝbɔ gwam a dǝg nǝbɔ maatǝm bwɨlangkɛlɨ, jǝbɔ nǝbɔ maa bwɨlang jǝl lɛɨ, sǝ ja jǝgǝm ji a fɔlɔn gǝnɔ gǝm.

2 Tasalonikaɨ 2:1

Kambɔ, a kɛl yǝlatǝm Tɛlalɔ bǝn Yesu Kiristii, jǝbɔ mʊrkatǝm bǝnɔ sǝ bǝ tǝgaka bǝnɔ gɨɨ, nǝn kela jen nɛ,

Afisa 1:10

Jʊ nɨ pʌd n fɛkalɨ Kwaamaɨ, sǝ na kwamagɔ a laɨ, kanjǝl nɨ gwam mʊrka a daagɔ Kiristi woi, kanjǝl nɨ a dʌbʌl kwamaɨ, jǝbɔ kanjǝl nɨ a tǝmɨ.

Yohana 11:52

Yesu mɨsɔ bʊla lɛ a dul Yahudawagɨɨ kwaaji. Bʊla bʊla tag, sǝ a mʊr bɛtɔ lɔ Kwaamaɨ wʊnɨ ja kwɨya tǝmɔ nǝn kwanɨ, sǝ ja yǝlam win.

Matta 25:31

“Nǝn kwama Bʊla Nǝlɨ bɛm lɛ a mʊgɔ dʊʊn gǝnɔ gǝm jǝbɔ bɛtɔ twama Kwaamaɨ gwamɨ, yɨ yɨ a kotere dʊʊlǝn fɔlɔn gǝnɔ gǝm.

Dʊgam Nyangnyang 7:1

A gulɔ gǝmɨ, n kuwo bɛtɔ twama Kwaamaɨ naal tɨm a gol lɔngɔ naal na yooli nɨ, ja ta yʊwatɨnɔ naal na yooligɔ, kage yʊwagɔ a fǝ tǝmɔ jǝbɔ wɨmagɔ jǝbɔ tɨyantɨnɔ.

Dʊgam Nyangnyang 8:2

Nǝngɔ la mǝ kuwo bɛtɔ twama Kwaamaɨ nɨ nʌbʌli jǝ tɨm a kǝga Kwaamaɨ, ja nǝ ji jumtɨnɔ nʌbʌl.

Roma 10:18

Mǝ bʌ kɛl lɛ, “Ja nyʊwa bɔ ka?” N bɨlǝngǝn ja nyʊwa. Mʊlalɨgɔ a sʊwa gɔ, “Diil jinɔ a yiim yooligɔ gwam. Katɔ jinɔ a la gol yooligɔ.”

Matta 28:18

Nǝngɔ Yesu a yɔ nǝn dɔɔm a sʊwa ji woi gɔ, “Kwaama a nɨ ɨ fɔlɔnɔ gwam a dʌbʌl jǝbɔ tǝm.

Matta 24:22

Na ja mwatɨm bɔ kumtɨn nɨɨ, na mɨ nǝfili nɨ wo bʊʊ lɛɨ. Jʊ a bwɨ ja mwatɨm kumtɨn nɨɨ, n nǝb nɨ ja jǝgamɨ.

Dʊgam Nyangnyang 11:15

Nǝngɔ bwɛ twama Kwaamaɨ na nʌbʌlɔ a guu jum gǝnɨ. Nǝngɔ ja nyʊwa kaam diiltɨn nǝn kwaan a dʌbʌl kwama sʊwa lɛ gɔ, “Fɔlɔn yooli nɨ a yǝlam fɔlɔn Tɛlalɔ bǝnɨ jǝbɔ a Kiristi gǝnɨ, nǝn gɔ maa fɔlɔn nɛ mɨ dɨltǝm woi.”

Luka 24:47

A mʊla mʊlaɨ tag gɔ, jǝ kiyo kiyo nǝbɔ gǝm kɛl Kwaamaɨ gwam a mʊgɔ dun gǝn sǝ ja yǝla ja bǝla bwɨlangkɛl jinɔ, sǝ ja kǝlǝm bwɨlangkɛlɔ a tǝmɔ gǝm gwam, jǝ tǝl a Urushalima.

Dʊgam Nyangnyang 1:20

Kɛl nɨ ja yʊ na nyanyamɨtɨn nɨ nʌbʌl mʊ kuwo a mʊgɔ kang jajǝng mǝndɨ jǝbɔ daatɨn swatǝm fitila nɨ nʌbʌl na mʊntɨnɨ gǝ nʊng: Nyanyamɨtɨn nɨ nʌbʌli n bɛtɔ twama Kwaamaɨ nʌbʌl a mʊrkalɨ nǝb bwangtǝm Kwaamaɨ nɨ daatɨnɔ nʌbʌli. Daatɨn swatǝm fitila nɨ nʌbʌli n mʊrkalɨ nǝb bwangtǝm Kwaamaɨ nɨ daatɨnɔ nʌbʌli.”

Matta 24:24

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Matta 24:32

“Bɛ jǝ́ mɛla kaa jǝl nǝn tɨya dʌfengɔ. Na kangtɨn gǝnɔ a tǝl to langǝn fɨgɔ lɛɨ, jǝ́ nyǝm shenagɔ a dwama.

Ibranii 12:19

a yɔ nǝn a guutǝm jum, jǝbɔ kaa diil nɨ sʊwa kɛl lɛɨ, nǝb nɨ a nyʊwaɨ ja kela gɔ jǝ swɨ bɔ jǝ nyʊwa kɛl nɨ tag.